盈暉海鮮酒家

營業中

休息中

餐具上不齊，茶淡如水，請阿姐加茶葉還假裝聽不清，說來加茶葉就此消失，等了20分鐘還要我們再另外找阿姐，迷你叉燒飯分明是「迷你叉燒」「飯」！ 環境ok ， 侍應態度極差差差差差差。

今日同家人去到海怡半島商場盈暉海鮮酒家飲茶不過因為都算獨市排隊等到傻等左都算好耐先有位欖菜肉碎炒飯-味都夠,份量正常枝竹涼瓜班頭腩煲--都算幾香口,不過魚就有一點腥,涼瓜都夠爽口椒鹽九肚魚-這個好好食,魚肉夠滑,夠晒熱脆脆蘿蔔腸粉-同我預期唔同,入面唔夠脆

Extremely bad service. The waitresses are very rude and my whole family got scolded by the waitresses for asking more than one question. Don’t ever come to this restaurant if you don’t want your mood get spoiled.

剛過去星期日放假一家人去盈暉酒樓飲茶我撳咗張飛等咗大半個鐘仲未到，我行埋去問門口嗰個黑色衫小姐仲要等幾耐佢好冇禮貌同我講話唔知, 跟住佢仲攞個手機出嚟喺度睇賽馬直播，我都未見過一間酒樓有個咁冇禮貌嘅公關嘅，我以後都唔會再黎呢間酒樓飲茶㗎啦

同家人到海怡半島西商場盈暉海鮮酒家,人真係好多,等左好耐先有位雞包仔包皮唔會濕,都唔錯朝州粉果皮唔算太厚雞飯雞味都有,不過飯就硬了一點燒賣肉唔會太肥,咬開都有肉味道都唔錯幾好食

偶然到鴨脷洲， 去到海怡商場要飲中式茶， 只得一個選擇。湯包只賣$9.8， 超值， 食完飲完飽咗一半。 紅燒乳鴿用細鴿， 肉質都很嫩。 點心一般， 豉汁涼瓜班頭腩炒河， 肉多骨少！ 只係個啫啫菜煲， 唔係太熱啫唔起。

今日去同家人飲茶,等左1.5小時先有位等到人都傻快點菜枝竹涼瓜班頭腩煲,欖菜肉碎炒飯,椒鹽九肚魚,蟹子燒賣王,潮州蒸粉果,香菇雞包仔,蟲草花滑雞飯,脆脆蘿蔔腸粉枝竹涼瓜班頭腩煲-魚有少少腥欖菜肉碎炒飯-炒得幾乾身都唔錯椒鹽九肚魚-夠晒脆口,熱辣辣蟹子燒賣王-肉唔算肥,都OK潮州蒸粉果-熱辣辣,皮都唔係厚香菇雞包仔-都唔錯幾好食蟲草花滑雞飯-料都幾多,飯都夠晒淋

今午去了海怡半島探朋友，晚上來到商場唯一酒樓盈暉海鮮酒家晚飯，地方都算寬敞，由於無競爭對手，假日茶市晚飯，都需要輪候入座，今晚是閒日，人流不多。看見䬸牌，隨意揀選三款家常小菜，分別是貴妃鷄半隻、涼瓜白飯魚煎蛋和雲耳蝦膠炒勝瓜。貴妃雞賣相不錯，雞肉肥美嫩滑兼入味。涼瓜白飯魚煎蛋香口，涼瓜甘甜，加入平時較少吃的白飯魚，相當不錯的組合。雲耳爽脆，有藥用功能，蝦膠彈牙，勝瓜鮮甜爽口，三者合配，炒得頗有鑊氣。埋單$389，享用了一餐滿意的家常小菜。

放假當然要陪兩老食個飯，飲個茶！喺海怡半島，要搵到多一個地方可以飲茶食點心真係好難！就只有盈暉可以滿足到我哋嘅願望！如果唔係就要出到香港仔先有得飲茶！陪兩老飲茶，我當然唔客氣！瘋狂地叫！叫到好似食點心放題咁！落單度有得食大概等左15分鐘！點心上枱的時候都係熱辣辣！點心味道都不錯嘅！但係蝦餃皮就略為厚了一點！拉腸粉唔夠滑！同埋個豆腐唔太脆！好像炸了很久！其他都不錯嘅！尤其是佢嘅奶皇包！流心的奶皇在口中溶化！正！

Service超吾得!中招!食到一肚氣！D服務員聽吾明我哋的要求，食嘢吾做嘢，做嘢打爛嘢。冇禮貌就不在話下！明明話切餅吾收錢，到場就話要收切餅費五十元。要求他們幫忙拍攝全體照，就比面色妳睇😡

過嚟海怡半島幾次，次次都係食快餐填肚。今日難得有時間可以慢慢坐，梗係食中菜啦！眼見好幾家食肆都排長龍，但盈暉就唔駛等位，可以直接入坐？飢腸轆轆一於照入，其實心諗可能有伏味 ！因為全部都係有食力嘅成年人，所以就叫咗三個小菜，一個海鮮煲。落單15分鐘，全部都差唔多到齊，效率奇高 （1）脆皮燒雞 - 餸如其名，雞皮脆卜卜雞肉好入味，熱辣辣當然最好，難得嘅係攤凍咗個皮都仲好脆 （2）沙爹芥蘭炒牛肉 - 沙茶沙爹醬非常惹味，牛肉嫰滑啱啱好，亮點係加咗生鹹菜一齊炒，爽口之餘仲減少油膩感，愈食愈開胃 （3）士多啤梨焗排骨 - 即係京都骨加咗少少士多啤梨粒，基本上食唔出士多啤梨味，但肉質都幾嫰，醬汁香甜屬小朋友口味，整體一般般啦！（4）海鮮上湯雜菜 - 份量比想像中多好多足四人份，海鮮一半新鮮一半急凍，粉絲入味，雜菜有兩三款，最敗筆就係個上湯，好多味精，食完超口渴盈暉主打屋苑住客，所以價格唔算貴，4小菜加白飯 都係$490 左右。地方乾淨闊落，服務勤快，重點係唔駛等位下次嚟嘅話會試吓其他小菜

挨年近晚，啲供應商陸續蒲頭安排 “感謝宴”，感謝我哋做客人嘅多多關照，亦希望來年繼續幫襯，保持合作。今日中午，其中一個供應商了，並約飲茶。選擇了這間大酒家，單單睇個大魚缸就可以知道佢個氣派。既然有人找數，我哋十幾人飲茶，當然要狂點點心啦。其實，這裡的點心都幾好食，例如: 雪山叉燒餐包、春卷好鬆脆、炸両、牛肉腸、蝦腸粉粉蝦肉新鮮。點心樣樣都唔錯。蝦醬生炒牛肉飯都好出色，夠鑊氣，蝦醬味又夠濃，幾好食。不得不提的是燒乳鴿，午市特價$38，我哋總共點咗4隻來share。鴿肉嫩，又飲味，外皮又燒得好香。

公司提早做冬，提飲茶，吃午飯，來到這間屋苑酒樓，貪佢夠大，walk-in 都有位。既然係食阿公，我哋一行八人亳無顧忌，想食咩，就點咩。先來兩隻燒乳鴿 ($38 /隻)，夠入味。千島汁蝦春卷，鍾意佢唔炸得燶，但夠脆。蝦餃皇，皮薄，蝦肉爽。蟹子燒賣皇，大粒，不過鹹咗啲四寶滑雞扎， 都係鹹咗啲，不過，塊魚肚就夠腍。鮮蝦腐皮卷，味道正常蛋散，好少有得食，都幾鬆花鹹水角，只得三粒，唔夠分。同事話，都有水準。雪山叉燒餐包，味道唔錯。鮑汁鳳爪，炆得腍，尤其是花生。涼瓜肉片河，芡汁太杰。臘腸滑雞煲仔飯，個飯底太爛。紅豆椰汁糕，紅豆腍，椰奶味都香。桂花糕，清甜。整體味道合格，侍應服務不茶，價錢合理，8個食咁嘢，都係6百幾。

看到網上面好多負面評語，真係冇乜期望，但係食咗幾次之後，發覺水準真係唔錯，特別係羊腩煲、椒鹽豆腐、燒鵝，比一般高端酒樓還要好，所以今次寫這個食評抱不平👍🏻👍🏻

呢間位於海怡商場o既盈暉酒樓，睇OpenRice 食評好似唔係幾得，但小妹親身試過又唔係咁睇喎🤔 仲覺得幾好味tim 😂 聽聞轉左手，之前係難食d，唔知關唔關事呢？！鳳爪排骨煲仔飯食得出排骨係新鮮貨唔係冰鮮貨，有咬口，唔會太乾或者太淋，鳳爪是正常味道，唯獨飯淋左少少，個人唔係咁喜歡 點心拼盤o岩晒有選擇困難症o既朋友，尤其是2人組合，因為所有點心都有2件（馬拉糕除外），可以食多d款又唔使食咁多，大愛呀！！