盈暉海鮮酒家

營業中

休息中

呢間位於海怡商場o既盈暉酒樓，睇OpenRice 食評好似唔係幾得，但小妹親身試過又唔係咁睇喎🤔 仲覺得幾好味tim 😂 聽聞轉左手，之前係難食d，唔知關唔關事呢？！鳳爪排骨煲仔飯食得出排骨係新鮮貨唔係冰鮮貨，有咬口，唔會太乾或者太淋，鳳爪是正常味道，唯獨飯淋左少少，個人唔係咁喜歡 點心拼盤o岩晒有選擇困難症o既朋友，尤其是2人組合，因為所有點心都有2件（馬拉糕除外），可以食多d款又唔使食咁多，大愛呀！！

家住附近，之前都有去過飲茶，今日年三十晚就試下吃團年飯，點知一試中伏，一去到還差5分鐘到晚上6點，問門口的服務員何時可入去，佢就好大聲好惡咁話，電腦都未夠鐘，公司規定唔入得架喎，其實問下入得未都好正常，佢態度真係好有問題。因為新年關係，大家都唔想鬧交，所以我地唔同佢計較，入去點了一個中價套餐，但十分失望。1.乳豬無味。2.蒸魚係蒸到條魚200%熟。3.帶子無味。4.糯米飯十分乾和硬。及後，見到剛才態度十分差的服務員林小姐對隔離枱十分友善。原來是熟客和新客的分別，那麼他們便永遠不會再有新客了。我們一家十分失望。所以就算有多近，都不會再去了。

Sat down and found plates with rice from the previous customer. Their hygiene clearly has a problem. It’s so disgusting. We ordered close to last order timing. But the restaurant is not closing yet. But their service is horrible. The waitresses clearly showed their attitude that they don’t want to serve you and wish to close early. Oh by the way, and their food is horrendous. This is clearly the worst restaurant anyone can ever go. DONT COME HERE.

中午勁曬，請部長，經理落窗簾，但竟然話“吾可以，set 死左，吾坐就無枱吾好坐！“真係食到熱過大排檔食物都未到已想走，落度簾環境好，又減冷氣，點解吾肯做呢？坐大枱的下次慬重考慮呢間食物水準方面，其實是一般，因為環境實在太熱，按照平時的食量，卻剩了幾項，包括馬拉糕，菜苗餃，和薄罉。

中秋之日特别請左日假同屋企人飲茶一到門口帶眼鏡肥肥地果位部長姐姐好快咁安排我地人坐睇之前食評又唔覺態度好差飲得茶牛肉燒賣一定要食味道唔差，尚可接受其待下一次同屋企人再飲過

今日帶呀婆去飲茶（我呀婆坐輪椅的） 係門口個著黑衫 帶眼鏡既 肥肥地矮矮地既部長就大大聲語氣勁差咁問幾多位 咁都算了 （仲要係個對講機到講話有個坐輪椅既入黎呀）態度超衰 好似坐輪椅唔可以入黎飲茶咁 之後俾左張飛我叫我入去 佢安排個張檯輪椅跟本入唔到 明明仲有好多檯淨 同入面啲侍應講先好唔情願地俾過張好啲既檯我地！真係唔會再去尼間野！

因為第二天要番工的原因，再一次貪近，到屋苑附近的茶樓盈睴食晚飯，慶祝姪女生日。我們五大三小點了炸子雞半隻、蜜汁柚子脆鱔球、魚汁浸莧菜、薑䓤粉絲龍蝦煲丶蒜茸蒸元貝丶馬拉盞通菜炒牛肉丶秘製滋味骨。我最鐘意吃的是蒸元貝，大大粒。蒸元貝，好鮮味，再加上滲了元貝鮮味的粉絲一齊食，仲好味龍蝦煲，多龍蝦殼，少龍蝦肉食到，龍蝦味入唔到粉絲，所以味道較淡，唔似食緊龍蝦煲蜜汁柚子脆鱔球，酸甜的秘制蜜汁加上魚肉，幾fresh，不過有點質疑夠竟係米鱔，因為質感不太似。秘制滋味骨，肉質太鞋了，食剩魚汁浸莧菜，不似是用魚湯浸莧菜，較失色，d薑又切得好大件馬拉盞通菜炒牛肉，好普通。飯後送我們了一盤西瓜生果。最後就係切蛋糕，切餅費收$30， 侍應好殷勤地幫我們切餅，有禮貌又好好招呼。

星期六小朋友特別多嘢學，又要慶祝母親節，所以近近地，一星期前訂了屋苑新開的茶樓---盈輝，雖然話說是新，其實一點也不新，只是轉了幾個老闆，人手照舊，係名唔同左。我們沒有叫套餐，只是散叫，每碟都好大碟，味道尚可，不過不失，比我想像中還要好，最後食唔曬要打包，埋單$19xx， 超抵，母親節這個價錢算合理，因為夠大碟，節慶之選👍🏻

侍應的服務態度好差，冇禮貌，個個好似游魂咁。落單叫餸又聽唔明，換碟又唔識換，叫佢哋加水又黑面。所有侍應都要再培訓！嘢食味道一般，條魚好腥，大部份餸都好貴，完全唔抵食！點解要用趕客的服務態度對客人呢？ I am truly dissatisfied with the services of the waiters and waitresses of this restaurant. All of them need a decent and wiser training! I am afraid no words could properly express/address my grievance towards this restaurant.

We went to this restaurant for Mother's Day dinner. The set dinner was valuable, thousand something included many good dishes.Half portion of roasted pig. The skin was crispy. Soup had little shark fin and not salty enough. Noodles had cheese sauce. Fish was very big.

朋友說他家附近開了一家盈暉，約齊老友搞新春聚餐，他預先訂定老火湯，厘個粉葛煎鯪魚粉腸豬㬹肉老火湯，要煲起碼3小時，料多火候足，好難在家裏有咁大個煲，只好在酒家預訂，很吃驚，湯渣成個小山丘呀。燒BB豬皮香肉嫩。水晶飽不太甜，通透滑溜，要襯熱食，本已飽到上心口，都吃了2件。其他的都吃得滿足，下次去要試下這家茶市點心。

盈暉海鮮酒家近月新開業，店內裝潢固然新淨。年近歲晚，吃團年飯者眾，晚市亦須在門外輪候方能入座。 赤小豆粉葛煲豬龍骨湯是時日例湯，味道平凡，湯料鮮香不算出眾。 盈暉叉燒王雖然蜜味重，但同時鹹度亦高，嚴重失分。 士多啤梨骨賣相中規中矩，所選用的肉排瘦中帶肥，富鬆軟感。士多啤梨甜酸汁味道不錯。燒汁一口牛牛香普通，配搭菇菌燒汁炒勻有不俗的效果。 大海龍躉兩味內含翡翠炒斑球及清蒸斑頭腩兩道菜，斑球肉豐，口感結實。斑頭腩的肉量不比斑球遜色很多，奈何調味同樣重手，亦須扣減分數。 瑤柱扒豆苗選材嫩度中等，雖然瑤柱洋溢海味的鹹香，整體味道亦有偏鹹的老問題。 整體而言，酒家的用餐環境因新裝關係算不錯，但菜餚方面，普遍存在偏鹹的問題，絕對是值得留意的地方。

見係新開張咪入去試吓個早茶囉，入到去好大好多位但冇細枱，我同坐輪椅既媽媽咪揀一張空既六人枱囉，點知個金毛女部長唔比我哋坐，仲話：＂呢張枱太大喇，你哋得兩個人，去嗰邊搭枱啦＂算，忍你，但佢竟然安排一張要跨過兩張枱痴牆既枱比我哋，大佬呀，輪椅點入呀？之後求其安置咗我哋坐低就算，茶又唔幫我哋開，連碗筷都冇，咁仲唔止喎，一張十人枱搭三班人，坐到鬼咁迫，連傳菜阿姐都話咁多枱剩，洗唔洗咁搭法呀！食物質數冇驚喜費事講喇，但部長真係要再培訓囉。