畢打奧餐廳

營業中

休息中

在上水想找一次地方方便聊天及吃東西，所以就選到這裏，中午氣溫已經三十幾度，所以就不四處再亂跑。第一次進來，想不到真的是酒吧裝修，就是拍照好看一點。我們分別叫了兩個午餐，價錢都是茶餐廳都一點點，所以覺得實惠，畢竟這是西餐，出品亦包括了一些擺盤，配菜份量亦十分足夠。相對意外的事飲品用了外賣杯，由於本來已提供白開水，所以用餐後直接把飲料拿走繼續喝，所以這個體驗是不錯的。我吃的咖哩雜菜，份量也覺與其多，咖哩味道和茶餐的不盡相同。整體感覺良好，無論是一個人或和朋友一同，都可以選擇再來，特別是午餐相對優惠。

友人介紹，宵夜去左依間餐廳食野前菜叫左個田鏍，有6粒，薯蓉做底。粒粒都飽滿，唔過火位，好食juice,薯蓉都好滑，唔係湊數交功課既貨色然後叫左個m5和牛扒，跟餐有飲品，餐牌話有湯，但去到話咁夜無，少失望。餐飲叫左凍檸檬茶，茶飲得出放左係雪櫃有一定時間，有澀味，茶色水混濁，係無期望之中仍然失望。牛扒叫左5成熟，煎封得唔錯，好食，配菜叫左薯菜，出奇地薯菜竟然係比薯仔，而唔係急凍既炸薯角，薯仔淋得黎唔粉，好食，有誠意。因為本身諗住有湯叫左個蒜蓉包，我會講係食完有記憶既味道。唔油但好香蒜蓉味，焗得好脆又無過火位，一上枱就食左所以唔記得影相其次叫左杯mango 味既啤酒，對得住個價錢有餘，鐘意甜味啤酒可以一試最後想食多少少野，叫左個99蚊既西冷牛扒。待應無問到幾成熟同咩汁。最後上左七成黑椒汁。咁一定無和牛好食，七成熟都唔係我地食開，但都唔係話差既

母親節我們都冇訂位，三個人6：15pm就黎等咗取飛，半小時可入座，門口接待個女仔，有禮貌又做到野座位不算寬敞，但空間都足夠舒適，燈光昏暗有情調掃碼點餐快而準，網頁算清晰唔難搵上菜速度正常，今日特別日子，仍有效率，不需等候太奈先至有得食羅宋湯夠熱，略稀，有少少菜，整體好飲ok麵包仔夠暖，有質感肉眼扒七成，兩邊煎得夠香，肉質唔錯，有牛味又唔會太乾太un煎魚柳表面煎得幾香，肉質唔差，味道淡淡的德國咸豬手，份量十足，皮脆，肉香炸薯條好脆好食，焗薯ok畧唔夠香肉眼（8/10）魚（8/10）豬手（8.5/10）價格合理，服務員工作高效率有禮貌餐後仲有經理詢問食客嘅用餐體驗，有heart

預祝母親節，由女婿揸車由葵芳遠赴上水，第一次試食畢打奧餐廳。餐廳裝修英式懷舊設計，一邊主打酒吧，另一邊西餐，觀察所見食客有情侶朋輩或有老有嫩或一家大細，客路甚廣。招牌菜有牛扒和焗豬扒飯，水準佳。牛脷厚薄適中但略嫌過“淋”。火焰雪山(甜品)價錢不高，還有專人侍候和代拍照打卡，如果適逢有客人生日，侍應們和其他食客會同唱生日歌祝賀，令現場氣氛熱情高漲。另一誠意讚點是餐具溫度暖暖的，感覺乾淨衞生。改善地方是餐飲款式太行貨，質素“不合格”！舉例凍檸茶不凍又冇檸檬味，如果選用特式飲品甚至餐酒，加錢亦大有客路啦！整體餐廳的性價比高，人均消費約200蚊。

第一次食呢間舊式豉油餐廳午餐時間叫咗一個西冷牛扒，跟一個湯一個麵包，一杯嘢飲+9 薯仔沙律+9 蘑菇汁結果冇錯不過有些喜出望外薯仔沙律 》雜菜薯仔沙律蘑菇汁 〉蕃茄汁加類似雞髀菇個湯OK

今天與友人到上水辦事，經友人推薦預訂到訪試試😄。12pm踏入餐廳已有8成入座率🤣，暗黃燈光，密集的座位，中間是茶水吧，右邊是酒吧枱和收銀，周圍滿佈TV，的確是睇波好地方，濃濃的懷舊氛圍。Lunch set 👉soup+bread+main course+drinks~~羅宋湯濃郁，麵包有麥香，咖啡正常(因人客太多，咖啡杯趕不及洗，以紙杯奉上😂)💥薄切牛仔骨扒+薯菜+蒜蓉汁>>>有口感，有牛肉味💥燒春雞(半隻)+薯菜+芥末>>>燒烤剛好，味道正常，薯蓉太鹹😅，另附上手套供客人使用，十分細心。值得一讚服務員態度良好，我要求熱水，她便放下小壺給我添加，雖然人流不绝，但仍勤快照顧客人所需👍。

能在比我還老的英式pub, 以$79 吃到滑嫩的豬柳午餐，以$139 吃到outside burnt medium rare 的牛扒午餐，what more do you want? 令人回味無窮的是濃到刺鼻、蒜香久久不散的自家製白色醬汁，配肉類蔬菜薯蓉都是無敵，淨吃也不輸。小瑕疪是枱不平，要自己用可能在地上過了一夜的杯墊把枱「擺平」，發現原來飲管套也可能躺了一夜。好容易静下來喝美味的羅宋湯時，卻發現沒牛油刀，麵包是好吃的，但用尖的扒刀抹牛油，真的不太容易。

係上水區發現呢間西式餐廳，feel到好有歷史嘅感覺，門口都有貼以前嘅報道先發現原來已經有好多年歷史，源1947年開業至今仍然keep到以前嘅氣氛，係餐廳出面有位同事負責接待客人 態度待人熱情又親切好主動上前問我地幾位 入到去之後 成個環境好懷舊 估唔到今時今日仲有咁懷舊嘅feel 我好佩服 坐低之後有同事好有耐心咁同我地介紹左menu 都解答左我地幾個問題 我覺得佢地啲服務態度真係非常好 又主動幫我收起食完嘅野同問我地需唔需要叫飲品 真心好耐都未試過有呢啲咁好嘅服務態度！有一兩位同事好nice 我地食下食下 突然過黎問我地啲食物覺得點又同我地吹兩句 呢度真係一流 食得開心又安心 真心推薦呢間西式餐廳畢打奧

今日第一次去上水這間畢打奧，（先前已幫襯過粉嶺個間）给予我的感覺是內部環境舒適，有懷舊餐廳感覺。食物質数亦滿意。價錢合理。更重要是欣賞他們的服務態度。好有禮貌同笑容，這點我很欣賞。而 且吃完也會問下你對食物的評語。我們四人在最繁忙的午餐時間幫襯。吃左他們推介的畢打奥焗豬扒钣，芝士蕃茄焗豬扒意粉，咖哩牛腩钣同龍虾汁海鲜意粉。四個set lunch 也大滿足。而且他們的羅宋湯也非常好味。可以下次再去光顧。👍👍

接近四點入到去諗住食下啲嘢同屋企人，侍應好似唔想我哋入嚟hea咗一陣之後止咗個位畀我哋坐，坐咗喺度六七分鐘餐牌都冇，於是我就出去影餐牌同屋企人睇，之後就點餐，上餐速度都快，上齊冇幾耐有個侍應就即刻走埋嚟話要收錢先，我嗰陣時都未食到第三啖，你唔講我仲以為你哋臨收工我先入嚟搞事阻住你哋，搞到我同屋企人都唔好意思，成五百蚊嘅消費我寧願食麥當勞啦下次😂

12月第一次黎食，1月再黎食，撞正新年好似加咗價。午餐嘅焗豬扒飯套餐係$99，雖然豬扒同茄汁好juicy，上菜個陣仲係熱嘅，但係份量一般，如果胃口大少少嘅人應該未必夠。另外仲叫咗個雜扒餐，有雞扒，牛扒，煙肉，豬仔同薯蓉，盛惠$139。雖然野食味道唔錯，對比其他西餐價錢亦唔算太貴，但係份量一般，張枱亦都好逼，店員過黎收野亦都有點唔方便，百幾蚊黎講應該有其他環境更好嘅選擇😕 少少失望，唔係食得好滿足咁離開。都尚且可以一試！

呢間歷史悠久既英式酒吧餐廳, 呢度以懷舊的裝潢同傳統既西式菜式聞名, 食物既價格親民性價比高, 有好多街坊幫襯, 個人覺得卜左位先去會好啲, 因為都幾爆😝法式焗田螺🐚（半打）（$69)田螺肉質鮮嫩, 蒜蓉香草牛油醬汁惹味, 下面仲有一層薯蓉😌鐵板香草焗新西蘭羊扒🐑($179)鐵板上枱既時候滋滋聲, 半肥瘦既羊架羊羶味夠濃, 配埋香草汁一流, 另外揀左跟薯菜, 羅宋湯, 仲有自家製既黑糖餐包☺️畢打奧焗豬扒飯🐖($89)豬扒煎得金黃香脆, 肉質鮮嫩多汁, 配上酸甜既番茄汁同炒飯底, 揀左多汁多飯超正, 呢個餐我地加左$29要個酥皮龍蝦湯, 配餐包🤩燒德國咸豬手🍖($129)豬手外皮烤得香脆, 肉質軟嫩, 配上酸菜同蒜蓉汁好好食, 呢個我地揀左跟香草欖欖油意粉多意粉, 呢個我地都揀左加$29要酥皮龍蝦湯同埋餐包🤓火焰雪山🏔️($89)將烈酒淋在雪山上, 藍色既火焰瞬間燃起, 視覺效果滿分非常適合拍照打卡😎 外層既蛋白霜經過火焰炙烤, 帶有微微的焦香, 內層係冰涼既雪糕蛋糕, 冷熱交融的口感非常特別🥳呢間餐廳既味道同份量都係有啲驚喜, 上菜速度都好快, 不過真係遠左啲🤣

本身諗住嚟食其他嘢，點知無開門，決定嚟試北區名物畢打奧，等咗大約一兩個字就入得叫咗兩個餐，西餐前菜必備嘅包同湯，包就正常發揮，唔算特別香同特別熱，至於湯就白同紅湯都有試，白湯相對比較稀，紅湯就味道啱啱好，唔會過鹹，同埋真係有肉，個人推薦紅湯！主菜一個叫咗牛扒，都係正常發揮，唔好期望太高另外試埋雜扒餐，係鐵板上，有牛，雞，豬，鐵板餐既牛當然係薄薄一片，反而想講豬有啲驚喜，食落唔柴，仲有啲彈牙，建議試下豬。另外仲叫咗意粉，睇落好似好乾，不過其實已經加咗味，係蒜蓉意粉，味道唔錯👍飲品就唔知點解係外賣杯上，普通不過呢間應該係主打性價比

原本諗住食餐優質西餐與家人慶祝生日，雖然食物質素同餐廳環境都好，但出餐進度大有問題，4個人點餐，分別每相隔十至十五分鐘先上到一款，因為各人一份的關係，由第一位到餐的到最後一位到餐的可以相隔四十五分鐘， 導致全枱每出一道菜都是三個人望住一個人品嚐美食，真 沒趣

今次試下開咗77年嘅英式西餐廳，定價唔貴，旅行打卡、約會同慶祝都適合。餐廳環境有懷舊感但唔殘舊。主食包咗餐湯同餐包，可以揀羅宋湯或忌廉湯，今次升級酥皮龍蝦湯。焗法國田螺用蒜蓉牛油醬慢慢焗製，香濃蒜香，肉質彈牙，薯蓉軟滑。芝士焗生焗蠔蠔肉唔算好細隻。燒安格斯斧頭肉眼扒 厚切油花分佈均勻，燒至五分熟，外皮香脆，入面保持到粉紅色嘅肉汁。 酥皮龍蝦湯 香脆嘅酥皮散發住牛油香，湯濃郁。火焰雪山蛋糕啱晒打卡聖誕雞尾酒