百份百餐廳 (已結業)

住翠屏邨嘅朋友都知附近冇咩餐廳可食 百份百可說是唯一一間可以食嘅餐廳，但佢地利用呢點 呢幾個月不停將價錢提高。 食左一兩次都係氣憤收場 員工人手不足，態度極度惡劣，一個炒飯炒左成個鐘，期間叫佢地check左兩次單，次次都要受佢地面色仲要比說話我地聽，有一次忍唔住終於開聲話左兩句，佢地反而變本加厲地大聲喝罵。雖然嘢食味道唔差，但再好味嘅嘢遇到呢d服務態度都唔會好食！！希望大家抵制呢種壟斷屋邨生意又服務態度差嘅垃圾餐廳！

返完學去搵朋友聚一聚，但點知友人仲未落堂，眼見又係下午茶時間，就試下黎百份百食下。睇左餐牌，價錢都唔係好貴，around廿幾到三十幾，仲免加一，同大家樂差唔多，就決定食下啦！因為肚好餓既關係，就決定食個飯，就點左鮮茄焗豬扒飯，仲係必食推介黎@@等左唔算好耐，終於有得食。意想不到既係竟然仲有芝士係上面，仲識拉絲！！豬扒食落好香好入味，份量都幾大，入面仲有幾塊蔬菜，食落都唔會咁肥，哈。成個飯食完飽到夜晚都唔洗食，超抵呀。

夜咗無乜選擇，於是就入咗百份百。開咗咁多年都無幫襯過。叫咗個海南雞飯。例湯味精好勁都預咗，連個飯都好勁味精，完全唔似油飯。朋友叫咗雜扒，鐵板上嘅。等咗20分鐘左右先嚟到，但倒汁個陣無'炸炸'聲，塊鐵板完全唔熱。連扒都無乜煙出。食到9點左右阿姐叫幫手換menu，舉手之勞其實都無咩所謂。點知換完後阿姐好大聲zip咗一嘢話張menu調轉咗插，個下感覺真係好差囉。你係受薪嘅自己唔做，叫個客做仲要咁嘅態度。下次夜咗食杯麵都唔會再幫襯

今天到朋友家打四方城。先在其樓下食個早餐，然後再專心開戰。不想去雞記和麥記，是唯有選擇茶餐廳了。就座後，看餐牌，點了漢堡扒早餐及香煎雞扒麵早餐。　漢堡扒早餐　2塊薄薄的漢堡扒，配炒蛋，茄汁豆，餐包。炒蛋滑，漢堡扒很爽很彈，所以分了部份給朋友。　　　朋友點了香煎雞扒麵早餐，分了一塊香煎雞扒，當作交換漢堡扒。但這個香煎雞扒，雪藏味很重，帶有微微的鹼水味，。幸好自己選擇漢堡扒早餐。　　咖啡～没有咖啡應有的香味。吃過如此一般的早餐後，快快脆上樓，開始四方城大戰了。

下午茶餐抵食又好食！香辣豬扒米線係我的第一選擇，香麻，刺激！米線軟楠楠！比起以前的分量少了，但味道不變！賣相一流！其次係公司三文治，足料！有番茄芝士加生菜，還有火腿餐肉，麵包烘到脆脆地，好香口！一口西多士好大舊以前就係名副其實！配上煉奶好好味！

店名：百份百餐廳地址：觀塘秀茂坪寶達邨寶達商場1樓121-122號舖好味指數：7.5／10價錢：$19輕量魚片頭米線(配紅豆冰）見到價錢非常吸引，出面要配紅豆冰一定要加錢或者好貴。所謂輕量，份量其實也不太小，夠一個人食。魚片頭炸得金黃色，非常鮮味，配合米線一流。湯底味道清甜，岩曬想食得清d o既你。店名：百份百餐廳地址：觀塘秀茂坪寶達邨寶達商場1樓121-122號舖好味指數：7／10價錢：$9.9黑白脆豬（包熱飲）脆豬一邊是朱古力味，一邊是煉奶。麵包不夠鬆脆，有點難咬開。今時今日$9.9一個脆豬還包一杯熱飲真難以置信。叫左熱朱古力，味道濃郁，而且飲到最尾個杯都仲熱。

今天到朋友家竹戰, 順道在屋村商場晚餐, 都係選擇這家茶餐廳. 剛好今天是小雪, 天文台話几天後會轉冷, 所以想食辣菜, 打定底! 重慶酸菜魚 HKD 63 套餐63元跟湯及飯, 以為是細細碟. 一大盤上枱, 很驚喜! 一如酸菜魚必定有的材料 : 魚, 酸菜, 荳芽, 薯粉, 辣椒. 而這盤則多了木耳, 是這家的特色吧! 反正木耳夠健康. 嚐一口湯汁，是有酸，辣，麻，鮮。　 只是麻度及辣度不足，個人覺得不是100%呢!! 可能是調校至配合香港人口味。其實好想好想再麻再辣!!!!! 　　魚肉已泡油, 再放入鍋內烹煮. 雖然不是以往食開的沾蛋白的泡油魚片, 但很開心這是帶皮的魚肉, (起碼不是果D肉質霉到毫無肉質纖維可言的白色雪藏魚柳) 魚肉表面金黃色炸過的痕跡, 方便沾上酸辣的湯汁. 如果魚肉多D就好了. 大豆芽和圓身薯粉夠索汁, 其實單食薯粉己經很足夠了. 將油油的湯汁撈飯, 一流. 另外亦選了羅定豆豉啫啫滑雞煲套餐HKD 58, 跟飯. 雞件份量足以鋪滿整個煲, 雞肉煮得很滑, 夠惹味! 大家一同分享惹味的晚餐.

4天長假期，就算到外地旅遊，都是同人迫，所以留港消費。時間長流流，又唔想花太多錢，最好就是打麻將。今天到朋友家竹戰後，到樓下商場茶餐廳食個Tea.客人不多，可馬上入座。朋友表示好好彩，平時星期六日要等位嫁.馬上點了2個茶餐一口西多士與心目中的一口多有出入，其實只是一塊正常呎寸的西多士分為4份，size依然很大，要几口才可搞掂一件。算不上是一口多。牛油在西多上慢慢熔化，再配上煉奶，外表炸得不太硬，麵包依然有回彈。中間有花生醬，但花生醬塗抹不平均， 一忽有一忽無。這是朋友點的米線，還分了一小碗讓我試試。湯底有紅色的辣椒及青色的酸菜，味道亦正是酸酸辣辣的，還有一陣花椒的麻辣味。米線似乎是煮久，很滑很腍。一小塊豬扒表面光滑，肉質不硬，醃過，有底味。熱奶茶 奶味偏重，所以滑，但茶香不足。管不了所謂的燥熱濕毒了，今天又炸又辣，夠放縱吧！

今天到寶達探朋友，並一同到樓下商場的茶餐廳早餐 。很久未有嚐過多士，見到menu， 這個餐廿几蚊炸，價格合理，就選了這個。奶油多上來了，多士已飛邊，表面有一間間的烘烤印，掀開看看，牛油和煉奶已混和! 有些餐廳的奶油多， 只是High一堆牛油在多士表面, 仲要搽得唔平均 再淋上一條條白色的煉奶，二者分明, 而這塊奶油多，二者融合，有心思喎！咬落唔硬，烘過的表面少少脆口，但中間是軟棉棉，（ 註：我唔鐘意硬掘掘的食物！          所以好怕烘到乾爭爭的多士！）仲要牛油和煉奶已溶入多士之中.只有夠熱的多士先達到此境界.這塊真是好多士！餐飲熱奶茶膠杯盛載，都几大可能因為奶油多頗甜，奶茶雖然已落一包黃糖，但飲落唔甜，奶味重，尚算有茶味，只是因為遲上枱，仲好熱, 要等一下方能品嚐！原來屋村茶餐廳，都會有好多士！

之前下午茶食過個茄子肉醬意粉覺得唔錯，於是今日同男朋友去左食午餐，點左個雞扒拉麵($4x)同牛腩拉麵($33)，但好失望(>﹏<)牛腩麵嘅份量對一個男人黎講份量不足。但我地問可唔可以加底嘅時候廚房竟然話唔得，我覺得呢間餐廳較唔識變通，但可能係集團政策，所以冇辦法。雞扒拉麵個雞扒好細，比平時出去食嘅份量少幾乎一半 啲湯完全冇鮮味，一味得個鹹字。賣到四十幾蚊真係好離譜，出面可以食到更高水準嘅。

我唸呢間百份百係秀茂坪區既茶餐廳最好味既餐廳水煮牛肉 ok凍奶茶 夠大杯 xo醬爆雜菇玉子煲我至愛腩汁白菜仔 爽口 不過我鍾意口感林啲 所以覺得一般寫住獲獎叉燒 整體都幾夠林 係有兩三超瘦 好硬 同區餐廳比較貴 但勝在好味仲有其他食物未試 試過再post

大年初一晚,年年都係喺同一地方食晚飯,今年有啲唔同,地方一樣,但舖名改咗,之前嗰間唔記得咗叫做咩名!但一句講哂,難食!估唔到變咗百分百之後,係意想不到咁好食! 我吔一行十二人,之前已卜咗位,當然里類餐廳梗係無圓枱啦!唯有將其他枱拍埋,變成一張長長的枱,這時,顯出他們服務好的一面,好的當然是幫我們將啲枱拍埋一齊,唔好係叫附近的枱坐過隔離,好讓我哋有枱,而聽佢哋啲語氣都好客氣咁叫人坐過隔離. 我哋先叫三個咖哩飯,分別有雞扒及羊腩,好唔好食就不得而知,因為我無食到,另外,我哋再另叫六個小菜,當然之後再叫白飯,因為我都影唔切相,只係影得2幅,都post出嚟俾大家睇下,分別係豆苗及咸魚雞粒豆腐煲啲小菜非常掂,味度一流,亦夠鑊氣,個個都話好食,不過份量就比較細啲,但真係好好味!!!!!!1六個小菜唔夠食,再要叫多2 個小菜,每個小菜都好好味,而且服務都唔錯,個個捧啲小菜嚟時,都會叫你小心熱,可能因為有小朋友的關係,不過服務真係唔錯.值得一讚另外再叫咗杯好立克苤芽,非常好飲,落足料,夠哂好立克味,總共叫咗八個小菜,分別有濃湯蝦干浸溫室豆苗,咸魚雞粉骰仔豆腐

又去百份百食飯, 無乜期望. 坐低見到搭枱的哥哥有碟好大碟的咖哩牛腩, 隻碟有大半長枱咁長, 幾吸引.我點了咖哩雞扒飯. 雞扒最有驚喜, 外表煎香, 裡面肉質不算嫩, 勝在夠鮮味, 仲要好多汁, 厚度ok, 不太油膩. 咖哩都好味, 是港式風味, 偏辣(我響譚仔食5小辣), 香味算中上啦, 可能係雞扒做得太好, 顯得咖哩差少少. 下次再試其他餸.

今天放工返來8點，肚好餓，一家人去百分百寶達分店，坐下等了好耐，叫了人，又是那個有點肥的中年男人很不耐煩過來，點了嘢，過了40分鐘未見嘢來，搵了個女服務生幫我睇下，應咗一聲問有冇落單，我話有，叫佢幫我睇下，去咗10分鐘沒消息，我再找來一個侍應生，佢睇了一下電腦，話未落單。激到我死，去咗樓下大快活。話說我一共去咗2次，上次又係果個肥肥的男人點菜，將我的水煮活魚變成了咖喱牛腩。上次又等著40分鈡，等得肚好餓，又要再等，其間見該男人好遠指住一人大聲喝問 幾多位，要侍應攞個碗，問咗3個侍應都是有去無回，服務勁差，d嘢又貴，大家千萬唔好去食

新開張! 睇落間野 又 in 又新，lunch 試下先~因為新開關係，好多人食，裡面坐滿灑，又多人企係出面拎飛等位 or 等外賣。好在..我地 2 位唔係等左好耐.....因為要 "搭台" 囉 ><"餐牌上好多選擇，好多唔同國家的食物，例如港式燒味﹑日式烏冬/拉麵﹑萄式焗飯咁..很多...以一 間 "茶餐廳" 理講選唔錯。落左 order後， 等左 40 分鐘，追左 1次， 一碗拉麵 + 一碟焗飯 先送上....而個小食呢~ 要再過10分鐘，再追先有。 我明店內勁多人又多外賣，但等餐時間真係過份耐囉....有待改善! 唉~好，等左咁耐終於有得食....但一食....發現好多野真係唔好睇表面。 間野睇落好 in 好多人食，又話係屬咩集團拎灑獎咁，餐牌上食物圖片幾靚，又寫住理個 A食物得過咩獎﹑B食物又得過咩獎咁....以為唔錯。唉..點知...有被騙的感覺囉 氹仔萄汁焗海鮮飯 + 凍咖啡 ($4x)：BAD!! 碟野一上來已經有被騙感， 因為一睇就知唔係 "焗" 囉，只係將 d 飯放入熱盤，個面焗兩焗 d 芝士就算。 而所謂既海鮮少得可憐，全是蟹柳﹑蝦仔等..唉~食