皇后泰國廚房 (已結業)

自從11月的2星期曼谷之旅完結後，回港後久不久都會回憶下好好味既泰國菜，但想要係香港食到D有水準既泰菜都唔一定凈係要去九龍城，我的為食太太搜尋到一間位處尖沙咀上樓叫皇后泰國廚房，鄰近中港城對面既商廈，或許食店處黃金地段緣故，定價略較九龍城區的小店進取一點，但重點係參考一下店方提供既時段折扣優惠及食物水準為大前提。店內環境用餐空間頗為寬敞舒適，絕對沒有九龍城地鋪既侷促感同限時用餐問題。寥寥不過15張餐桌，每枱均放了一盆具濃厚泰國地道宗教色彩既花擺設，總體而言感覺帶點私房菜格局。今晚3人行點了幾款惹味既菜式，小食頭盤離不開女士們喜愛既香口食物泰式蝦蓉豬肉多士。店家把蝦膠及豬肉碎鋪勻在麵包上，炸至金黃色澤既外層兼漲卜卜既麵包特別惹人喜愛，端起一整片還浸透著餘熱加上油香十足既四方狀多士，趁熱咬下一刻俾到你果種深層脆彈力度既驚喜之餘，夾雜蝦跟豬肉所散發出既鮮味，乾爽香口又不會滿口油膩之嫌。喜歡味道刺激一點既我就選了泰式香葉豬肉生菜包 (右)，外面先用上嫩綠生菜葉將大量豬肉碎粒緊緊地包裹一起進食，蘊含豐富蔬菜汁既生菜先為口腔迎來片刻清新感覺，繼而被大量酸酸辣辣既豬肉碎粒徹底地佔據起來，豬肉汁洋蔥香

千其五好食蟹$488魚$388和生蝦$22/隻，諗住價錢貴會好食，點知份量好少和味道一般，其他菜式普通，豬頸肉和沙律幾好食，環境和地點好，但整體8折左都有點貴。

行街的時候比這泰式私房菜的易拉架廣告吸引，立即和同事前往一試。曾經到訪好幾家位於這大廈的餐廳，多以街坊平民路線為主。怎料一抵達餐廳，彷彿另一天地。餐廳十分開揚雅緻，單邊玻璃透視著九龍公園的景緻，高樓綠林盡入眼廉，感覺環境舒適又寧靜。這兒供應的午餐有九款，價錢由$88-$98，沒有餐飮。SetB$88這個套餐有糯米飯春卷、泰式豉油炒河粉和泰式青木瓜沙律（蝦）本來以為會吃不完，怎料每一道菜的份量只是零嘴的snack size. 糯米飯春卷炸得有點乾和硬，而且微甜的糯米飯和春卷唔太合拍，即使沾上酸汁也無補於事。青木瓜沙拉就是不過不失，味道唔太差，但也沒有驚喜。泰式豉油炒河粉只有一小碗中國碗的份量，河粉不但炒得比較油膩，而那泰式豉油味也是奇奇怪怪的不太合意。Set H$98這Set H餐有糯米飯春卷、泰式燒雞和清炒蔬菜。嘩啦！這樣的份量真是少得可憐，一如兒童餐。細問待應，他們説這樣午餐的價錢已經是半價了！糯米春卷和剛才的一様，而所謂泰式燒雞居然是兩件小雞槌！而且雞槌沒有太多的調味，味道淡淡的，而肉也沒有肉汁，唔太嫩口，真心覺得麥當勞比他造的還要好。清炒蔬菜就是清炒，沒有泰式炒菜的鑊氣，只是吃蔬

呢間嘢睇黎都好快執，第一次黎(當日係星期一)食成晚得我地一枱客，菜式選擇極少，連大路既蝦餅/生蝦都無，食左如圖菜式，除左個濕炒河粉麻麻之外其他都正常!因為下次飯局本來要搵有房既餐廳但人少好難搵，咁最後覺得呢間嘢唔方多人就去返呢到!第二餐係星期五，食成晚連埋我地都係得3枱!個侍應哥仲話係呀，今日星期五，平時星期四多人啲，真係聽到我地r爆頭!返兜既唔想影相，所以第二次無影!生菜包，明明第一次幾好食，第二次食好濕，生菜得4塊，要我地開聲先加碼，又加左豬潤好似怪怪地!有人嗌個"傳統椰汁蝦肉菠蘿檬粉"，睇個名都覺得怪，食落都真係騎呢架，唔知係咪開張咁耐呢咪餸首次開齋!食物選擇少可能因為無咩客唔預備咁多食材掛!侍應哥仲話做左promote架喇響OR呀呢啲飲飲食食app，但你做9折咋，你啲價錢都唔係平，我諗你成晚做半價就差不多!

和同事來試下lunch set $98. 真的有驚喜，望著九龍公園好怡人好relax.lunch set 第一推薦牛雜湯河，分量夠，好味好舒服，而且有前菜好正。次推薦青咖哩雞撈檬，一上枱就smell到好香，好足料又好味。

同屋企人食生日飯，屋企人見皇后泰國廚房喺Openrice有8折coupon，就揀左呢間啦！😍位置便利～尖沙咀站行過去唔洗10分鐘就到啦！上到去，環境一流！望到少少景，而且座位都好寬敞舒服當時都算早，唔多客人，好似包左場咁由於我地前一日就透過WhatsApp同店員pre-order左，黎到好快有得食啦！青木瓜沙律好有驚喜～平時食開果d都會太辣，呢碟竟然剛剛好，唔會太重口味豬頸肉係成晚最好吃的咸食～份量都好多！蝦醬炒通菜，味道都不錯，不會太咸～芒果糯米飯杯～很好吃！一暖一凍咁入口，好有層次，芒果都好結實新鮮！另外仲叫左：-冬蔭公湯（椰醬味重，海鮮料足）-生菜包（淡口味，估唔到仲加左豬潤）-濕炒河（呢碟係成晚唯一一碟負評既⋯⋯豬肉好肉變臭左，令碟野既芡都有怪味）-蝶豆花青檸茶（好飲！味道特別）-凍咖啡同凍奶茶，竟然有粒咖啡冰波同奶茶冰波😱）呢間餐廳適合大伙兒聚會～不過價錢有點費呢～有coupon就抵啦！

因公私兩忙，最近都好懶寫食評，但食完呢餐晏要即寫免得過晒氣😑雖然經常去尖沙咀，但呢間樓上餐廳都好難被發現。原來在蘋果店隔離，好方便喎。上到16樓，餐廳裝修及環境令我眼前一亮😍隨便點左兩個餸試試佢先😬泰式滷水豬手配饅頭 $148 - 賣相ok喎，但睇真啲，大約有4，5舊連骨豬手，下面仲墊咗兩件唔入味嘅豆腐。豬手可食部份超少 (但骨超大),食完好似冇食過咁。實在對不起呢個價錢😓泰式雜錦辣炒河粉 $98 - 呢個炒河可以講係我食過所有泰式炒河最差嘅一個。 完全無鑊氣，河粉兩條兩條黐埋，無味，料少，最致命係勁油膩😥價錢貴加上如此質素，豪無誠意，食完快快埋單走人當無嚟過🏃🏽‍♂️🏃🏽‍♀️🏃🏽‍♂️🏃🏽‍♀️

皇后泰國廚房地方光猛，有一扇大窗，可以望到九龍公園和The One方向，裝修簡單，但亦算企理舒服，上open rice 睇返五月份嘅餐牌價錢，發覺九月份嘅價錢加咗好多，例如紅咖喱海鮮籃由$118加到$198，加幅超過67%😱，鮮蝦青木瓜沙律由$88加到$128，加幅超過45%😨，海鮮冬陰公有$148加到$168，加幅超過13%😰，其實都幾厲害，加價其實都唔緊要，最緊要物有所值，不過加價後嘅價錢比對返質素，就確實係相去甚遠，份量細之外，煮功亦唔覺得好細心，材料亦覺得有偷偷減減之嫌，整體覺得呢間餐廳唔值得試！👎

今日好姊妹約食泰國菜黎到這間在海港城對面的一間大廈樓上，環境都算大同光猛前菜都算多又豐富！顏色靚！蛋這個好怪，外面的膠質口感及上面的配料好唔夾，不喜歡豬頸肉比較硬身，唔爽口！但我推薦這個中泰fusion的鮮蝦木瓜沙律，好野味！蝦有3隻，都爽口；酸酸甜甜又帶點辣醬汁，爽口又多花生香；夾著中式咸蛋，感覺幾特別金錢魚餅味道正常；蝦豬肉多士唔脆口，豬肉硬了點豬手出色，好軟腍！都入味，還有蛋、豆腐配料，都幾好味另外是三文魚冬蔭公米線，比較普通南瓜蒸甜品：如果切埋下面的南瓜皮更好，上面的吉士口感似布丁，不會太甜芒果不是太甜；糯米飯好硬身藍蝶花似品：太甜無特別因為姊妹未放到工，所以等埋佢。侍應唔理囉，見前菜未動過都想上主菜，一點也不細心為客人想想，交功課就算。同埋有一個白衫帶黑眼鏡的侍應，明知我個袋大（買咗水果），另外那邊有路又偏偏要在我那邊過，仲係咁話我要坐前D、個袋唔可以咁放。大哥！我放個袋在我張椅背想坐舒服些，另外有路你都唔行，一點也不貼心，這種服務態度真差！講真食物就算幾好食，但這種服務下，下次請我也不會來！

食物其實唔差，但要乜冇乜。菜式已經唔多，仲要近一半都冇。撈檬冇、蝦多士冇、蔗蝦想要6支得番2支、沙爹豬冇得番沙爹雞⋯點到已經唔想點，不如廚師發辦唔好要我哋估⋯另一問題係上菜速度，呢樣我係幾個鐘前才意識到，餐廳聯絡我問要唔要落定單，但我已經在途上冇點到。結果，喺唔full house嘅情況下，我哋仍然享用咗一餐"法式"泰國菜，生菜包耐到自己都唔記得咗原來有點，仲要漏咗個沙律最後cancel。其實唔係想踩間餐廳，因味道真係唔差，但要好好檢討work flow同預備幾多食材。又或者作為食客嘅你，要做定功課，預先落定order，咁就唔會好似我食得咁冇癮。

Waiter唔知頭唔知路，問咩都唔太清楚，邊d野飲要加錢，邊d野飲唔洗。叫single 同 叫set個份量係唔同！叫set會少好多，set只係多個冬陰公湯，泰式沙津等泰式豬手配饅頭 68蚊只有小小皮的豬骨同兩舊豆腐同一隻蛋。饅頭是凍的，又凍又硬，這樣也算是菜？然後set是要加錢才有飲品及半自助餐。作為泰式菜做主打，為何連泰式炒飯也沒有？份量這麼少又定價咁貴，難道Target只是OL？但OL也只是剛剛好，我希望一年後還看見這間餐廳吧

潮興短程旅遊，泰國自不然是熱點，看見友人傳來的泰國美食相片，另我心癢難耐，雖然無暇前往，只好在港找間泰國菜館，食咗當去咗啦⋯⋯哈哈！找到一間新開的泰國餐廳，坐落於尖沙咀。裝潢有氣派，還可遠觀園林美景，舒適的環境下，可享受美食。冬陰公湯是泰國菜特色之一，但食得太多次了，既然有新款湯品，當然要試一下。香辣胡椒蔬菜蝦湯，會不會跟中式的胡椒豬肚湯相似呢？胡椒味不太突出，但越飲越有辣度，我嘴邊熨了，如喜歡嚐辣的人可挑戰一下。沙嗲不傭錯過，豬和雞兩款，靈魂在於沙嗲醬，惹味帶有花生香，滋味！香辣炒河惹味香口，炒得乾爽不帶油膩感，微辣的口感增添食欲。蝦醬炒通菜夠曬鑊氣，爽脆有嚼口。最後經典甜品芒果糯米飯出場了，軟糯有嚼勁，再夾著芒果和椰奶，好正！

抵食加靚VIEW@皇后泰國廚房 到尖沙咀食飯 基本上沒有便宜的食物，近年來租金向上，不少食店都搬到上樓，早幾日朋友帶路下到了皇后泰國廚房 餐廳就在海港城附近的商業大廈， 非常方便，景觀一流！夠開揚 裝修華麗寬敞 那個 小胖子侍應年輕又有禮貌 （很親切很ＣＵＴＥ） ， 價錢和九龍城差不多，幾十蚊起跳，其實頗抵食！ ＤＲＩＮＫ ＬＩＳＴ 泰式檸檬茶＄３８ 入面有一個冰波，看起來很有趣，味道是偏甜，平時不愛甜飲的記得要少甜 不一會就變成刨冰，這個好處是飲到底檸檬茶也能保持冰凍 皇后泰式㗎啡 $38 是這裡的Signature drink，冰波也是為了飲到底也能保持冰凍，冰波用上㗎啡做成，不會令㗎啡味道變淡 生菜包的肉可以揀雞肉或豬肉，我們點了是豬肉吃起來不會很鞋厚，加入了大量香料和洋蔥炒成，非常惹味 用生菜包起來一齊吃，加入了香葉九層塔食起來很清爽 海鮮冬陰功 ＄１４８ 酸酸辣辣，非常開胃 我刻意另外要求再添加椰汁，令味道更香滑，湯底更濃郁！裏面有大蝦 ，草菇；魷魚；番茄香茅和南薑，非常足料 泰式牛什車仔麵$88 牛雜車仔麵裏面的牛腩很腍，湯底很點似越南牛河

Queen's Kitchen is a great getaway in TST.It is located on one of the top floors with a great view of TST especially when the skies are clear. The decor is grand with elegant crystal chandeliers which makes it a great place for gatherings and events.For drinks, I had the pandan tea because I just love Pandan!!Also had the beautiful butterfly tea.Started with the Thai Peppery spicy Vegetable soup with shrimp served in a traditional clay pot. I loved it because it was really savoury infused with h

本身唔係好喜歡食泰國菜，不過友人極愛，盛情難卻唯有捨命陪君子！講返正题，呢度泰菜真係好正宗，今晚點咗北清邁獨有的咖哩金麵及女婿蛋，前者有雞肉，拌匀脆脆一半炸麵加上一半生麵，好juicy,後者似半熟溏心蛋，但泰式做法坊間少見。食泰菜又點可以冇冬陰功湯，清爽的湯頭帶有胡椒香氣，以多款新鮮海鮮，配上芋頭、南瓜、勝瓜、佛手瓜等蔬果，以及事先磨碎的泰式手指薑與黑椒等香料製成，味道獨特。另一款泰式雜錦辣炒河粉，以香茅及多種咖哩香料炮製，有點似我哋食開嘅炒贵刁。泰式香葉生菜包，加入香茅炸香肉碎，爽彈香口，配上帶醋香的醬汁或包上生菜進食，風味獨特。甜品方面，芒果糯米飯杯，熱飯凍芒、一冷一熱，雙重口感。獨有的香味與椰汁的奶味相映成趣，令人一試難忘。蝶豆花梳打冰，皇后泰式咖啡冰，前者好清爽解辣，後者有一大球咖啡冰镇在杯中，慢慢溶化，味道不會變淡，有心思。