影片
營業時間
今日營業
11:00 - 21:45
星期一至日
11:00 - 21:45
公眾假期
11:00 - 21:45
公眾假期前夕
11:00 - 21:45
以上資料只供參考, 請與餐廳確認詳情
我琴日去咗皇后飯店試咗佢哋嘅焗豬扒飯，心情有啲失望。首先講講焗豬扒飯嘅汁，雖然汁嘅味道仲可以，唔會太淡，但整體上份量真係少咗。豬扒本身冇乜味，好似冇經過特別嘅醃製，食落冇咩驚喜，感覺唔係好過癮。至於羅宋湯，老實講，我真係失望。湯底冇咩肉味，整體上味道偏淡，感覺好似用料唔夠，唔符合我對羅宋湯嘅期待。 講返價錢方面，我覺得今次嘅餐真係唔值呢個價錢。以前食過呢度嘅焗豬扒飯，份量足，好滿意，但今次真係落差好大。講真，自從裝修後，呢間飯店嘅整體質素真係差咗唔少。雖然環境睇落新淨咗，但係食物質素同價錢真係唔成比例。 總括嚟講，今次嘅皇后飯店食評係唔太正面。希望佢哋能夠改善食材同烹調方法，令顧客可以重拾以前嘅美好回憶。未來未必會再嚟呢度食飯，希望真係可以改進。
繼續閱讀
在港運中心工幹完，想起附近早就想試的皇后飯店。店內裝修古舊雅緻，點了three courses晚餐。先來羅宋湯和餐包，個包軟軟的又熱，加上靚牛油，好味，羅宋湯很standard，濃淡適中，正！蝦多士兩大塊，味道合格。龍利柳意粉，係真龍利，煎得外層香香的，內裏鮮嫩的魚肉，好食，意粉軟硬適中，令人滿意。咖啡飲得出係佳品。滿意的一餐。
繼續閱讀
本人一向都同家人一齊黎食生日飯，質素都保持得唔錯，但今次帶朋友黎食，食物質素完全唔得！首先黎左個羅宋湯，味道不一樣，更濃稠，飲完會口乾，麵包上既時候唔係熱既！失望！之後叫咗兩份七成牛扒，上黎嘅時候係全熟，朋友話唔緊要唔洗換，但個牛扒硬到食唔到，估計廚房係一早整定放咗喺度好耐🤦🏻♀️仲要凍哂我就換咗七成，但牛扒質素超差，入面勁多筋，一半以上都係筋同脂肪，越食越嬲，唔會有下次！仲要加左價都換黎咁嘅食物質素，認真失望！！
繼續閱讀
講起香港嘅老牌餐廳，皇后餐廳必定榜上有名，足足有 60 幾年歷史！✨呢度就唔單止係個食飯嘅地方，牆上嘅黑白舊照、老式吊燈、木質桌椅，周圍都瀰漫住舊時香港嘅味道，滿滿都係情懷💕餐包上台仲帶住微微嘅熱氣🔥外皮金黃酥脆，掰開香氣直竄鼻腔，咬一口軟綿有嚼勁😋羅宋湯濃郁酸甜，滿是軟爛蔬菜，超開胃！【紐西蘭牛柳拼鵝肝】牛柳外焦裡嫩，肉質鮮嫩多汁🤤鵝肝入口即化，油脂香同牛肉嘅香完美融合，簡直 “王炸”👍【美國肉眼扒配意粉】肉眼扒嘅肉質緊實嫩滑，嚼勁十足，但又唔會覺得韌，每一口都能感受到牛肉嘅原汁原味😆配嘅意粉就彈牙爽口充分吸收曬個扒嘅肉汁😜【大蝦薯仔沙律】新鮮嘅大蝦🦐薯仔同埋新鮮嘅蔬菜再加沙律醬，清爽又美味！🥗
繼續閱讀
皇后餐廳，對於係北角嘅人冇可能唔認識，因為數一數二非集團下嘅餐廳可以生存至今，相反港運城入面嘅餐廳都轉左好多添。近期重新裝修過，所以就一探究竟啦我地叫左有set 連餐湯、餐包和餐飲。餐湯係正常羅宋湯，帶微温鬆軟且五啖內可吃完嘅size 餐包，有跟牛油。$348 肉眼扒 肉眼揀左5成熟，肉質嫩口，帶啲肥膏，完全乎合肉眼呢個，份量觀察應該有~300g，正常有啲似茶餐廳意粉😅因為粗身d。配菜有番茄、西蘭花、翠玉瓜等$320 寶雲酥羊架 寶雲酥係用上芥末醬、麵包糠和香草抹上羊架，係一道傳統菜。（reference from google) 所以食落偏重鹹香，但唔係死鹹，相反聞落就冇嘅。羊肉唔羶，揀左7成熟，肉質就正常，唔難口lo，但羊架size好似偏細左啲？配正常粗薯條結單每人3百尾連加一，係北角呢個地段，我覺得性價比低，一啲都唔值，仲有少少肉赤。感覺上去左間定價高嘅街坊西餐廳水準，不論食物和服務。如果想食扒類就唔建議，可以試飯麵類，或者lunch time可能抵d😖
繼續閱讀