石屋咖啡冰室

營業中

休息中

放假想清靜下，好好抖一抖🤡決定去九龍城偏少少既石屋☕冰室食個下午茶，隱藏在九龍城侯王古廟對面的大樹下，佢係一間以社企形式營運既經典懷舊餐廳，感覺好似置身歷史場境用餐🍴，好有風味😍室外有露天茶座，唔太熱時可以坐出面望住石屋曬曬🌞吹吹風～石屋內亦設有懷舊設計既座位✨試左個手撕豬肉🍔，整得好似墨西哥口味，食落唔會乾身，薯條🍟都係新鮮炸起，贊❣️＋＄10配左杯Latte，唔可以話好香，不過不失啦！另外，仲點左個Affogato🤤咖啡配雪糕就岩曬呢d大熱天氣啦🌞重點係呢個只須＄38❗係咪好抵呢⁉️✨俾＄買野食時，咁樣先＄128，仲要再送多＄120quopon俾我地下次用😱太抵了吧❗💓珍貴的歷史遺址，值得我地好好支持⭐

初次嚟到，冇諗過地方咁好，只不過咁啱嗰日落雨，加上天氣又熱，冷氣又唔夠，如果秋天嚟感覺會更加好食物種類方面唔多，但係睇得出好有誠意，叫咗個煙三文魚班尼的蛋，味道雖然冇乜驚喜，感覺係好嘅，雞蛋有留心嘅感覺，加埋個醬汁，配一杯蘋果汁，感覺唔油膩，仲有外面嘅環境，極好。另外在叫咗個三文治，配咖啡，反而咖啡係好過三文治。今時今日，喺密集嘅環境裏邊，搵到一間舒適嘅咖啡室，真係唔容易，寧靜咁享受個下午茶，加埋美味嘅雨聲，真係一個舒適嘅環境

在烈日當空下，來到石屋咖啡冰室，別以為我們會選擇坐在室內有空調的地方，我們卻挑了在院子裏休閒地吃下午茶。餐廳貼身地在附近安裝了風扇，放置了臨時小亭子，微風吹來，不覺得很熱。我們叫了兩個餐一個是全日早餐、一個是水煮蛋煙三文魚配迷你沙律、榛子咖啡及草莓特飲。煙三文魚很新鮮，伴着蛋漿一起吃，味道更吸引。全日早餐的份量也不少，香腸好吃。另外，草莓特飲不是太特別，但坐在這麼好的環境下，還是加了分。整的感覺很舒服，值得一來。

平時星期六起身之後就會想自己出去食個早餐 去過幾次石屋 成間咖啡店有室內室外，室內啲位置唔會好窄，室外位置好多好空曠 亦好舒服。早餐種類都幾多可以揀 試過班尼迪蛋配煙三文魚加英式鬆餅 加中杯Latte 同埋全日早餐 有牛角包炒蛋煙三文魚茄汁豆雞肉腸煙肉 早餐價錢都係40幾-50幾 所有早餐都可以跟野飲 加多10蚊就可以換咖啡☕️ 因為依家出面食個brunch都唔止幾十蚊 所以呢個價錢絕對係抵食既 食物亦都唔差🧡覺得下次可以再去試下佢既蛋糕同意粉☺️

呢度係富有歷史建築嘅一間活化餐廳食物方便唔可以有太多期望但係咖啡係唔錯嘅食物選擇類別唔多味道亦唔係太特別, 價錢大眾化如果想黎chill下可以坐室外位置， 嗰日幾涼快又有太陽傘幫你遮蔭

這個疹情令香港食店生意真的好差，上網介绍看这間位于九龙城区嘅咖啡店就来试试，但好惨水靜河飞的，既然嚟到就试一下！食得英式早餐我一定叫Egg Benedict 餐 (除非無)$48，掂唔掂😌？⋯⋯ 當送上咖啡☕️時真的驚喜，因覺得跟餐咖啡通常唔多掂，但不單夠熱而且味道好香，不可不讃⋯⋯👍🏻👍🏻👍🏻所以期待我份早餐☺️，當一送上我通常一定先看 “蛋🥚”煮得如何，因为Egg Benedict 主要是蛋，非常失望😞蛋跟本就不是那回事，2份蛋都是超生及已蛋汁穿在汁里🥵而3份早餐都是凍的😤我地到逹到离开都只得我们一枱客，有乜可能即叫即做嘅早餐会是凍的…… 非常失望及不打算再來👎🏻👎🏻👎🏻👎🏻👎🏻

成日想試 🍽次次都撞正星期一我先放假 終於今次嚟到啦😂😂😂入到嚟 好中意呀系懷舊老香港嘅味道 仲有戶外位置 不過當然室內係比較靚同打卡位多啲 嚟到啱啱好2:30有得叫下午茶 我哋就叫咗一個all day breakfast 🥓🍳同菠菜蘑菇意粉 🍝加一份下午茶芝士蛋糕 🍰佢每一個餐都會跟一杯即磨咖啡或者伯爵茶 或者可以選擇橙汁同蘋果汁 🧃再叫多一份雞翼佢呢度一份全日早餐$58 以呢個價錢來講算係唔錯 有炒蛋多士或者牛角包🥐焗豆煙肉腸仔煙三文魚 芝士蛋糕基本上比朱食曬 雞翼一份有六隻 夠曬入味 最正其實都係呢度個環境 好多舊香港以前懷舊嘅用品 大家有冇其他懷舊嘅餐廳可以介紹比我😝😝😝

位於九龍城的聯合道，位置在侯王廟對面、民生書院旁邊就會見到《石屋家園》，位置其實都好易找到，今早特意早起床來食個早餐，冰室營業時間早上8點至下午6點，但注意逢星期一休息石屋的環境真是一個人間淨土，用餐位置可於戶外或戶內，今早正在下雨，唯有坐在戶內，早上時段都只有少量客人，環境夠晒寧靜，可以寧靜又舒適食個早餐石屋家園位於九龍城，是二次世界大戰後安置基層百姓的徙置區，從前曾名為侯王廟新村、荔枝園或何家園。主要以石頭為建築材料的石屋家園已被列為三級歷史建築物。先講下環境的裝潢，可以見証到店中保留了香港文化古跡，六、七十年代舊式電話、舊唱機、電影掛畫、舊皮喼、木桶、舊啟德機場的相片等，讓你感受到昔日舊香港的情懷店中的早餐選擇都多，沒有另加一服務費，都是平均消費四十幾元至五十幾元，飲品可以有細、中、大的份量供應，我又晤想食太多，所以沒有點選擇deluxe, 只有選擇了一份classic breakfast(煎蛋、煙肉、焗豆及多士)，另加$5轉中杯即磨咖啡，咖啡豆是mix blend ,有三個產地分別哥倫比亞、巴西及洪都拉斯，我見店中都有炒豆機，都相信是自家品牌的咖啡豆，飲落香氣比較弱，幸好質感

在九龍城聯合道竟然有一個人間淨土叫做石屋家園早餐價格單叫這個煙三文魚比高飽42$雖然沒有茶或咖啡但仍然有人客order 午餐牌應該午飯時間人多些因為附近都有人返工下午茶餐牌火腿芝士牛角包餐-牛角包是烘焙過：熱的38$包一杯奶茶西餐奶茶都係普普通通😅唔會太驚喜反而即磨咖啡就幾好起碼即磨又無加一這石屋家園好靚環境優雅：如果有時間去歎一個悠長下午茶比較大家樂大快活式快速地方對香港人應該係非常享受的一個選擇（園內更有除蚊機）

⭐️由樂富地鐵站行去九龍城既途中，見到呢間餐廳，有室外、室內位置揀⭐️叫左煙火腿芝士Bagel配沙津($48)⭐️Bagel 無咩特別，唔好expect係手造Bagel⭐️成個Bagel都充滿住沙律醬既味道，因為Bagel上下兩層都搽哂沙律醬，搶埋芝士/ 煙火腿既味道，加埋沙律上面同一種既醬汁，呢個餐主要特色應該就係沙律醬⭐️手撕豬肉漢堡($65)配薯條⭐️手撕豬肉偏向係墨西哥口味，薯條都係新鮮炸起，唔錯⭐️Menu都有其他All Day Breakfast既選擇，無加一，價錢合理⭐️性價比OK🎈Ordered a ham and cheese bagel with mini salad ($45). Putting too much salad sauce into the bagel, which overrode the ham/ cheese.🎈Pork burger, more of a mexican style, fries freshly made. ($65)🎈Other lunch choices include all day breakfast, of reasonable p

環境氣氛唔錯價錢亦好合理。叫咗一個all day breakfast搭同一個Egg benedict. 味道都唔錯性價比高。喺疫症肆虐嘅日子入邊都係幾多人幫襯。之後再加錢要左兩杯咖啡，味道好好估唔到仲有拉花，十分值得一試。

近延文禮士道，民生書院附近，這石屋餐廳亦似乎跟隨帶點文藝氣息。經過多次聯合道，總停不下腳步進去，硬是覺得好像很封閉的一間餐廳，似只招待會員那種。今日這前景不明的氣氛底下，終於按捺不住要闖進去。有點像我幾年前去上水古洞經過一間餐廳，有室外室內，因想伺機參觀，所以入內吃。形式是先付款點餐，自行去舖盡頭架子拿所需餐具，而後店員送餐來。店內是漆了多種顏色的鐵枱鐵椅，有些疑似七八十年代的裝飾物品，鑑於疫情悄悄遞增，枱上亦貼有溫馨提示提醒用餐前清潔雙手、口罩勿放枱上職員不會幫忙收走云云。晚6時就打烊，所以勿打算來晚餐。我是特喜歡流流蛋，所以必點是 三文魚班尼迪蛋，就愛切開那蛋黃哥流出來的治癒（這陣子確實十分需要療癒感！）。最搞笑是點 熱朱古力奶，真的給個 豬頭🐷給我，認真會心微笑😊！

今日星期六，老婆話想黎呢間石屋行下 我以為係行下公園，估唔到有間coffee shop今日天氣有啲凍，喺門口係有少少凍嘅見佢有暖爐，不過冇開但係最主要坐返入去嘅原因係隔離枱個女人講野好大聲呢度採取嘅係平排枱嘅方法所以私人空間就無乜 我就飲完茶先嚟，所以就冇食嘢嗌咗杯即磨咖啡同埋一杯 breakfast tea兩樣都做得唔錯 主要想講係價錢都真係平，27蚊一杯睇到佢餐牌食嘢都唔係特別貴下次會嚟試下 不過呢度交通就一般般便利但係都係呢個原因，呢度就唔會有好多人再唔係你買個外賣，在附近公園都有位坐嘅反而喺附近公園坐，我覺得傾計仲好過坐喺餐廳

是咁的，今時今日，賣相重要過一切，影到一張靚相放上網，食緊咩都無所謂，所以石屋絕對值得黎打卡，古式古鄉既建築，夠你影成個鐘。。。見到個建築咁鬼靚，滿心期待行入餐廳內繼續打卡，點知，哈哈，金玉其外不過如此，店內裝修不敢恭維，最唔掂係啲枱櫈，果張圓櫈一定係為咗趕客，唔想你打躉太耐而設既咁寫食評，點都要寫番啲食物既，雖然黎呢度食野，食物堅係其次 。。。首先，佢啲食物係抵食既，假日lunch set，都係4十幾至5十幾蚊，包飲品，一份Egg Benedict with Smoked Salmon 加迷你沙律包飲品，都係$58，比起好多其他cafe，一杯咖啡要$30＋，Egg Benedict 要$70+，認真抵食拿，我話抵食咋，無話好食架，但唔難食囉，一般水準，其他仲食咗照燒雞翼（$48）、芝士蛋糕（$48）、焦糖班戟（$48）等，全部一般總結：室外環境打卡一流，食物抵食，應該支持一下呢啲懷舊保育既餐廳，好評

這間早餐店, 值得一來. 在公園內有一間早餐店, 可以坐店外, 店內, 還有二樓的. 當天二樓暫時未開放. 星期日, 早上十點來到, 有位置的, 大部分人都選擇室外. 客人大多帶同小朋友。早餐選擇很多很多, BAGEL, PANCAKE, 牛角包, 也有大滿足的BIG BREAKFAST. 跟餐有咖排, 紅茶, 橙汁和蘋果汁選擇.班尼迪蛋配煙三文魚+英式鬆餅三文魚大大片性價比OK的加錢飲了一杯朱古力朱古力都拉花. BIG BREAKFAST忘記影相. 但炒蛋, 不是炒蛋, 像煎蛋皮一樣. 其他都ok來這里食個早餐, 有點遠離凡囂的感覺. 富有空間感, 大自然感, 很舒服的一個地方. 室外不用擔心太曬. 每枱上都有太陽遮的.