益新美食館 (已結業)

男友家生日飯，一早預留了四寶湯和煙鎗魚。四寶湯材料十足，很夠味，反而煙鎗魚個人不是太喜歡，又多骨。咕嚕蝦幾彈牙﹑炒芥蘭很爽口﹑炆鵝掌超淋﹑炸鮮奶和生菜片乳鴿崧反而無咩特別﹑西檸雞保持一貫水準。糖水有紅豆沙和蕃薯糖水，如果蕃薯糖水有薑味就更好。今餐大家都很滿意，只是西檸雞幾經催促先來，有點美中不足。

一眾M記女同學難得眾首一堂，原本約定的12人，臨時因加班開夜而size down 到9人，唉！家吓約食飯真係越嚟越難。女同嚷着要試渣甸山益新，都好，唔洗諗，加上我未幫襯過晚市，唔知呢度嘅小菜有無跑馬地本店咁正呢？- 四寶湯，依舊清甜潤肺，侍應話要中鍋先夠分，點知多到飲唔哂，一人兩碗都仲有剩- 煙鎗魚，仍然是我的致愛，燻味突出，烘得夠乾身- 西檸雞，非常好味，檸味夠，有咬口，不像坊間般剩係得層皮- 咕嚕肉，一般貨色，好在啲肉夠彈牙- 大良炒鮮奶，一眾同學都讚好，不油不膩，奶味香濃- 焗魚腸，敗筆之作，魚腸腥，陳皮苦，蛋太乾，不用試- 上湯浸豆苗，啲豆苗好嫩，上湯不油膩- 炸鮮奶(甜)，外脆內嫩，掂- 奉送的腐竹糖水頗無誠意，有點像糖+水，稀溜溜的- 是晚的白飯煲得較硬適中，米香撲鼻，難得食物大致上和本店差唔多，不過上菜流程認真要檢吓，啲餸上哂枱個湯都仲末到，個湯到咗又要我哋叫先同我哋分。始終新開張，係需要啲時間warm up嘅...今次，體諒。

跑馬地益新嬴盡口碑，可惜但地方太細，經常無位。有見及此，益新於上星期六已靜悄悄地在渣甸山開分店(翠亨村舊址)，面積比跑馬地大四倍有多。新益新環境闊落，以米白色為主，落地玻璃飽覽寧靜的渣甸山，十分適合一家大細飲茶吃飯。唯一缺點是車位不足，遲來便要拍街位。今日嚟，一心一意試跑馬地沒供應的點心，我們人雖不多，卻叫到成枱都係點心：- 灌湯餃，皮薄得嚟firm，內裡的上湯夠鮮，不會太杰，十個讚- 雞札飽滿足料，雞肉嫩，特別在有條翠肉瓜係裡面- 小籠包，不算頂級，始終是粵菜廳，水準已算唔錯- 牛肉球，較坊間腍身，啱我- XO醬腸粉，非常惹味，但色水唔夠，略嚴油了少許- 馬拉糕，異常鬆軟，再甜少少就perfect點心水準隱打穩扎，真材實料，大大件，沒任何花巧動作，是以實力取勝的靚裝老字號粵菜廳。