皇廷滙 (已結業)

20070120和honey約了uncle一家三口在這裏飲茶，因為之後去藝穗會聽講座，貪它方便，口碑又還不錯，而且一如許多中上環酒樓一樣，週末茶市有七折。須臾已寫好單，一個魚片什菌米線加一碟燒肉合共148元，米線大大“盆”，足足分了十碗還多，湯白肉滑，比“魚米家”清得多。燒肉也不少，在我只吃了一件的情況下，最後竟然幾乎清碟，看官不需懷疑它的美味：）散叫了一碟鹽水菜心，其實也不錯，不過最近實在是吃到不少靚菜心，所以還是會挑剔它略老了些。其餘都是點心，XX酥（不記得）、XO醬炒蘿蔔糕、叉燒包等沒吃，不作評價。鮮蝦腸粉與蝦餃雙蝦生輝，肉質甜美爽口，外皮薄而煙韌，各有妙處；小籠包是港式酒樓難得的高水準，honey吃了兩件：）其餘還有什麼，事隔兩日，已經有些面目模糊：P只記得最後吃不下，要打包幾件幹身的。後來做了honey的early dinner：）服務還好，手腳也快，上菜速度均勻；環境乾淨整齊，並不滿座，所以無需格外高聲講笑，這一點已經好過寶湖數倍。當然最開心的還是大家都享受我與honey安排的這一餐，言談甚歡，捧腹而歸：）

係中環飲茶預咗貴, 但通常D服務都幾好, 點知呢間咁既"皇廷匯"服務勁差!今日有同事生日, 諗住食好D, 試下去皇廷匯(平時去寶湖). BOOK 咗枱1PM, 佢話留番張大枱俾我哋, 但去到就等咗成半個鐘, 咁同無BOOK 有乜分別?!後來佢話有枱, 話推門就見到, 點知原來問都唔問叫咗我哋去OUTDOOR AREA, 我問個應侍應有冇INDOOR, 佢態度勁惡劣咁話: “有就俾咗你啦!”. 我本來勁想唔食走人, 但D同事好肚餓, 唯有照坐OUTDOOR.D 嘢食好普通, XO醬炒蘿蔔糕似普通煎蘿蔔糕, XO醬炒腸粉變咗豉油皇煎腸粉. D 侍應繼續喝住咁問你D嘢仲要唔要囉. 最後埋單千幾蚊”享受”D 咁既服務, 下次搵鬼幫襯!

是日食0左'豆是'蒸魚雲，鳳爪，梅子排骨，蝦子燒雙菇。中意呢度點心款式比起中環一般既酒樓多，而又夠傳統。蒸魚雲即系蒸魚頭，第一次食，感覺唔錯，一塊魚鱗都無，正！梅子排骨無梅子味，唔系好得; 鳳爪，一般，都唔系太入味.蝦子燒雙菇，好特別，0的蝦子一粒粒，連埋0的菇一齊食好香口，但呢道菜比較濃味。

同老外撐檯腳，例必要到乾淨環境舒適，食物出得廚房入得廳堂既地方食飯。同老外食飯，例必要做一個指定動作：訂位。今日都唔例外。訂位。佢竟然唔俾我訂位，話o黎到一定有位。辦公日既午膳高峰時間唔洗等就有位，鬼信你。當然，我既下場係俾老外鬧啦...雖然有「後著」，但由於我對該「後著店」開始有恐懼症，所以求老外陪我上去「碰碰運氣」。原來，佢o係第二層迴旋處搭張二人檯，唔洗五分鐘。食物幸好不過不失，老外下了一啖氣- 尤其對o個個奶白色餡既「奶皇（鹹蛋黃碎）包」尤其一讚。可是，對我而言，奶皇包應該係奶黃包而唔係純粹既Custard Bun。

午市很旺場，有迫爆的感覺。一行五人訂了位都要等，門口的帶位姐姐待客態度麻麻，與客人針鋒相對，令等位的櫃台充滿火藥味。點了例牌菜叉燒包、蒸牛肉(新鮮熱辣，大大粒，充塞著蒸籠)、雞扎，還有腐皮卷、蛋撻仔(曲奇皮)、糯米雞、XO醬炒腸粉(很淡)、炸魷魚鬚(很香口，推介，只是間中有兩條特別咸)、春風得意腸(粉皮內卷芋絲春卷，頗特別)。埋單每位$93，不算便宜，但勝在方便就腳。

2005 年12 月16 日，一位大佬請我們吃飯，訂了16 位，臨行前confirm 了有位，然後我們就一起走上去。誰知去到又說沒有位給我們，一位同事先到，已跟那位公關小姐嘈了，跟著另一位同事再嘈，大佬最後也一句說他們是「垃圾」，試過一次訂了12 人卻給他6 人枱。公關小姐答我們訂了位是有優先等位，還有兩張枱就到我們，要等大約30 分鐘。我們因為太「慶」，於是走了，還要大聲叫其他人要等30 分鐘，不要吃。但太多人，還沒有想到可以吃甚麼，最後去了鏞記。我覺得最「慶」係因為上去前confirm 了有枱給我們，但最後要我們等30 分鐘。

應該是一個月前的午餐, 令我印象深刻的是擂沙湯丸, 尤其是上檯的一剎, 因為純白色的還是第一次見~一口咬下, 暖的, 不能確定外面白色的粉末是甚麼, 但不是黃豆粉那種味道; 糯米皮沒有煙煙韌韌的口感, 一咬即散; 內裡的黑芝麻蓉不夠香滑, 明顯不夠豬油, 雖然我不是要求流沙的效果, 但最起碼都不應凝固吧~相比之下, 炸魷魚鬚就出色得多(比金漢的好多了), 而點心只是不過不失~

趕住走唔係食左好多野不過最impressed 係d蝦幾新鮮唔似雪藏蝦其他野無咩特別啦同埋cbd區既茶樓黎講都真係幾嘈但係價錢算係合理

- 食飯時間超多人, 幾逼幾嘈下- 點心新鮮, 好味- 特別推介：炸蕃薯

情人節本想吃得好一點,但第一次到此飲茶十分失望。最主要是點心不夠熱,只是微暖。灌湯餃-湯底不鮮甜,餃子裡面是沒有味道的蝦, 一般的餃子比它好。叉燒腸-水準一般,只是不夠熱。流沙奶皇飽-味道可以,但沒有流沙的效果。糯米雞-味道像冷凍"叮叮"點心腐皮卷-外皮尚算鬆脆。如意餃-賣相差,味道像潮州粉果。

上星期五晚有人請吃晚飯，菜色有點兒肥膩，但是酒樓一般如此，不能苛求．味道倒是不俗．來打雀局後吃飯是不錯的選擇．

又黎我的飯堂喇。今日叫左﹕蒜泥白肉﹐油菜、乳鴨、帶子餃、春卷﹐重有甜品紅豆沙。同事話有老闆坐左係隔離檯﹐所以全程飯都就住就住﹐冇點傾野﹐所以好快就食完勒。其實我地幾個女子食好小野﹐每人都要100蚊﹐食物一般﹐服務冇mug, 離呢度都係貪方便姐。

話比你地知﹐呢度係我的飯堂﹐一個星期差不多來一次﹐有時兩次添。因為的同事太懶喇﹐又要怕晒﹐又要唔使過馬路﹐連住天橋直通娛樂行﹐真係連條街係點樣都幾乎唔使知。講番的野食﹐我最種意的有﹕蛋撻、蝦餃、灼菜、排骨、叉燒包﹐而廚點的有﹕鴨胸、牛柳粒。今日第一次試雞包仔﹐如KC說﹐好味。鴨胸有成十多塊﹐好飽﹐而菜都好大碟﹐留意佢的蝦餃皮的包法﹐同一般酒樓的不同。另外﹐有奶白蛋撻﹐我覺得OK﹐好似燉奶甘﹐不過個friend話唔中意佢的奶味。另推薦﹕楊枝甘露﹐奶黃包。不推薦﹕任何形式做的雞翼(太多雪味)﹐多春魚(唔知點解﹐下次你地去試完﹐話番比我知) 。

同幾個行家，一行五人到這裡飲茶。呢度以前係皇上皇，而家變左皇廷匯，其實都係同一個集團經營。點心種類多左，賣相較精緻，價錢相應的亦提高了。十一點訂位都拿到位，來的時候都坐不滿，在中環來說算少見。叫左好多點心，味道普遍都算不錯，叉燒包及雞包仔都熱辣辣，春卷咸水角等炸物亦好新鮮，唯獨是那個魚湯鮮竹卷比較茨汁太厚，而蝦餃燒賣俱一般。叫了個蠔仔肉碎湯米線及蟹肉雞粒炒飯，湯米線足料又大兜，一人兩碗也未吃完，炒飯雖整體味道不錯，但炒得濕了一點。埋單一人八十蚊，食到幾飽，以地點計都幾抵食。但返到公司發覺口渴非常，似乎點心的味精也下得幾厲害。

以前係中環渣打樓下間皇上皇就食過好多次，同一集團的皇廷匯都係第一次o黎。點心同炒粉麵飯都唔少選擇，雖然得5個女仔，不知不覺點了成十樣點心，加一碟帶子炒飯tim!我推介係蘿蔔絲酥好大件，就算一份為兩，都唔細、奶皇飽好香奶皇，細細個唔會好“溜”。而其他蝦餃燒賣排骨腸粉，都係一般酒樓貨式。碟炒飯係最正，有唔少帶子(當然係好細粒好細粒個隻)，炒得唔濕又唔油，我一口氣食了兩碗。除了鴻星外係中環飲茶，佢係一個唔錯的選擇。