甲乙丙中國廚房 (已結業)

我當然知道個TREND係咁啦，不過對比其他類型既京川滬食肆，甲乙丙真係相對地俾我一個貴夾唔飽既感覺，你舉例既食肆，大部份我都有試過，感覺係值得去食多D。如果你係去過甲乙丙覺得值得去咁你咪寫低你既評語等大家參考完決定試唔試，這是給大家一個地方去表達意見，分享一些感受，無話要你一定同意，請尊重人家既意見，唔好係無實質評語下去質疑人地既感受。

近年新潮京川滬菜都係差唔多價錢, portion細細地. 好似金滬X. 金滿X, 春X拉面, X翠拉面, 全部都係呢個形式運作啦~所以我唔係咁認同前文讀者話"貴夾唔飽"囉..而家興咁玩嘛....你覺得貴咪下次咪去"上海三六九"囉.

推介雞絲粉皮同酸辣湯..激正!

2個人.5:50已經有龍,等10mins就有飛排,唔使點等.service都幾快,d人一叫就黎,亦自動拎走D碗碟.叫左觀音王,普通料.擔擔麵,不大好吃.冇咩花生醬味.又唔夠熱.紅燒獅子頭.幾好味,唔會太"實".小籠包,水準之下,皮厚,冇汁金巢豆腐,算係全日最佳,夠味同夠熱高力豆沙.超少豆沙餡,最後2啖先有豆沙.勁!埋單要等10mins,可能得一個人埋單. 如果唔使等都叫食得過,但唔使等既機會好難

初三去食，7個人已經要勁等差唔多2粒鐘，因為只有3張大檯。d 椅個背又矮好唔舒服，而且都好迫。d碗又崩，餐前小食又俾少左我地。服務唔係好得，叫好耐先有人serve，又唔主動收碟。而我地叫左紅燒獅子頭$42-一d都唔好食，無咩味，d肉又好實上海粗炒$38-得齊面，一d肉都無，又細碟回鍋肉$38-味道算ok，不過都係好細碟蜜餞雞翼$28-d雞翼都好大隻，但得4隻，味道ok芙蓉賽螃蟹$58-唔好食，完全做唔到應有既味道魚香茄子$38-連爐上，所以熱辣辣，味道一般，不過又係好細碟酸辣湯x3位$54-味道算唔錯，都夠料鄉下佬炒飯$48-細碟而且無咩特別小籠包x2$38-算係比較有水準，唔錯煎鍋貼x2$40-味道ok，不過好油狗不理$12-唔係太好味而且d餡好少整體上感覺幾貴，一來d份量實在太少，味道又唔係好味，用料又唔足，服務又唔得，我一定唔會再去。

Cafe Musical(中文: 音樂人)西餐尖沙咀柯士甸道83號柯士甸廣場23樓全層

見呢間甲乙丙的裝修有番D水準. 又咁多人等位, 所以同媽咪揀左呢度開飯. 首先要提提杯茶..開茶時?有幾個option俾你揀的.我地就揀左"觀音王".唔錯! 呢度D侍應會好殷勤咁幫你沖茶. 水滾茶靚. 值得一讚. 菜式如下:1. 雞絲粉皮-好食亦抵食,但係粉皮切幼D仲好2. 煎窩貼x 3隻- 皮就厚了一點. 3. 酸辣湯- Per Head 一盅上檯. 幾多料.酸辣度Balance~ 4. 擔擔面- 過辣~埋單$150 有找. 我會再黎的~!

前幾日同屋企人食LUNCH. 原本打算去客家妤棧飲茶,但可能由於兩點鐘有特價點心嘅關係,好多人等位,所以我哋就決定轉去甲乙丙試吓.可能由於甲乙丙並冇任何特價和優惠.我哋四個人一去到就有位.而且仲有7-8張吉檯.雖然係有吉檯,但大部份都未執檯.有客嚟先執.我哋一座"低"就發現我哋D茶杯4隻都係"崩"嘅.好辛苦先叫到一位待應嚟幫我哋換杯,佢居然對我哋講:"呢喥D杯係咁架喇,易爛,D阿姐洗杯嗰時成日都整崩架啦."我哋問佢咁樣點飲呀?佢至死死氣咁話盡量幫你搵吓啦.叫佢開多壺水嚟,要叫成4-5次先至有.D嘢食唔得:小籠飽,皮唔薄,肉"孩"口.蝦餃同公仔點心差不多,雜菇炒麵太咸,其他點心普通.但價錢較其他酒家貴.P.S.待應不懂得主動收碟.

I went to this rest. last night, waited for about 45 min. Finally, felt that their food is just fair but was very expensive, tea @$8, slacks $10 for 2, +10%. I think they are too expensive w/ their food quality. It's also not worth to wait for so long.It's totally uncomparable to "Kam Moon Ting" in Olympia City.No next time la ..........

因為有得早放工, 所以六點鐘已到達將軍澳, 諗住行一陣先搵食. 點知見間間食店門口都開始排大隊. 橫掂都要排, 梗係搵間未食過試啦. 咁就揀了"甲乙丙" 六點三到飛, 六點半已有位比我, 點解咁快? 因為我食到頭圍嗎. 好彩我快手排隊咋, 我後兩個"霖把" 已經要食二圍, 即起碼一小時後先有得食.講番食物, 叫左：1. 小籠包　-　$19 五隻, ＯＫ，Ｄ肉有Ｄ鞋2. 金沙童子雞　- $42　半隻，雞就一定係冰鮮，　不過面頭Ｄ炸蒜米就幾好味3. 擔擔面　-　$18一碗，Ｄ面好似幼伊面, 味道一般4. 鮑汁扒白靈菇- $49　白靈菇我諗等如鮑魚茹，大大塊，好爽口，豆苖底，　好味$8位茶，　$10小食(1-2人一碟). 埋單$170　八乘飽，服務幾週到，　Ｄ女仔好有禮貌，食得幾滿意