百利火鍋海鮮酒家 (已搬遷) 新店位置

好一段時間冇踏足太子，趁著最近平靜返啲，冬至過來食返餐好既～ 驚做冬多人，6:30已到攞位人間美食！ 象拔蚌刺身係必食，超鮮甜😋咁靚既象拔蚌只有刺身先唔會浪費咗佢今晚火鍋揀咗椰子雞鍋，湯好夠味！叫咗老公奶奶鍾意食既肥牛，仲有阿女鍾意食既墨魚滑蝦丸，不過來人唔「好」所以冇影相百利既響鈴係我食過全香港最好食！好脆！花竹蝦，好有肉地，仲有烏冬打底，今次第一次食奶奶老公好鍾意食呢度個糯米飯，不過太多野食，最終一半都要打包

一入鋪未坐好，就有個阿姐懶好招呼咁問我地要唔要果樣果樣，心以為係咪生意唔好所以咁緊張啦，又細細聲咁同我地講請我地飲冬瓜茶，呢一個原來就扔野既序幕.... 之後佢開始SELL我地叫象拔蚌刺身，本來覺得兩個人食唔化算，點知同我地講好抵食380/388 一隻，見咁抵咪照叫囉，咁既價錢唔會大隻得去邊一定食得晒既，之後個阿姐同我地講肥牛我地唔洗落喇，阿姐話已經我幫落咗，算啦本來都打算叫手切牛所以由得佢，咁等食啦.... 隻象拔蚌上枱既時候，我嘩咗一聲.... 咁X大隻既380定388就真係好抵食喎，埋單CHECK單隻象拔蚌888... 之後同個收銀講明明講咗380架喎，點解咁貴架，收銀開頭仲寸咗我地一句，388呢D 價我地唔會做架WOR，佢意思係因為隻SIZE咁大啦，突然SELL我地個阿姐出現我即時則問佢.... "你又話388既" 但阿姐扮做野聽唔到，但係野又食咗喇，無謂同人嘈啦... 都係要俾錢算啦... 最多以後唔好幫襯佢，又或者提下大家小心D啦.....最後出門口個阿姐先反駁我地... "我話三條八呀，唔係388呀" ....  咁都得，差D行返轉頭嘈佢報價有取巧之餘，除咗 象拔蚌係新鮮

好記得多年前還是舊店時已只開始幫襯，幫襯多都成為同事們放工聚腳，有甚麼慶生，升職加薪亞sir萬歲都訂定大檯的，火鍋最緊要食物新鮮又多選擇還有其他海鮮小菜。老闆還會親自招乎。今個周未就黎個聚餐聚下舊，飲下酒科嘆下火鍋咁，聚聚舊閒話家常。湯底每次都叫必食既蕃茄蝴蝶腩鍋，但今次去已經食唔翻個種味道，d蝴蝶腩未夠火喉超韌，失望。不過靚牛肉就真係無得輸牛味濃。色澤深紅肥瘦適中，灼10秒血水留失轉色係食得軟難得齊人更係要回味招牌鮮象拔蚌啦 , 呢間 d象拔蚌唔係浸水嘅，用濕布保濕，價錢可以接受，亦可自己揀 size我地預8個人約$1100 真係超多肉的。刺身同放湯也可，爽甜鮮。佢地會提供埋刺身豉油同埋wasabi的平時大家都必叫潮式浸大蜆或者花甲，可惜當日無，改用聖子但我地覺得還是大蜆花甲啱口味，用聖子做有點嘥，蒸聖子皇較鮮同出色。

當晚路過，見到他的牛肉檔在鋪面。看來不錯，可以入去試試。所以當晚只有影牛肉因，他是主角。就當晚點了手切牛肉（中），鮮豬肉丸，粟米，桶蠔。就講新鮮豬肉丸，像生滾粥的豬肉丸一般。再講碟手切牛肉，有牛味，但是$280來講，勉強可接受。如果大家是🔥煱撚，其他食材不用多說。其實當整都食得很愉快，只是在買單的時候，出咗啲問題，再加上夥計老闆的態度😓😓。成件事就變了。有我坐低再發問問題，冇人同親口同我講過每人送一支啤酒的條款。只是說有獎無罰有獎無罰。給我感覺係刻意隱藏。非一般條文，請看清楚。伏門外大大隻字寫了，十八歲以上，每人送啤酒一支。只怪自己貪心，埋單時，發覺原來將單要兩小時內結帳才有此優惠。坐下服務員有一句「有獎無罰」。只怪自己唔夠醒目，但覺得佢絕對取巧。不是放題,所以沒有考慮時間問題。買單時白頭老細也出來說你自己冇睇清楚咩。鋪內有寫，都係條款是細細隻字嗰隻典型，取巧

同事鍾意去可以坐好耐嘅地方食飯，慢慢吹水唔使畀人趕，呢間佢哋話野食好新鮮，最緊要抵食。肥牛一份肥牛可以有咁大碟真係太抵食，重點係牛肉好重肉味，薄薄一片但味道好似食咗一大舊咁，整體唔算肥，點少少醬汁食會好食D。墨魚滑彈力十足，蟹籽增加口感同鮮味，完全感受到手打嘅效果，最緊要唔腥！午餐肉呢度嘅食材份份都係超大件，連午餐肉都好似切曬成盒畀你，午餐肉鹹香滿滿，仲會食到條條肉絲，唔錯唔錯。妙製西洋菜餃 呢度D餃同丸都係人手新鮮製作，我地選擇左個名特別Ｄ嘅西洋菜餃，原來佢放湯好清甜好入味，個皮薄仲好彈，推薦！響鈴佢舊響鈴件件都咁大舊，豆味淥完出曬黎，略嫌外層好似炸多咗少少，有D油索住。三文魚刺身打邊爐食刺身？又估你唔到地正常，雖然唔係超級驚為天人，但口痕食都可以接受。雖然餐廳地道D，但裝潢隱約都有諗過，整體感覺唔錯呢。

已寫過一次但都想再提吓😛一間能夠保持水準的老店! 今次只同一位友人同行，所以精簡一點! 以前通常吃來佬肥🐂但這店的本地手切🐂👍🏻, 響鈴新鮮炸的這店的炸魚皮很特別但我不喜歡! 店員極力推薦海鮮就點左隻小小🦞又估唔到咁多肉🦞頭仲可以選擇招鹽或其他煮法😃旁邊二位👵🏻👴🏻不吃火鍋點小抄也很是不錯😋😋

喺#旺角 #火煱店 真係好多今次就去左呢間#百利火煱海鮮酒家喺#太子 #基隆街舖頭唔算好大不過我地4個大人1個BB佢都比張8人抬我地可能係平日唔係好多所以坐得舒服去到未齊人我地叫左D#小食 食吓先叫左個#撈魚皮 好#爽脆 好#香 好好味😋仲有個#青瓜我唔食嘅🙊但朋友仔都話#好得每碟都係$38 都大碟架#好抵食我之後仲介紹左比公司同事我地買外賣返公司食個個都話掂👍🏼👍🏼到#打邊爐 我地叫左唔係好多嘢食一隻#象拔蚌 好#新鮮 #鮮甜#肥牛 好有#牛味 喎#西洋菜餃 #多菜小肉我鍾意有D似#自家制#桶蠔 #肥嘟嘟 #好大隻仲有#鱔片 食落#冇骨 #正呢餐#埋單 2千蚊叫做樣樣都好食可以再去

有好多年冇幫襯過，同太太上星期再去回味下.百利服務算唔錯，叫了沙嗲加芫茜鴛鴦湯底， 手切肥牛 必食之選薑蔥魚皮 有改進 好食過以前 必食招牌四寶丸 新鮮 不是死死實實 必食響鈴 普通之作揀手菜心 次次都有分別 今次就麻麻鵝腸 係新鮮鵝腸 但收7O幾蚊的份量算係太少兩支啤酒 兩小時內結帳是送的兩位合共hk$7OO

太子呢間百利我已經嚟過好幾次㗎啦😆😆😆😆😆因為我覺得佢啲嘢食都幾抵食湯底都唔錯👍🏻👍🏻👍🏻👍🏻👍🏻最吸引我嘅就係佢啲手切牛😍😍😍😍😍😍手切牛真係好靚😍😍😍 厚薄均勻 肥瘦適中👍🏻👍🏻👍🏻 又夠大份😋😋😋😋😋😋😋除咗手切牛之外我覺得呢度嘅海鮮都幾唔錯呀好足料💕💕💕💕💕所以我周不時都會嚟呢度打邊爐㗎🤓🤓🤓🤓🤓🤓

食過百利好多次，亦都食左好多年，裝修完梗系要特登返去食啦。百利火鍋走親民貼地路線，食物新鮮又有特式，訂價又唔貴，火鍋湯底多選擇，海底狗鍋底夠特別，有啲鍋甚至要一至兩日前訂 ，啲魚夠厚身又彈牙，包你有驚喜。手切本地肥牛好夠牛味，魚腐係好味到會外賣的另外特別啲嘅前菜有鮮魚皮，次次要食兩碟。三文魚骨腩都係火鍋前必食嘅首選，香脆可口之餘裡面嘅魚腩係鮮味嫰滑，滲出肉汁加埋魚嘅膠質混埋一起，口感豐腴，佐酒一流。另外炸芋片同即炸支竹及即炸響玲超好食蝦滑，餃子，肥鵝腸全部推介。

今日 朋友極想打邊爐， 由下午開始他滿腦子都是肥牛又唔想等位， 因為極度肚餓於是走了去太子的百利海鮮火鍋酒家已經晚上八點多， 仍然人頭湧湧， 只能同別人 搭枱, 冇所謂啦最緊要有得食點了一個 皮蛋芫茜 鍋底首先必點的是手切肥牛， 還有四寶丸， 淮山， 新鮮魚卜， 和桂花蚌， 又是眼闊肚窄的先兆芫茜蔥花生蒜辣椒 已放在桌上， 自己喜歡放多少就取多少。手切肥牛上了。 賣相好靚， 煙煙韌韌嘅 牛汁 環繞在口腔， 桂花蚌也非常新鮮， 不差， 原來我朋友不吃魚卜， 竟然要我一個人ko一碟，慘! 我嘅肚容納 不到這麼多 美食。埋單600多七百元， 正常價錢這間酒家的服務員 應該做了很多年， 年紀妥大， 我想 這間 也開了很多年。捧著脹脹的肚子走出來， 滿足呀!

新一年一起身第一個感覺係好凍又想打邊爐但係成日打會打到窮所以要搵啲平價得黎企都有番咁上下質素嘅之前有報導賣過話百利火鍋係老字號火鍋店咁我又睇下OpenRice大家點睇啦睇相見好似冇咩特別喎都係普通打邊爐野啫更加唔會攞黎同大熱嘅火鍋店黎比但係佢就係勝在唔係sell精緻 唔係sell特別只係做好打邊爐應該要有嘅野新鮮嘅食材叫得嘅全部都唔係特別野 價錢都唔特別所以絕對係平價高質之選

店內環境尚算衛生服務唔錯 侍應會主動幫你加湯 唔洗自己叫講左重點先7個人食 埋單每人270仲有免費啤酒只要 兩小時內埋單 就送一人一枝打邊爐 飲埋酒 飲飽食醉 每人都唔洗300相當抵食湯底叫左 蕃茄蝴蝶腩鍋 $148蕃茄略嫌不足 蝴蝶腩味道唔錯手切本地肥牛 $280滿心期待 但結果好失望首先 完全唔似手切切到薄一薄 完全無人地手切切到好厚果種口感!其次 完全無牛味咁濟 份量少 無牛味 唔掂!!! 唔建議大家叫呢碟手切本地肥牛安格斯肥牛 $250呢碟就正常好多喇齋睇個樣都靚靚仔仔食落幾夠牛味仲要平過 果碟所謂手切本地肥牛30蚊!所以大家去百利火鍋 唔洗叫 手切喇 , 淨係叫呢隻 安格斯 就得喇椒鹽魚托 $55食左哂咁濟先記得影食落夠哂香脆 送啤酒一流!海蜇涼伴拍青瓜 $32海蜇好爽脆 好食美國桶蠔 $138正常發揮鴨粉腸 $53食落 苦苦地 唔建議大家叫

有些一個半個員工在服務禮猊上是可加的，但在做食市，對客人的交代是好重要的，我也不是一個要求很高的人，不過是次去吃這個火鍋實在令我和我的朋友好失望，牛肉差，不在話，食品有問題，一定不會換，這種態度實在不要得，我們吃了一個食品跟本完全不能入口進食，這個好像是老闆的四眼男經理，收到我們意見，我們來消費是有比錢的，怎可能對客人的投訴，一言不說，彩你都傻去面對客人，我好後悔選擇光顧百利，以後不會再去～～～非常差，是問你怎麼樣叫我日後再去呢

星期五晚上行過 諗住試下 入去等位時上OR睇下d食評 見好多負評時d驚驚地 但d伙記幾熱情 又唔好意思走 仲特登留張抬比我地 唔需要搭抬 就‭試下 點知有驚喜 叫左個蝴蝶煱 腩好正 有牛味 見格離手切牛幾靚仔 叫了碟 亦正 好林 好香 唔痴牙 飲個清湯好甜唔油 不過素菜就真係素菜 見我地自己用匙更筆油 叔叔主動默默咁拎個大湯更黎仲換埋碗 服務細心得黎好含蓄 為抱不平而寫第一篇食抨 真值得一試 推 會回頭 不過其實入面食好多熟客 唔愁無得做 反而要等位就真 去開太子試試