石卵燒烤達人 (已結業)

侍應拿了一盤好似滿載石春鋪唔滿個爐的鍋過來, 根本就放唔到幾多食物上去, 而且感覺不衛生. 味道很一般, 這個方法不會特別好食只會不熟.食物種類少得腸仔, 丸類, 雞肉類, 肥牛, 多春魚, 金菇, 而且整極都唔會熟, 因為佢D石春本身係冇預先加熱到, 只係靠一個小爐去加熱.因為食材本身是劣等，味道很差，就算什麼特別方法都只是一般平凡的難食料理，而且石頭粒的缺點就是不夠熱，一片肉可以有些熟有些生.肥牛脂肪很多，烤完得個油，肉鞋不好食. 雞肉不新鮮，味道不好. 多春魚太瘦，苦苦的. 其他肉類都好似放好耐般，不易入口.肉類味道淡而不鮮, 石春勁易痴底, 又多煙, 抽風系統形同虛設, 飲料很貴而且很難飲. 收費不平宜而且很多附加費, 不值得.

今晚兩個人九點半左右上到去, 見裡面都好多人。 起初侍應安排左裡面一張臺俾我地, 但由於感覺好似都幾大油煙, 而且見到露台那邊有空臺, 就轉去那邊。之後侍應拿了一盤好似滿載石春的鍋過來, 但實際上完全鋪唔滿個爐, 根本就放唔到幾多食物上去, 後來叫佢加d, 佢就唔知o係邊攞左只係3小塊白色的石春過來, 仲要係就咁用手拎住, 完全一d衛生都冇。食物種類少都算la, 仲要o係整極d野都唔會熟, 因為佢d石春本身係冇預先加熱到, 只係靠一個小小的gas 爐去加熱。結果我地兩個人只係食左兩件小雞肉, 同一兩塊午餐肉就走, 因為其他野真係等極都唔熟, 連最易熟o既魷魚煮左超過二十分鐘都完全冇起色......埋單兩個人$193 (order 左一杯飲品)* 不過值得一提係依間野都唔知佢有冇攞到食肆牌, 同埋唔知過唔過到消防條例

呢日有朋友生日 平平地試下呢間野點知 一肚火 d野食極少款,, 係d c子狗呀, 蟹柳果d廢奶野食有d好似好okay既海鮮 一碟38蚊!!我地緊係唔試la 之後見老細都有sell其他人 冇人肯要我地7個人 如果唔係出聲同佢講 就只係得一個爐 一個gas爐講左之後,, 老細個呀媽就好人想畀多個爐set好哂之後 老細先話唔畀 因為整到好大煙 幫我地轉左個hotpot仲話畀d秘製醬我地 初時都覺得ok 但原來只係佢求其溝出黎 個湯底完全冇味!!都算! 咁正題係石春燒烤 D石春勁易痴底 又多煙 抽風系統形同虛設 個FD食煙都食飽呢度冇飲品提供 畀你飲佢D野極難飲呀果D野飲 係果醬溝出黎的 又貴 跟本唔值15蚊呢個價環境: 好似無牌食肆咁 佢叫人開細d個火 擺明係怕d防火裝置sense到 佢應該未合符到消防條例的同埋d table 好dirty 好似冇清理過咁收費: 超唔抵 唔好畀68蚊任食昆左上去68蚊 + 12蚊醬料(完全唔值呢個價) + 加一 但你去到 通常會叫野飲,, 15蚊.. 我地7人 total 790蚊!! 唔抵.. 上到黎睇到d comment 原來咁差,, 收費方面不嬲都係昆

之前跟媽媽行街的時候就發現了他們店的廣告牌了看到是用燒熱了的石頭做底,除了特別之外還有點懷念的感覺記得小時侯吃過石燒牛肉之後就沒機會試了現在找到相似的當然急不及待的找朋友們去開飯我們7點左右去到,那時他們應該是剛剛開鋪,東西都還未準備好但也細心的先讓我們入座,等了十五分鐘左右我們就開始開餐了!一開始老闆先叫我們選自己喜愛的調味料,然後幫選好了的食物自行調味最可讚的是調味料選擇出奇的多,更特別的是有孜然粉呢!!我們最先也跟著做,但後來發覺這樣做很易令石頭出現炭屎,所以最終還是燒好再調味 食物種類他們說會有幾十款,可是他們的出菜速度很慢,來來去去都只有幾款隨著時間的流動,上來吃石頭燒的人也漸漸地愈來愈多可惜食物都還是那幾款,腸仔、丸、雞肉、超級肥的牛,而且份量是極少的平均一桌有3-4個人,每人幾件都足以將整檯食物掃光 這個真的要改善呢!再來就是石頭遇到太大火會彈出來,既不能快燒快食,又不能拿到更多食物,計起來還是不太抵!因為雖說是六十八元一位,但又加一又加醬料費再加自費叫的飲料,其實都要接近一百元一位以這個價錢來吃腸仔魚蛋,我倒不如多加數十元去食韓燒可能是新開業,還未能完全掌握到技巧,所以

真係好差…話說早幾日個FD生日佢話之前係依到睇到話旺角新開左間石卵燒好似好評都有幾多下而之前佢去台灣果時又未見過咩叫石卵燒話想平平地上去試下wo咁好啦~生日果個話事我地一行4個人就上左去啦點知就咁令到我們有一個好不愉快既經驗環境:其實一上到去果剎那真係比佢嚇親…估都估唔到佢身為一間鋪頭但居然係開係一個住宅到…好明顯佢係一間屋…大約只有一個2-3房單位咁大而且露台出面個環境好差…真係見到都唔太開胃而且雖然佢有盡量抽走d油煙但d油煙味依然好重服務:其實講真服務真係無乜…樣樣都要叫到先肯行埋黎連一開始點樣燒我地都唔太清楚仲要去搵佢地d人黎問…雖然態度都ok只係唔夠主動囉食物:講真…依間真係我食過最差既鋪頭我未見過一間野既肉類全部都係冰鮮食物仲有d平價既牛丸…魚旦等等…完全無味架囉新鮮既得d金菇…菲菜等…你唔講我真係以為自己準備既係要去打邊爐不過當時心諗68蚊應該都係咁上下架啦…不滿之處:一.佢果個爐好細個, 我地4個人都係得一個爐,燒野既速度真係好慢好慢,而且一轉燒好既野點夠4個人食? 最多問題係佢燒一轉就差唔多用左20分鐘, 而佢任食得果2小時, 我真係覺得依樣野真係非常之差!!二.佢果個

e間野食完一次之後真係唔比劣評都對唔住自己話說同兩個fd係旺角想食d平少少,又任食嘅野,咁有人見到個易拉架寫住任食, 68蚊...雖然知個價咁樣都唔會好食得去邊都要上去啦...點知就咁就浪費左我成一舊水入到去都覺得唔對路,一眼望哂有幾多碟野食,全部都係d cheap到爆炸嘅丸呀,雞肉呀咁樣,入到去又無人招呼(唔知係咪我地無女仔),一睇張menu,仲離譜,12蚊醬料費?好我忍你,睇下d野好唔好食先好,個爐黎喇,話唔好開咁大火wor,咁好啦,慢慢黎放d最易熟嘅牛肉上去啦,等左幾分鐘...喂仲紅嘅舊牛肉!!!有無搞錯!! d石根本唔夠熱!當我地想加大個火以免餓死嘅時候,隔離枱"拍"一聲,舊石爆開左...原來佢地就係開大左個火....咁點先而家...開細火就到聽朝都未食飽,開大火就生命受威脅....唉...都係食少少野走人落去買個m記食算數...當豪比個老細...不過,我地成班落到樓下都爆哂粗...我係度講,我以後唔會再上e間野!

復活節期間, 我都有上去試過. 初頭 睇見留下banner "石卵" 覺得好特別 未聽過, 我同女朋友都覺得可以一試.我女朋友話 入到去第一個感覺係 好多條橙色既龍係上面, 指的是煙通.一開始其實已經有人同我地講 係醬油+$12 同加1同假期+$10. 不過我都有留意到 有時佢地係冇同客人講. 人有過失.特別的 原來可以燒香蕉 再倒朱古力 一流!個老闆同員工都好nice! $257 買單. 如果唔係叫左飲品 每人都係100 可以呀. ps. 佢地個drink list 其實後面係有寫+$12 同加1. 個環境暗左小小 如可以光一點 會較好.

初頭係旺角見到佢個招牌感覺都唔錯平平地68蚊諗住去試下囉咪同男朋友兩個上去試下食咁係3樓都ok既有lift上去點知一上到去一睇...哇~油煙大到不得了咁都算啦~見入面好似都幾多人好似都ok諗住平平地試下囉點知入到去成半粒鐘人都無個入黎招呼一下唔好話水連隻碗同爐都無咁都算咪等下囉點知比人安排左去個露天位仲要今晚有少少雨d風又係咁吹埋黎講真一路燒一路喊(d煙係咁吹埋黎)我男朋友最少比d煙整到流曬眼水成3次!!話就話任食2粒鐘講真有成一粒鐘係係到等d野熟既!!搞到我同男朋友坐左陣已經好想走因為油煙勁大而且佢d醬同菜換得勁慢揀菜果到d碟隻隻都得返果幾粒送我覺得菜少都算問題係d菜太cheap囉得果d魚旦牛丸獅子狗我諗最貴都係得果幾條多春魚!!(真係得幾條....)間野既格局真係非常之差特別係抽風系統d野食又醃都唔醃一下幫d野食點醬都點到無曬時間食好似係到幫佢開工咁而且d石卵真係好唔掂感覺唔乾淨之餘d野食仲係咁掉曬個爐到搞到勁臭又勁大煙一路食好似係到受罪咁最後真係頂唔順因為根本食唔飽咁就同男朋友諗住走啦結果埋單...兩個人total : 218蚊?馬上問老闆點計數啦佢話假日要加10蚊服務費加1醬料

一行到門口，行我前面果pair已經掉頭走；不過約咗人嚟試食，算，$68俾次機會佢!!講真，個concept係ok既，但啲配套完全唔掂賣點﹕個石春爐真係激死人，開中火啲野就好難熟，開大火呢....格離果兩位哥仔咪就係因為開大火而令個石春受唔住熱彈咗出嚟咯，好彩無彈親，唔係就燙到正一正!!!果個gas爐亦污漕得好緊要...清潔下啦...食物﹕渣到無人有，留言者所謂既海鮮盤，真係殼都見唔到個，仲要係質素最差果啲丸、蟹柳、豬頸肉、腸仔等....連腸仔咬落去都係"林"既，一片爛肉...幾十種野食?點數都唔夠!!!坐低連水都無杯，即係焗你叫野飲，都唔緊要，唔好咁難飲呀嘛....果杯青蘋果汁，係啲糖漿開既，甜到爆，飲咗兩口真係頂唔順環境﹕完全係走佬格局，油煙大到嚇死你，我已經坐响露台，但依然係一身油煙...張枱搖下搖下咁，張椅當然係同等貨色，其實都可以算數，始終係食物緊要啲...總括﹕埋單嚇一嚇，要成$209，點解??每位$68+每位$12醬汁(埋單先睇到，當係我錯!)+$12杯+加一，咁既價錢求其一間漢陽苑、梨和苑等韓燒，都好過佢一百倍，收咁既價錢，俾啲咁差既食物，叫人點幫襯呀....

好懷疑上3篇食評都係間野d staff 自己老吹一出架lift 已心知不妙...係一間舊唐樓入面燒野食奈何留左個cake , 冇理由叫佢俾返我就走...就好厚道咁試下間野入面d ventilation 勁差, 一開始仲呃我地話開左抽風機但完全feel唔到有風被抽走一路燒一路勁臭 都唔知吸左幾多致癌物入身燒個幾鐘之後, 有枱人可能搞大左個火,搞到勁多smoke佢先開抽風機囉............... 開左之後明顯少左smoke完全唔理d 客人之前吸smoke 吸得幾辛苦....唔開機仲要講大話d野食totally cheap爆 , 係c子狗 / 蟹柳 / 果d個爐..不知所謂 , 我寧願佢拎走晒d 石...俾我就咁燒算野飲叫佢走冰又唔走....知唔知有d女仔飲凍野會唔舒服架但見到佢d 野咁ge質素都費時叫佢換 , 照飲...一次半次算數d廣告大大隻字寫 $68任燒 , 又唔話人知加一上到去先見到要加一佢so called 既"教你點燒" 就係係你面前夾塊肉 -> 點d 汁 -> 放上爐燒緊果時勁多吉碟係始又唔收....一夠鐘即刻勁問"呢d 仲燒唔燒 , 幫你收左佢"

響旺角見到成個banner話68蚊,加上openrice又有3個好評,咪黎試下咯~1行19人.野食唔錯,不過唔多選擇.有醬玩,唔錯.環境就一般啦.得2,3個人做野,個石卵爐要等好耐先有人送上黎.食食食,成身煙味,不過預左嫁啦.埋單,19位,2600蚊.因為果陣趕住走,所以拿拿聲俾完就算.每人137.好,大家走果陣.發現唔對路,明明話68一位, 醬料12蚊, 野飲12蚊一杯, 汽水8蚊罐.我地每人最多嗌左2杯野飲, 有d人一杯, 或者1罐汽水only.點解會咁貴.最貴: (68+12+24)x1.1=114.4114.4x19=2173.6最多埋單咪2200! 點解會2600!最平: (68+12+8)=96.8好.第2日打去問.佢話我地每人起碼嗌左3杯野飲, 佢計我地每人2.5杯.15x2.5=37.5點解係15蚊一杯呢?佢話我地嗌既係大杯.睇番食評, 佢係得1個size, menu都係寫12蚊既.同埋我地有人飲汽水,應該係8蚊罐.而家每人既飲品費係$37.5."我地每人起碼嗌左3杯野飲, 佢計我地每人2.5杯.15x2.5=37.5"以上係佢既解釋.佢同我講.你計下啦.(68+12+

台灣石卵燒烤 幾好玩d個老闆同伙計都好爆笑 (我懷疑個個都係老闆......)hk$68 + $12醬+10% = $88/位 野飲另計 $12蚊 一杯佢一杯幾大杯下 , 一餐飲一杯足夠埋單 2人 210 有找野食唔係等別好食 , 不過成個場o既feel 幾好玩~唔錯ps : d野食冇醃 , 不過自己可以用下個腦 , 有好多古怪煮意

新鋪上場又係旺角,又唔係貴所以上去試下有雞肉,雞羽,雞腎 all 無葉過自己燒完先上味,有好有唔好有朱扒,朱徑肉,排骨朱徑肉正都呢! 不過好難燒得好,燒得到就係全場最好食,因為唔係一片片,係一大舊切到一口一舊大細.有茄子,九菜,豆角,大豆芽 自由發揮,但係我覺得加孜然粉燒最正,有燒春魚,唔知咩魚尾,鑼肉仔,肥牛,雞軟骨,煙肉,燒賣,香腸,蟹留,尤魚,芝士腸,苛蘭豆,各色丸,正正常常,質素好過一般寒燒.佢既石卵燒又真係幾特別,燒唔係燒板,上面有d石春燒熱左就靠d石去燒d肉,老闆一開始叫上dd油落d肉到,同唔好開大火,唔係就d石熱到識跳舞,會彈一兩粒出呢,但係都係有檯人,貪快開大火,低估左d石,最尾食食下d石跳舞,驚到花容失色.最緊要慢火出靚貨,快又唔快得去邊不過個場set 到暗暗,幾浪漫,又有電視睇.有歌聽,服務都好有禮,因為個個都係老闆,自己野緊係好d啦.個場唔係好大,但係得十張四人檯,爆場都好松動,重有佢個調味吧,同火鍋調味吧差唔多,不過就有孜然粉,就係最特別.因為唔多檯油煙都無咩野,不過燒完就一定全身吸曬味,去寒燒都一定有啦,

果日約左女朋友響白色情人節食飯，之前響旺角已經見到呢個招牌，六十八蚊任食，所以想試，所以就約左佢八點半一齊行過去，點知佢自己行行下街見到，打緊問我係唔係呢間，係啦！所以叫佢自己去睇下先！我去果度搵佢！一上去，地方唔大，但位置不多，坐得好闊落！老細一見我地，就話十分鐘有檯！不過上去欣賞下老細的作品（他是攝影師呢）都可以消磨了！之後就坐左響露台出面，氣氛不錯呢！兩個人風涼水冷幾舒服。野食種類唔多，但醬料是可以用來一面燒一面加的，所以可以自創不同的味道！而且在石上燒唔會咁易燶（當然燒的時間會耐點）但燒出來的味道可以件件不同，唔會好似食韓燒咁來來去去都係果d味！最重要的是老細會話埋比你聽點燒，服務好細心！最重要的是老細都好好傾架，有興趣影相一定好開心，大把野同佢傾！老細仲拿了個海鮮拼盆出來，好新鮮下，兩隻帶子六隻白蜆四隻蝦，三十蚊都算公道！飲野要另計，不過唔係貴，八蚊罐氣水差不多了，最後跟老細們留影，埋單二七九，食到飽飽的才走呢！好開心，好滿足..........