真‧章魚無雙 (已搬遷) 新店位置

琴日大食妹喺Instagram上問大家, 葵涌廣場有乜嘢必食推介好多朋友都推介呢間真.章魚無雙, 所以就同朋友仔過左去試吓, 睇下佢係咪真係同傳聞中嘅一樣咁好食<真.黑松露章魚燒>大食妹嗌左份真.黑松露章魚燒因為to eat list有太多items, 怕食唔曬, 所以就嗌左6粒, 為大家試吓味真.章魚無雙嘅真.黑松露章魚燒超多黑松露醬黑松露味突出之餘, 每粒章魚小丸子都食得出章魚粒, 再加上木魚碎, 口感更加好不愧係公認嘅必食小店

葵廣掃街必黎就係章魚無雙嗌左明太子章魚燒3x蚊有8粒，價錢算唔貴啦我個人係好鍾意食明太子，所以我係好鍾意呢款章魚燒佢既醬汁係偏咸既口味，但都真係有明太子味既呢度既章魚燒佢係整得比較林既果種入面係好足料，有一小舊原隻章魚仔所以我係幾推薦架👍

章魚燒嘅黑松露醬落得一啲都唔手軟，每粒章魚燒都包裹着濃厚嘅醬汁😋咬落去入邊真係有一粒粒章魚，食落幾有口感而且欣賞章魚燒唔會有食到成口粉嘅情況同埋唔會太淋整體來講幾好味👍🏻

【人氣葵廣/旺中章魚燒 十款口味任你揀】🔸明太子章魚燒 (6粒) $31除咗原味仲有多十款唔同口味嘅章魚燒，之前係ig睇到圖都已經覺得吸引，第一次試個明太子先，期待值爆燈，果然個餡同粉漿都好食，一咬落去脆嘅，裡面係軟綿綿粉漿包住都幾大粒嘅真章魚，粒丸好味！個明太子醬雖然望落係超足料，但我覺得太鹹，仲要一個人食晒六粒即刻狂隊水，可能我本身食得清(頭盔)，下次會試下其他味😼1)葵涌廣場分店2)旺角中心分店

我分享心目中Top 3 的章魚燒🐙香港找到好味的章魚燒唔係好似食緊麵粉 就係發水麵包 見不到章魚粒的踪影☹️ 呢間確保每粒章魚燒都有大大隻章魚仔🐙食落真係好滿足😋😋除了原味都有好多款口味 我最中意明太子口味🥰🥰 醬汁味道唔會好鹹 章魚燒雖然食落唔係脆身 但至少無我討厭「成口麵粉」的味道及口感😚真係好值得encore 一去再去另外分享蜜糖芥末味都唔錯下一次幫襯想試黑松露同章魚燒夾唔夾😍😍呢間好值得推介 性價比高

章魚無雙自從開業以嚟一直佔據葵廣美食嘅龍頭，由朝到晚都大排長龍。此前都試過唔少次唔同口味嘅章魚燒，始終都係認為佢嘅黑松露口味最出色，亦都係日本街頭未必食到嘅口味。章魚燒要整得好食絕對唔容易，因為時間嘅控制十分重要，尤其是外面大排長龍嘅時候，有啲店鋪可能就會為咗接單而犧牲質素，令到章魚燒過淋，全無口感。而章魚無雙嘅黑松露章魚燒，除咗表面有少少脆口之餘，入面亦係好有咬口，唔會食到任何生麵粉嘅味道。章魚肉亦比平常大粒，但絕不會過熟硬唔開，可以話係剛剛好。最重要嘅就係出面嘅松露醬，份量十足之餘配合木魚絲，口感都係非常出色！味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

喜歡打機的朋友一定玩過真三國無雙,達成過千人斬,這種喜悅到現在，還是想起就好過癮。葵芳廣場有一間吃章魚燒的小店同樣也以類似的名字起名,名為真‧章魚無雙,相當搞笑。店面細細卻有超多人在排隊等候,名氣亦很大,所以今次來到想試試是否貨真價實!真明太子章魚燒 6粒 31元  4.5/5分等候10分鐘左右,在附近走走就好快過,不是太大問題。章魚燒本身已經是非常大的賣點,因為每位都有好大隻章魚,章魚燒真係有章魚架!!!!!!!!!!!!!明太子是一種本身味道強烈的調味料,可以自己食用或搭配不同的食物,非常好用,放在章魚燒上面可以令章魚燒的味道有另一種口感,好味!31元不算便宜,但吃到出色的章魚燒都算值得,非常建議大家試試這家黃色章魚燒小店~

今日小妹去左試食呢間章魚🐙丸，但吾係講笑，真係好食😋啲蟹籽好好食，章魚都夠彈牙！真係一級正👍🏻👍🏻大家快啲要去食下。不論橙色定綠色蟹籽都好好味，下次去要再食多次，幾多幾次都吾夠。

章魚小丸子係好好味，尤其是芝士及明太子，而且每次都熱辣辣，但長頭髮嘅店員態度極差！已經食過幾次，加上在附近返工，原本會係常客，但宜家真係無下次，唔想買小食都要受氣😔自問態度極好，只係簡單問咗一句請問要等幾耐，但換來嘅係黑面，反白眼及極差的語氣回應，好似我做了一件嚴重嘅錯事。若然店主你睇到，希望你能夠注意員工嘅態度，我知道貴店生意興隆，唔計較得失一兩個食客，但是想藉這個平台向你反映有這件事發生，以解冤屈的感覺。

呢間章魚燒真係超好食啊﹗相信好多黎過葵廣掃街既都一定有買黎食🤤當我每一次好想食燒章魚丸就一定會諗起呢間～其實呢間真係有好多口味可以揀，有成十幾款口味真係實有一款係岩你心水啊😂-🎈真．芝士章魚燒 ($32 六粒)作為芝士控既一定要揀呢款「真．芝士章魚燒」，章魚丸上舖滿哂溶左既芝士😍超正仲要係有拉絲既效果出黎🤩哈哈芝士真係一樣好邪惡既野但我真係超鐘意🤤🤤而食落去都好足料，佢每一粒章魚丸都有成兩粒小章魚係入面🙈

話說依家人人戴口罩，出街嘅市民亦都唔多😷。平時見到舖頭人山人海，難得今日有個機會人少少就即刻就去試下風味獨特嘅章魚燒😍。見到款款都好新潮，係其他小食店都搵唔到嘅口味👄，真係唔知揀邊款好呀🤨！🎈真‧黑松露章魚燒🐙 $40 未打開食之前已經畀黑松露嘅香味吸引住咗喇，打開個盒發現啲醬汁超級多🥡，而且配料都滿滿的。章魚燒除左外脆內軟之外，仲咬到有成隻章魚🐙，口感真係一流👍，而且上面仲鋪滿超多木魚花🐟，一口一啖章魚燒🍡，味道豐富。最重要就緊係多到漏嘅黑松露醬汁啦，性價比高呀✨ !

記得最近一次幫襯章魚燒🐙就係初二個日 個日心血來潮真係好想食😛黎博一博佢有冇開 🤩點知有開而且唔似其他店咁完全無收多幾蚊當加一我既目標係試多啲佢唔同款既味 所以無叫返原味 黑松露 明太子 之前試過既味都好好味平時要等十幾分鐘 個日買個陣得我 叫完好快攞到手食 食既係蟹子章魚燒 食慣傳統章魚燒既試下呢個幾特別😆章魚燒粒粒外微脆內裡軟嫩 入口好澎湃 加埋口感脆卜卜 甜甜鹹鹹既蟹子配上香濃醬汁 令口味同味覺上更加好今次小驚喜係綠色個種蟹子仲有些小wasabi味 真係幾特別 大家有冇食過佢既章魚燒呢 又覺得佢邊隻口味最好味呢🤨

依間小店之前有派口罩💛相信去開葵廣掃街嘅應該都有幫襯過早幾年新開嗰陣起碼要等半粒鐘🤪但依家就冇乜人排☹️-#真．蜜糖芥末章魚燒(6粒) $30食過咁多次 最鍾意都係蜜糖芥末味因為甜甜地 芥末味啱啱好唔會好出章魚燒應該就整好哂放喺到 所以一落單就好快到手不過都仲係咁熱 食嘅時候要小心辣親🥵裏面嘅章魚幾大粒 好足料但係唔知點解木魚要放喺隔離 唔放喺面🤣評分：7/10

🥢葵廣激量多蔥即叫即整八爪丸🥢今日經過葵廣發現了一間專食八爪魚丸小丸子的店，其中一款是超級多蔥的章魚小丸子，從來都好鐘意食多蔥的我，唔怕食完口臭即食🥢真．激蔥風章魚燒 $29六粒/$35八粒🥢章魚丸是即叫即整的，等大約4 分鐘就有很快手，激多蔥量的小丸子真心吸引，蔥的分量很多，而且很新鮮很fresh,小丸子熱辣辣粒粒飽滿，小丸子加蔥的互相配合，完全不似平時食兩三粒就會溜，很好吃🥢口味超多，一共有12 款口味，下次都會下其他味係咪都咁正真‧章魚無雙地址: 葵芳葵富路7號葵涌廣場2樓C07B號舖

大阪風章魚燒🐙🍡(💰$28/6粒)呢款係原味 會有啲日式醬汁 紫菜碎同木魚碎味道就正常 但口感就同我平時食開既唔同😳平時食既係外面有啲脆身 而裏面有啲章魚但呢款咬落外面係淋身既 而入面有一大粒章魚食落感覺似一pat嘢咁 麻麻地呢種口感👉🏼👈🏼之前去大阪冇食到章魚燒 唔知正宗口感係點所以食完就問下朋友 再上網搵吓啲資料發現日本章魚燒既口感係咁軟淋淋😯😯我就比較鍾意食啲外脆既章魚燒多啲😚所以就覺得呢個麻麻地 唔太啱我口味但如果鍾意食日式章魚燒 就可以試下呢間😌