皇后板石燒冰室 (已結業)

今日同朋友行完街就走入去女人街嘢食，好耐都無食冰室，黎到門口剛剛有人走，好彩唔使等位就走入去試下! 環境唔算好冰室，餐廳以深色為主，黑色沙發，灰色牆身，雖然細細地不過都ＯＫ坐得舒服嘅。我最鐘意就係食海鮮就揀左個法式煎大蝦香辣野菌墨魚麵, 朋友就揀左個法式煎羊架配野菌汁。一黎到見到隻蝦咁大隻已經覺得好興奮，仲要聞到好香，因為我實在好鐘意食蝦！食落去蝦肉燒到好香，無雪藏味架～仲有蝦嘅鮮味！墨魚麵咬落軟硬度適中，仲有少少辣添，最鍾意係墨魚麵夾有Ｄ野菌同番茄真係好野味：）朋友食羊架睇落去都幾好味咁，雖則我唔食羊不過都試左舊，夠腍又唔係好膻！佢就話好好食啦～旺角食飯黎講都唔算好貴，大部set都係一百蚊左右，下次可以再黎安哥！

今日放工自己一個去旺角買嘢，一個人食晚飯當然想食好啲啦，門口見呢間餐廳都幾多人下，應該唔差，試下啦。一個人好彩唔洗等位;)菜牌又好多選擇，睇到眼花花，樣樣都好似幾好咁。諗左一大輪，最後決定散叫。鐵板上，黎到好香噴噴，好多煙，鐵板夠哂熱，今日咁嘅天氣最適合分量比想像中多，成個鐵板滿滿的漢堡扒兩大塊，煎得好香，外面脆脆的有鐵板保暖，食到未都仲係暖暖的，食肉保暖哈哈滑蛋黑松露係見到隔離檯碟飯好正所以叫嘅，果然無令我失望。蛋嘅分量可多，我諗起碼有三隻雞蛋。半熟蛋好滑再加黑松露，真心推介。黑松露唔係只係面有，堅係同蛋一齊炒，加分!!蔬菜就ok啦，健康啲98蚊食到飽又味道唔錯

今次已經係第二次幫襯 上次食既時候 聞到隔離檯個扒餐好香 所以今次專登黎試試叫左個牛柳鐵板餐 果然無叫錯 牛柳好有肉汁 唔會太林身好似比太多梳打粉醃制後那種 一口咬下去 軟身而彈牙既口感真係難以形容朋友叫的係大蝦雞扒飯 雞肉很嫩 蝦很鮮甜另外想讚一讚係佢地既醬汁 味道濃淡岩岩好 唔會因為醬汁而搶走肉類或海鮮本身的味道!!

睇完風暴search下西餐呢間第1頁..去到排兩三個字..原本可以快一張的..因為個樓面好馬虎寫個2字係張紙仔度比我..查實可能到我時佢無留意就比左近門口就比人入..入到去睇到樓面有老有嫩..就睇得真係好等人用咁..講返友人叫左安格斯牛..試左舊..算合格..但唔覺有咩特別..而我就海鮮飯..有墨魚.尤魚腳仔,蝦仔.蜆.青口一隻.魚一兩舊.磨姑..送料夠哂多有誠意..所有送料如果計味濃為5星..就大至上有3.5星..但最靈魂係個飯本身配上面層的芝士汁個下無左種香噴噴焗飯水準所以可能太高要求我會相對覺得失望..無乜特別..其次係個湯..+酥皮10$ .但唔覺好正..仲差過大x樂個d皮..忌x湯就都係咁..餐飲杯就菜蜜囉..反而個杯好型..好好拎個耳仔..服務上台台有水..係我台無. 加上門口事件.扣一分..

在旺角找食好容易，但想食咪就好困難，在女人街穿梭下，看見一間冰室，雖然無懷舊氣息，但環境都令人舒服，一個人好多時候都無需等位，自自然然就有位坐，撞正下午茶時段，選了芝士肉醬意粉配熱華田，芝味濃郁，份量適中，穩陣之選，味道ok

係女人街近廣華一段有幾間西式餐廳我隨意走進這間發現店內都坐滿人然後店外都有人在等位環境雅緻只是較迫  午餐set 大約$ 50-60蚊左右價錢吸引羅宋湯鮮甜沒有濃列牛肉味亦沒有辣感是偏向蔬菜的鮮甜再加一片鬆軟麥包可惜沒有牛油 主菜我選了比目魚這裡汁很特別清清地配有八爪魚但這樣魚身就因為汁液變冧軟了肉筫變了不是我喜歡的實感整體很清新唔油膩 薯條炸得全條都脆硬份量頗多檸水沒有澀味讚 !最欣賞係個杯柄位特別設計到較寛厚拎上水特別穏這裡烹調技巧雖不算餐廳級只算住家級味道清新環境不錯值得推介

穿過這條熱鬧又窄的街，很多食店幾乎間間都有人在店前“拉客”而這間令我留低等位原因：menu圖片很吸引！有位第一感覺，好窄，我這身形行埋位好怕會整到隔離台的人/食物。超唔好意思。張台唔夠大放我地叫的野食吧！選擇性放相雞翼，很入味層皮。無錯只係層皮！再來小食，不過不失，勝在夠晒熱！個飯口感不錯的，乾身得黎有濕濕地既汁包住起晒泡既蝦，挺好的！蝦以外就一般般了！甜品細細件，

星期六要OT，放咗工唔想係港島區食野，出咗旺角，係女人街找野食，行下行下比我發現咗個世外桃園。女人街有好多食肆，但係大多數的裝修都係牛記笠記，但係呢一間的裝修就好唔同啦，有少少氣質，有啲似開係尖沙咀橫街的餐廳。佢有一啲好似係皮的卡位，軟腍腍好好坐，跟住啲長枱有一列長梳化，仲有一張張皮＂鄧＂，望到都覺得好優雅好有味道；牆上面仲掛住咗啲相同一啲好特別的吊燈，格調完全同出面女人街的唔同，應該話你完全唔覺得自己係女人街食飯。我今次就試咗佢地的法式煎大蝦配香辣野菌墨魚麵同黑淑牛柳配番茄意粉。法式煎大蝦配香辣野菌墨魚麵雖然得一隻蝦，但係真係好大隻同好新鮮，煎的火侯剛剛好保留住蝦的肉汁，而個墨魚麵就用辣汁煮，配搭好新鮮，仲有啲野菌伴碟，味道一流。而呢個黑淑牛柳配番茄意粉，個牛柳係板石燒上烹煮，肉汁一啲都唔會流失，番茄意粉的味道好濃郁，啖啖都有番茄味，我最鍾意。佢仲有特飲同其他特食的野食，出開來旺角，一定會再試。

座位比較迫.隔離位男士.好努力咁切豬手時..差點一㬹批落我度..餐湯:白湯,無味的漿糊湯法包:小小一片,小不是問題,因為太多都吃下了.但係佢竟然係用微波爐叮熱的.點解唔烘?同埋無牛油提供．餐飲:咖啡，估唔倒一間門面係西式ｃａｆｅ的餐廳．咖啡不是即磨咖啡．而是用咖啡粉開的無味咖啡．比三合一還差！主菜：厚切豬扒．咸到我勉強叫了一半，只有咸味．個汁又係勁咸．．我幫襯最多應該係開水．．因為．．真係好咸．．．唯一可以是服務還好．

又經過辛勞的一星期，今天決定過一個悠閒下午。下午跟男友去看電影，看完後在旺角四處逛逛。都好一陣子沒有到人來人往的旺角，西洋菜南街以前就是收買佬跟電話公司的天下，現在什麼也有，雜耍﹑唱歌﹑跳舞﹑即影即有檔，就像來港旅客的Night Market一樣。更甚的是，沿路撞到的都是瘋狂購物的自由行，左手一大袋右手一大袋，更能把你整個人撞開。為了避開他們的攻擊，以及肚子開始抗議，我們逃到內街去了。逃離自由行遠一點，經過這間餐廳，看到內裡的裝潢很舒服，很有格調的樣子，便決定要試試看稍息一下。除了裝修外，餐牌設計蠻吸引，跟男友都花點時間去決定吃什麼。地中海香草烤焗比目魚柳珍珠飯最近口味有點改變，以往無牛不歡的我，自大病初癒後開始少吃牛了。於是今次點了地中海香草烤焗比目魚柳珍珠飯，賣相挺吸引，肚子即刻響了一下!比目魚柳味道剛好，醬汁香濃，配上珍珠飯很Match，不會太漏。酥皮燉牛展肉配法國紅酒汁男友點這個，是因為看見隔離檯有個像酥皮湯賣相的飯很特別，於是想試試看。男友本身挺愛吃酥皮，就是買麵包的時候也會挑有酥皮的款式。侍應剛把碟放下，他已急不及待把酥皮「破開」。酥皮做得不錯，不太油膩。牛展也燉得很軟身，

下午茶時段想和朋友安靜用餐, 在OPENRICE找到這家店, 經過門口見裡面環境舒適, 人也不算多, 就進去坐.看餐牌見這店晚上走西餐中價路線, 未知食物質素是否「貨真價實」,但按裝潢格局, 以女人街一帶的餐廳來講, 它確實是寬敞舒適.下午茶大部份賣$40-50左右(大多是意粉和飯, 其實算是午餐罷)我點了咖喱豬頸肉飯試試, 咖哩味不算重, 也不辣, 偏咸.豬頸肉肉質適中入味, 份量合理, 由於我沒有吃午飯, 所以幾乎扒光整碟.雖然食物沒有很吸引我, 但因為環境, 下次如果和朋友下午茶,還是有機會選這裡, 聊天比較舒服.

今日約埋全屋企嘅女士出黎行街食飯，除左阿媽、細妹仲叫埋姑姐同表妹，一行五人行MK！女人街D野0岩曬長輩，估唔到野食都0岩啵。成屋女人一眼就睇中響女人街嘅皇后冰室食野，晚市8點半唔使等位就入得。裝修行復古風格，加埋懷舊經典英文歌同桌椅，簡直就系長輩心水之選！女人order通常都堅守“眼寬肚窄”嘅原則，叫左三個鐵板燒套餐同兩個招牌菜，由於鐵板燒太好味，大家都爭住食，唔記得影相！不過，都有兩個招牌菜同大家分享ga!皇室香煎鮮薯餅唔好見張相咁細，其實份量幾足，賣相就麻麻地，但是食落好夠薯仔味，表層煎到脆脆地，中間薯仔絲咬羅爽脆，好有口感。但系整體調味就淡左D。香煎挪威鮮三文魚黑松露意大利飯配香檳南瓜汁忌廉泡沫呢個三文魚扒一黎，大家都掙住影相，俾部電話食先。的確賣相好吸引。南瓜湯味道好濃，好清甜，三文魚火候控制得好好，上面嘅泡沫除左裝飾之外以，仲令到個魚扒口感更軟滑，加埋淡淡松露香味，成個菜式配合得好perfect！！！！

以女人街的食店來說, 皇后板石燒冰室的環境實在不錯。是日首次到訪, 發覺這裡午餐價格非常親民, 平均為 $40 左右, 附送麵包、餐湯和飲品, 更不設加一服務費, 看來非常划算。餐包的質素不值一提, 但餐湯卻要提一提, 只因這個羅宋湯實在非常油膩, 從相片所見便略知一二, 問題並不是個別例子, 而是席上每一碗都是如此, 席間部份朋友更須要做「撇油」的動作, 其實這個湯的味道是不錯的, 但看來店方要看看怎樣避免這個狀況。餐牌設計精美, 給其中一款德國肉腸、煙肉、香草蕃茄肉醬、螺絲粉的相片吸引著, 看來每款配料均被排列得相當整齊美觀, 於是便選擇了這款主食。至於送到來的實物呢? 就是這個樣子。這個時候, 席間朋友的表情也跟這個 icon 差不多 ===>  雖然知道有時候理想和現實總有一段距離, 但也未至於差天共地吧? 其實本身這道菜式的味道不錯, 尤其肉醬更做得比不少店子好, 尤其煙肉的作用甚大, 無論味道和口感上均獲提升, 為甚麼店方不能於賣相上認真一點, 能夠做到色、香、味俱全, 不好麼?其實這裡的熱奶茶也相當有水準, 茶味濃, 奶更豐厚, 至少好過不少茶餐廳。純以菜式的味道

暑假啦，最enjoy就系懶覺之後食返個brunch。雖然旺角幾時都咁多人，但系見到皇后冰室近排好hit，於是決定行遠D去試下！ 真系唔少人，11點半就開始排隊，好在唔係好長，8mins入得！ 見到人地D set 都幾大份下，so我地三個人叫左兩個sets 用買一個湯。 提下入邊個環境先，墻身有好多別致嘅相框放左唔同類型嘅相，電影啦、唱片封面啦、concept相啦。裝飾得好用心ga！ 傾傾下睇睇下，D野食就黎啦！ 黑松露藍青口意大利粉 $98 一上黎就聞到好濃郁好creamy嘅忌廉味！！！！！平時食開嘅海鮮類意粉D海鮮都好少，今次呢個無論青口定係意粉D份量都夠曬，而且藍青口嘅肉比較大。wow，淡淡嘅黑松露味同濃郁嘅忌廉味combine得非常好，D味入曬青口同意粉度，好balance！！++++Like！ 地中海香草烤焗比目魚柳珍珠飯 $88 halibut其實好易整過火，肉質會變得粗糙，好考功夫ga （皆因自己中意食，響屋企實驗次次都失敗）。見個賣相唔錯，未食都聞到香草味，配埋煮的0岩0岩好嘅大粒珍珠飯，都上得高級餐廳ga！！ 食落香草味好濃，白汁配魚柳，仲用左黑椒調味，味道perfec

終於又到週末啦！！！！約埋個frd行返夠本shopping放鬆下！！旺角都出名多野食，不過今次心中有數！早就揀定來試皇后鐵板燒冰室！ 兩個人拎住大袋細袋黎到，等左10mins就入到去，weekend黎講，5點呢個鍾數都可以接受。 我地被安排坐卡位但係可能真系買得太多野, 所以覺得就有D窄，不過見D個環境就知精心佈置過。 見D扒飯都幾人氣，叫返個先！個menu就好吸引，唔知味道點咧。  聞落就幾香啦，牛肉要自己再煎多下，中意生小小食可以考慮唔煎，我就煎到7成咁上下啦。黑椒配牛肉幾時都系絕配，薄切有入口即融嘅感覺，味道都好正。就系咧牛肉少左D，因為實在太好食，如果多Ｄ牛肉就仲好。  個frd就order左呢個極品牛柳粒飯！好嫩啊D牛柳，５成熟好有牛肉味，厚切肉粒好有口感，嚼落啖啖肉汁，連鐵板上都唔會干身！！贊！！呢個價錢都算合理啦！ 話說我都系一個big fan of 黑牛！凡有黑牛我都會order！算半個食評人掛！果雪糕好滑，又唔太甜又夠大粒，最緊要雪得夠凍！入口即化，夠曬creamy，配埋凍可樂，一流！不過D冰就多左D，都算一個中上級嘅黑牛啦！ 總算shopping買到野！又食到好野！