發記甜品 (已結業)

最近無咩胃口，只係好想食甜品，可是尖沙咀很少甜品店，就算有，都是特色的甜品店。所以就拉男友去左食發記楊枝甘露正正常常，不會太甘，芒果正常甜。芒果紫米露，都是正常，不會太差。不過我男友覺得有點澀，但是我不認同，各人口味不同

除夕夜早收工可以享受early bird優惠，隨意係K11找間casual cafe食個輕量set dinner。由於時間倘早距離倒數仲有數小時，為食太太又囉囉攣想食下甜品先滿足，附近可供選擇既甜品舖不多，路經鄰近既寶勒巷街角處有間發記甜品,見店內食客不多於是抱著一試無妨既心態入去。此店主打西式甜品系列為主，因為我一心想吃窩夫故沒有太在意中式甜品既選擇。窩夫類當中有個穩陣之選既竹炭窩夫配曲奇雪糕球，太太則點了碗熱銀耳杏仁茶。杏仁茶帶水汪汪狀感覺超液態兼冇乜杏汁香，甜度就正常。環顧周邊食客雖不多，中式糖水很快便有得吃，唯獨是我點的窩夫需時長一點是可預期的。反正不趕時間我們不太介意，俾多點耐性等下或許真的是即叫即做。等下等下都接近15分鐘，太太的一整碗糖水都以龜速地吃畢，然而我的窩夫似乎仍然沒有著落，回頭窺看廚房見爐頭燈亮起估計正在製作中，於是繼續多等10分鐘。窩夫終於見影，實物似乎同Menu有一定程度上既落差都不敢寄予樂觀既期望。驟眼睇窩夫之間夾左勁多cream，睇落好似溶左既雪糕一樣。正當準備動手拿起刀叉時，濕淋淋既狀態似乎突顯人手不足既問題，慶幸的是餐具表面沒有殘餘污垢都算好了。落叉

同朋友尖沙咀食飯，食完還是覺得吾多飽，就再去追加！飯後甜品都成為港人一部份，周圍都有各式各樣甜品店！去到門口都擠滿了人，但當時只係8點令，當然都等一陣啦！好快就有位了！入到去其實座位好窄，但當日明白這個就是香港。甜品主要都係以西式為主，點了心太軟試試，制作時間20分鐘。傾下計其實又吾覺時間長，仲好可以坐耐Ｄ，店員送上時，充滿朱古力香氣，亦吾算太甜，份量就吾算好大，一個人都食得哂！朋友叫左呢個內裡夾住香蕉既甜品，之前都有食過煮過既香蕉，但呢個蕉有著略重既酸味！

夜晚食完飯梗係唔少得食飯後甜品，見到發記就二話不說決定食， 不過因為係夜晚嘅關係好多人都喺度等緊位， 我哋都等咗十五分鐘左右。我叫咗個芒果沙冰， 都幾重芒果味， 仲有啲芒果肉，煉奶可以按照自己喜好加上去。整體唔錯。

1. Too tourism, water costs $82. Size too small , 芒果同涼粉加埋得二十粒都冇。要$383. 太甜，吾好食4. 侍應態度差一定不會再來。

個人勁鍾意食楊枝甘露，所以去親食糖水如果冇咩特別吸引嘅我都會揀食楊枝甘露，但發記嘅楊枝甘露令我好失望，完全好似飲緊糖水咁-.-好多舊式糖水鋪都好過呢啲連鎖餐廳好多！

今日，下午叫了一個熱既紫米露芋圓糖水，由於之前吃過不是這種甜。之後跟店員說這個太甜，比糖醬還要甜吃不到。她回應唔甜唔好食，之後我地請她幫手問一問可以換另一個甜品，她回來說入面（廚房）指沒有問題，最多同我加水。我問她是說笑嗎？ 她說入面真係咁講。真心講，甜過醬咁，正常人係完全食唔到。由於唔想係尖沙咀跟她們理論，無法只好埋單走人，唯有當跌錢了。因此請大家千萬要小心，不要跟隨跌錢。又俾錢又受氣的甜品，不吃也罷。

同朋友食完晚飯，當然唔少得糖水嘅環節啦！見附近有發記，又唔想再搵黎搵去，所以就入左去。今日唔想食太多花臣嘅糖水，只想簡簡單單食個腐竹薏米糖水加湯丸。落單時叫左多薏米，本身都覺得通常啲舖頭你有你叫佢有佢整，點知真係比左多薏米我地即刻覺得開心！講返味道，都係甜左啲，腐竹已經煲到好熔，我比較鐘意有少少咬口。不過見佢多薏米份上，都唔錯啦！

食完晚飯又想食甜品，見發記唔算太好人等，咁就決定食吓啦！由攞飛到入座大概等咗10分鐘，坐底後店員幾冇禮貌咁掉底Menu之後行咗去，咁唔理佢啦，繼續睇Menu。我哋叫咗個芝麻糊、糖不甩同榴槤金寶。芝麻糊唔係好夠熱，同埋比較稀咗啲，食落好似開粉咁。糖不甩就剩係得個甜字，湯圓一啲都冇口感。等咗15分鐘個榴槤金寶到喇！啲脆脆上面鋪上榴槤肉，但榴槤肉一啲都唔香，Crumbles亦唔見得脆。放住Crumbles黑色個黑色小Pan原來非常熱，店員又唔提一提，搞到我燙親隻手。店員們好多時叫極唔應，雖然發記甜品唔算係甚麼貴價嘢，但作為食肆都應該要有良好態度嘛~

作为一位米线，拉面的狂热爱好者，这家店绝对算是香港最好的米线店之一了，口味真心棒，汤底加酸口感特别好。辣度酸度的搭配很有自己的特色，各种主料配件也非常入味，新鲜。过桥米线套餐，小锅过桥套餐味道都很不错。单点小锅，配红肠，腐竹，猪润，大肠等都很好吃。自由搭配或者点他家的套餐组合都好吃，辣度要注意一些，辣度高的滋味实在是够厉害的。不过店内的环境卫生一般般，有洁癖的得注意了。服务态度非常非常差。。。唯一的缺憾了，不过在香港习惯了就好。

食物無水準，一味貴，堂食竟然加收 '內食服務費20%'. 同外國同事一齊飯後甜品，我看到張單有咁既 terms 已經覺得好奇怪，但鬼佬老闆爭埋單，我追出cashier時老闆已找了數。但我唔份氣，都係硬著頭皮問加 20% 係咩意思 ... haha, 佢話按錯制喎，加錯左 20%, 這額外收費係新年時才會出現。我話佢 "你地呃鬼佬呀", 佢答 "梗係唔係，你都識講中文啦". 跟住啦啦聲print過張單比我就唔理我地，招呼其他人扮忙。遊客區有咁既事，有古怪 ....

吃完野火晚餐，三人意猶未盡，繼續進軍甜品。兩個朋友同樣愛吃蕃薯，於是叫埋同一堆的東西。蕃薯糖水不是太甜，蕃薯粉糯，是對辦的，之不過糖水覺得勁烯。另一客加配了四粒湯丸，沒多大分別，湯丸過腍，黏口痴牙，不叫也罷。小人的杏仁糊蛋白燉鮮奶以為燉出來的會杰點，誰知亦是甚烯，豆腐花可能更硬。欠蛋欠奶味，徒具杏仁的香；實在太多水了，質感全欠，倒不如加些大菜糕還好。對於小人來說，吃碗杰撻撻杏仁糊更佳。感覺完全沒有誠意，破壞了整晚的氣氛。

本想輕輕鬆鬆食個甜品，一入店個店員黑口黑面，冇主動帶位，我哋叫落Order，佢行埋黎一句嘢都冇講，連都冇問過，我哋一落完order佢就行咗去，好冇禮貌，佢嘅服務態度絕對影響食客心情雖然食物ok,但下次一定唔會再黎

作為食客，我明白外賣一定未必有堂食質素好，但係尖沙咀發記甜品真係令我嬲到一個點呀！！我自己好喜歡去發記食榴槤水晶粉，琴晚同朋友食完食後係尖沙咀發記買糖水回家食，番到去發現2碗榴槤水晶粉裡面既榴槤係頭頭尾尾果d硬身位，仲要得兩細粒，成碗份量勁少，我將兩碗倒埋一齊先一碗，會唔會過份左d?另外仲有兩碗楊枝甘露，芒果就正常，但係每碗裡面得超超超少西米同埋一碗芒果水，咁你好意思話自己係楊枝甘露呀？真心食到燥😡😡

通常同朋友食完飯都會去食糖水繼續吹下水的。呢日係尖沙咀食完飯就係附近找糖水吃。門外都不少人等位的。我們叫了冰糖墩桂圓蓮子，但好似係水加糖開的，無咩味道。另外叫的銀耳杏仁茶芋圓就還可以的。如果都是在有個地方吹下水，那就對食物不用要求太高。