影片
更多
2018-01-04
142 瀏覽
好鍾意好鍾意食燒肉，燒肉之中最正就係石燒，溫度極高，可以即時鎖住肉汁，感覺上亦比鐵板乾凈。嚟到大角咀，竟然遇到一間街坊石燒店，見到價錢合理，梗要試吓啦！舖位細細，店內大約只可以容納十幾個客人。裝修簡潔，只有少少裝飾，其實燒肉店越簡潔越好，免得油煙黏附喺啲裝飾品度。入到嚟梗係要叫石燒啦，同朋友揀左兩牛一豬，（左至右）4oz日本活性水飼育豬腩肉$108 、4oz霜降一口牛$98 、4oz澳洲和牛肩胛牛小排$158 。本身枱上面已經有鹽同胡椒粉，因為啲肉係冇預先調味，原汁原味，餐廳會額外附上黑松露醬、柚子胡椒、牛醬、英國海鹽。我最鍾意係柚子胡椒，一陣柚子味好清新，減低油膩感，必試！朋友就話黑松露醬最正，帶出肉味。一上枱塊石板已經好熱，豬腩肉肥瘦適中，一放落板就已經吱吱聲好快熟，好香，又唔韌；霜降一口牛切到細細粒，快快手燒齊六面，真係好軟滑；最正梗係澳洲和牛肩胛牛小排，啲雪花紋好靚，一路燒啲牛油就係咁咇晒出嚟，未食已經知正，一入口真係好香好有牛味。另外再叫左個豚肉鍋$78，豚肉都幾大片，夠肉味，加埋❗蔬菜同湯濕濕口，感覺冇咁乾！仲有日本年糕，煙煙靭靭有咬口~叫鍋物或燒肉都可以轉套餐，加$20升
舖位細細，店內大約只可以容納十幾個客人。裝修簡潔，只有少少裝飾，其實燒肉店越簡潔越好，免得油煙黏附喺啲裝飾品度。
入到嚟梗係要叫石燒啦，同朋友揀左兩牛一豬，（左至右）4oz日本活性水飼育豬腩肉$108 、4oz霜降一口牛$98 、4oz澳洲和牛肩胛牛小排$158 。
本身枱上面已經有鹽同胡椒粉，因為啲肉係冇預先調味，原汁原味，餐廳會額外附上黑松露醬、柚子胡椒、牛醬、英國海鹽。我最鍾意係柚子胡椒，一陣柚子味好清新，減低油膩感，必試！朋友就話黑松露醬最正，帶出肉味。
一上枱塊石板已經好熱，豬腩肉肥瘦適中，一放落板就已經吱吱聲好快熟，好香，又唔韌；霜降一口牛切到細細粒，快快手燒齊六面，真係好軟滑；最正梗係澳洲和牛肩胛牛小排，啲雪花紋好靚，一路燒啲牛油就係咁咇晒出嚟，未食已經知正，一入口真係好香好有牛味。
另外再叫左個豚肉鍋$78，豚肉都幾大片，夠肉味，加埋❗蔬菜同湯濕濕口，感覺冇咁乾！
仲有日本年糕，煙煙靭靭有咬口~
叫鍋物或燒肉都可以轉套餐，加$20升級極上岩石燒定食，有沙律、飯、味噌湯；我就一定會
加$30升級極級岩石燒定食，有齊沙律、飯、味噌湯、飲品、雜菌拼盤同甜品！兩種升級只係爭$10，但淨係個雜菌拼盤都唔只值$10，用啲雜菌同埋肉一齊燒，吸收晒啲油脂，真係好好食，點可以錯過！
白飯上面仲有啲紫菜，更加日式。
雜菌份量都唔少，雖然只係「配角」，但絕對好食，唔好浪費呀~
餐飲只有檸茶或檸水，選擇少，勝在夠大杯，啱晒食燒肉!
甜品係抹茶大福，外皮層抹茶味濃郁，帶少少苦，但裡面就甜甜蜜蜜。好少餐後甜品有大福食，一般俾粒迷你雪米糍hea你，雖然一人得一粒，但感覺幸福。
店員態度好好，塊石唔夠熱，即刻幫我地換過塊新石，上菜時亦細心講解每款食物同燒烤時間。雖然只係地區小舖，但細心、用料好、價格合理，絕對值得支持！
張貼
