皇室宴會廳

營業中

休息中

我都唔知點解去過咁多次香港迪士尼，每次開餐都係去同一間！係愛呀！...本身今次經過迷離莊園個大冒險家餐廳見到個炸雞扒配雜菜炒飯套餐配雞腿，淡咖喱汁及前菜幾吸引，但睇完6:15pm魔法書房個騷，7pm前過去餐廳已經關門，結果又係去返老地方。皇室宴會廳分四區: 燒烤，和風，廣東，環球，選擇幾多元化，試過幾次，我會推介「燒烤」夏威夷薄餅 $135 米奇形狀Pizza最呃Like，但明明size係比正常成個圓形薄餅細左。味道正常，但呃過一次Like之後，我會選擇叫其他，有啲其實幾高質。烤雞半隻 $149 肉質算嫩滑，薯菜都幾多，加塊米奇蘿蔔即刻迪士尼左！日式咖喱豬扒便當 $149，塊豬扒就真係差少少，炸粉同豬柳係完全分開！不過便當有三塊冰涼西瓜都算係咁。日式雞翼豬骨湯拉麵 $142 無乜特別，配料幾多甚至多過一般拉麵店，但雞翼偏細隻。精選雜扒 $155 呢個有牛扒，雞扒，腸仔同煙肉，好豐富！兩個人都夠頂肚。可惜今次去已經唔見餐牌上有呢個選項，只係得返皇室烤牛扒。（圖片為去年夏天拍攝）以上套餐包汽水，以主題樂園價錢其實唔算好貴，當然亦唔算特別，但味道賣相都可接受。

今日去迪士尼看新城堡。去咗附近間皇室宴會廳食午飯。這間餐廳好處在於有多國美食。我個人想食新豬肉。問咗Greeter Liana，佢話餐廳有新豬肉意粉。去到入面見到廚房屬開放式。新豬肉意粉加杯特大可樂埋單價$136。我見到室內布設到皇室宴會廳。有美女與野獸雕像。因室內12:30已坐滿。我選擇坐在室外。新豬肉食落好似真豬肉，我個人唔覺得食緊素肉。加上個意粉彈牙。意粉上面加上芝士。好開胃。杯特大冰凍可樂入口清新。服務員Man服務周到。服務員服飾好像皇室待從。Liana同Man工作服務滿分。如是素食者個人推介這款新豬肉意粉套餐。

趁仲有入場優惠去玩吓先,早兩星期入園食咗火箭餐廳,今次就試下皇室宴會廳先一向都覺得樂園食嘢貴,質素唔會太好,但真係要食過先知宴會廳內設有燒烤、和風、廣東、環球食區,但當日廣東區不供應,最後只有三區,款式都好多選擇,每套餐都包一杯飲品皇室烤牛扒套餐牛扒薄切,肉質鮮嫩,唔鞋口,加上大量薯條,食落飽肚焗芝士白汁海皇飯套餐焗飯內有大量魚柳,表層又佈滿勁多芝士,焗得好香肉醬意粉套餐肉醬料多,醬汁甜,意粉軟硬適中,配埋芝士溶溶地,撈埋好好食兒童套餐-迷你什錦壽司兒童餐內有栗米、幾件壽司、低脂蛋糕和生果,再用兒童食具擺放,賣相吸引又健康,而且全部新鮮製造

🏰迪士尼美味香煎皇室牛扒薯條套餐#食好西迪士尼美食#香港迪士尼樂園 🏰從來都覺得在迪士尼食野又貴又伏，疫情後因為做緊優惠，而且無遊客可以舒適咁享受樂園，所以買了全年通行證，放假過去hea 一hea , 食個lunch ,寫意舒適當去了旅行一樣,可以平衡一下心態🏰今次過來旋轉木馬旁城堡下的「皇室宴會廳」裝修好歐洲風格，入面提供四大主題美食，分別是燒烤，和風，廣東及環球，好適合一家大細的口味🏰進店最吸引眼球的是皇子公主在城堡共舞的場景，原來是四大點餐區，這裡是先點菜，可以在四個區域點餐，點完可以將餐車推去付款區埋單，一家四口都可以食到唔同的菜式🏰皇室烤牛扒套餐跟汽水$155(銀卡折後$139/ 白金卡$折後$116去到燒烤區先點菜，開放式看到廚房入面感覺乾淨，一路會聞到牛扒的香氣，牛扒上碟時很香，可能是適合一家大細嘅餐廳，牛扒就冇得揀幾多成熟，一律係well done 🏰比較建議上枱要即刻食，食落都算美味，牛肉味濃一定要趁熱食，如果唔係一凍左會變好韌,拌上燒汁更好味，中粗的即炸薯條，口感很脆，而且份量幾多，食晒成份都幾飽下🏰餐廳地方幾大，每邊都有不同公主

今次趁開學前入園人吾算好多，但應該係因為有人數 限制 關係差吾多每個遊戲都要排15分鐘以上，值得一讚係周圍都擺左酒精搓手液俾人玩完遊戲有得搓手消毒下因為食左早餐先入園，所以玩到咁上下3點左右我地先去醫肚，過左lunch時間餐廳都會冇咁多人我地首選一定係簡皇室宴會廳，個人好鍾意呢度既環境😍今日叫左焗豬扒飯同日式雞奕拉麵套餐會跟一杯氣水焗豬扒飯繼續保持到水準，豬扒好冧好多人以為會好小量吾夠食，但其實個飯量都好多，仲有3大塊豬扒雞奕拉麵有驚喜 雞奕好入味，小朋友勁鍾意牙🥰食飽飽再去玩啦

經歷了疫情陰霾下的大半年，幾乎都在家裡跟小孩交戰，無論小孩抑或本人，蓄電量已到達臨界點了，難得最近本地感染數字一直維持在5宗以下，終於迎來一個機會，決定到迪士尼樂園放放風。一直很喜歡香港迪士尼樂園的風格，貫徹一貫美國風情，一磚一瓦都有種華麗又夢幻的感覺，尤其欣賞每一個角落都打掃得很乾淨，即使是散落一地的爆谷，又或是整杯落地的汽水，工作人員總有辦法把場景回復原狀。因此，每次到迪士尼都會有種油然而生的清爽。迪士尼重開不到一星期的今天，人流極多，樂園似乎有點不勝負荷，每個遊戲景點，都要排隊30分鐘以上，所以今天選擇早一點吃晚飯。最近奇妙處處通持有人可享特別優惠，於小食亭購買小食$50以上，可持收據於某幾間餐廳享有買一送一折扣，吸引我決定於皇室宴會廳晚飯。這間餐廳我偏愛西式，點了一份牛扒餐配薯條，另外點了一份炸蝦。而在環球菜式則點了一份焗豬扒飯，以及一個米奇薄餅，另外加點了一籠蝦餃。可惜，這次牛扒餐（$155）的味道令人失望，牛扒煎得太老，感覺是煎板火氣未夠，未有以猛火煎封，鎖住肉汁，牛扒口感十分韌，幾乎要動用雙手去扯開肉塊。薯條則是合格之作，炸得夠酥脆，而不會過分油膩。米奇薄餅（$135）其

疫情有所緩和，香港迪士尼樂園推出香港居民專享優惠，「三人遊，二人價」，仲每一張門票🎫可換取價值HKD 118 的迪士尼頭箍或耳朵帽子，非常化算。❤️玩到咁上下就諗住係園入面食野補充體力。園區內有不同類型餐廳🍴，眾多選擇令人花多眼亂。但每一次我都係會揀幻想世界入面既皇室宴會廳，貪佢有不同主題好似FOOD COURT 咁😂 四大主題包括：和風、廣東、燒烤和環球。因疫情，排隊時要同人保持距離，而樂園員工好貼心，派發凍水比遊客，因當天天氣炎熱🥵。日式雞翼拉麵🍜（HKD 142):拉麵🍜份量多，一直成日認為主題樂園食物份量會偏細，但反而並沒有，湯底是豬骨湯不會死咸，有椰菜、粟米🌽粒、雲耳蔥花做伴碟增加口感，不錯。麵條偏焾身，溏心蛋有點過熟，但夠蛋香。雞翼炸至脆身，咬落脆到連骨都想食埋😂仲有芝麻粒係表面，增加香氣。總結：每次入園必食的餐廳🍴物有所值

今日同朋友去咗迪士尼玩，去到晏晝就想食返啲嘢補充一下體力再去玩過💪🏻🙊迪士尼樂園有好多間餐廳亦都有唔同類型嘅，例如中式飲茶嘅，西式自助餐or快餐等等。有眾多嘅選擇真係令人花多眼亂😍而且可能我想食西式但我嘅朋友又會想食中式嘅😖所以我每一次嚟迪士尼都會揀皇室宴會廳😍因為皇室宴會廳就好似商場嘅food court咁，一間餐廳但係有唔同主題食物可以揀，呢度分咗四個主題分別係和風，廣東，燒烤和環球。和環球。啱晒一大班朋友各人有唔同口味但又唔使就嚟就去可以解決眾人所需👍🏻🔺環球-皇室肉丸意粉套餐($132)首先一讚係佢嘅份量👍🏻主題樂園食物嘅份量不嬲俾人認為會好細係唔夠食嘅，但我嗌呢個意粉套餐份量好足料👍🏻而且仲有成七粒肉丸咁多俾咗幾粒朋友食我食到最後都食唔晒！排隊等攞意粉嘅時候，見到佢會落芝士碎我已經好興奮因為我係芝士愛好者😍所以見到佢俾咗好多而且好大塊嘅芝士片我好開心😍可惜嘅係佢嘅芝士係羊奶芝士片唔係我喜愛果種😭整體比我感覺好好👍🏻因為食得飽而且味道又好感覺好滿足！而且佢嘅價錢同份量成正比，同樣價錢喺火箭餐廳只係食到一個漢堡包同一份薯條唔會有呢種滿足感😭食飽充滿晒能量去玩啦！我下次嚟迪士尼樂園

迪士尼金卡有買一送一優惠，平時一個餐都要百多元，而家真係好抵！我哋兩個太太，帶住兩個小朋友，剛好買二送二，大家分享，可以試多幾樣野。四個餐，大概$300，小朋友可加$12換鮮榨橙汁給他，健康啲。日式方面，揀咗雞翼拉麵及壽司套餐。壽司有個Mickey mouse頭仔，小朋友見到好開心。Pizza都好cute, 係Mickey個頭, 初頭睇相以為好細片，食落原來都好大個批。焗豬扒飯好Juicy, 唔錯！依家天氣炎熱，在迪士尼內買一支汽水都要$30 ，倒不如停低坐坐，在餐廳食個餐，補補水份，再同小朋友們大戰300個回合！

入得迪士尼食就預左會好貴？又唔係既，迪士尼都有啲又食得飽價錢又唔太貴既餐。皇室晏會廳呢間既雜扒餐有齊曬牛扒，雞扒，腸同煙肉，一定岩曬食肉獸既朋友，味道唔差，扒夠曬入味！重點係一啲都唔貴，值得一試！

去迪士尼預咗食嘢會好貴，行行下肚餓，附近有間餐廳就決定食。皇室宴會廳，一入去，裝潢好有歐洲風格，餐廳內牆壁有花木蘭、灰故娘、白雪公主同貝兒公主等迪士尼童話故事，可以一邊享受美食一邊睇欣賞雕像同周圍裝飾。餐廳提供唔同款式嘅食物，分別有燒烤、日式和風、廣東菜同埋環球四個美食站。小妹叫咗米奇壽司及雜錦壽司套餐，賣相非常吸引，看似份量少，但食完都幾飽。個蕎麥面好好食，冰冰凍凍，少少甜，消暑一流。壽司都好食，不過不失。

入到迪士尼樂園玩，大多數一早入去都食埋午餐先走。帶住小朋友，都會揾下唔同嘅餐廳，由於心急玩，都唔揀d要等位，但坐得待的餐廳。揀皇室餐廳，原因係，佢既食物夠多元化，日式西式都有，啱小朋友食大部分佢d餐價錢差不多，都要12x-14x，今次叫左個西式，扒餐試下，味道ok，合理，不過薯條比較乾及唔熱。小朋友仲有兒童餐可以叫，小朋友見到兒童餐，咩味道都無所謂，最緊要有米奇圖案食過幾次，覺得整體食物水準平均，味道合理，但唔算有驚喜想穩陣就揀呢間餐廳地方算大，户內户外都有位，座位都算多，撞正午餐時段，好多人等位，試過等30分鐘。

呢一間係我覺得迪士尼入面最好食既一間今次叫左齋意粉!!!好香肉醬味啊～其實唔講齋都唔知佢係齋!!!!!同有肉既有得比仲有點左烤雞，煎牛扒!!!烤雞唔會烤過火，仲係有汁的!!牛扒我就嫌有啲唔太值啦!!太薄啦～仲有米奇pizze，又靚又飽肚!!但小朋友食就嫌佢青椒太多

諗住晚餐食餐好，原來迪士尼樂園食肆夜晚是得番一兩間，簡直冇得揀,被逼食番呢間，唔係唔好食，但估唔到晚餐選擇咁少。甚麼人蔘雞，咖喱羊肉，咖喱雞，全部好早關門7：30已全關門，想食要早知道時間早食。但餐廳營業時間又唔清楚，買了KLook餐卷只剩漢堡包及皇室宴會廳。如要在好樂園晚餐要留意安排。

土曜日の第2部、ドナルドダックとの挨拶は19:20から始まりました。ゆっくりお食事を楽しみたいので、最初にドナルドダックと写真を撮ったり、お話をして楽しみました。お料理の種類は豊富です。日本人の味覚にも合う広東料理が気に入ってお汁粉をおかわりしました。コーヒーもおかわり自由です。お店はとても広くていい雰囲気です。子どもたちが興奮して駆け回りますので、ぶつかってお料理を落とさないように注意しなければなりません。