畢打奧餐廳

營業中

休息中

呢間餐廳都有番咁上下歷史我就唔太多講。叫咗一個畢打澳焗豬扒飯$99，套餐送餐包同是日餐湯，但個湯可以+36蚊升級變做焗酥皮龍蝦湯或者係海鮮湯，唔單止湯，餐包都可以+$5轉做蒜茸包。焗豬扒飯係好懷舊帶有80年代茶餐廳果種風格，傳統港式焗豬唔會有菠蘿同芝士，只係好簡單茄醬同炒飯底，可能好多人覺得會好單調，但呢個味道同配搭真係好食同懷舊。飯粒粒粒分明，唔會帶多餘水分，每一口都好爽口，豬扒吉列炸過，雖然茄醬係豬扒上面但豬扒仲係脆，肉質都好鬆化軟熟。龍蝦湯好香濃加上酥皮酥脆口感，簡直美味。

我只有在讀書時去過飲酒，嗰時酒吧和餐廳分開估唔到晚餐唔錯游水青口夠大隻，白酒味夠濃我見隔離枱的田螺唔錯，是有殼的田螺。下次我要試。雜扒是男人的至愛我睇唔到餐牌有牛仔骨，只見到有牛脷。汁唔太咸，可接受估唔到薯菜，是焗薯。焗薯上面的汁太咸。我見隔離枱食薯條，薯條要加$5羅宋湯與聯和墟雅士一樣足料，有牛肉餐包有點提子味，不錯

上水區冇乜西餐廳，而畢打奧係開咗好耐嘅西餐廳及酒吧。之前都有人講質素下降左。今次就試吓食個晚餐。餐包：一啲都唔鬆軟，係硬嘅，唔好食。餐湯：羅宋湯都正常，入邊有好多料；白湯好似加咗好多水，好稀，冇乜味道。薯菜：有埋薯仔皮，有薯仔味，口感幾好，不過淡咗啲。牛柳：七成熟，可能鐵板上嘅關係，放得太耐先食，食嘅時候應該已經10成熟。味道正常。牛脷：食第一舊嘅時候，好韌，可能咁啱嗰舊係脷邊， 再食另外一舊，就淋，但係淡茂茂，完全冇味。檸茶：用外賣膠杯，勝在大大杯，亦都好方便，飲唔晒可以拎走，味道正常，糖水自己落，但係落咗三份一支都仲係唔甜。樣樣野都普通，但人均兩百元，其實唔係好抵。

誇區去上水工作，自己一丁人都吾可以待薄自己架！見到食評吾錯就衝左入去試試港式牛扒！入到去個環境同裝修又吾錯咼，英國bar風。點左個晚餐，今晚好想飲羅宋湯，又幾好飲咼，味道夠濃又熱辣辣。另外加左5蚊叫左個蒜容包，嘩熱到辣手！勁脆，牛油味又夠濃，好正！好可惜得一塊，想再食！主菜好快黎埋，我叫左西冷牛扒7成熟，不過不失啦。無乜牛味，不過港式牛扒不嬲係咁上下，要求不能太高。個蒜容汁都幾好味嘅。我叫左薯菜，個薯仔係新鮮薯仔，有用herbs醃過，啲薯仔夠哂林，好味。如果個脆肉瓜焗下佢就好喇！最後叫左杯即磨咖啡，味道都吾錯！滿足：）下次有機會要試下其他扒先

今日又嚟到我鐘意嘅上水，舊區舊餐廳，門口感覺好歐陸，入到去燈光好暗，有少少焗，有啲舊舖嘅味道。Menu 有介紹餐廳歷史，一定老過我地，應該比我父母仲要老😅舊式扒房嘅menu , 晚餐有餐包，餐湯，扒可配飯/意粉/薯菜，再選汁，加HKD 28可轉酥皮海鮮湯。田螺 -HKD68共6粒配薯蓉, 有齊工具，好專業鱸魚配意粉鱸魚嘅面有啲脆，意粉太乾。如果配薯菜係原個薯仔🥔，唔係薯條。餐飲我點咗凍檸茶，竟然係外賣杯，估佢唔倒😅

上水唔算多西餐廳，而抵食兼好味，性價比高嘅就更加少。畢打奥餐廳係數一數二👏👏呢間店已經係上水好多年，有懷舊feel，係朋友仔介紹我去食，點知食完就有第二、第三次😂尤其係世界杯就到，去個度一邊飲啤酒🍻一邊睇直播簡直係一絕(帶定頭盔🪖先：以前有直播嘅，今年唔知有無🫣)值得一提: 呢度嘅羅宋湯好足料🤩法國田螺都好好味，好正🤤整體價錢得宜，唔會貴👍👍

見好評多，又收咁夜，收工黎試下，餐湯餐飲等左好耐耐都未黎，同佢講先即肯斟，當你漏單啦。餐廳入面坐唔夠一半人。但一碟沙律等咗45分鐘，會唔會耐咗少少？5成肉眼變8成，無味。杯熱檸水都等啲野食等到變凍檸水…唔會再食。

呢間餐廳食過幾次入邊環境就好有氣氛！啱晒約埋朋友睇波或者情侶浪漫約會～每次食佢個豬手水準都好高.午餐食都係$99 另加一包餐湯 麵包跟餐飲要特別一讚嘅係佢嘅麵包係熱辣辣真係即刻烘熱 絕對唔係求求其其！如果叫凍飲嘅話 仲大大個外賣杯可以拎走添其他西餐廳嘅鹹豬手 多數個皮都係硬都食唔到但係呢間真係冇得輸每次食都係外脆內軟 個皮都係超好食啖啖肉入邊夠晒Juicy真係好過好多高級西餐廳!!超級推介希望呢間餐廳長做長有 等多啲食客可以享受到美食

畢打奧餐廳已經係上水好多年，通常都係同朋友去飲下酒，今次難得朋友約係上水食飯，不如就試下畢打奧既晚餐啦！ 畢打奧晚飯套餐有好多選擇，分別海鮮類、牛扒類、素食類、意粉飯類。我地一共三位，分別叫左原隻燒春雞，肉眼扒，三文魚扒龍蝦汁。首先上餐湯同餐包，餐湯選擇只有紅湯或白湯，或者可以加錢選擇酥皮龍蝦湯。而我就選擇左普通嘅白湯，湯入面只有粟米，覺得不錯。餐包真係好好食，微暖食落仲好煙韌。到主菜，三個餐都係跟薯菜，燒春雞配蒜蓉汁，肉眼扒配蘑菇汁，三文魚扒就當然配龍蝦汁。其實份量都好大，以我覺得肉眼扒同燒春雞都唔錯，肉質都嫩滑，不過三文魚扒就真係好乾，不推介。係上水可以食到咁懷舊西餐真係好有趣，食品質素不過不失，氣氛真很不錯。

粉嶺上水不嬲都唔多西餐廳，上網見到依間咁多年嘅老店就即刻走嚟試吓。頭盤有羅宋湯同餐包。羅宋湯好足料，唔似其他舖頭溝水溝到好稀咁。主食係牛魔王焗飯。咖哩牛腩好入味，牛腩唔韌十分唔錯。牛仔骨一啲都唔薄，數量好夠！仲額外嗌咗個焗法國田螺同埋酥皮海鮮湯。田螺好有鮮味，酥皮湯都好正！滿足晒我食西餐嘅願望。舖頭地方好寬落，枱櫈無排到好逼，食得好舒服。員工都好有禮貌，有主動問使唔使紙巾同加水，服務好好。下次放假再嚟食個晚巿，試下佢啲調酒

住左上水十幾年 其實都經常食畢打奧🤓不過呢幾年睇住佢地越黎越有心機搞搞下裝修 搞下新菜式咁 都覺得老闆幾有heart👍🏻肉眼扒三成熟應該係每次黎必點既 水準咁多年都跌過價錢又街坊🥹完全值得推薦💯佢哋個忌廉湯同餐包都係好高水準 唔似出面餐廳咁好水 好濃好足料既湯👍🏻平時除左黎食飯 間唔中都會同朋友落黎聚下 飲下嘢 有好多款生啤同雞尾酒佐酒小食都有好多款 唔記得影個menu中式西式都有 總有一款啱胃口😆上水有間咁高質既西餐廳 過時過節都唔洗出去同人逼 🥳🥳會繼續課金做個熟客仔😛

入上水找朋友食餐晚飯，陪我過生日佢話有間西餐廳都唔錯同成日都好多人幫襯就約去食啦，你上水廣場行過去要大約10分鐘左右餐廳名Better Ole 都真係見到唔少人企係度等緊，好彩朋友已訂位 英式餐廳，有好多部電視播緊足球比賽，當晚無直播有就肯無位了職員服務態度殷勤，只要見到你都一定回應，只係有少許人手不足檯與檯相隔密度都算還可以點餐美國肉眼扒＄１７９原隻燒春雞＄１４９跟餐加焗酥龍蝦湯加＠＄２９個皮好脆，龍蝦湯好香濃美國肉眼扒跟鐵板上要七成熟熟透程度剛好，肉質夠厚亦夠淋，個燒汁都唔錯原隻燒春雞隻雞都幾大隻，個皮脆好香肉質鮮嫰，都好多肉，正！最後上埋蛋糕（自己買）加埋生日歌~完美😍😍😍

餐廳裝修好好氛圍輕鬆，有令人感到放鬆、悠閒的感覺，啱曬一班朋友相聚。食物質素方面，海鱸魚外脆內軟，焗得啱啱好。而且配菜方面，薯菜亦好好食，希望可以多啲薯菜員工服務周到又nice值得推薦！下次可以試下lunch

餐廳啲燈光唔算好光，食飯過程比較放鬆，唔會俾啲燈光搞到好殘眼，同埋啲服務態度好好，唔會好似好急咁同你講野，問嘢都好有禮貌，總之食飯嘅過程好舒服，成個人都放鬆曬，加上份牛扒份量很夠，餐前麵包都好香。值得大家試下

今日在上水和朋友搵嘢食 見到一間裝修好特別的西餐廳在上水的縱多的餐廳中獨樹一幟，就決定食這間。 進去後見到英倫風的裝修和電視上的球賽，很有氛圍。 點了一個雜扒餐炸魚薯條。雜扒餐很多肉還有三文魚沙拉 $99 炸魚薯條酥脆可口值得一試