當下 (翠怡花園) (已結業)

住青衣都未試過試呢間西餐，見佢餐牌都好多選擇，價錢都唔算好貴。叫咗dinner set二人餐，好抵食！Dinner set 包咗餐湯、沙律、小食、飯面、主菜同餐茶。餐湯係甘筍湯，飲落好creamy，完全唔似係用粉開出嚟嘅湯，高質！原本以為沙律只係細細碗，但係嚟到原來係每人一大盤，加上黑醋，成件事好開胃，黑醋唔會太酸！小食叫咗蜜糖雞翼，雞翼脆卜卜，即叫即炸熱辣辣！拿破崙辣肉腸意大利飯，份量都幾多，蕃茄酸酸地，飯亦都唔會太硬，啱啱好！澳洲肉眼扒5成熟，估唔到呢度嘅肉眼扒質素都好唔錯！不過如果醬汁另上嘅話會更好，牛扒好香，有牛味！整體來講，以小小嘅西餐質素完全係超值！二人餐有咁多嘢食都只係三百幾蚊，食物質素高，多選擇。

呢間野係青衣翠怡商場1期個邊, 路真係比較難搵, 因為二期同一期差好遠, 基本上係對角如果真係搵唔到就問下人,地方黎講算係精緻, 靚既西餐dinner 風格~試佢地既套餐會比較抵食d, 我試左佢地既西班牙黑毛豬, 大約係8成熟, 咁西班牙豬傳聞就話生小小都無所謂, 8成熟口感的確係會比較爽口, 彈牙, 肉感上黎講就會比較滑身d.汁既濃度岩岩好, 唔會擋住豬肉本身既味道,薯角反而炸得好脆, 個人黎講幾中意! 一口和牛, 反而我覺得唔夠豬咁好食, 牛本身都算易入口, 軟身, 唔會過硬,份量正常,呢到就食牛本身既味道, 咁小小油脂味, 無汁.餐湯, 幾好飲, 有小小渣係入面, 有D口感又可以飲野, 味道偏甜, 似南瓜湯?整體服務好好, 熱情, 價錢正常環境舒服~

平日未夠一點去到已經差不多爆滿，可見呢間的人氣有幾高。餐廳散發一種熱鬧的聖誕氣氛，佈置滿聖誕裝飾，氣氛好好。午餐來食，一系列set lunch, 價錢由50至90不等. 價錢抵食。我原本好想食個黑毛豬扒，可惜應該因為突然人氣太盛，老闆至估唔到，無哂貨，即而選左個手打牛漢堡先上一個粟米湯(圖中已被我飲左一大半😝）味道不錯，似日本嗰種粟米湯飲品叫左茉莉花茶，味道偏淡大約等左十分鐘，手打牛上場！薯角熱辣辣，新鮮炸起，比較起個漢堡就沒咁熱了。但好欣賞漢堡入面的料，芝士大大塊，仲有煎蛋，足料！味道不錯

今日同朋友兩個都唔多肚餓，所以叫咗一個套餐，另加兩個小食，都夠晒飽。叫左套餐，是日餐湯係椰菜花忌廉湯，清清甜甜，食主菜前飲番碗都幾開胃。主菜方面就叫左蜆肉蒜香意粉，黎到第一印象俾我就係好多蜆，蜆唔會有腥味之餘又帶點蒜香，加埋彈牙既意粉，真係好正。另外兩款小食，分別係蜜糖雞翼同埋黑松露薯條。蜜糖雞翼真係俾到我意想不到既驚喜，蜜糖份量我覺得啱啱好，帶到個甜味但又唔會令我覺得甜到漏，另外煎得D皮係脆既，唔會硬，推薦一定要叫。

之前經過見到開咗間新餐廳～今日特登嚟試一試～好難得青衣會有一間西餐廳咁有feel～坐低店員已經斟左杯水比我地～我地叫左兩個set同一個小食～餐湯-南瓜紅蘿蔔湯都幾香～正常味道～沙律好大份～我地食唔哂～黑松露薯條第一次食松露醬見到咁多松露😍撈勻之後好香～薯條都好香口～炭烤西班牙黑毛豬扒睇見件黑毛豬好厚身～肉味好濃郁～配菜都唔錯～但茄子炸過係會油少少～卡邦尼意粉好多菇😍又有芝士粉係面～好creamy～意粉軟硬適中～餐茶正正常常～P.S.環境都算唔錯～夜晚幾適合黎飲嘢傾下計～

好少黎青衣，行經見到呢間餐廳既聖誕佈置，感覺好有氣氛 ，吸引到人入去食返個晚飯，入到去我地被安排坐卡位，環境舒適寧靜，好岩情侶或者三五知己傾計食飯聚會今次叫咗個二人set dinner,$368有齊兩份餐湯、沙律，一個主菜、小食、飯麵、主菜同甜品，聽落都夠哂飽肚同抵食餐湯係南瓜湯，味道濃同埋都算甜，稀稠度適中，算係creamy,飲哂成碗都唔會覺得溜沙律菜夠新鮮同大份，再配合微酸既藍莓醬，感覺好清新，岩哂係主菜之前食蜜糖雞翼外皮香脆，比甜甜既蜜糖包住，肉質夠juicy唔會乾，值得推介今次揀左忌廉汁露荀野菌意大利飯，露荀好甜，而意大利飯配合忌廉汁濕度啱啱好吾會太硬，而野菌既份量都算多，每一啖都會食到野菌既香味主菜係炭燒西班牙黑毛豬排，份量都好大份，有兩件好厚身既連骨黑毛豬，伴有薯角、露荀同茄子、翠玉瓜，賣相吸引，而黑毛豬排易切，食落稔軟冇嚼口，肉味重，配合埋佢既醬汁一齊食最後當然唔少得甜品🍮，有一件cake同一杯雪糕，仲有吾同口味選擇，今次揀左藍莓芝士蛋糕同抹茶雪糕，藍莓芝士蛋糕芝士味夠重，而上層既藍莓醬吾會太甜又食到粒粒藍莓，好有口感；而抹茶雪糕就奶味比例多d,食落吾會苦澀但有淡淡既抹茶

屋苑中的bar and restaurant 甫進餐廳，中央是酒吧枱。場內燈光有情調，座位間隔有私隱，卡位雅座自成一格。晚市套餐，自選N道菜。可選前菜+主菜，配甜品成三道菜，也可加小食湊成四道菜。田園沙拉經典凱薩沙拉，新鮮羅馬生菜與小番茄。淋上黑醋醒胃，稍作調味。澳洲肉眼牛扒肉眼份量十足，橫跨整碟子，點的五成熟，剛剛好。內心呈粉紅，咬下啖啖肉，很滿足的感覺。配菜除了剛炸好的薯條外，還有煎過茄子、翠玉瓜、蘆筍。香草黃金燒春雞即叫即燒，需時約20分鐘。香噴噴的燒春雞，令人垂涎欲滴。金黃色的雞皮，香脆不泛油，不吃雞皮的瓶子，也忍不住吃了幾口。燒春雞雞肉嫩滑，容易切割。醬汁跟肉眼扒餐的一樣。

最近發現青衣附近都好多嘢食下~~ 見今日放假一於揸住架車周圍去玩下鍾意食雞翼嘅我點可以錯過蜜糖雞翼 呢個雞翼蜜糖好濃 焗到勁香口！ 有少少趣博博嘅feel架 黑松露雜菌闊條麵 呢個黑松露味唔算太濃，但係菌味勁正！！ 每條麵條都掛住滿滿嘅醬汁 正啊！黑松露薯條 最正係呢個係厚薯yeah!! Yummy ~~ 呢個最正係個醬 滿滿嘅黑松露加埋蛋黃醬！ 溝埋一齊點薯條~~~真係冇得頂呀一口和牛粒 估唔到中午都有和牛粒食！！ 牛柳粒肉質起滑加埋蒜片乾一齊都唔錯㗎~~Rose latte 呢杯咖啡真係有淡淡的玫瑰味~~ 連平時好少飲咖啡嘅我都覺得而杯唔錯！

青衣有些水準的西廚小店，空間不大但一般菜式相比區內可選擇的水平高，位置不起眼所以平日亦不難搵位，亦有幾款啤酒供應如1664，咖啡麻麻地。晚市菜式水準有誠意值回票價👍🏻。反而早午餐感覺普通一般，似是兩批不同廚師負責。膽粗粗晚餐去試吓，一行五人點了，豬手，蜆肉扁意粉，意大利飯，燒春雞，和黑毛豬扒，黑松露薯條🍟。食材有揀過，肉質和處理手法都唔錯，整體比青衣城內牛扒先生抵食好食，人均消費 150-200左右，有心小店值得推薦🦾

屋企過嚟青衣係搭車去到青衣碼頭，咁就喺附近搵吓嘢食，見呢間餐廳新開就嚟試吓!!環境坐得舒適，都有唔少選擇，但個人覺得個餐牌可以執一執，而家睇落有啲複雜，簡潔啲會好啲，叫咗卡邦尼意粉同肉眼扒!!跟餐可揀沙律或餐湯，我哋兩個都揀咗湯，今日嘅餐湯係甘筍湯，我幾鍾意甘筍嘅味道，個湯幾滑幾清新，如果有埋個牛油小餐包就更加好喇!!卡邦尼意粉個汁做得幾出色，個汁幾厚同掛到落意粉到，都好足料好多菇同煙肉!!肉眼牛扒叫咗五成熟，呢塊牛扒嘅肉質都幾靚，有少少脂肪食落幾香口，配菜薯角都幾好味!!食完主菜嘆埋杯咖啡同奶茶，整體覺得呢度嘅出品都唔錯!!

今天跟朋友到青衣海旁做運動，運動過後邪惡念頭出現了，於是找一間餐廳醫一下飢餓的肚子。餐廳位於青衣海旁，距離地鐵站大約10分鐘路程，位置上都算便利。曾經在九龍城看見這間"當下"餐廳的分店。這間餐廳主打西式食品，餐廳裝修簡約風格為主。今次點了炸魚薯條和煎三文魚配薯角，食物都是新鮮炸出來的，非常香脆可口。煎三文魚是用上芝士配，口感上非常有趣，加上特製醬料，令到整體味道上跟上一層精華。飲品點了青檸梳打，味道還可以。最後點了甜品，店員介紹的是藍梅芝士蛋糕，分量不大不小剛剛好。整體上的味道性價比非常高，路經朋友可以進店一試

今日去青衣搵朋友一齊食晚飯,佢推介我嚟咗呢間餐廳,地點係翠怡花園一期（消防局對面）openrice地址標錯位，記得唔好去錯啊😂👍🏻我朋友果然冇推介錯，依間餐廳真係好高質，原來單點嘅話仲有九折，但set就冇。我地最後叫左2個set，有齊湯、主菜、野飲，真係勁抵😛前菜：南瓜湯有沙律同湯簡，我地簡左湯，濕濕地好開胃，南瓜味濃，仲有淡淡既忌廉味🤩主菜：澳洲肉眼排依個係10粒星必食推介❤️平時出街食扒成日都中伏，但依個完全唔擔心！我叫左5成熟，真係煮到岩岩好，肉勁juciy OMG🤩 仲要勁香牛味，正到冇朋友🤩 唔食會後悔😆🤟🏻主菜：黑松露野菌闊條面面好彈牙，勁多黑松露汁，味道好濃超好食😙野飲：橙汁、熱奶茶仲包埋野飲，一路食一路飲岩岩好，性價比超高❤️

青衣終於不是美食沙漠 Present的分店開到來青衣了午市套餐 包餐湯 主菜 飲品薯蓉湯 薯蓉軟綿 入口即化田園沙律 (隨餐+$12)沙律份量很多 蔬菜新鮮 不會有苦澀味 還有我最喜歡的番茄仔和芝麻醬 日式汁燒原條鰻魚飯很大一條的原條鰻魚 質感軟冧 肥膏部分入口即融 值得一讚的是 入口不會感覺得到鰻魚骨絲 不會吃得很不爽 飯的份量很多 大胃的也不用怕 而且旁邊另附了鰻魚汁 不怕吃到一半 沒有汁拌飯 這個價錢有原條的鰻魚 確實不錯香煎智利黑毛豬排伴薯角黑毛豬扒 廚師推介八成熟 但口感略微有點乾和韌 幸好調味剛好 薯角厚身夠軟冧 不會太油膩 伴碟還有番茄仔和爽口的蘆筍香脆啤酒洋蔥圈洋蔥圈炸得香脆不油膩香烤蜜糖雞翼整隻雞翼佈滿蜜糖 甜甜鹹鹹 帶點脆身熱朱古力冬天必備熱朱古力 是甜了一點有機茉莉花花茶茶壺很美 清香消膩 吃完炸物喝剛好環境舒適 適合與家人和朋友閒聊

好友住青衣，唸住同佢食個生日飯又近返對方，今日就來到一間西餐廳叫當下—present。來到餐門口，已經覺得呢度裝潢不錯夠格調，門面大大個「PRESENT」好易認到，好有外國風格。晚餐時間是有dinner set，前菜我們選擇了湯及莎拉，湯是蘑菇忌廉湯，味道到位也磨菇碎夠香，莎拉菜是夠新鮮好吃。主菜點了濃香芝士香煎三文魚排及香草黃金燒春雞，兩份的份量都不小，都有薯角及蔬菜拌碟，煎三文魚是夠香脆的，燒春雞也是夠香滑，都好好味。我們分別再點了兩杯橙汁，甜品點了藍莓芝士蛋糕，這裡的甜品蛋糕味道也是夠新鮮，應該是自家制的。吃了兩份水準好好的西餐及食個好環境，而這裡的收費是經濟實惠的，都係$300左右，平時在外面都要$400多，呢個價位真係益街坊。

一個放假的日子，返到來我曾經住過的青衣區行行海傍吃吓嘢，於是來到翠怡商場比較新嘅餐廳{我住喺度時未有}『當下』，如果冇記錯，之前應該係間素食餐廳。嗌咗两個主菜，價錢好實惠。之一係『黑松露雜菌闊條麵』，上枱時黑松露味扑鼻而來，吃落也是濃郁之味，最後連D汁都唔放過，誇唔誇?另一主菜係『香煎智利黑毛豬排伴薯角』，我唔係食肉獸，呢個係朋友所愛，但最後連我都唔執輸吃埋一份，而骨頭邊的油脂位零舍吸引。小食『香烤蜜糖雞翼』好似去咗BBQ，青衣的BBQ。『一口和牛粒』亦係啖啖滋味。加配的熱抹茶鮮奶及跟餐的橙汁亦都好满意。