石一燒 (富多來新邨一期) (已結業)

位於大角咀的一間小店石一燒，是我一直都想去，因為很久以前有朋友問我香港石燒的推介，我才知道灣仔一間石燒餐廳結業，在網上找到石一燒後就一直很想去試試看。 餐牌有好多不同款式的牛，加20元或30元便可升級做定食。 足料的櫻花蝦湯，令味噌湯更具鮮味。 沙律菜爽脆，加上麻醬同蟹籽，開胃前菜。 白飯上有飯素，不會太單調。 點了兩款牛食，用石板燒令肉受熱更均匀，可以鎖住肉汁。 澳洲和牛牛板腱 店員有建議燒的時間，每邊20秒或1分鐘，燒好後灑上調味料已經好好味，牛板腱脂肪分佈均匀，入口溶化，肉汁豐富。美國頂級牛小排 牛小排燒較有口感，肉味較濃。 沒想到最後會有甜品，自己調教綠茶粉，開水然後慢慢攪勻，最後淋上雪糕，綠茶味濃而且甘香，有驚喜。 總結非常滿意，除了食物質數，特別讚賞女店員整晚忙過不停，帶位、介紹、上菜，收錢一個人完成而笑容滿面，厲害。

〈鐵板燒〉大家就聽得多同食得多，石板燒你又試過未？？？😯😯😯朋友介紹下知道大角咀有間專做石板燒嘅專門店叫〈石一燒〉，用料優良👍🏻，服務用心外價錢仲超相宜💰，屬性價比極高之選！！！👑👑👑位於大角咀富多來新村，屬平民式小店。店內沒有豪華的裝修，但基本的乾淨衛生和光猛是做得到的。管他的啦，食物好吃才是重點！！✨✨✨店內有多款手工啤🍻，可惜吃飯後還要上班🧰，唯有忍痛不試！🤭🤭🤭〈升級極級岩石燒定食〉惠顧各式烤肉的同時可加錢升級做定食，只需加$30就有齊迷你沙律🥗，味噌湯，白飯🍚，菇盛會🍄，日式甜品🍨和餐飲🍹，非常豐盛😋😋😋（店員仲好細心主動問我們有否海鮮敏感，所以老公的味噌湯就無得加入激香既櫻花蝦🦐了）😬😬😬顧名思義，石板燒就真是把肉塊🍖放到店員已預先用脂肪擦過花崗岩石板上燒🔥，當肉塊來到時店員會用心介紹每款肉的食法及燒烤時間⌛️，再加上店家秘製的4款特色鹽, 配塔不同肉類都十分精彩🎉🎉🎉〈美國安格斯牛柳（左），美國頂級牛小排（右）〉老公是牛魔王🐮，當然要點店家極度推介的安格斯牛柳和頂級牛小排！！肉塊🍖來到的時候都覺得有點不相信，這樣的價錢居然有如此優質的肉塊？？😦😦😦即使未燒熟，只要見到這樣

大角咀小店真係好用心做，無論睇頭野食定服務都做到足，雖然只係小店，都真係值得多啲人去。出面有句標語寫住覺得自己唔係超人，所以要休息，大家記得星期一唔好摸門釘，門口仲有個香噴噴既噴霧俾大家用好貼心。加$30就有個套餐，包哂湯、沙律、野飲同甜品，湯真係超足料，上面有啲櫻花蝦仔，同湯好濃味。個飯仲加上左紫菜同飯素夠哂香口。叫左兩款牛食，花崗岩石板先焗到250度，令石板受熱更均匀，更鎖住肉汁。《澳洲和牛牛板腱》($138)，每款肉店員都有話燒幾耐，燒既時侯可以灑上調味料，輕輕咁灑上海鹽已經好夠，牛板腱脂肪分佈均匀肉汁豐富。《美國頂級牛小排》($148)，牛小排燒二十秒度已經夠，較有口感肉味較重。再叫左一款豬，《西班牙黑毛豬飼養豬梅頭肉》($98)，黑毛豬就要燒耐少少，不過等耐啲都值，入口真係好嫩身，油香亦好足夠。餐點最後仲會有甜品，超有心思自己要DIY個綠茶粉，整好之後就可以淋上雪糕度，個茶味真係好甘香。店名：石一燒地址：大角咀鐵樹街10號富多來新邨一期地下13號舖餐牌:

跟大角咀上班的朋友約了吃飯，找餐廳時看見這間在石板上燒肉，剛天氣又轉涼即起了興致便決定試試看。因為是特色小店不是連鎖的，店的空間相對正常不會太寬闊。來到這裡當然是要試岩石燒，所以叫了兩個極級岩石燒定食$30一個人。有份沙律及櫻花蝦湯還有碗飯。沙律自然是正常水平，特別的是櫻花蝦湯，湯面櫻花蝦乾不少，非常咸香很特別新穎。叫了份美國頂級牛小排4安士$148與降霜一口牛4安士$98還有些菇附上。牛小排非常的有口感，牛肉味也足很鮮，兩面燒二十幾秒灑上海鹽已非常惹味香口。一口牛也是很彈牙，很新鮮。再利用肉滲出的油燒菇超好吃～因牛很易熟所以這種尺寸的岩石燒會避免一次性燒太多肉冷掉或燒焦。另外也叫了份西班牙黑毛豬去油豬頰肉4安士$138，比想像中肉嫩滑及彈牙，沾柚子鹽或店家的柚子檸汁醬都很好吃。會突出豬肉的鮮味。最後還有店家的特色甜點，是雲尼拿雪糕，可自己磨抹茶加上去，抹茶很香濃不會甜，配上雪糕很不錯挺好吃。兩人才吃了$489已很飽足，挺不錯很抵吃～特色的小店果然是必須不會跟連鎖的中央處理弄得食物失色都是一樣的味兒。

聽朋友提過大角咀有間燒肉好好味, 今晚黎開呢頭就醒起去試下.呢度主要用燒熱左既石板黎燒肉, 而唔係開個火爐比你燒, 石板簡易得黎無咁易燒過火.先揀左主食既肉, 加30蚊就可以變定食餐.要左美國頂級牛小排同和牛牛板腱肉, 兩款肉雪花紋里分明, 厚薄適中.細細片放上石板燒至外表微焦, 一啖入口, 入面仍保持軟腍, 肉質彈牙. 脂肪一面煎一面迫出油份, 但食落又唔覺太油, 仲好香口惹味, 肉味濃香.兩款肉都鍾意, 食極唔覺漏.另外再要多款豬梅肉, 雖然係豬, 燒既時間需要耐少少, 但燒完仍保持到軟嫩, 唔會好乾好韌, 感覺不錯.餐既櫻花蝦麵豉湯都幾得意, 櫻花蝦有咬口, 唔腥, 幾好味, 唔會剩係得昆布既麵豉湯.結尾仲有雲尼拿雪糕配綠茶粉, 夠精緻有日本feel.

呢間小店真的不易搵，但絕對比到驚喜我，好值得一黎再黎呀！店面只有十幾個位同一個樓面店員，亦沒有豪華裝修，但感覺卻份外親切叫燒肉加$30蚊可以升級做套餐，有沙律，味噌湯同飯！而甜品就後上！甘都好低食喎！味噌湯滿佈蝦乾而且熱辣辣濃度剛剛好，先暖暖胃也很不錯日本活性水飼育豬梅水 HK$98店員說豬肉燒大概兩三分鐘就可以食！呢款豬梅水既肉質柔嫩，油香鬆軟，配上黑松露和自家調配既柚子胡椒醬汁同食，味道特別惹味西班牙黑毛豬豬頸肉 HK$138我最喜歡呢份西班牙黑毛豬豬頸肉猪肉，肥而不膩，鮮嫩多汁，配上喜馬拉阿海鹽或自家鹽同食，味道也不錯！口感又夠豐富！比牛更好味更出色！澳洲和牛肩胛牛小排 HK$158澳洲和牛肩胛牛小排不但厚切，網狀既脂肪分佈又均勻，以岩石板每邊燒20-30秒就食得，石板既高溫可立即封住肉汁，燒得外焦內嫩，肉汁豐盈，牛味濃郁，簡單的以岩鹽和黑胡椒調味已經好美味當石板燒到不夠熱時！店員甘忙都會幫我地換上！服務不錯呀！最後跟套餐既日式甜品係一份綠茶雪糕黎！賣相好別緻呀！要自己親自加水混合綠茶粉攪拌再倒入雪糕上...如果大家怕比油彈親，餐廳都準備

今日推介港女必食嘅岩石燒，晚餐時段6點一入座就滿哂啦，如果要食就book定會好啲，肉類選擇都幾多吓，order後店員會好細心講解每款肉燒嘅時間要幾耐，係溫度超過200度嘅岩石燒面輕輕燒一燒，可以好好咁鎖住肉汁啲牛同豬好靚，每一啖都好重肉味其實配埋個set真係飽到喊，有湯，有沙律，有甜品烤咗嘅肉放上飯面，油脂就滲哂入去，好好味呀不過係位置上迫少少，同埋油煙味重咗啲 但係整體都唔錯，食完仲有個抹茶甜品玩吓

前幾日去大角咀朋友屋企，之後落去佢屋企附近食埋晚餐，估唔到一間不起眼的地方有間食石燒既燒肉店，而且價錢唔貴，但質素好唔錯，好抵下。我地每人都叫左個set，可以單點，亦可以加20元/30元升級做定食。我地點左2份牛: 一口牛、牛板腱跟餐既雜菇盛另外點左一份豬梅肉加30元升級做定食，有埋沙律、湯、雜菇盛、甜品、飲品……所以都幾抵。蟹子沙律，份量唔少，蔬菜極新鮮，多汁。 櫻花蝦味噌湯櫻花蝦分量都唔少，湯幾濃但係唔咸好鮮。燒出來既牛，非常嫩牛味好重其實沒有醃製過，但我覺得已經好夠味，再加一點柚子鹽已足夠一口牛每邊燒既時間不到1分鐘剛燒好入很嫩又有牛香，最怕粒狀的牛外面太熟但裡面仍是凍的，幸好這個不會，超美味。豬梅肉勁淋，跟雜菇一起燒特別香等別惹味! 可能因為豬的油份比較重，可以滋潤一下本來乾身的菌類 。燒到最後我發現自己把整碗飯吃掉了!真的太好送飯! 最後來一個特色甜品: 好得意既綠茶雪糕配成一套，我地可以自己搞勻綠茶粉再淋係雪糕上面。綠茶粉係好原始既茶味，帶點苦澀。同雪糕好match，不過一齊食比分開嚐綠茶味更好! 食完出來，帶點燒肉味。店員有溫馨提示，在門口外面，可以噴一噴空氣清新劑才走，

同朋友去完大角咀體育館做運動，就順便睇下附近有咩好嘢食，行到呢個巷仔就聞到令人唾延欲滴嘅燒肉香味，原來係呢間石板燒特色小店。我地兩個都幾肚餓，就選擇升級左極級岩燒定食，有沙律、甜品&菇菜呢個湯賣相好impressive! 鋪滿櫻花蝦，飲落好香濃，唔係一般普通麵豉湯食埋開胃沙律，就到主角-石板燒肉！頂級牛小排：燒一陣就食得，脂肪分明、肉質鮮嫩，個人十分推薦！霜降一口牛：因為厚身啲 要燒耐少少，粒粒都好有咬口英國厚切羊西冷：好有羊羶味，所以對好鐘意食羊嘅我地相當驚喜！仲有4款鹽比你揀：黑椒、喜馬拉亞海鹽、自家鹽（For食牛）、柚子檸檬（For食豬）每次加少少黎吊一吊味，味道更好！最後就係甜品，精緻嘅日式擺盤好得意可以自己將抹茶粉+水，再攪拌，咁就可以按自己口而調整濃度，最後淋上去雲尼拿雪糕，好好味！

今日過咗大角咀食飯，平時喺呢一邊，大多數都係打邊爐或者食壽司🍣，行過呢一間鋪頭嘅時候，鋪頭唔係好大，大約得6-7張枱，見到其中一台係食緊石板燒肉，一直都未試過，所以決定入去試吓，一入到去雖然鋪頭唔係好大間，但裝修都舒適，服務員非常有禮貌，1）西班牙黑毛豬去油豬頰肉，味道濃郁，口感非常豐富👍🏻，2）美國頂級牛小排，店員建議煎30秒，油脂分佈均勻，肉質鮮嫩多汁👍🏻，3）美國安格斯牛柳，店員建議煎1分30秒，但因為我老公唔食得太生😂，所以我整大約4分鐘，但唔會因為你煎得太耐而太硬，食落口一樣非常鮮嫩多汁👍🏻，店員會比一碟燒肉汁及加有柚子鹽嘅醬汁，我個人比較喜歡有柚子鹽嗰一個汁，酸酸地好開胃，如果以上呢兩個汁你都唔鍾意，枱面上亦會提供幾款鹽俾你選擇，每位加$30就可以有定食，有飯、沙律🥗、味增湯，最後嗰一個甜品🍮，係雪糕🍦，但有一點特色，佢係提供抹茶粉俾你，由你去加水將佢變成抹茶醬，再加入去雪糕度一齊食，整體來講，非常高質值得一試，溫馨提示：記得首先訂枱，因為今日我係大約六點半到達，當我食完嘅時候已經冇位😂

幾時都話行去唔熟悉既地方，反而會更容易發現到好野食！今日就黎大角咀依頭行下，見到有間專食花崗岩石板燒既燒烤店。見到舖入面既人燒得咁開心，就衝左入去。小店座位有限，如果唔想等位最好早D黎或者BOOK定位。我地星期日7:30黎到，好彩坐到最後一枱唔洗等。MENU上大部分食物為單點，另外可加$20/$30升級為定食。由於我地太餓，今次選了一款牛肉、兩款豚肉 (4oz好夠2個人食，另有8oz)，並升級至極級岩石燒定食。有沙律、麵豉湯、白飯、甜品、飲品。非常豐富！食過沙律後，店員上麵豉湯之時有解釋湯入面會加入櫻花蝦，詢問我地會否有海鮮敏感，好細心。加入櫻花蝦既麵豉湯比一般的更香，加上一份特別。肉類擺盤精美，好岩打卡。店員上菜時會用心介紹每款肉的食法及燒烤時間，好仔細，唔怕燒過龍。花崗岩石板比起一般鐵板燒爐厚身。聽店員講臨上餐時會先放入焗爐燒熱，令石板受熱。咁樣石板溫度更均勻，燒煮肉材既時候就可以鎖住肉汁。預先用脂肪擦過花崗岩石板上有少少洋蔥同胡椒，就算本身無調味過既肉放落去燒，就咁食都好正。另外，每張枱上放左自家製幾款鹽，可搭配唔同肉類。(自家製鹽、喜馬拉阿海鹽、柚子檸檬鹽、胡椒同七味粉) 個人

好少過嚟大角咀呢一邊，朋友今日帶我嚟食石頭燒，我都係第一次響個石頭上邊一路燒一路食。真係幾特別。就先有個櫻花蝦湯同埋前菜沙律，櫻花蝦湯又估唔到嘅鮮甜，蝦米亦都好濃郁。櫻花蝦湯上邊有大量嘅蝦。燒日本番薯好香甜。主菜要咗一份牛小排同埋一份豬頸肉。兩份都係脂肪分布好均勻，雪花好靚，顏色亦都對板。後面嘅石頭燒得好火紅，準備將肉燒熟。肉響石頭上面慢慢變色，加上旁邊嘅洋蔥好香。旁邊亦都有唔少味道嘅調味料，個人最喜歡柚子鹽同埋自家製嘅鹽，味道好清新唔會太咸，柚子鹽仲要甜甜地幾好食。最後尾我哋要咗綠茶雪糕做甜品，但原來呢度嘅綠茶係自己去調教。將綠茶粉開水然後慢慢攪勻，就會成為味道濃郁嘅綠茶醬。將綠茶醬加上去雲呢拿雪糕就完成，好睇又好食！

今日全日天陰陰，仲落下雨咁，拍拖節目唯有行商場。。知道奧海城最近有多啦A夢秘密道具研究所，所以好少黎奧運站呢邊既我地，今日就黎會一會多啦A夢唔想係大商場搵食，又好少黎呢頭，最後行左落大角咀，呢頭好多細細間既舖頭，行左個圈決定要對自己好d要食好西。鐵板燒就食得多，石頭燒真係第一次。入到去，座位唔多，餐廳得十零個位，不過感覺好舒服，靜靜地，聽住一d日文歌。叫左想食既肉之後，加$30仲可以配搭定食，有味噌湯、沙律、飯、雜菇同甜品。咁多野當然要加啦。上湯之前，侍應好細心問我地對海鮮有無敏感。因為味噌湯入面係有好多小蝦的，好體貼。讚！味噌湯: d小蝦令成個味噌湯好鮮甜，有少少脆咁，令個湯生色不少，靈魂所在。沙律(芝麻汁）: 沙律菜夠新鮮已經係最好味了，沙律上加左d海帶，即刻日式晒。肉肉主角出場侍應好耐心介紹我地碟上係咩肉，要每邊燒幾耐、側邊d調味點用、如果唔想用鹽既話，又俾左d燒汁同柚子醬油俾我地。(左) 澳洲和牛肩胛牛小排 $158，加$30定食三款肉入面最鐘意既一種，每邊煎1分鐘，好快有得食，加上佢油花豐富，有入口溶化既感覺，肉質好嫩。(右) 美國安格斯牛柳 $168，加$30定食牛柳係厚切

呢間石一燒想試好耐，一直搵唔到時間食，今日終於抽到時間一嘗佢既岩石燒啦！同老公專程行到黎大角咀品嘗一下我地今次揀左三款肉黎食！有「澳洲和肩胛牛小排」4or $158「美國安格斯牛柳」6oz $168小排煎20-30秒就食得，肉質爽口嫩滑牛柳只需2分鐘，我就會3-4分鐘到，好有口感，肉質鮮嫩多汁，加入七味粉同黑椒食更加野味「日本活性水飼育豬梅肉」4oz $98豬梅肉要有點肥肉先至好食，油脂分布均勻，煎兩分鐘就食得，多汁口感非常好！另外加$20就可以升級極上岩石燒定食有前菜、素飯同加有櫻花蝦既面鼓湯！加$10更可有日式甜品雲尼拿雪糕香滑，如果喜歡抹茶，餐廳更準備了抹茶粉和水在旁，可因應個人喜好加入雪糕內！

岩石燒一燒和牛,小編來到大角咀發現'石一燒'隱世小店~!😉這間店主打'岩石板燒肉',而比較特別的是...石一燒的花崗岩石板會放入焗爐燒熱至250度, 石板燒烤受熱會更均勻，且可鎖住肉汁👅而店精選了多款肉材，包括鹿兒島A3和牛、西班牙橡果級黑毛豬、澳洲和牛、日木活性水飼育豬、澳洲羊扒和各款海鮮都有提供而且定價具競爭性👍,貼地價位就可有唔錯的食材體驗,雖然地點距離奧運站有段距離仔,但反而更突顯這店如此隱世小店呢~小編在開店時間入座,不到30分鐘,所有座位已有人坐下/比人訂起左,人氣幾旺,大家要食記緊提早訂位呢~🔥 在食前店員用心介紹每款肉的食法及燒烤時間,及了解食客有冇對特定食材敏感,🙆而在燒煮肉材之前，店員也會預先用脂肪擦過花崗岩石板,相當貼心小編選了霜降一口牛,美國頂級牛小排,日木活性水飼育豬梅肉 ..*霜降一口牛🍗擁有著漂亮的大理石霜降紋理以及入口即化的絕佳口感,每吃一口一粒就陶醉的美味*美國頂級牛小排天然的大理石油花也是牛小排愛好者的夢幻渴望，鮮嫩肉質帶油筋且油脂甚多，石燒中部分油脂滋滋地流出，香味四溢，一入口即散發誘人味道*日木活性水飼育豬梅肉🐽味道較濃郁，肉質具有咬口之感，不帶