皇后冰室

最近經過觀塘，見到皇后冰室嘅廣告牌，有多款套餐幾吸引就去試下。佢係工業大廈2F，下午茶時間會抵啲。店內環境優雅舒適，怖置帶摩登感覺。點餐用手機自助落單好方便，套餐可升級配小食。點咗美國費城烤西冷🥩配野菌燒汁意粉：西冷鬆軟得來有口感，牛肉味道濃郁，加埋燒汁很好味，而且分量都唔少。馬來咖哩香酥豬扒飯🍛：豬扒軟腍，咖哩很香又惹味，餸飯一流。餐飲凍咖啡☕️同紅豆冰就正常發揮。想下午茶坐得舒服，食物味道唔差可以試下。…查看更多

同囡囡去開觀塘shopping 佢話好肚餓，好啦搵個下午茶比佢食。問左個喺觀塘返工嘅老友附近有咩好嘢食，佢介紹咗我嚟呢間冰室嘆下午茶。入到去見到咁大去黑版畫左幅好靚嘅畫，囡囡一見就話：「媽咪係布甸狗呀！」下午茶餐點左【美國費城烤西冷配野菌燒汁+ 凍利賓納】塊扒嚟到 阿囡好大聲講：「嘩！好大塊牛扒🥩」塊扒真係好多塊，我一個人肯定食唔晒，食落雖然好咬好但一啲都唔韌，配埋個野菌汁好好食。【朱古力蛋白西多士🍞+ 熱朱古力🍫】呢個西多士係阿囡要求食，西多外脆內軟，加埋朱古力醬， 如果問好唔好食？ 我會答你：有個小朋友食晒成碟，你就知道好唔好味😂😂【芒果布甸】 x2咁啱遇到佢有快閃優惠，$8/杯，我即刻叫返兩杯嚟食，聽講呢度啲芒果布甸係佢招牌甜品。話就話$8杯 其實一啲都唔算，仲有大大粒芒果肉🤤🤤真係正…查看更多

地點比想像中超容易搵呀，觀塘地鐵穿過APM，再跟指示巧明街電梯一出望去對面就係喇。絕對唔洗擔心。我地係今日第一枱客人呀，上餐速度好快，香煎自家漢堡扒配黑椒汁意粉，漢堡扒橢圓形厚身，份量性價比高呀。加錢配小食要左薯角，有皮有薯味，叫可樂已經係罐裝跟冰。另一個餐要左鮮茄焗豬扒飯，又係大大份架，呢度連餐具都好有份量。汁夠哂多，杯咖啡都沖得好專業。搭正午餐時間，陸續多人係咁湧入嚟。今日都無揀錯，值得推介呀。我地都讓返張枱出黎先。…查看更多

食過就知道係一間高質冰室同朋友最近食過一次覺得好好食再黎過食物質素高質，而且價錢好抵食，下午茶又飽又抵食呀，完全無因為下午茶就份量縮水，我地都好滿意既一餐我點既鮮茄焗豬扒意粉，蕃茄味好突出好濃郁，我好鐘意蕃茄味所以大愛，鐘意濃郁蕃茄味既必定要試呀，豬扒好嫩口唔會鞋，啖啖鮮嫩好滑，又鐘意食，意粉口感好好朱古力蛋白西多士有糖漿同朱古力醬配搭一起，味道十分夾而且口感十分好，多士香香脆脆地，口感都係我好愛既蘇格蘭煙三文魚蜆肉刁草忌廉汁炒天使麵，入口麵質口感好爽，醬汁味道剛剛好，味道好香濃，三文魚同蜆肉口感好鮮味唔會腥叫左兩杯朱古力同一杯咖啡，可以選擇少冰少甜少奶，味道都好香濃而且下午茶黎講份量無縮水之餘仲係好抵食，價錢合理，店員好有禮貌，一間高質冰室，會再黎食野…查看更多

呢間樓上冰室下午茶好多嘢食價錢唔算貴兼且都幾大份唔錯呀！-🍝馬來咖哩香酥豬扒意粉（$59）醬汁份量非常之多啱晒我心水❤️‍🔥每條意粉掛滿咖喱醬汁惹味香辣不知不覺令人食晒成碟意粉呀😆豬扒剪開成幾件方便入口👍🏻🥔酥炸美國空運薯角（+$15）薯角厚切有咬口咬落外脆內綿非常滋味！🥣蕃茄焗豬扒飯（$55）即叫即焗上檯熱辣辣香噴噴蕃茄醬汁甜甜撈飯食一流呀🥫飯底唔會太乾太油塊豬扒都幾大塊喔😋🐚即磨薯蓉焗法國田螺（+$19）一口田螺size 口感彈牙有咬口配搭薯蓉，唔錯👍🏻☕️熱奶茶同朋友揀咗正常同多奶大家都覺得奶茶多奶會比較濃郁香口啲…查看更多

路經觀塘巧明街，遇到派傳單的美女送上皇后冰室九折優惠券，於是和朋友去用膳。日本溫泉蛋肉醬意大利粉：這道菜結合了日本和意大利的美食元素，溫泉蛋的軟嫩滑順的口感，為意大利粉增添一種柔和細膩的質地。溫泉蛋的熟度掌控是關鍵，既要保持蛋黃呈現流質狀，又要避免蛋白過於柔軟。肉醬煮得足夠綿密，味道濃郁，不會過於稀薄或乾燥，與溫泉蛋的口感形成鮮明對比，是一種層次豐富的感受。搭配意大利粉作為主體，可以吸收肉醬的醇厚風味，同時又能凸顯溫泉蛋的細膩質地。意大利粉的彈牙感也會與其他兩種元素協調統一。酥炸美國空運薯角：炸製後會有酥脆的口感，配上適當的調味蘸料會令人欲罷不能。凍西洋菜蜜少冰：提供解暑降溫的功效，是一道清涼爽口的好選擇。忌廉汁白菌焗三文魚粒意粉：這道菜融合了多種經典的西式料理元素，包括忌廉汁、白菌以及三文魚粒，並以意粉為主體，可以說是一道相當豐富的料理。忌廉汁的加入為整個菜品帶來了濃郁柔滑的質地和風味。忌廉能夠很好地包裹住其他食材，為整盤菜增添了豐厚的口感。白菌則提供了脆嫩的口感對比，與忌廉汁形成良好的搭配；菇類的鮮美滋味也能夠平衡掉忌廉的濃膩。三文魚粒作為重要的蛋白質來源，不僅增添了營養價值，還能帶來一絲淡雅的魚香。意粉作為主體。能夠完美吸附住忌廉汁和其他配料的風味。形成一種舒適協調的口感。意粉的Q彈質地也為整個菜品增添了不同的層次。忌廉湯：忌廉湯是一種經典的西式湯品，香醇的質地非常誘人。羅宋湯：味道酸甜可口，營養豐富。老香港瑞士雞翼：一客三隻，份量正好，質感可口。凍朱古力奶少甜少冰：口感清爽，減少冰塊和糖分的添加可以讓朱古力的香醇味道更加突出，為炎熱天氣帶來一絲清涼。…查看更多

今天到觀塘大型商場購物，路過巧明街見有位姨姨派傳單，並謂用餐後持傳單結帳有九折優惠，於是我們就登上二樓「皇后冰室」享用午餐。我們選擇週末午餐精選鐵板餐，美國豬扒配德國肉腸配黑椒汁~鐵板餐除了帶來亮麗悅耳的聲畫效果，當嫩滑豬扒遇上濃郁黑胡椒香味和微微辛辣的黑椒汁，就是一份平凡裏顯示不平凡的味道了！我們還多選一份小食， 酥炸美國空運薯角~外脆內軟，是冶味與滋味共享！日式豬軟骨烏冬~很綿滑美味的豬骨湯底，讓爽滑帶少許煙靭口感的烏冬，吃起來更完美，豬軟骨味鮮、軟滑，十分可口。忌廉湯~鮮甜綿密！冰凍杏仁奶露、奶茶~消暑佳品！招牌自家製芒果布甸~除了粒粒鮮芒果肉，布甸的芒果果味也很香濃，非常喜愛！…查看更多

這家餐廳的下午茶居然由2點半至6點，行街行到5點餓了便來個下午茶吧。西西里蛋包海鮮炒飯：金黃色的雞蛋，煎得恰到好處的雞蛋既軟又滑。飯粒粒分明，入口帶有恰到好處的嚼彈，海鮮則是鮮嫩多汁，蝦肉的甜美、墨魚仔爽脆，有種獨特的風味層次。雞排豬排腸仔火腿鐵板燒：咬一口雞排滿口肉香；豬排則是燒得恰到好處，肉質軟嫩多汁；而腸仔和火腿則是經典的鐵板燒配料，它們的香氣與鐵板上的油脂相互交融，形成一種獨特的風味。西藍花和玉米粒的加入，為這道鐵板燒增添了不少清新的口感，而薯塊則是外脆內軟，與其他食材形成了完美的搭配。…查看更多

我有時去旺角會食皇后冰室，因為選擇夠多，味道比一般茶餐廳好，價錢又便宜。最近皇后冰室喺觀塘開咗分店，星期六開到六點，我就決定去皇后冰室食early dinner🤣室內裝潢同旺角店舖差唔多，牆櫃放左好多懷舊經典玩具。五點左右仍然可以叫下午茶，價錢由$39去到$78，選擇非常十款- 意式肉醬焗意粉呢個肉醬意粉完完全全係港式味道，蕃茄肉醬非常香濃，面頭放左好多芝士，非常邪惡惹味。另外意粉仍然好彈牙。- 馬來咖喱香酥豬扒飯味道唔算好辣，咖喱充滿香料風味，非常惹味。豬扒起碼有六件，加上咖喱之後仍然酥脆。值得一讚係飯粒，餐廳用咗珍珠米，口感好煙靭，而且更能融合咖喱🥰- 瑞士雞翼瑞士雞翼就不過不失，肉質唔算好嫩滑，但雞皮做到香甜既味道👍🏻飲品方面，我哋分別叫咗凍檸茶同熱檸水。總括而言，咖喱飯同焗意粉都好好食，可惜六點左右就要關門，令我哋食得有啲急🤣…查看更多

今日lunch同朋友嚟到觀塘工廈食嘢，喺街度見到一個餐牌上面寫住餐廳嘅食物，有焗飯、意粉、烏冬和西多士，款式都幾多，就入去試下。一入去就聞到一股香濃奶茶嘅味道，跟住坐低叫咗2個套餐和1個甜品。套餐包括主食，餐湯和餐飲(1)鮮茄焗豬扒飯 $68豬扒醃得好味，肉厚多汁，有新鮮蕃茄和配菜，再加上芝士和醬汁，撈埋炒飯底一齊食更好味。熱奶茶:茶底又香又濃，真係好飲。(2)馬來咖哩香酥豬扒飯 $69自家製馬來咖哩非常濃郁，微辣，豬扒炸得酥脆，肉質嫩滑，份量都唔少，伴碟仲有西蘭花和雜豆，惹味好食。熱咖啡:咖啡味道濃郁，唔需要加糖都好飲。餐湯同樣點咗兩個羅宋湯，裏面有多種蔬菜和牛腩粒，味道唔錯。招牌自家製芒果布甸 $12自家製布甸香滑好食，芒果粒份量多，微甜，加埋花奶更幼滑。整體來講:地方寬敞又乾淨，價錢唔貴，服務員有禮貌，仲要唔收加一，下次會試埋其他食物，值得推介皇后冰室 (觀塘)巧明街114號迅達工業大廈2樓B室…查看更多

尋日出開觀塘做嘢， 因為都幾忙， 所以都係落去公司附近諗住快食， 經過有個姨姨派緊單張， 樓上𠕇間茶餐廳新開張， －個餐大約$6x, 已包餐湯， 餐飲和－個主食， 而家仲有9 折優惠， 幾扺食，近近地就上去試吓.餐廳環境舒適， 乾淨衞生， 坐位寬躺.同同事每人叫咗一個餐， 份量算多， 食曬成都幾飽.脆烤香草雞扒伴野菌燒汁:雞扒肉質鮮嫩， 唔鞋口， 啖啖肉， 野菌燒汁又唔會好流， 唔錯.磨菇汁焗魚柳意粉：即焗， 上枱個碟仲熱辣辣， 條魚柳好長， 長過隻碟， 魚柳厚切， 好味整體上， 食物味道環境衞生上準都ok , 下次可以再encore …查看更多

喺觀塘返工嘅我，中午食飯有時都要成舊水，仲要質素參差！ 最近同事推介新餐廳，上網一睇，原來一啲都唔係全新，而且最出名高性價比港式西餐！ 去到店內，保持低調懷舊裝潢，牆上櫃內仲放滿懷舊玩具及擺設，好特別！ 先嚟好耐無食，童年回憶嘅皇后冰室雜錦肉扒 $89，有雞扒、豬扒、腸仔等，全部大大件，份量十足！ 雞扒厚身肉質嫩滑，豬扒扎實香口，腸仔亦啖啖肉，仲有薯角及雜菜伴碟。 而我就最愛即叫即焗鮮茄焗豬扒飯$68，熱辣辣🔥，芝士溶化拉絲，醬汁豐富，同豬扒飯粒一齊食好滿足！ 每個套餐都包足料濃郁餐湯及飲品！ 加$12起亦可以要小食，如老香港瑞士雞翼、即磨薯蓉焗法國田螺等！ 好抵食呀！ …查看更多

#20240518 📝📍 皇后冰室 @queensgardenkt 觀塘巧明街114號迅達工業大廈2樓B室➖➖➖➖➖➖➖➖➖➖➖➖➖➖➖➖➖🥢 #餐湯 💭 見樓下有姐姐派緊傳單，話拎住上去食有折🤑本身星期六有lunch set就抵讚，仲有價錢親民好加分😬set包湯包野飲，湯係足料紅湯，飲到好多蔬菜係入面，有落茄膏夠味已經好好飲🥬.#香煎自家漢堡扒配黑椒汁 #意粉 $59💭 唔好睇塊漢堡扒細細塊，其實都幾厚身而且有三塊咁多，煎得好軟熟，佢個淋係好似食緊啲高級漢堡扒咁，有驚喜，加上入面充滿洋蔥所以食落甜甜地，好容易就一啖接一啖食晒🧅.#香煎魚柳伴磨菇忌廉汁 #薯菜 $63💭 臨落單有問過姐姐薯菜係咩，幾驚會比什菜，姐姐話係薯角即刻唔使諗就扑鎚左🤪薯角夠脆點茄汁食基本上無得輸，塊魚柳好長大大塊，欣賞佢個磨菇汁有埋蘑菇可以食，唔會淨係得汁咁dry🍄‍🟫.#即磨薯蓉焗法國田螺 +$18💭 嗌lunch set仲有得加錢要啲小食，不過每個set只可以加一次🤫咁平有得食田螺梗係要加啦，口感彈牙，心急既朋友要小心上枱果陣真係超熱辣辣，差啲比啲薯蓉辣親條脷呀👅.#招牌自家製芒果布甸 +$6💭 依家做緊特價，半價就有得食埋甜品，唔叫真係對唔住自己啦😎自家製的確高質，幾乎每羹不起入面都有芒果肉，非常揼本🥭overall呢餐食得出老闆係有誠意既，希望佢做得長啦😅. 🥢 #熱檸水 🥢 #熱檸茶 .#觀塘美食 #🐷在觀塘 #🐷_食 …查看更多

茶餐廳喺香港已經買少見少有時做嘢想去食個下午茶都唔知去邊好今日經過見到呢間下午茶幾抵個人認為茶餐廳最重要嘅梗係佢嘅水吧出品奶茶嘅茶底都幾好👍係傳統茶餐廳嘅味道 唔會太淡或者太多奶再加多個肉醬意粉🍝就已經夠晒飽肚肉醬意粉有跟埋溫泉蛋溫泉蛋半熟啱啱好作為一個幾十蚊嘅下午茶已經冇投訴～估唔到下午茶仲會有田螺食口痕加$18食埋佢個田螺估唔到雖然價錢平，但係質素都唔差總共埋單唔使$100 真係行過路過，唔好錯過🤣…查看更多

今日晏晝同朋友去咗公司附近一間新開嘅冰室😍 位置好方便，地鐵站行幾分鐘就到！重點係佢下午茶餐超級抵食，座位好多，啱晒一班人嚟食，附近嘅上班族一定要收藏😆🍛馬來咖哩香酥豬扒 配飯 $59咖哩帶有濃厚的香料風味，辣度適中 超惹味🔥 搭配酥脆嫩口豬扒，形成了豐富的口感和風味🍝脆烤香草雞扒伴野菌燒汁 配意粉 $52香草雞扒煎得香嫩😋 配上野菌燒汁及意粉，豐富又美味的配搭～🍞朱古力蛋白西多士 $39西多士炸至金黃酥脆😍 再加上朱古力醬及糖漿，超邪惡配搭！香甜味十足☺️…查看更多