百利火鍋海鮮酒家 (已搬遷) 新店位置

上網睇到百利又開返，特登約返一班前同事去打邊爐，裝修咗之後光猛咗好多，尤其係個廁所真係乾淨左。海底椰子鮮雞鍋🍲＄138食之前大家都好順手飲左幾啖湯先，個湯底好鮮甜，完全冇味精，好搞笑嘅係我哋大家都好驚訝不停係湯度搵隻雞喺邊，之後嗰侍應就拎成隻雞俾我哋。雞肉偏鞋口，肉質一般，都純粹為咗吊味。手切本地肥牛（大）🐂$280蝴蝶型肥牛今次較為失望😕，佢較一般嘅肥牛厚身，所以滾嘅時間都要比較耐一啲，牛肉味重但係偏un,同之前食開嘅質素跌咗。安格斯肥牛（細）🐂＄160今次估唔到外地牛肉略勝，食落肉質較為嫩滑，脂肪分布分明，牛味亦都好夠。炸魚皮＄32太好食嘅關係😍😍我哋前後叫咗兩碟，魚皮勁大條，好脆口，但比街外邊嘅魚皮口感更好。手工鮮蝦🦐水餃＄65水餃非常紮實👍🏼👍🏼，唔會咬嘅時候散開一舊舊，入邊嘅餡好足，好大嚿蝦，不過都為成8蚊一粒水餃都唔平。

星期六放工約了友人打邊爐。去了這所位於太子這所火鍋店開餐。琳狼滿目湯底中，選了海底椰子鷄煲。海中蝦生猛非常，十分新鮮，剛上碟時還會' 扎扎跳',可見新鮮程度。吃起來鮮甜可口。熟了也差不多有一隻筷子長度。肥牛較其他店鋪厚身，口感十足。吃下去啖啖肉。湯底雞肉鮮嫩，吸收了其他湯料的精華顯得更鮮甜，充滿肉汁。總括店鋪選用材料非常新鮮。店員服務周到，不時給與一些食用tips。奉送既甜品綠豆沙也不錯，剛好可以解一火鍋既熱氣。

天氣突然轉冷，又係打邊爐時間！今次去咗一間比較傳統嘅火煱店！呢度嘅湯底款式都幾特別，不過我同朋友都怕太熱氣，所以叫咗個比較滋潤嘅海底椰雞煱！冇諗過個湯底都只不過係百幾蚊，竟然有成隻雞！而且個湯底本身都有好多料，真係真材實料！見到咁多料忍唔住飲咗啖湯，味道鮮甜！煮熟左嘅雞都好鮮嫩細滑，再吸埋湯底嘅甜味，感覺清甜！本地手切肥牛，勁多雪花而且好新鮮！一碟份量也不少！牛肉嫩滑而且牛味香濃！游水海中蝦，上枱時蝦還會動！有成隻碟咁大隻！鮮甜、爽口彈牙！四寶丸一次過可以試唔同嘅丸，最啱我鐘意多款式的！有墨魚丸、牛肉球、鮻魚球&豬肉丸！當然然唔少得我喜愛嘅金菇同炸支竹，份量也不少！一向好少喺呢類形嘅老火煱店打邊爐，這間環境唔錯，而且地方也很乾淨，離地鐵站也很近！

澳門豬骨窩每人送一支啤酒，非常超值店員等我地食完又好窩心咁送左蝶菜比我地$238，有6隻今日都有d濕氣，但炸魚皮冇因天氣影響，都夠脆，厚身同大塊水餃賣相雖然普通，但食落材料都算新鮮，唔知係未自家制作

太子區深夜確實有不少醫肚選擇，天氣涼可以食碟即拉腸粉或食碗蛇羹等！不過是晚與朋友去打邊爐～百利火鍋環境久奉，侍應清一色是男人！不過食物出色好味以上皆不是問題。基本火鍋配料碟碟$28，另有其他海鮮火鍋配料等，選擇尚算繁多。單單湯底已有不少，確實難以選擇！有些湯底更是首次聽聞如油鴨窩、狗肉窩等。不過到最後卻懶係健康揀了(鮮茄粟米花蟹鍋)～鮮茄粟米花蟹鍋 - 花蟹件數不少，食落肉質嫩滑鮮甜！粟米鮮甜爽口，蕃茄酸酸味味挺開胃。湯底在打畢邊爐後均顯得清澈毫不浮油！蔬菜類也有不少選擇。侍應亦熱情介紹是日精選是菜心，不過朋友更喜愛皇帝菜！皇帝菜色澤翠綠，口感爽脆，滾熱後仍留有濃郁的菜味！鮮鯇魚皮 - 保留著一定的煙韌，故食落爽口有嚼勁！配上薑蔥絲、紅辣椒絲再拌上麻油花生粒，更加鮮脆，食到停唔到口！紐西蘭蟶子 - 肉質嫩滑帶點鮮甜爽彈，家中兩老曾說過蟶子不用烚太長時間，肉一離殼便可以食！手切肥牛 - 打邊爐務必會點選一碟肥牛！這碟肥牛賣相極為吸引，除了排列得有序外，其油花紋理均勻，切得厚薄適中！滾熱數十秒後牛肉味道濃郁嫩滑，朋友話碌到粉色肉質最為美味。

好飲返兩杯的朋友，睇到Open Rice 知道百利每人送一支啤酒，就嗱嗱聲約班friends 去食火鍋😅去之前已知道百利雖然污糟一點，但也無法抗拒他們的手切牛肉! 話晒矗立左係太子咁多年, 食物質素必定有保證雪梨雪耳豬骨湯，清潤啲!話晒呢排天氣忽冷忽熱，氣管真的麻麻，否則必定要試試他們的狗爺鍋，睇相超足料！今日試雪梨雪耳豬骨都好足料！　雪耳不碎散，一整顆一整顆的！手切牛肉，必食，雪花肥瘦相間，正！百利手切牛果然是真功夫, 一直擺慢慢食也不多血水滲出 ! 淖一淖就食得，肉嫩林，入口牛味濃，新鮮！桶蠔肥大，一桶有七大隻$158,抵！自己買都吾平，他們一定大批入貨，才入到又靚又大的蠔和做到這個價錢！牛爽，原來是牛脷頭，好肥美，又是淥一淥就食得，比牛肉的牛味更濃！肉質嫩滑，入口即溶，口感一流！水餃，外表平平凡凡，估佢吾到咁好食，菜和肉的比例一半一半，鮮味得很，皮薄餡靚，Yummy 😍仲有甜品：綠豆沙，好香濃的果皮味，落本！吾太甜，啱晒我地胃口！侍應招呼很好，吾使出聲就過嚟加水，見我地啲啤酒差不多飲晒又開一支，食得飲得好開心! 值得俾個Like 佢

星期六北上跟朋友去揼骨回程坐過境巴士一落車對面就係呢間老牌火鍋店朋友基本上已經係熟客仔唔使睇menu隨口都可以叫到幾樣餸餐廳裝修真係好懷舊碟碟$28好抵食好耐冇見過咁平嘅價錢當然係基本野啦坐低乜嘢都唔洗講一於叫個火鍋底先我哋全部都食牛嘅所以一致決定天氣涼兩地又可以食😋崩沙牛腩鍋🍲真材實料的崩沙牛腩鍋 咁大鍋放咁多料都只不過$148怪不得全院滿座啦有番茄蘿蔔呢啲蔬菜配料襯托着超好味的牛筋牛肚牛腩全部入口都爽滑彈尤其是我係女仔特別喜愛骨膠原滿滿的牛筋全部都好入味美味可口呢一邊嘆牛腩一邊叫啲餐前小食咬下先牛魔王仍然都係離不開牛牛展海蜇 $38汁調校得好好味海蜇兩下俾人食晒呢到嘅手打丸真係師傅功夫超級勁粒粒都好似乒乓波咁又圓又大粒彈牙到不得了雖然我哋係因為平而來但係我哋食嘅嘢就偏揀貴價d嘅特級手切鮮肥牛 例 $180成碟雪花好似聖誕冰花咁靚牛嘅油花分布得10分平均顏色夠晒鮮紅一眼睇落去就感覺好新鮮放落湯滾兩下食得口感軟滑牛味濃郁真係回味再回味跟住就係好有誠意直情見到原隻蝦嘅蝦丸 $78新鮮爽口吃得我們津津有味

朋友帶我去了家好抵吃嘅海鮮酒家打邊爐，價錢同質素都唔錯，湯底點了推介嘅崩沙牛腩鍋$148大大件牛腩，肉質煙韌彈牙，腩位亦好軟熟，當然重有蘿蔔，同蕃茄，煲耐少少蘿蔔鮮甜又軟熟一般配料每碟$28雖然係劃一價，但質素同份量就係出面嘅一倍有多，叫了牛滑、魚滑，真係大大碟，平時一轉放晒，今次可以放兩至三轉，最緊要係超爽口彈牙，牛滑重加了馬蹄，超有口感，滾熟後就好似食點心啲鮮竹牛肉咁，真係好好味！而魚滑就好彈牙！而魚皮餃就有成十隻之多，真係貨真價實，味道同平時食開都一樣，咁先抵！另外叫了炸魚皮$28超脆口，長長超大條，放滿只碟，放湯或即吃都唔錯！另外必叫嘅水餃$32亦都係10隻一份，真材實料大大隻，用料十足！有鮮甜嘅豬肉加埋啲爽口嘅雲耳同蝦肉，正！呢個真係一定要叫，蝦丸$7810粒，望主佢你已經知道無點錯，比叫生蝦食更抵，每粒丸上都有大大隻蝦係到，最緊要放湯後熟了入口時，你會感覺到個種彈牙爽口鮮甜嘅感覺一齊出來，每粒都係約$9到，但係唔係到到都食到！最後當然係必吃肥牛啦，特級手切鮮肥牛 例$180份量夠兩至三人，今晚三條友食埋份特級手切鮮肥牛都真係差不多有十成飽，肉質同埋脂肪比例都清楚看見，一拖即

天氣咁凍就最好同朋友去打個邊爐滾兩滾，成日都食關連鎖式經營嘅酒家打邊爐冇乜特別，朋友就介紹去香港地道嘅火鍋店，有得打邊爐同埋小炒食一入到火鍋店就聞到非常強烈嘅醉雞鍋味由於醉雞鍋嘅味道實在太強烈我哋都想知道係咪好好食所以我哋決定叫一個醉雞鍋湯底醉雞鍋有杞子花雕酒等等全隻雞放入個鍋，兩三分鐘就食得，仲叫咗一碟大嘅肥牛肥牛起晒網民油脂分布平均食落好重牛味喺度食飯打邊爐係築碟雞而且價錢都相當便宜，28蚊到58蚊都有，不知不覺叫到成枱餸喺度打邊爐點可以唔叫番啲炸魚皮喺度嘅炸魚皮非常之出名好鬆脆大大塊夠咬口喺度嘅蝦丸，四季酒店總廚都食到食指大動，因為夠爽口，蝦大大隻！除咗打邊爐以外，食椒鹽嘅食物都非常之正我就嗌左一碟椒鹽斑腩同埋椒鹽豆腐第一次感受到外脆內嫩嘅感覺炸完之後仲保存到食物的水份原汁原味鮮味十足仲有呢度嘅沙嗲肥牛粉絲煲都係冇得彈即叫即煲，上到枱仲係嘟嘟聲，分量十足非常惹味

一間喺太子開左好耐既打邊爐鋪， 裝修十分舊式 就好似以前d 舊式酒樓甘雖然環境比較舊 但勝在價錢想宜份量又足 我去到既時候 雖然係平日 但都滿座 湯底有好多選擇雪梨雪耳豬骨鍋 98 蚊 落足料 雪梨應該有成兩大個切片 雪耳都有好多舊 仲有三舊大豬骨 整個湯底十分清甜 應該都煲在一段時間 唔錯 最開心既係晚市凡幫襯每人都有一枝青島 好抵 試問甘樣好難唔會吸引唔到人去食 好識做生意 食物亦都平靚正Menu 上面好多野食都係 28 同40 之間 有d 靚野就貴d , 但相對出面都便宜豆腐 鵝腸 金菇 生魚片 各28 蚊豆腐多到有成樽 煮完食落十分軟滑 因為十分軟身 所以易欄 建議慢慢煮， 金菇多新鮮爽口 生魚片切既厚度剛好 口感有點煙韌 魚皮嗰個位又夠爽口 唔錯 鵝腸大大碟 十分爽滑 充滿住肥膏 煮完外面爽入面夠油脂juicy好味 必點 粟米 魚皮 各 38 蚊粟米好多舊 十分清甜爽口 好耐冇食過甘甜既粟米， 魚皮 勁大片 食落十分爽脆 最啱係放入爐5 秒內就食九菜餃 牛粒 水餃 各45 蚊45 蚊既九菜餃有成10 舊九菜餃 自家製 而且入面落足料九菜佔7 成 豬肉佔3 成 食落好有口感 十

天氣轉冷，最好就是與三五知己食火鍋，位於太子的百利火鍋是一間較舊式的火鍋店，它沒有豪華的裝修，卻給人實而不華的感覺。這間火鍋店以海鮮出名，而且不時推出優惠「益街坊」，這天碰巧奄仔蟹做特價，堂食每隻HK$48。甫入店內，左手邊就放滿了火鍋配料，共有十多款，當中包括有魚卜、魚雲、雞子、豬生腸、魚滑、牛滑等等。而另一旁則放了大量海鮮，大大隻的象拔蚌明碼實價地放在面前，以供客人選擇。看看餐牌，火鍋配料選擇極多，約有50款，大部份價錢為HK$28，而較特別的菜式，價錢由HK$32起。湯底選擇同樣不少，當中較有趣的是海底狗肉鍋，而所謂的狗肉其實是深海魚。朋友與我一樣都是海鮮怪，所以由他來發板，點了海中蝦來吃，海中蝦HK$35両，感覺有點昂，不過，送上來時感覺非常新鮮，即使海蝦已插入竹籤，但還是不停在碟內收縮彈跳。湯底送上來後，我已經急不及待的把海蝦放入鍋內，由於火鍋的火力非常強勁，不一會海蝦已經全熟。海中蝦的味道超讚，蝦肉爽口彈牙，鮮蝦味濃郁，不需用任何醬汁調味，亦已經相當鮮味。鮑魚算是這裏的必食海鮮，雖然它的個頭較小，但新鮮程度直迫海中蝦，在碟上不停的捲，令鮑枕邊變高。鮑魚肉質爽口鮮甜，口感彈牙

今晚太子地膽話帶我去食好西原來係轉角位嘅火鍋老店沒有華麗裝潢 但卻擁有地道風味重要貼地價錢 抵食到喊 碟碟$28/$38門口已經係火鍋料嘅雪櫃 另有一番風味清清嘅蕃茄薯仔湯底 又大又多嘅魚頭 只係$38 重要好鮮皇帝菜 乾淨又多 重有自家制魚皮 勁乾淨嘅鵝腸最尾當然有打邊爐少不了嘅牛啦名為牛爽但口感同牛舌一樣 係食嘅

天氣驟然轉冷，好姊妹約我吃火鍋談心，我甚少去吃火鍋，地點由她們決定吧！T小妹說這裡是她和家人經常來的，經濟實惠，於是我們便約在那裡。入門處擺放了很多種類的火鍋材料，大家一人點兩款便夠。貢丸，好多汁，夠彈牙。九肚魚，滑嘟嘟，多骨，要慢慢吃。水餃，好多料，有我們鍾意吃的蝦肉。手切肥牛，紅白相間，顏色好靚，放入熱鍋幾秒便熟，好滑，好香牛味，好好食。生菜，爽脆新鮮。這裡沒有響鈴，點了腐竹，吸收了湯汁，好味。天寒地冷吃火鍋，暖笠笠，無介紹錯，又抵食！

入冬了! 晚上特別冷~~~ 晚飯時間大家不是提議雞窩就是煲仔飯~~~ 這天又與朋友大戰聯合廣場, 血拼過後又是醫肚時間, 雖然今天只有女子二人, 但無限大家想打邊邊的雅興~~ 在太子四處行一陣之後, 發現這間百利火鍋門口放了很多生猛海鮮, 而且門口的叔叔都挺友善, 不住的介紹海鮮給我們 看來都是老實店子, 好吧, 今天就來邊一邊吧~ 店子是樓高二層, 地方都算闊大, 我們今次會坐二樓, 臨上樓梯前看到一大盤新鮮象拔蚌 每隻份量都很大喲!!! 瞉上寫着它們的價錢, 大約一只近千元, 切起來應該很大碟~ 如果人少可以點半隻的~ 用來刺身應該會很鮮甜~~ 門口並放滿了各式火鍋配料, 看來很新鮮~ 種類多達十多廿款,大部份都是HKD 28, 而且份量不少, 我們之後都點了7-8 款火鍋配料~ 湯底有很多選擇, 不過一心想試原味海鮮, 所以就點了簡單的清湯底~ 喝一口味道清甜, 不會有很重味精和死咸味~ 打邊邊又點少得可樂呢? 剛才在海鮮檔中選了虎蝦, 雖然每襾要hkd 35 (而這裡都有8襾)了, 計起上來每隻約hkd 6-70, 有點小貴, 但一會兒灼熟再吃, 你就可以知道

台灣的好友託付有好友來港，需代為照顧，到埗第一件要做的事是先去吃一餐，以盡地主之誼，得知住旺角區，立刻找尋附近的火鍋店，因為台灣人也喜歡吃火鍋的。選了這間口碑不錯的街坊火鍋海鮮酒家，幸好早到，仍有一張近門口檯，點了雪梨雪耳豬骨鍋，滋潤下秋冬之乾燥。問過台灣好友，沒有甚麼不吃，便每樣點一些，當然手切肥牛絕不能少，油花分佈均勻，顏色鮮紅，放入熱鍋半分鐘已熟，軟滑有牛味，好友們也讚不絕口。四寶丸，有蝦丸，鯪魚丸，牛丸和豬肉丸，真材實料，結實有彈性，肉味香濃，喜愛鯪魚丸有髮菜和陳皮味，食得過。有好友喜歡吃魚嘴，也點了一碟，魚眼清澈，顯示了新鮮程度，魚嘴部位附近的魚皮軟滑，魚雲和魚眼位魚味濃郁，喜歡吮魚骨的，會很欣賞當中滋味。鱔片，賣$55碟，不貴，肉很結實，很爽脆，無得彈！台灣朋友少吃西洋菜，點一碟清清熱，她們也喜歡。見她們胃納甚佳，多點半隻雞，想不到肉質超好，一問之下，原來貨源與某五星級酒店同，怪不得無論雞的肉味，肉的彈性，都近似新鮮雞，嗜吃雞的我，一吃便吃得出。怕她們不夠飽，用些靚湯底淥個生麵，讓她們吃得飽飽而回。過了一小時，酒樓已坐滿人，足以證明這店的火鍋確受街坊歡迎，雖然沒有華麗的裝修