影片
營業時間
今日營業
12:00 - 23:00
星期一至四
12:00 - 23:00
星期五至六
12:00 - 23:30
星期日
12:00 - 23:00
以上資料只供參考, 請與餐廳確認詳情
相關文章
「真。章魚無雙」係一間專賣章魚小丸子嘅小店，主打多種口味，包括明太子、芝士、黑松露等，選擇多元。不過我自己最鍾意嘅始終係原味，最能食出章魚燒本身嘅香氣與鮮味。原味小丸子外層微脆，內裡軟嫩，章魚粒夠厚實彈牙，醬汁鹹甜適中，木魚絲一舖上去熱氣升起，香味撲鼻，令人期待。每次買都要拎住張叫號單等，當叮叮聲響起，就會自然抬頭望下螢幕睇到號碼幾時到自己，雖然只係小動作，卻成為咗等餐時其中一種儀式感。雖然係街頭小店，但味道認真，款式創新又不失基本功，係我行街經過都會忍唔住買返一盒嘅熟悉滋味。
繼續閱讀
話說有一日，買咗蟹籽拼蛋沙律章魚燒，點知返去食咗兩嚿先發現佢哋放漏咗蟹籽😳 於是打電話返去舖頭報告🤔 終於今日再去舖頭同佢哋講上次放漏蟹籽，諗住買盒原味拼蛋沙律就咁加返蟹籽就可以🤔 點知佢哋成份餐都唔收錢，我話都要比返蛋沙律嘅錢佢哋都唔收😱 咁嘅誠意同服務態度絕對要讚啦😊😊😊
繼續閱讀
朋友介紹，終於今晚試到，我買咗個原味。味道不是太濃，不太浮誇，唔多麵粉，啖啖章魚肉。好食過喺超市連鎖店。下次已經諗定要食粟米芝士味。但係只收現金，確實有啲唔方便。
繼續閱讀
章魚無雙好食就好多人都知㗎啦！ ！今次嚟到太安樓都忍唔住要試一試！喺幾番掙扎之下，揀咗明太子章魚燒，明太子醬嘅味非常之出，章魚燒入邊非常濕潤，仲有一粒幾大粒嘅章魚粒起入面，基本上都冇乜嘢可以抱怨味道非常之好！而且佢係太安樓入面少數日頭有開舖嘅食物，所以我比一百分！
繼續閱讀
可能時間仲早未有人排隊～實在太好~之前幫襯葵芳廣場分店經常性都排好多人～好多款式可以"雙拼加兩蚊"📣黑松露 拼 蟹子章魚燒📣💰8粒～雙拼價～$46 💰記住如果雙拼係會以貴嘅價錢計再加兩蚊～黑松露：味道好出～亦都夾到章魚燒～蟹子：一啲都唔慳～滿滿嘅蟹子口感豐富～章魚燒：外脆裏面仍然濕潤～水準唔錯～CP值：🈴味道：🉐
繼續閱讀