皇室宴會廳

營業中

休息中

入香港迪士尼玩，食野預左貴之餘預左唔會好食得去邊，但因為晏晝食正間大冒險家餐廳，見總括不錯，所以晚餐都決定食埋先 因為要等睇晚間巡遊。最近小鎮大街係呢間皇室宴會廳，環境確實不錯，可以同埋野雀共餐🤣野食算多選擇，最後決定食扒餐，牛扒同雜扒餐。牛扒乾身到冇哂肉汁 薯條又淋又唔熱牛扒一樣好乾身似食紙感覺雞扒又係鞋口味道難食薯條一樣又淋又唔熱最好係條德國腸仔，最夠味，略嫌咸左少少，但可以接受。總之呢餐真係超失望既一餐

我都算係disneyland既常客，買左annual pass無理由唔入多d黎；好多園內既餐廳都食過了，今次同大家介紹一下呢間royal banquet hall。呢度有多國菜可以揀，揀岩行埋去拎完食物再一次過俾錢。今次叫左個兒童餐，作為一個兒童 既家長，我覺得呢個餐幾方便，有飯有蔬菜有生果有甜品有野飲，小朋友想食咩都滿足到；味道就一般架啦，同埋飯既份量唔多，男仔未必夠，不過入得樂園食都係咁上下。另外大人就叫左個牛扒餐，呢個就算了，牛扒太乾太嚡，我情願你用鬆肉粉醃醃佢，起碼食得到；不過烤蔬菜同薯條既份量都唔少，過得去啦。記住annual pass某些單數月份是有七五折既，記得check清楚啦。

今年既元旦男朋友帶左我去迪迪尼樂園話要有個amazing start!!同埋佢話要維修城堡前同我一齊睇一次煙花喎！🤗夜晚我地入左呢道食晚餐，入面好似food court咁，有日本野，有牛扒，有意粉等等...同男朋友睇樓見到牛扒餐唔錯便去左燒烤個counter點餐！要左一份牛扒餐同炸魚炸蝦餐🤤見到個set😧塊牛扒好薄⋯不過食落牛扒雖然薄而且全熟但都juicy ge!炸魚就整得好出色，外脆內軟熱辣辣！比好多西餐廳都做得更好呢！

來到迪士尼，間間餐廳都甘多人，價錢又貴。次次想食野都會比較下邊間好食，睇黎睇去都會揀係呢間食餐正經既。事關呢度裏面可選西餐，日式或港式。我地四人叫了一個家庭pizza 餐，一個肉丸意粉同一個焗魚柳飯。家庭pizza 餐有一個大pizza，兩杯飲品同四隻雞翼。個pizza真係太大，味道可口，差點兒吃不完。肉丸意粉有好多粒肉丸，蕃茄汁，味道幾好，但分量多所以吃不完。意粉和飯套餐都有杯汽水包埋，但唯一不好的是沒有熱飲選擇。環境方面，大家都知樂園裏多人啦，揾位是有難度的。買食物的隊伍亦頗長，很難才找到一架trolley買食物用。假如無，都唔知點買三個餐了。

係迪士尼入面，搵食真係好辛苦，又貴，又多人；而且都冇得話揀好係邊食架啦，小朋友要玩，基本都要等佢地玩到夠先願食。依個Lunch就由12點叫食叫到點幾先有得食呢。所以呢，同太多個小朋友一齊去迪士尼都幾辛苦架。皇室宴會廳既食真係唔平，全部都Over 100蚊既；不過其實我都冇留意其他Counter既食物幾錢，因仔仔一入去就鎖定西式。全部一個價129蚊一個主食一杯汽水。Pizza加焗豬扒飯，係我同仔仔Share的，原本仔仔Order Pizza的；但係我早知佢唔會夠飽，所以就由我Order焗豬扒飯。最後，都未拎到埋位食，仔仔就話同我交換啦，佢主食豬扒飯再加少少Pizza，飯就比番2啖我咁囉。Pizza好薄，其實除左係米奇頭外完全冇特別，反而個豬扒飯又意外地好食喎。侄子Order左肉丸意粉，唔知係侄子比較細食？偏食？明明睇落幾吸引的意粉，見佢食左幾啖就開始唔願食；食到一半左右直情放棄拎埋電話出黎玩。最後要我出聲叫佢唔好浪費食物先食多1/3咋。另外幾個侄子重過份，食拉麵食極都重有大半碗係度好彩佢地早走，如果Dinner重要對住佢地咁食野法；我真係覺得浪費晒我同仔仔的玩樂時間係度等佢地誓願呢。

星期六入迪士尼黎到晚餐時間，本來想食好D去大街餐廳，但價錢太貴而且不值，平均$200仲要得碟意粉無野飲，無沙律，仲要排長龍......由於時間關係，決定轉去皇室宴會廳園內餐廳充足，上次就試過去大冒險家餐廳與今次比較，大冒險家餐廳較平民化，$100內已有交易而今次用會員卡９折後人均$110~130(以金卡為例，單數月份更有75折就更抵)，但質素就較好焗白汁龍利柳飯，味道濃郁，醬汁亦夠多而且捧到座位仍是熱辣辣！雜扒套餐，有牛扒雞扒煙肉腸仔豆類等等醬汁另外裝起，是小小的貼心表現質素不俗，份量很足夠，可選薯條或飯

o係 disneyland 食 o野預 o左係貴過出面不過最怕係又貴又唔好食 ja~皇室宴會廳其實係好似 food court o甘冇記錯好似係 o係樂園 ge 中心位置但 food court 得 o黎都裝修得幾靚中央仲有個 sleeping beauty 石像呢依度係有 set meal ga所以我覺得都算抵食 lao黎到 disneyland 緊係要食 d mickey mouse 樣 ge 食物 la!我揀 o左 hawaii pizza combo個樣非常可愛 d 甜品都好靚 gacupcake 有 d 求其呢, haha

由澳門回來後馬上直衝迪士尼果然是愚人節「整古自己」最佳活動；兩兄妹累時可以坐車還好，根據手機的資料，這天媽媽我一共步行了18,580步，累得要死啦！去到晚上簡直有飢寒交迫之感，決定回到幻想世界，找個地方好好醫肚。其實園外已增設了美食車，不過帶著小孩不想立食，考慮了一陣，還是重投皇室宴會廳懷抱：這裡除了環境優美、也勝在食物選擇較多、而且水準相當穩定，份量也很充足，3份晚餐足夠4人分享了。年票還有折扣，在園內算是舒服又不太貴的飽肚之選。我們家特別愛吃這裡的牛肉芝士漢堡，覺得比另外幾間快餐店飽滿好吃；配的薯條也非常慷慨，基本上每一次都未能100% KO。另一份雜扒餐則是首次嘗試，味道普通，雞扒的孜然粉有點太強，但可以配白飯，讓兩兄妹不用集中只吃薯條；同時又有特多的豆角及車厘茄，感覺較健康。晚餐後出來天已全黑，也是時間回程了～

係樂園食個貴餐，什扒餐：有牛扒、雞扒、腸仔、煙肉、四季豆、蕃茄仔，可配飯或薯條。聞落去兩塊扒好重孑然粉味，雖然望落去兩塊扒size有啲細，但都好夠飽。四季豆無味，係白烚。

今日係一年一度情人節嘅大日子，所以我們去咗香港迪士尼樂園玩！一入到樂園我們就即刻去咗幻想世界園區嘅「皇室宴會廳」食咗中午飯先，餐廳分別有廣東、環球、燒烤同和風，我們分別選擇咗買環球嘅夏威夷薄餅套餐嘅造型賣相係一個米奇形狀嘅pizza非常趣緻可愛，餅底係薄批嚟，焗得好香脆薄身，材料主要係蔬果類，食落感覺好清新，唔會有好膩同好滯嘅感覺！皇室牛肉芝士漢堡包套餐嘅包質都幾軟熟，牛肉嘅肉質都幾鬆軟，再加埋芝士同蘑菇，味道好惹味！雜菜吉列配蘋果沙律套餐嘅雜菜吉列亦都係米奇造型，但食落嘅味道就係相當淡，沙律菜好新鮮清甜，蘋果就超香甜爽口！

元旦去廸士尼走走，人流不算多，行得滿舒服。由於入園前吃了豐富的早餐，所以只顧玩耍，沒有吃午餐的意慾。到了五點，已經把想玩的機動遊戲都玩完了，肚子亦開始叫起來……走到幻想世界附近的皇室宴會廳，先看過門口的餐牌，雖然比一般餐廳貴，但與廸士尼內其他餐廳比較，價格是可接受，亦有多款選擇，包括西餐，中餐和日式。商量後，我們叫了皇室雜扒餐，薄牛扒套餐和茄汁肉丸意粉。餐廳採用先取餐後收銀方式，大家先去相關餐廳取餐，然後才到收銀櫃位付錢。下圖是薄牛扒餐($139)，可配薯條或白飯加一杯汽水，份量適中，牛扒是薄但也頗有牛味，抵讚。薯條放涼了，所以比較遜色。皇室雜扒餐($145)，一看便知道豐富，不要要求太高，味道算不錯，吃得飽飽補充體力。皇室肉丸意粉，意粉舖上芝士片，配有許多肉丸，上碟熱辣辣，小朋友至愛。三人晚餐成為四百多元，這裏總算坐得舒服，醫飽了肚子，又有氣力走回公主城堡看煙花和買紀念品了。

平安夜去迪迪尼慶祝☺️去到大概兩點幾已感到係時候食野啦通常去親呢d主題公園食野都預左貴🤷🏻‍♀️冇計啦...為左醫肚都要食/_\同男朋友一人叫左人個餐皇室肉丸意粉套餐 $129一開始聽個名好似勁吸引 心諗實冇伏到實物睇落都唔錯既...點知食落.......真係好普通 而且勁水...比左129真係so_sad.肉丸食落都...普通..男朋友就點左 芝士白汁龍利柳飯套餐我偷食左一啖😂個人覺得好食過意粉而且白汁好有味😋 可以試吓食呢個野飲冇咩特別都係汽水但同男朋友食完都太飽喇！！覺得應該兩個一share就岩岩好～我三點幾食完到夜晚都重好飽...但食果陣好多麻雀呀因該坐左係出面而且飛黎飛去真係好驚佢地會請我中頭獎😂

和友人們到迪士尼玩，晚餐選了皇室宴會廳，因為種類多，有pizza、粉麵飯和扒，能迎合各人喜好～在迪士尼進餐也預了一頸血，感覺上吃牛扒較抵，所以我和nosir也決定食扒我點了牛扒餐，牛扒賣相乾，但味道卻意外地juicy，但由於所有食物早已煮好，所以只是微溫，汽水也沒有汽，別奢望可以點幾成熟的牛扒，牛扒餐$138Nosir貪心點，叫了雜扒餐$148貴貴的一餐😭

星期二去迪士尼玩，梗係要試吓裏面啲餐廳呀啦。食晏時間 1:00 ,見到皇室宴會廳唔係好多人，就入去兜個圈啦。餐廳入邊其實好大油煙，因為其實佢啲餐真係喺餐廳入邊煮，唔係中央廚房整好送嚟。見到樣樣都好想食，但係每人得一個胃，唯有揀啲有抵食睇落又好味嘅嚟試。啲餐其實都唔算貴，大約＄120至到＄150有一個。我哋今次就食咗肉丸意粉，同埋焗豬扒飯，再加多個豬仔叉燒包。肉丸意粉($125)好抵食，見到佢喺後面即炒意粉，肉丸仲有成八粒。肉丸食落幾好味又有香草味，意粉都好好味。豬扒飯($125)真係好有驚喜， 豬扒但係好多汁，粉漿又唔怕過多，又夠厚。炒飯底唔怕好油，炒得又均勻，執又唔怕過多。最後見到豬仔叉燒包($36)咁得意，都係抱住食個樣嘅心態。豬仔叉燒包係即蒸嘅，要等10分鐘。食落超級有驚喜，餡料就唔算多，不過成個包食囉好balance。麵粉食得出係靚野。依家餐廳真係又抵食(樂園嚟講)又好味。

早前聽友人說，迪士尼有不少餐廳結業了，慶幸我們很喜歡的皇室宴會廳仍然保留下來。這裡是自助取食物、然後付款並自取食物（遇上帶小孩的家庭，職員也會幫忙）的形式，套餐定價不貴由$89-135，分為日式、西式、鍋物幾大類別。這天媽媽早上吃完早餐，午餐跳過沒有吃，所以6點已經餓腸轆轆，一口氣點了4份餐，一家人一起分享。這是雞翼日式湯拉麵 ($135)，湯麵挺好吃，妹妹吃了很多，雞翼就沒試了。囝囝愛壽司，這是他的壽司冷麵餐 ($125)，連組合及賣相似乎上回的便當吸引些。不過給小孩吃的，這樣會清淡又健康些，加上可愛米奇逗人食慾，也不錯。　最後還點了炸蝦炸魚餐 ($135) 及 芝士漢堡包餐 ($135)，這裡的漢堡包及薯條都好好吃，不過炸物脆漿就厚了些。講真以年卡還有9折優惠，這裡的晚餐定價很合理了。希望經過整頓期，去蕪存菁，餐廳會做得更好～