真味日本料理 (已結業)

聽同事講呢間鋪頭o既刺身超大件，就o黎試o下先﹗要o左一客三文魚刺身同其他刺身，最過份o既就只有三文魚，大到，手掌咁大，食完飽o左一半。之後就叫o左其他sushi同熟食，味道都ok，但係三文魚實在太油膩，其他野都唔係太有味。

尋晚(14-6-2007 Thur)同朋友G捐完血,7:45pm o黎到補充能量,等到8:05pm有位喇.我o地食o左1.炸日本南瓜配蕃薯每樣有四件,好熱,連醬汁都熱騰騰,呢點覺得奇怪.點o黎食,我覺得鹹o左啲,但南瓜同蕃薯本身都夠甜.不過朋友話鹹度o岩o岩好.2.煎明太子雞翼.有趣o既賣相,雞翼尖慣例係切o左出o黎,而雞中翼就釀滿好多明太子並被切成四段仔同垂直咁放,睇到直頭似係雞皮包住明太子.雞膇呢?又係冇o左.食落,好鹹,我覺得係炸唔係煎.3.超級三文魚刺身5件大大件o既,似三文魚扖,真係想用刀叉o黎享受.不過又唔見得好似lalachi話齋有根喎,幾好吖.4.炸軟殼蟹一客有好多件,不過又係太鹹,而且好漏.5.壽司一次過上:i.希靈魚同朋友都被個名吸引同唔知咩係希靈魚,於是試吓.呢個神奇啊,件希靈魚係三色o既,10%銀色o既魚皮,5%一層白色o既肉,85%另一層金黃色帶有少少粒狀應該都係魚肉.我專登唔點wasabi淨食魚先(因為片魚都幾大塊,可以被我咁樣玩),金黃色部份好有趣,少少脆口,味道少少甜.朋友試第一口醒起,原來之前o係其他迴轉壽司bar枱食過,只係唔知咩名,諗落又係喎.繼續

真味開業到今我相信都有差不多一年, 由初時鬼影都無隻, 到而家日日有人排隊食, 一定有佢既原因.以同區日本野0黎講, 佢價錢算係中上, 但質量算是不錯的. 賣點是大大份的三文魚刺身, $45有三大片, 件頭足, 新鮮度亦夠, 但當然不會件件都是魚腩位, 有時會遇到有些位置比夠多筋. 其實太大件的三文魚食落會覺得好"漏", 我同男友兩個人都食唔到一碟, 但點計都算抵食.我同男友最鍾意食佢既滑蛋牛肉飯同埋煙肉三文魚炒飯, 滑蛋牛肉飯最好味係多汁, 蛋加汁再加飯一齊食, 其實有無牛肉都唔再重要. 而煙肉三文魚炒飯, 炒得乾身, 鹹香十足, 岩男友口味. 燒三文魚頭及燒三文魚水鮫都好好味, 燒得夠脆, 微微燶夠香口. 蟹籽沙律菜絲夠脆口, 好新鮮另外芥辣生八爪魚壽司都好好味道, 八爪魚粒透明的, 加埋芥辣味好刺激.呢到成為我同男友的食當, 每隔一個星期總會食一次.

終於都係openrice 見到呢間鋪可以留食評啦!其實我好早就發現呢間小鋪, 舊年夏天仲成日黎, 同老公多數叫幾件三文魚壽司, 再加角切三文魚, 已經好飽, 有時唔食生野會叫個豆腐魚湯, 環境細細, 不過招呼唔錯, 星期一至五下午做完午市, 要等六點先開, 就唔太方便, 同埋佢只收cash!

今日收工去左荃灣真味日本料理食刺身，由於減肥關係，已厭倦了油膩的中菜，但飯都依然每晚要食，所以食刺身﹗睇個門口已知勁啦，超級巨型三文魚刺身，真係超巨型墨魚刺身一般，三文魚一片刺身有個成個電話咁大同咁厚，成隻手掌咁大呀﹗唔係講笑，不過其實我自己覺得食刺身呢家野唔同去扒房据扒，當然係小小地點0的豉油放入口先食到個種鮮味﹗你整到鬼咁大件搞到要隊落口先得﹗不過卓頭野係咁架喇，佢唔大件我都唔黎呢道食啦﹗仲點左三文魚水撥，嘩，好鬼肥美，我漸漸發現自己已開始接受到食魚的感覺，不過而家係多左燒魚同埋大眼雞，清蒸的真係咪搞我﹗幾鬼意既一間小店，出面都有好多人排隊架﹗食左三味送就走人喇﹗因為減肥嘛，個三文魚亦都好鬼死膩呢﹗