盈月軒米線 (已結業)

收工唔知食咩好，就打開手機app叫外賣，我一向都中意飲蟲草花煲雞湯，見到佢有呢個湯底我勁開心！ 個湯底好好飲，我額外叫咗雞翼、豬肚、豬軟骨同蘿蔔，雞翼入味，甜甜地係用瑞士汁整。豬軟骨入味但我嫌唔夠林，如果炆到啲軟骨半溶就最正啦，至於豬肚，豬肚都係滷水汁整，肉質厚身又彈牙，係我至愛嗰種，而且我覺得都好入味，但蘿蔔就好多渣，食入口唔甜，有啲失望，蘿蔔係米線入面嘅靈魂餸，煮得唔好就真係好扣分我另外幫工人叫咗個麻辣肥牛撈出前一丁，再加瑞士雞翼，不過姐姐就話唔辣，佢仲形容係not spicy at all , i think is normal flavour ，不過姐姐一向食得辣，所以未必能夠參考到啦。但總括而言係值得一試，同埋有下次嘅。

最近開始在家工作，終於有機會一嚐洪水橋街市的小店。試過酸辣和麻辣米線，個人比較喜歡酸辣米線，毫不吝嗇的酸菜很加分！吃過幾次，個人最喜歡的配料是雞扒，瑞士雞翼，冬菇，共通點是三者都超入味！我通常吃米線都必叫豆卜，但第一次吃到麻辣米線內的豆卜，味道有點奇怪，即使浸透了麻辣湯，還是有陣酸味，不建議加配豆卜～！

今日嘗試用某大型送餐app諗住試下新野食啦，一直自己都偏好米線，所以就試下好唔好食。點知成個用餐體驗真差到十個點首先，亦都係最嚴重果樣就係送漏食物而唔認錯。4個餐4杯野飲最後只係黎左3杯!!!!!其實呢，有時我都明人為錯誤總有機會有，所以我都係循例打去盈月到了解一下件事，但我一話來少左飲品，佢係死口唔認，話自己一定有放齊，將責任推卸到送餐app既送遞員到，而且態度語氣都真係好差劣，我真心覺得你好聲好氣咁道個歉咪得囉，做咩要做到咁肉酸呢，咁點樣留客呀激心完店鋪態度，到食物質素啦，麵同個湯就正正常常啦冇話好好又冇話好差既，但個啲餸就真係。。。。個雞扒有兩舊肥到我以為我自己叫左特盛雞脂肪呀，我叫雞扒呀大佬仲有個牛筯都真係經典級，我你唔講我以為蓮藕黎呀喂，大大碌連住晒又硬又唔入味，講真可能我唔識食啦，我真係未食過咁差既牛筋，牛筯要用刀切架，唔好原條上好冇呀整體黎講，冇下次