真味日本料理 (已結業)

5月17號夜晚今日考完試,諗住同男朋友慶祝,路經一間唔起眼的餐廳,但係被門外的大大件三文魚刺身吸引住。當時6時多,無乜人又未肚餓,所以諗住行一陣再返去食。點知7點半返到去門外就好多人等緊。攞飛然後等等等,等左差唔多一個鐘先入得去。入到去,間餐廳好細,坐得唔係太舒服。我地點左四樣野,大大件三文魚刺身,吞拿魚棉胎壽司,吉列炸蠔和一口牛柳粒。(1)大大件三文魚刺身一碟有五大塊三文魚,新鮮就一般啦,而且每塊o既大細都唔同,切得唔平衡,其中一塊我食食下發現有一小塊魚鱗,證明d師父刀工麻麻,不過size就真係幾大件,$50都算係幾扺食。(2)吞拿魚棉胎壽司只係好似普通壽司,不過size大左,而且吞拿魚個口感麻麻。(3)吉列炸蠔一客四件跟沙律醬同檸檬。件蠔好細件,仲細過壽司d飯。熱辣辣,不過無乜蠔味疑似冰鮮蠔(4)一口牛柳粒牛柳粒比想像中細碟,賣相馬虎,但係成$58一客d牛柳粒好細粒,味道普通,無乜特別。好唔扺食,早知寧願叫多客刺身。仲有呀,個茶杯崩左一忽,如果唔為意就飲好易界親個咀,好彩我醒目睇到,哈哈!總括黎講好普通,只係個三文魚比較大件扺食,但其他野就無乜驚喜,下次可以試下其他餐廳lu

之前行過見到幾抵.....終於去試下....拎飛時問要等幾多張檯...."答唔到你架wor....number就三十張....門口企住等就幾張.....d人拎完飛就無影....." 其實你話幾多張檯咪得lor....等唔等都係我決定姐.....最後行左個圈返去等多陣就有位......三文魚刺身 - 5大舊....好似好抵食....不過好難挾入口lor....食完好飽下....加州反卷 - 一般la什菌豆腐鍋 - 味道唔錯....不過豆腐得2舊....使唔使咁孤寒ar??燒雞軟骨 - 好味wor.....同元朗d日本野比....都係差少少....

呢個舖頭出名係大大件既棉胎壽司故名思義係好大件, 成舊棉胎咁不過唔知係咪d 日本紙貴左, size 好似比以前細左d外賣order 左三文魚壽司$17 x 4帆立貝壽司$32希靈魚壽司$16蟹籽壽司$1614 件壽司兩個人食, 不過都食到好飽下舖唔係好多張枱, 未開門已經有人排隊

其實本人頗喜歡"真味"這一間食肆,但此事後令本人極度失望本人於3月12日晚上於真味購買了一個"海鮮炒飯"外賣但進食時發現炒飯發出濃濃的臭膠味,一看之下原來發寶膠碗底經已被炒飯的高溫熱熔了,整碗飯已經不能食用.翌日,本人攜"炒飯"到"真味"投訴此事,那個"女職員"竟說該店的發寶膠盒已經是"最"耐熱,沒有問題!如果這樣說的話,他們的炒飯豈不是本身已有臭膠味????本人投訴此事並不是想索償,只是想令他們更換發寶膠盒,不讓更多人受害,但該女職員的態度極差,不理食客安全,草菅人命,只懂推卸責任,實在令人髮指,心寒!!!如果該店仍然沒有改善,本人絕不會再光顧!!!!

仲記得呢間舖初初開張時鬼影都無隻, 第一次食既時候, 全間舖只得兩枱客. 但近半年舖頭越來越好生意, 七點開始就開始排隊等位.星期三同男友兩個七點未夠去到, 剛好仲有一枱兩人位. 兩個人叫左一客角切三文魚, 蟹籽沙律同埋滑蛋牛肉飯. 角切三文魚: 新鮮, 但食到有骨. 另提一提, 前排食過厚切三文魚, 但發現有兩件勁多筋, 真係係咬唔到後, 以後唔再叫厚切.蟹籽沙律: 平時係撈好沙律醬後上碟, 但今次只係將d沙律醬吱係面, 要自己撈. 我唔知正宗食法係點, 但個碟又唔係大個, 要將d沙律醬撈勻真係非常有難度. final証實係撈唔勻既.滑蛋牛肉飯: 味道依然好, 甜甜的汁加上洋蔥, 可惜今次汁唔夠多, 今飯食落口乾身d.,服務方面, 可能因為客太多既關係, 服務差左好多, 同埋一見你食完就好快收你碟, 同埋會望住你, 好似有少少迫人埋單既感覺. 同埋坐位越來越迫, 好多時側邊位走時, 要起身讓位先過到.

三文魚好正...好鬼大件...早前食過...45蚊有5大件...唔知e家有冇加到價呢???lunch唔洗加一...晚上先要加一食物方面唔錯,價錢ok,有機會一定再去食過!!!

屋企人買左外賣壽司做晚餐呢間壽司店食過幾次, 講質素佢唔算最好不過以佢既價錢黎講, 真係幾抵下廿二件壽司三個人分, 個個都食到飽(每樣壽司都係兩件一set)蟹籽沙律壽司= $12蟹籽壽司x 2 = $30三文魚壽司x 5 = $85 ($15 -> $17 加左價)北寄貝壽司= $15希靈魚壽司= $12鱆紅魚壽司= $15同埋一樣唔記得左~$15

火槍炙熱了的三文魚表面，香而惹味，加上入口冰涼的刺身口感，只有真味的三文魚厚度，才能讓火炙帶出三文魚腩的鮮味，一冷一熱，一口焦香一口鮮味，甫一入口，魚的油香又在口腔裏盤旋，好不滋味。試過者，請回覆。

** 此食肆的第七個笑**今日(21-12-2007 Fri)公司我工作o既部門晏晝開聖誕午餐,除o左o係味王叫o野食外,同事都識搵呢間,一樣睇中o左大大件抵食三文魚,佢o地應該叫o左16件三文魚壽司,同事話$15.00兩件,不過要自取.尋司飯比起我上次堂食更大件,三文魚亦都係大大件,好肥好新鮮.同事都讚抵.不過我suggest佢o地下次只要刺身唔要壽司.$12.00 味: 4 抵: 4 其他: 3 smile

每次來這裡食飯，最麻煩的地方就是等位...每每也要等半小時以上。但三文魚的確很抵食，鰻魚飯真的很好味~~~小食就略嫌燒得太乾和細份....看來只有壽司和炒飯是皇牌食日本菜食得咁滿足都唔洗$100/head，係呢區真的難得。

尋晚同男好都好想食日本野, 但又唔想出尖沙咀, 因為怕人多... 所以近近地選擇左荃灣既"真味"。之前食過一次, 俾佢地超巨型三文魚刺身深深吸引住... 有幾次行過想食, 但見門口已經有好多人等位所以放棄左... 好彩呢一晚去到仲未見到有人等位... 我地係門口等左5分鐘到已經有位喇!入到去都唔駛點諗已經可以落order... 我地2個人點左:1. 三文魚刺身(必食, 差不多每枱都點) 都唔駛點講啦, $45有5件, 件件都有掌心咁大, 仲好鬼厚tim... 我要分4-5啖先食得晒!2. 壽司, 我地叫左吞拿魚、墨魚、鰻魚、希靈魚、帆立貝... 全部都好大舊! 最愛吃希靈魚, 酸酸地幾得意~ 帆立貝都係我至愛, 不過都係御家/一壽司爽d~~ 3. 串燒雞軟骨, 好味! 真係燒出來的... 因為有d cheap cheap舖會用炸來扮燒... 4. 吉列炸生蠔, 好鬆化! 熱辣辣上枱, 好!我地只點左四樣野, 已經飽到行唔郁咁滯, 埋單$240左右, 已經食到好滿足, haha!

有兩個朋友都介紹，於是就黎試下但一定唔會再幫襯勒=(如果你係2個人黎既朋友要小心因為呢間鋪好似得兩張2人其中一張就又近出菜位又近入單位一d都唔好坐另外, 刺身係好大件，但又唔覺得係好味個種食食下會你推我讓叫另一人食埋佢啦...有諗過食剩算叫左個牛肉飯，勁咸~!全部飯都有汁，仲要多油35要加一但難食過吉吉個隻...總有呀，軟報蟹手卷出奇地難食，野全部凍冰冰d歌雖然唔係勁大聲，但唔知點解你同friend用普通聲調講野會聽唔到...如果要friend聽到連隔離都會聽到我覺得同區有第間正過佢好多..下次會去返個間有friend請我去呢間我都唔制了..寧願唔食日本野=(因為真係唔好坐...p.s.一入去就見到地毯上有一隻類似由既野添= =

如果唔鍾意大件魚生既朋友就唔好去啦!因為唔單止魚生大件,佢地既熟食份量都唔少野!所以都明白點解咁多人排隊,價錢都大眾化,算抵食.而且,佢地d日本豉油味道唔錯,放心...佢地無比珠江橋牌人食架!!!!

平時經過真味一般都有人在門外等位, 今日居然有位, 所以即刻試下先. 點左\"三文魚壽司\", \"甘蝦壽司\", \"三文魚子壽司\"...仲想點時, 待應生叫我唔好點了, 太多驚我食唔哂...所以只係點多一個炸軟殼蟹反巷同麵c湯就算等左大概10分鐘, 3碟壽司上場....嘩, 真係好大舊壽司.......飯, 飯既size似元氣既2倍, 不過甘蝦同三文魚子都只係元氣正常size, 睇落去有d古怪咁. 一試之下, 亦覺得只是一般唔突出. 論size, 三文魚壽司既三文魚就真係大件既, 不過入口無物鮮味, 只算一般遮. 食完呢幾樣野, 真係有d飽, 不過係比飯塞飽, 個口一d 都唔滿足. 再等多10分鐘, 炸軟殼蟹反巷都黎埋, 呢件就真係唔多得, 一咬就散開哂, d 炸軟殼蟹都唔知邊一個部份, 好似一堆粉咁...是旦啦, 食完就算食哂d野時, 個待應仲走埋黎問我\"係唔係好大件丫, 夠哂飽啦, 唔使叫其他野了\" 我都唔知點回答佢\好~埋單$97, 坦白講, $100食一餐\壽司算平, 不過同一個budget去元氣應該滿足好多, 又或者加多少少去板前就更為滿足.

成間都唔知想點．．．又話大件就係特色，成件三文魚好似豬肉噤，又唔新鮮，仲有啲豉油唔係日本豉油．．．如果真係有日本人見到一定嚇傻左，就等於你在日本食到好似拳頭噤大雲吞．．．問你會點！！！