影片
以上資料只供參考, 請與餐廳確認詳情
有關獎賞計劃
朋友住附近，話見到佢哋而家做緊晚市優惠，所以就同屋企人過嚟試一試呢間酒樓，優惠除咗可以揀我哋揀咗嘅蒸魚之外，亦都有片皮鴨，龍躉之類嘅菜式，非常適合同家人或朋友聚餐！蒜蓉粉絲蒸元貝鮮美多汁，蒸煮後搭配香濃嘅蒜蓉同粉絲，味道層次豐富。蒜蓉嘅香氣與元貝嘅鮮味相得益彰，真係一個勁正嘅配搭！🔥上湯龍蝦伊麵龍蝦搭配伊麵，湯汁好濃郁，帶出龍蝦嘅鮮甜。麵條吸收咗湯嘅精華，口感滑順，而且大大粒嘅龍蝦肉非常容易拆出嚟，非常容易食🍜清蒸沙巴龍躉揀咗呢一個原價$168 ，而家減到去$68嘅蒸魚，真係抵過自己屋企蒸😂魚肉鮮嫩，蒸煮至剛好，保留了魚嘅原汁原味，口感滑嫩，幾好👍🏻👍🏻👍🏻滷水掌翼滷水掌翼醃製得恰到好處，肉質仍食到鮮嫩，味道濃郁。滷汁嘅香味令人忍唔住想再來一嚿！燉湯（茶樹菇、瘦肉、雞腳）呢款燉湯用心熬製，茶樹菇嘅香氣同瘦肉嘅鮮味完美融合，雞腳嘅膠質令湯底更加濃郁。每一口都散發著濃湯嘅鮮美，飲落去暖心又暖胃👍🏻👍🏻
繼續閱讀
同屋企人好鍾意放假聚會就去酒樓食晚餐，土瓜灣市中心盈苑海鮮酒家是第一次光顧。酒樓地方乾淨企理，地點便利，未入座員工每一個都笑口相迎，感覺非常好。晚市大優惠六選一，算是非常新鮮，經濟實惠，服務好下次一定會再來。➖翡翠油泡龍躉龍躉的肉質鮮嫩，爆炒連埋西蘭花，非常健康。➖蒜子蒸龍躉頭腩蒜子的香氣獨特，蒸製的方式使得魚肉保持了濕潤，口感滑嫩。這道菜非常健康。➖蒜茸粉絲蒸元貝粉絲吸收了元貝的鮮味，蒜香氣提升了整道菜的層次感。➖紅燒脆皮乳鴿乳鴿的皮脆肉嫩，紅燒的醬汁入味十足。➖上湯焗澳洲龍蝦伊麵龍蝦的鮮味完全被伊麵吸收，焗的方式使得整體更加香濃。➖脆皮燒腩仔燒腩仔的外皮燒得酥脆，肉質豐滿，肥瘦相間，口感豐富。晚市大大大優惠產品［六選一］：：：：1️⃣清蒸沙巴虎斑（約1斤）震撼價 $68 (原價$168)［六位以上可選二條］2️⃣北京片皮鴨（隻）震撼價 $98 (原價$198)3️⃣紅燒脆皮乳鴿（隻）震撼價 $22.8 (原價$58)［每位壹隻，2位起計］4️⃣生劏大龍躉兩味［翡翠油泡龍躉球 + 蒜子雲耳蒸龍躉頭腩］震撼價 $198 (原價$328)5️⃣至尊燒鵝王震撼價 $138（半隻）$238（隻）［4-7位半隻；8位以上壹隻］6️⃣砵酒焗珍寶蠔震撼價 $98 (原價$188)
繼續閱讀
之前同屋企人去咗呢間酒樓食做冬飯，因為佢地有有兩個超抵晚市優惠，吸引咗我地去😍！！晚市優惠1️⃣：有$48清蒸沙巴虎斑/$98一隻京式片皮鴨，配搭優惠價小菜，小菜有6款選擇，仲可以無限任叫添！晚市優惠2️⃣：$238包一隻窯燒雞+一款精選小菜，小菜仲有8款可以揀，窯燒雞新鮮即做。我地兩個優惠都嗌咗，另外加咗幾款小菜，食得非常滿足！🧡京式片皮鴨 $98片皮鴨由職員推車仔拎出嚟，仲即席片成一碟，好有心思！片皮鴨仲非常脆口同好有油香！薄皮仲厚薄適中帶點煙靭，而且仲好有水份！個醬甜度岩岩好，夾住青瓜同蔥絲食，平衡返個油膩感！🧡砵酒焗珍寶蠔 $98蠔肉漲卜卜，咬落去嫩滑多汁，而且蠔身先走油，蠔邊仲脆身添！砵酒迫晒入蠔身，食落又香又juicy！🧡古法扣羊腩煲 $148呢個價錢有咁嘅份量真心好抵！而且羊腩炆到好軟腍，仲要有皮位同帶骨位！皮位個膠質同帶骨位嘅嫩滑，真係好正！🧡豉油皇焗海生蝦 $88海生蝦新鮮彈牙，焗得啱啱好，鮮甜嘅蝦肉帶有濃郁嘅豉油香味，令味道更加豐富。🧡炭香窯燒雞套餐配豉油王焗海生蝦 $238窯燒雞即叫即燒，所以要耐心等等，上枱熱辣辣香噴噴😍！外皮非常香脆，肉質嫩滑帶有淡淡香草味，連雞胸位都好滑嫩，等耐啲都值得嘅！🧡上湯焗澳洲龍蝦伊麵 $388龍蝦肉鮮嫩彈牙，伊麵吸滿龍蝦精華湯汁，味道濃郁又唔會好咸，好快俾我地清哂碟🤭！🧡海鹽燒鮮鮑魚 $168/4隻鮑魚燒得啱啱好，唔會硬身，肉質新鮮爽彈，海鹽令鮑魚嘅鮮味更加突出。🧡蒜蓉粉絲蒸元貝 $128/4隻元貝鮮甜軟滑，啲粉絲吸晒啲鮮味，加埋濃郁嘅蒜蓉香味，真係好正！🫖晚市茶介 $13 一位
繼續閱讀
198就食到龍躉，98就食到一隻片皮鴨，真係好顛！！！首先，我哋叫咗個深海龍躉兩味🐟第一味係翡翠油泡龍躉球，而第二味係蒜子蒸龍躉頭腩🧄🐟龍躉頭腩肉質鮮嫩，蒜蓉嘅香味好突出，真係好正！🤤 198蚊就食到咁高質嘅龍躉，真係抵到笑呀！🤣然後，我哋叫咗京式片皮鴨🦆！片皮鴨嘅皮脆肉嫩，配上蔥、青瓜絲同甜麵醬，用薄餅包住一齊食，真係好滿足！😋 我哋仲叫咗二食 ，七彩炒鴨絲🌈！鴨絲炒得乾身，配料豐富，好惹味！👍🏻我哋仲叫咗個竹笙紅燒海皇翅🍜！翅針粗壯，湯底濃郁，配上竹笙，真係好滋補！😋 同埋叫咗個小食夫妻肺🫁！夫妻肺雖然係小食，但係份量都好多，味道辣辣地。最後，甜品就叫咗黑金流沙包！一切開，金黃色嘅流沙餡湧出嚟，真係好吸引！😍 味道香甜，好滿足！💖
繼續閱讀
好耐冇食過中餐，今日約咗朋友去土瓜灣附近，見到呢一間酒樓做緊優惠，六樣優惠菜式可以揀其中一樣，片皮鴨都只不過係$100左右。北京片皮鴨片皮鴨最緊要就係個鴨皮夠脆，然後包住嗰一塊皮夠薄。佢哋依兩樣嘢都做得好好，而且仲好貼心，皮同皮之間隔住一張紙，唔會黐埋一舊。上湯澳洲龍蝦伊麵配蒜蓉粉絲蒸元貝龍蝦伊麵好有驚喜，龍蝦份量好夠，而且蝦肉好鮮甜，而佢嘅上湯伊麵調味都啱啱好，唔會過鹹，仲有少少芝士味。豐料養生燉湯燉湯材料好多，有猴頭菇、肉等等，好似飲緊住家湯咁，飲完個胃好舒服。
繼續閱讀