畔溪海鮮酒家 (已結業)

全晚最精彩係竹生魚翅, 其他菜都交足貨喎雀巢海鮮大帶子 ~ 帶子好大隻好味, 雀巢炸得好幼細, 睇唔出係用d乜嘢炸, 瑤柱蠔屎髮菜 ~ 呢個菜好多地方會食到, 今次呢個都比之前食過既出色, 又其事係蠔屎!!鴛鴦蝦球 ~ 炸大蝦都炸蝦球, 位無乜特別乾鮑扣鵝掌 ~ 鮑魚好好味唔韌, 仲食多咗半隻, 哈哈!!竹生魚翅 ~ 好足料, 超級大碗, 一人一碗, 一碗份量等如平時既二三碗, 食完呢個翅都飽咗9成半...仲有以下既菜未上枱...!! 清蒸大班 ~ 好滑無過火就掂!!鴛鴦炸子雞 ~ 雞饟咗d墨魚蝦滑炸, 幾特別, 味道也不錯!!荷葉糥米飯 ~ 睇落去以為係珍珠雞, 原來係荷葉包住糥米飯, 個個都飽咗...我地只開咗一隻, 十二個人食, 好香食落一d都唔油!!鮮蝦雲吞 ~ 飽到已經食唔到lu, 只好比其他同事食!!雷沙年糕 ~ 呢個唔得, 三個字...唔好味!!紅豆沙湯圓 ~ 好沙紅豆沙, 又唔太甜, 湯圓係芝麻餡..好食喎

專登請假陪家人到醫院做掃瞄...掃瞄後要待一個小時才知道要否再回醫院再掃多次。一小時，不能走得太遠；所以就找地方飲個茶，可以慢慢坐、慢慢吃吧。人不多，環境寧靜，不像其他酒樓般嘈雜。 真悠閒~點了特價的黃金糕、蝦籽柚皮。黃金糕和蝦籽柚皮就差一點了。黃金糕上桌不熱，蝦籽柚皮的蝦籽少很....還點了腐竹魚湯雞翼米線、腐竹魚湯菜餃米線。魚湯白晢，腐竹軟滑，雞翼脆口。值得一吃。

星期天，陰天有雨。友人嘅千金日前於浸會醫院出世，母女干平安。一眾親友都到醫院探望友人，當然令一位小主角亦謀殺了不少菲林。眾人在新生命之畔，討論究竟似爸爸定係似媽媽。輪廓咁深，一定似爸爸(非本地人士)。臨行時，已届食晚飯時間，一行六個人，近近地在隔鄰嘅「畔溪」用膳。禮拜日晚，人流唔多。回想當年第一次嚟這裡食晏，人頭湧湧，飲食生意真是今非昔比。各人一起出主意，點了八款菜色。前菜是脆皮豆腐($38)及滬江素鵝($38)，前者炸得金黃香脆，十分可口，但又沒有油膩嘅感覺，簡單嘅前菜已可令人有所期待；後者是香脆面而非煙燻，是另一番風味，可惜炸嘅功夫與前者有點距離，味道中等而已。第一道主菜係脆皮三黃雞半隻($75)，何謂三黃雞，不得而知。不過廚房有點粗心大意，雞皮上嘅小毛髮也不少。撇除這點，皮是薄且脆，雞肉亦不是鞋烚烚，富有彈性，在食鹽嘅功效下，入口惹味；接著就是腰果山楂咕嚕肉($58)，咕嚕肉以薄薄一層生粉皮包著，炸得十分可口，而且內裡肉味十足，肉汁也豐富。醬汁不太酸，也不太甜，味道適中，十分容易入口，亦令人更加開胃。陪襯嘅腰果果身纖瘦，賣相麻麻地。點了兩款素食：啫啫丁唐生菜($60)熱騰騰的端出

見到有個$88的三寶,包括燒鵝,油菜及一窩瀨粉,燒鵝應該有半隻,肉都算多,亦算有燒鵝味,瀨粉亦可以接受,油菜都算新鮮.腸粉可以接受,春卷亦夠脆,燒賣亦夠水準,沒有肥豬肉.至於個瑤柱蛋白炒飯,雖然比較細碟,但都炒得幾香口,材料亦算足.

話說九龍塘有單大工程，我地泥頭組等等等全體要去哂﹗搞左一個朝早終於都搞掂，阿sir話來呢度請食飯﹗食物都唔想逐樣評喇，總之都係不過不失啦﹗沒有什麼驚喜﹗魚翅灌湯餃成廿幾蚊一隻，完全流野，只是一塊皮包住各式各樣既碎肉，湯底又淡，同出面茶樓十蚊個的沒有分別﹗午飯時間叫個龍蝦伊麵，唔係有人請點會咁豪呢？聽說味道很可口，龍蝦肉又爽又甜﹗阿sir請食飯當然大堆頭，見野就叫，每樣叫三籠一人一件，食唔哂就打包，睇一睇張單，一張枱食到咁多野，見過未？俾個笑佢，因為唔洗錢食得很暢快﹗

探病前上黎先食個dinner未夠6點上到黎燈都未開哂~~~ 原來多數缺熟客生意叫左幾個小菜味道幾好wow~ 碟頭又大味道又ok, 價錢都唔算好貴~不過最失望係個「湖南醉雞煲」完全唔係咩醉雞~ 似啫啫雞煲多0的law~

一行九人吃開年飯，電話預約了下午1時10分，怎料去到仍要等位，好不容易幾經交涉才爭取到坐下；用熱水洗杯碟時發現茶杯邊有唇膏印，有些碗碟仍有食物殘渣黐著，立時胃口大減。幸好點心來到，吃下幾口人暖和了，味道亦不錯，才不致後悔選了這間茶樓。食物方面點了一窩魚湯米線，清清地又淡口，湯呈奶白色，我敢說一定沒有下味精，配合白魚蛋、炸魚片頭及白菜，適合一家大細。點心包括蝦餃、燒賣、牛肉、棉花雞、上湯鮮竹巻、叉燒飽(我留意到它的叉燒顏色不是平常酒樓吃到的紅色，表示沒用色素)等。全都即叫即蒸，所以要等一段時間，但頗有水準。春卷亦很脆口。我們還嘗了這裏獨有的菜螃蟹餃，餡料是蛋白和蟹柳，但不是特別美味。聽聞這裏十多廿年前是有錢人酒樓，看來現在已平民化了。如果可以改善衛生情況，相信有望可升格。

星期五晚係浸會探完病我地4個同事梨呢度打邊爐,食物選擇很少,而且要碟碟28蚊唔係好抵,我地叫醉雞鍋,不過雞唔係另上的,已經預先放在鍋內,而且份量不過沒有酒味,肥牛算不錯叫了兩碟,醬料辣椒也是另外付錢的,水餃拚雲吞,雲吞幾好食,好大隻蝦,九肚魚好唔掂好細條,啊媽買果D好食好多,仲有四寶丸同生菜,鱔片都好一般..總之呢度打邊爐就唔係咁好啦,冇野簡,我地叫左8碟野加5枝細啤都要每人$100,唔怪知冇乜人打啦....

26/7(四) 8pm不速親戚回港,出於不自願地為其洗塵;兩圍親戚一行16人重訪畔溪.是晚點了全包宴$1388:紅透半邊天,竹笙雞絲翅,魚湯益菌素菜盆,節瓜瑤柱甫,翡翠雪花芙蓉片,清蒸東星斑,脆奶炸蝦丸,脆皮鹽焗雞,荷香瑤柱飯,祝賀蟠桃,甜甜蜜蜜.紅透半邊天--半隻乳豬,略欠排場,外皮鬆脆,但脂肪比例過重,海哲頭尚爽口.竹笙雞絲翅--稀得如翅水般,魚翅雞絲口感單薄,味道相當寡!魚湯益菌素菜盆--魚湯格外清甜;竹笙,小棠菜,西蘭花,雲耳,蘿蔔乾片,黃芽蔔,芋絲等食材依然保持應有的纖維.節瓜瑤柱甫--節瓜略為硬身,而瑤柱大粒富嚼勁,原味亦濃.翡翠雪花芙蓉片--西芹花枝入口爽脆,魚腐嫩滑味鮮.清蒸東星斑--肉厚嫩滑鮮美,火侯恰到好處!脆奶炸蝦丸--淡黃色澤的炸漿過份厚身,可幸蝦丸質地彈牙,脆鮮奶可再香脆點.脆皮鹽焗雞--雞肉嫩滑得要命,雞味濃厚;質素超然!荷香瑤柱飯--蠔油味濃郁,而飯粒也算香口,煙韌度則尚有進步空間.祝賀蟠桃--壽包軟卻不綿,一咬即散;蓮蓉滑度及香氣同樣不足!甜甜蜜蜜--木瓜雪耳糖水及紅豆沙,兩者之甜度均稍過火,畢竟料是足稱的!總體水準可被品評為中上,平易近人的價格也是此家

21/7(六) 8:30pm家母成功攻陷四方城,來個突發報捷會.重訪一別經年的畔溪.星期六的晚上驟看店內挺旺場的,環境沒旺區酒家般嘈雜,九龍塘始終是九龍塘.家母發板點了4人鮑翅餐$998:燒肉蒜香雞雙拼,生拆蟹肉生翅,金銀蛋浸唐生菜,清蒸海虎斑,南非鮑魚干撈飯,楊枝金露,藍莓曲奇.另加了西蘭花帶子炒花枝片$98.燒肉蒜香雞雙拼--燒肉水準頗高,皮香脆,肉質肥瘦相間分明;蒜香雞則略遜一籌;嚐不到蒜之香氣;幸好雞皮鬆脆,沒多餘的皮下脂肪;唯入口雞味並不濃.;也談不上嫩口.生拆蟹肉生翅--翅條幼滑,略欠嚼勁;湯頭清甜;蟹肉份量足,口感卻削,鮮度有限.金銀蛋浸唐生菜--高質素之作;上湯清甜;鹹蛋皮蛋味道溫和不太嗆;唐生菜仍保持爽甜.清蒸海--細條虎斑,肉質細嫩中帶實在口感,魚味鮮香,質素上乘!南非鮑魚干撈飯--鮑魚外觀雖不吸引,但挺有咬口;伴鮮味蠔汁,感覺良好!鵝掌扣得入味富膠性,飯粒亦乾身彈牙!西蘭花帶子炒花枝片--兄長的指定菜式,帶子花枝鮮味十足,口感亦然,爽口而具彈性!楊枝金露--挺足料的,芒果西柚肉身鮮甜,奶味也不過濃重,口感幼滑.藍莓曲奇--金黃曲奇烘得夠鬆卻不夠脆;上桌時仍是微暖的

5個人飲茶要成300幾講下某幾樣的食物質素1.褔建炒飯- ok，不過幾細碟2.小籠飽- 用蛋撻/椰撻的鋁兜裝住，一個幾特別的心思。皮都幾薄下，幾好食3.(唔記得名)南瓜餡的炸蛋球，唔太甜，味道幾好4.賽螃蟹子餃- 小小賽螃蟹o係面，個餃算幾好食5.燒賣/叉燒腸粉- OK，唔係太outstanding6.有一個類似菇加娃娃菜的東東，好咸！其他唔記得晚市個價都係far above average如果有D咩大事慶祝，要食餐好呢個價我可以接受但平時真係唔得lor讚的是幾多唔同特式的點心，態度同食物質素都above average

由於聯合道、聯福道附近，莫講酒樓，食肆也是少之又少。價廉物美的畔溪自然成為飲茶的不二選擇。今次再安歌，點的點心都係大同小異，以小、中點為主，都係咖喱魷魚、叉燒包、奶皇包、鮮竹卷、豆苗餃、牛柏葉等。水準幾穩定，服務也有禮，人少時要開大一點空調也沒有托手足爭。

再次來到呢到飲茶，跟上回點的大同小異，不過今次點多了腸粉、粉果。腸粉夠熱，也很滑、粉果很奇怪，竟以西式雜菜粒做餡，感覺好奇怪。其餘叉燒包、咖喱魷魚、牛肉球、鮮竹卷等都保持水準。

上回到過聯福樓飲茶，雖然係平，但實在唔係咁好。聯合道附近的選擇不多，今次一行五人就試試畔溪，同樣兩點半開始才有特價，不計入座時間。點了：1)鹹水角個皮好煙韌，餡不多，又夠熱，已經好過聯福樓好多了。2)炸春卷炸春卷也不差，脆脆可口，一個春卷，一個鹹水角，似乎是逢飲茶都必叫的兩樣炸野。3)叉燒包點了兩籠，這裡的叉燒包不同一般酒樓，就是體型較小，一人一個剛剛好，用不著一大個撕開兩面兩份分。個人其實不太愛吃中包，但這小小的也覺可以接受，最緊要趁熱吃，凍了就如饅頭般難吃的了。4)咖喱土魷咖喱汁幾濃，很重的咖喱味，正！土魷都算爽唔韌，可讚。所以第二輪要安歌。5)燒賣熱辣辣，大大粒，面頭的蟹子都幾多，肉質好鮮嫩，同樣要兩籠先夠喉。6)牛肉球見牛肉球才是小點，當然要點一點，熱辣辣又爽滑，幾好食。牛肉還是少吃一點，畢竟紅肉對皮膚不太好呢。7)蒸排骨幾多油，通常一般酒樓的蒸排骨都會好多油浸，但這個是特多，而且排骨唔夠滑，豉椒太少了！完全吃不到椒味，感覺是油浸掛骨。8)蘿蔔糕醮些辣醬，趁熱食還好，出面的蘿蔔糕始終不及自家製的多料，莫講餡料，就連蘿蔔的含量也比不上，好多時都是粉多過蘿蔔。所以沒有太大期望，算是

飽魚餐, 平日1888.00, 假日加300.00元, 星期日去食, 雖然貴300.00元, 有三十頭乾鮑, 不過, 味道稍淡, 翅身較一般吃翅地方大, 上湯算不錯, 也是味道略淡, 飽魚套餐個人版, 188.00元一位, 這十二人大套餐則算很扺了, 還有龍躉, 不錯的鹽焗雞, 可以一試。至於服務態度, 有好有差, 相信要經理統一調教才可以令到全部人服務更好。