皇之家大姊小籠包 (已結業)

突然想食上海菜，上網見到呢度小籠包好似好正便興致勃勃去了小籠包果然無令我失望！皮薄餡靚！湯汁亦非常鮮！另外我點了酸辣湯面，湯太稀，麵煮糊左溶埋一舊好難食朋友點了魚香茄子，無試到因為自己唔食茄子，朋友話不過不失，但話食完非常口乾應該落了不少味精跟餐加錢轉了特飲，蜜桃汁，當然唔好奢望係新鮮，有點太甜，無乜特別整體來說麻麻，但小籠包的確很出色！下次再去只食小籠包

係香港，好多時候都因為明星或者品牌效應，好多人排長龍都要食。但其實真係有好多小店好好食，就好位於佐敦呢間小店咁鎮江餚肉很喜歡“啫喱“同實肉比例 雞絲粉皮麻醬夠多多香，配合粉皮，剛好。 燻魚個醬好好味，少少甜但部分燻魚好多骨，唔識食魚既朋友要小心啦 醉雞雞好入酒味，但一d都唔會苦小籠包皮薄， 但唔會一夾就穿， 而且好多肉汁， 一d都唔鹹起碼都要食2粒啦，超正呀！唔知大家點食小籠包呢？其實夾起之後，應該係頭頂咬個細孔仔，然後啜晒入面d汁，再一啖左個小籠包。 鍋貼出面一定食唔到入面有肉汁既鍋貼，必食！皮唔厚， 底煎得好脆，大愛! 蘿蔔絲酥餅即叫即製，夾既時候都要好小心，一夾就有機會散。炸得好好，完全冇油淋淋既感覺。入面全部都係一條條勁juicy既白蘿蔔絲，完全冇可能係酒樓或者其他上海食店食到。必試！ 咖哩煎餃食落去，有d似咖哩角mix 餃子咁～ 銀絲卷＋金絲卷銀絲卷就食得多，金絲卷到底係咩呢？其實入面係用南瓜架，不過南瓜味道就唔夠咁～～ 排骨拉面自動分開上，d排骨唔會淋晒三鮮炒年糕食左咁多點心，話晒都係晚餐，都應該要叫返個“飯類”既

獅子頭菜飯得一粒細細嘅獅子頭...最可怕係碗茶樓碗大小嘅菜飯....有陣洗碗布味....但仲要加$5...我見隔離枱有個女人食排骨麫舊排骨白sai sai...蔥油餅又乾又細又冇蔥...唔怪得佢都冇食晒...好彩我係午市食...如果唔係有水都唔倒杯嘅服務點可能比得落加一....一定唔會再幫襯!

剛好遇上遊行封路在美孚到佐敦足足花了兩小時睡夠了,手機也用到沒電,終於到了在openrice找到這店(搜尋"小籠包")專誠來試試這家的要了兩籠,加一個蔥爆牛肉客飯味道算是不錯的皮夠薄,汁不算太多,但夠濃,肉也很實在只是不放醋也有很微弱的一點酸牛肉不算最好的水準感覺材料好像是略為過了最新鮮的時候說起來,發現整條街有很多家店都有個「皇」字不知是不是同一集團的呢?

Yo! 今日又出去食嘢喇!依間餐廳好耐冇去喇, 因為離我屋企比較遠, 有時出開去尖沙咀或者去佐敦唱K先會去的.皇之家大姊小籠包一睇個名就知係食上海嘢啦~食嘢之前, 飲杯冰凍豆漿先.不過呢...我覺得冇咩豆味.食上海嘢, 點可以唔叫小籠包呀?依個小籠包皮薄, 但唔會一夾就穿, 而且好多肉汁, 味道又唔會好鹹. 有D人食小籠包時會鍾意配埋黑醋一齊食.不過我就鍾意食佢的原汁原味, 所以唔點黑醋的.銀絲卷軟軟的銀絲卷,我食的時候一定要點好多煉奶食ga.唔點煉奶食都冇問題, 因為銀絲卷都有少少甜味的.菜肉雲吞拉麵d雲吞同埋湯唔會好鹹, 味道普通啦.但個拉麵好好食, 雖然睇落個樣好似好淋咁, 但係唔會一夾就斷, 而且食落好彈牙.鍋貼皮唔會太厚, 煎得岩岩好, 個底好脆.d肉好Juice, 好食!酒釀丸子好正, 超好食, 不得不推介.好大碗,好多粒丸子, 煙煙韌韌咁, 而且好香桂花味tim.我好鍾意食甜嘢, 依個酒釀丸子我真係超like.總括黎講, 食物味道唔錯, 而且價錢唔算貴.我同朋友仔食咗咁多嘢, 都係每人大約HK$70埋單ja.下次我一定要再食酒釀丸子!唔係! 應該係次次黎食都會必叫酒釀丸子

本人最愛食小籠包,見openrice d食評好似幾ok,所以去左試下,一個人去食,叫左4樣野,d份量都係細細碟,好啱我d一個人又想貪試多款既人小籠包 $ 12 / 2 件 : 果然不差,不過都係我認為唯一最好食既野...皮簿多汁,汁唔油,味道適中牛肉生煎包 $14 / 件 :好難得煎到皮脆而不硬....不過冇咩肉汁,而且佢有好大陣八角味,由於本人不喜歡八角味,所以只食左一半雞絲粉皮 $ 25 : 麻醬味冇咩味...差口水雞 $ 38 / 例牌 : 由於口水雞係香港都有好幾種煮法,所以這是冇麻醬,都幾辣,不過不麻,而且醬好結,但本人都係喜歡麻辣,有d紅油同麻醬果種口水雞另外晚市計人頭收$5茶錢,始終覺得不像食評睇咁好,或者係口味問題,相比下我覺得食上海婆婆好過環境方面,都係地方淺窄,不過都不至於太迫,只有幾張枱至於服務方面,老闆娘就好nice,但員工就一般la.....我坐左大約8分鐘,叫佢加d茶葉 ( 順提:我叫左香片,係完全冇味,我諗正常8分鐘都出左d味掛!!) ,結果佢話d茶未出味,拒絕加比我....我飲開濃茶,食完哂野之後,壺茶飲左一杯就放棄左,都費事叫佢加

個日都幾多人，我地要塔枱，坐卡位要坐人地對面，感覺有點奇怪呢傾計會聽到哂，又面對面對住5識的人食野我地叫左冷盤涼伴青瓜，我本身係5食青瓜的，但男友叫左就試下啦～但食落又幾好食，好爽脆仲叫左個湯粗麵，炸醬麵，湯粗麵的麵身適中，不會太硬，也不會林炸醬麵男友話 ok ，他食哂成碗呢～當然5少得有甜品：豆沙窩餅！叫太多了，吃不完，豆沙窩餅又幾好食，脆脆的，不會很油！我真係太喜歡甜食了！

12月5日 老友7人組話舊, 其一乃從加拿大回港遊. 因此 由港友找到此小店落腳點, 志在吹水話舊並無大祈望。因此. 點菜便交與”皇之家大姊”發辨, 及至上菜入口, 發覺各款小菜甚有水準, 宮保雞丁比較不及在四川吃的麻棘感覺, 更合廣府人口味 而其招牌小點小籠包入口感覺皮薄，湯多特別觧美. 蘿蔔絲酥餅則熱到燙口味美, 吃過方知之前茶樓唔係嗰皮。于12月11日參加華東5天遊, 第一天中午扺達上海黃浦江,卻未有安排午膳(飛機餐算數) 因此, 3點遊豫園自費到 “南翔曼頭店” 三樓等位半小時, 點了著名”大籠包”(用飲管吸湯)及”小籠包”, 一試便知龍與鳳 原來不外如是, 見面不如聞名。行程第五天在杭州離團早上遊西湖自費于鼓樓側一間食店 ”皇食儿” 午膳, 數款小菜非常出色實乃水準之作與日前于 “皇之家大姊小籠包” 可作比較. 卻原來江南美點小菜不用遠求, 近在面前亦有水凖之作, 值得推介o

Was looking around for places for dinner with my brother and came across this place. I've always wanted to try it but never had the chance. Anyway, we were starving and didn't have expectations at all. Turned out to be ok. Food was not bad. Go somewhere if you are looking for exceptional Shanghainese food. Portions were huge! We ordered two noodles and some dumplings and a "saliva chicken". "Tan Tan noodles" and "chicken wui min" were average in terms of taste but both bowls were huge.

睇到食評很參差，尋晚食完我又給個食後感，好少食呢類食物，所以冇咩比較- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 兩人點了以下食物：雞絲粉皮-ok小籠包-冇出現皮太薄或太厚問題，汁有少許偏濃，但未至於過鹹，我覺得好食。生煎包-個包(外層)好好食，但餡就偏淡，可能我先食濃味食物，見議想食就叫呢個食左先。京式煎餃-好食，皮薄，底是煎脆的，餡味適中。炸醬麵-好食，但跟我以往食的不同，我不知那些才正宗，但是好吃的，不辣。葱油排骨麵-這個一般般，D麵好滑但好難夾，相比我鍾意食炸醬麵。- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 冇影相，但食物屬穩陣之選，價錢平宜

友人徒美國到訪，想在佐敦找一間中菜館。衝忙之間在openrice找到這間。6:00pm打去book7：15pm四位。去到只有三,四成滿。但服務態度要贊。very nice and friendly. 坐下馬上點菜。小籠包 - first one served. 皮薄，湯多，肉的份量剛好。唯一要改善之處是湯咸了一點。雞絲粉皮 - 唔得。雖然雞絲同青瓜絲份量足，但係sauce 無味。皮蛋豆腐 - 其食材簡單，所以期望sauce會給一點驚喜。可惜無乜特別。所以一般啦。菜飯 - 叫咗兩碗用來跟主菜食。點知主菜未到就送飯嚟。結果要用自己只碗蓋住嚟保溫。味道普通啦。菜粒足夠。但有別其它菜館做的，飯無味，好似白飯一樣。上海粗炒 - the only No Good dish. 有好深醬油顏色，但無味。黑醋排骨 - very good! 炸得剛好。肉無炸干，好啉。sauce甜度剛好！my recommendation 干煸四季豆 - 又一個正！非常惹味。一定要拿飯送。yummy!最後要提下啲service. 好！所以我俾GOOD佢。其實service 好重要。食得開心，自然覺得食物好味啲

其實已經唔係第一次食，但去過台灣再食返呢度既小籠包，真係不得不寫下此食評首先的驚喜，就是今日星期六食LUNCH，估唔到星期六都仲有SET LUNCH食。兩個人，ＯＲＤＥＲ左＂糖醋排骨＂同埋＂咸肉粉絲津白＂，套餐除左跟飯之外，　仲跟埋豆漿或者酸辣湯，而我地今日就選擇左＂酸辣湯＂，個湯酸辣味配岩岩好，正呀！因為個餸唔算大，而我地都好肚餓既關係，我地仲ＯＲＤＥＲ左以下既食物。頭盤：醉雞小食：小籠包個皮夠薄，但薄得黎唔會一夾就穿，肉汁夠多夠濃味，再配埋個黑醋，味道非常夾鍋貼鍋貼個皮同小籠包個皮要求唔同，鍋貼個皮需要厚返ｄ，個餡ｄ肉唔會太肥，重點係呢度既鍋貼係有好多肉汁，非常好味。蘿蔔絲酥餅即叫即製，食既時候真係要小心。炸得好好，唔會有油淋淋既感覺。個餡勁多一條條既白蘿蔔絲同勁ｊｕｉｃｙ，完全同酒樓或者其他上海食店食既唔同。好似食左好多野？呢間食店有個好處，食物份量好適合二人，又可以叫多幾樣，完全滿足我咩都想食既心態。最值得欣賞的，就是員工有關心客戶的良好心態，事緣我們 order 蘿蔔絲酥餅時，擔心食唔哂，於是隨口說只落單一粒，但員工只是出現一息間疑惑的反應，便繼續落單及親切帶笑容地覆述一次我

勁嬲，未見過有人咁樣做外賣。我地公司有時午飯會幫老闆們叫外賣，叫過好多間，未見過有一間咁樣－－衰！！！！首先，我地十一點九叫，叫左佢地十二點十五分上黎，佢地話ｏｋ，但佢地十二點半先出單，十二點五十分先上到，仲要係坐的士唔洗跳錶，２０蚊！都唔明佢地遊左去邊，都算啦！咁我地都叫得多，有十幾樣野，如果早知佢地咁遲先上，ｄ湯面我地都唔會要佢分湯上啦，佢地仲要分湯收多１蚊，都算！上到黎一開始同我地講，ｄ湯漏左少少，不過唔嚴重唔緊要，咁佢地話仲有外賣要送，咪叫佢地走先，都唔想阻左佢地做生意！Ｂｕｔ，ｄ湯唔係漏左少少ｌｏｒ，起碼有一半數量的湯都凹晒蓋，多多少少都有漏，漏埋都唔止少少！最重要係佢地ｄ菜飯，唔知點解pack 埋一齊果陣，居然拎碗酸辣湯墊底，咁個湯盒又唔係靚料，成碗湯漏晒！！！！！！ｄ菜飯盒好髒，大佬，我成班老闆食飯，唔係食垃圾堆的食物ｌｏｒ，咁樣賣相，好對唔住佢地ｌｏｒ！同埋，有腦同有心做外賣生意都知，ｄ盒要寫番係咩野黎，佢地唔寫，我地仲要搵到死死下，又要分！仲有最火滾，係叫佢地送番碗酸辣湯，因為果碗漏晒，佢地仲話上黎果陣無漏，我就話比佢地知，係佢地拎ｄ菜飯放係碗湯上面，佢地都知衰，但佢

有親戚約在此午飯，故在此用餐。服務因為我們五個人，侍應生主動查詢"蜜汁烤雙方"(本來只有四份)是否需要加至五份，好。環境一般餐廳咁，ok啦。食品四喜烤麩 ~ 烤麩係手撕，但係太大，而且有小小"油膉"味。油炆筍 ~ 筍都炆得入味，筍身都爽，但偏鹹。ok啦。素鵝 ~ 脆，入口不油，好。酸辣湯 ~ 都算足料，但酸辣均不足，可能係"就"香港人口味。芝麻餅 ~ 其中一面佈滿芝麻，炸得香脆，加豆板醬就好正，但係比較油。蔥油餅 ~ 都香脆，唔錯。回鍋肉 ~ 普普通通啦。蔥爆牛肉 ~ 比較多油，冬菇咬落有小小怪味，應該係冬菇"浸"太耐。菜飯 ~ 不油，有菜香，而且滿滿一大碗，好正。蜜汁烤雙方 ~ 火腿比較甜，嗰包夠熱及鬆軟，炸腐皮都脆，蓮子好鬆化，一定唔係罐頭貨，以桂花糖燴之，可惜蓮子未入味，亦因火腿比較甜，缺少鹹鮮味，所以未合格。砂鍋雲吞雞 ~ 雞足一隻，但係因為係雪雞，冇乜味，嗰湯都係冇味比較差，雲吞餡加咗紅蘿蔔，有啲怪。叫咗太多食物，冇試小籠包/拉麵/甜品。因為親戚請，唔知幾多錢，相信唔會太貴。總結，可以做得更好。

難得今晚不用回家做煮飯妹, 拉了少爺1起出去試新野。太子旺角油麻地都無咩新意, 於是出到佐敦, 可能少爺知道小妹喜歡吃小籠包, 就專登來這小店試試。才6時多, 只有幾檯客人, 本來我們問可不可以坐卡位, 店員支吾以對, 說因為有人訂檯了, 如果我們1小時內吃完都可以坐.. 那我們就放棄了, 坐普通檯吧~ 1般上海菜的款式都齊全, 當然要叫小籠包~ $12/2隻, 我們要了4隻。 其實全部菜都是小妹要求點的 -- 四喜烤麩, 清炒菜苗, 雞絲粉皮。最先來的是雞絲粉皮 ($25), 冷盤嘛~ 整碟野都無咩味... 青瓜不爽口, 麻醬不香, 粉皮有點硬像未熟透的感覺。 感覺不太好, 吃著吃著, 炒菜苗 ($36)來到, 閃閃發光, 入口油份充足, 膩到不得了, 盤底是1池似油非湯的液體。蒸籠上的小籠包, 店員端上桌才為我們打開蓋, 另放下1碟薑絲, 薑絲份量極少, 怎麼可能有薑味呢... 還是趕快試試小籠包吧..!!! 每粒都看得出皮薄內藏豐富湯汁!! 口腥耐熱度較高的小妹馬上就吃, 還是先咬開頂緊試點湯汁, 溫熱而不燙口, 但小妹和少爺都認同的是湯汁味道極鹹, 鹹味完全蓋過肉的鮮味。 而夾