田記魚蛋牛腩專門店 (塘尾道)

營業中

休息中

牛三寶河粉🐮$42崩沙牛腩河粉🐄$40牛三寶有牛腩、牛筋同牛肚😝牛腩夠腍夠入味🤤牛筋入口軟嫩，相當爽口👍牛肚炆得入味，口感脆嫩😚招牌菜當然係崩沙腩😋食落有嚼勁，坑腩軟糯😘肥瘦均勻，肉質鮮嫩，牛味濃😛絕對係一眾牛魔王鍾意嘅口味🐮淨鮮蝦雲吞😛$28雲吞夠大粒，Size猶如一粒乒乓波😚咬落彈牙，味道都唔錯👌炸魚皮🐟$15夠薄夠脆夠可口😉而且無油膉味，配上湯粉麵非常匹配👍凍豆漿🥛跟餐加$6柚子蜜😆跟餐加$8田記魚蛋牛腩專門店 (太子)太子塘尾道201號華安樓地舖

🍴雲吞28 蚊🥟雲吞勁多舊 掛住食唔記得數 有生菜做底 雲吞皮夠爽彈自家包 入面既豬肉 juicy蝦肉夠新鮮彈牙 正🦐🍴生菜15 蚊🥬生菜新鮮落 d蠔油就ok🍴通菜15 蚊通菜整得鮮綠夠爽口 落腐乳冇得輸🍴炸魚皮15 蚊🐟🔥佢呢款魚皮應該係大魚嗰 d魚皮 好厚身 炸得好香脆 魚皮味夠咸香 浸任何湯都好味🍴招牌魚蛋河粉28 蚊🐟首先 佢既河粉係比較晶瑩 嗰 d有 d似冬粉 比較爽口 魚蛋係潮州魚蛋 係比較淋嗰款 . 魚皮夠爽彈 魚味濃 好食 點 d辣油食夠哂惹味😄🍴牛三寶米線42 蚊🐂三寶係牛腩牛肚牛筋牛筋夠黏稠彈牙 牛腩 juicy肉味濃 牛肚係金錢肚黎 好有口感 米線有 d似上海麵。麵身爽口粗身 浸住充滿腩汁既湯底都好 match 🐮#粉麵 #牛腩 #牛肚 #牛筋 #河粉 #魚皮 #生菜 #通菜 #炸魚皮 #魚蛋 #魚片 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~

平時間唔中都會去食返碗魚蛋米或者牛腩面，勝在價錢親民得嚟又好味，今次係太子既呢間田記都好合我心意，崩沙牛腩好出色！先講呢碗崩沙牛腩面，牛腩牛味重，咬落夠爽軟彈牙，肥瘦適中，唔會痴住層層肥膏，但又唔會乾爭爭～牛腩份量都好多，夠晒滿足，另轉雙併加既兩粒雲吞都唔錯，大大粒，鮮蝦肉質新鮮爽彈～另外一碗叫咗牛三寶米線，有牛腩、牛肚同牛筋，一食就感受出牛腩比起崩沙牛腩無咁軟糯彈牙，但係要一碗米線有三個牛部位就好抵食，牛筋夠軟腍，充滿膠原蛋白，另轉雙併既魚蛋彈牙得嚟鮮味十足～～同朋友share食，叫埋鮮炸魚皮同一碟芥蘭～叫粉面加配飲品加$6就得，抵飲～

剛參觀完活化的雷生春堂，見有點餓就來到了一街之隔的田記。店裡的港式粉麵選擇有很多，食物可以單拼、雙拼，自由配搭，想飽肚亦可轉飯。這次我就點了牛三寶湯河，淨魚三寶，跟餐加配蠔油菜心和一杯凍奶茶。 牛三寶河粉牛三寶包括牛腩、牛肚和牛筋十分足料，三款都煮得軟稔牛味香濃。牛腩不黐牙，牛肚入味，牛筋膠質豐富，牛魔王必點。 淨魚三寶魚三寶即是魚蛋、魚片頭和魚皮餃。魚蛋和魚片頭是用每天用百分百魚肉新鮮手打而成，肉質彈牙。魚皮餃大大隻，外皮煙韌彈牙，肉餡鮮味多汁，實在很滋味。 粉麵可加配油菜，吃得更健康。叫了一碟蠔油菜心， 菜心很新鮮，煮得剛好。

聲明：此文純屬自費性質，並無廣告成份！所有照片及文章全屬本人(Monkey Hin)所有! 謝謝！                                                       我朋友係牛魔王，佢點左凈牛三寶（$125）,當中梗係有牛腩、牛肚、牛筋......，牛腩係招牌野，咁當然就係非常入味，食得出係高質素嘅食材，牛嘅香味喺入口第一啖都已湧現，牛獨特味道十分濃郁，通常咁入味嘅牛腩，一係煮到冇晒味，更糟嘅就係其靱無比。但係呢度又唔會喎，一啲都唔鞋重咬落口有柔軟感。牛筋大大舊，好有嘲頭，完全入味，味道甚為濃郁，滿有骨膠原，咬落好Q彈，牛肚肉質甚幼嫩爽口惹味，最重點係底下嘅白蘿蔔，無渣，索晒腩汁精華，又保留左蘿蔔獨有嘅清甜，同牛製品係絕配，簡直係依盒淨牛三寶嘅精華所在。鮮蝦雲吞麵$28我點左雲吞麵，有時外賣麵食，就算湯分開載，返到公司啲麵都發脹唔好食，但依間就唔會喎，食落可喜嘅好爽口彈牙，又有嚼勁，麵嘅份量十足，雲吞裏面嘅蝦大大隻，而且新鮮，食完無口渴同夠晒飽，我朋友話下次一定會去試佢其他嘅招牌出品！

深水埗荔枝角道呢一帶一向都冇乜食魚蛋粉嘅舖頭，最近終於開咗一間新嘅魚蛋粉店，仲自稱係牛腩嘅專門店，當然要去試吓啦。我哋叫咗一個淨牛腩，一碗魚蛋米，跟餐加$6有一杯凍檸茶，加$15有一份魚皮，另外又可以加$$8要一份油菜。淨牛腩（$90)坊間有啲地方食正牛腩已經要過$100 ，而呢度就只係需要$90 ，價錢都尚算合理，而且份量都幾多。牛腩牛肉味濃郁，口感軟林。下面仲有啲蘿蔔墊底，蘿蔔吸收晒牛腩嘅汁，味道非常唔錯。魚蛋米粉（$28)魚蛋魚味重，口感爽，湯底味道清甜。炸魚皮（$15)炸魚皮夠香脆油菜（$8)

在大角咀附近開工，行過見到有專門食牛腩麵的店，又見剛好到午餐時間，就一於入去試下先~店面非常光猛整潔，予人安心的感覺，而且座位之間的距離都好足夠，在呢D時期真係好緊要。餐牌中既崩沙腩真係好吸引WOR，一於叫個試下先，同行既朋友都係俾佢吸引，所以點左一碗河粉，一碗粗麵。依家為左抗疫，仲有優惠就係食粉麵只需加$8，就有菜一碟了。崩沙腩河$40個牛腩真係非常好食，而且有個件好爽口的皮，肉質又好稔，同時又好入味，麵既湯底都好清，唔會太咸。河粉滑口，粗麵也彈牙。整體呢到既崩沙牛腩粉麵都真係好正。淨食魚三寶$31---另外都想試下呢到既淨食招牌魚片頭，呢個三寶就真係一次過可以食到幾款。魚皮餃比較咸，但魚蛋及魚片頭就真係好正，好爽口呢~任何時間加$6就有飲品，所以我地都加左飲咖啡同凍檸茶先。

好耐冇食傳統牛河，附近搵間平平的食一餐！新開冇耐，啲嘢都新淨，粉麵嚟講都叫多選擇，麵底竟然有伊麵揀！崩沙牛腩河: 牛腩淋身唔鞋，稍嫌唔夠牛味，量頗大，整體係好食嘅！牛三寶飯: 牛腩都係夠味唔鞋，牛肚乾淨唔臭，牛筋燜得夠淋，蘿蔔冇渣夠淋但稍嫌唔夠味！淨魚片頭：話明招牌，當然要試！魚片頭爽口脆身，冇咩腥味，清湯底，仲有啲津白，唔會太漏！總括嚟講，嘢食唔係perfect，但都幾有誠意，份量大價錢適宜，經過可以一試！

太子新開牛腩舖！太子fd報料比我叫我去食，即到！淨牛三寶 $125冇淨牛腩揀只好食淨牛三寶😋有牛筋、牛腩、牛肚，姐姐仲好好人搭左d崩沙腩比我🥰三款都好正好入味❤️仲有清甜蘿蔔，點d秘製辣椒油，一流👍🏻淨雙丸 $31魚蛋超彈牙‼️勁正！牛丸肉汁一咬就爆❗️2款都好正！腐乳通菜 $15份量適中，腐乳偏咸少少🤣豆漿 $10支裝夠衛生👍🏻姐姐好好人，會再黎🥰📍田記魚蛋牛腩專門店 太子塘尾道201號華安樓地舖

今日同爸爸媽媽散步完，倍佢地去田記魚蛋牛腩專門店食牛腩河，爸媽食得好滋味，媽媽話崩沙腩好腍，食落唔覺肥，爸爸話牛三寶都好食，特別係牛根，食得出煮咗好耐好入味。另外媽媽鍾意食魚蛋，叫咗淨魚三寶，有八魚丸八魚片頭魚皮餃。佢哋就同出面D魚蛋唔同，白雪雪，腍D魚味重D，似乎冇加咁多粉，媽媽話個魚片頭好好食，而家抗疫仲有油菜半價，點左腐乳通菜都幾大碟都係$8咋，爸爸話下次散完步再去食。臨走見到佢仲有豬手麵，下次嚟一定要試吓。

#田記魚蛋牛腩專門店 (太子)大概係新店開張，環境餐具各樣野都好整潔新淨。食品種類都幾多，其中睇得出魚蛋牛腩牛丸都係比較鎮店既出品。#牛三寶米線$42 #崩沙腩河粉 $40麵底都係佢自己揀嘅。湯底就簡單清湯加咗腩汁。牛三寶整體非常豐富，有牛肚牛筋牛腩。牛肚牛筋都問得相當腍，入味。牛肚食到麵豉醬嘅味道。牛筋腍得來帶黏口，幾鍾意呢種口感。最鍾意都係牛腩，肉味香濃有少少咬口。崩沙腩比較少食，個人覺得比牛腩更加出色，肉味香連住一塊薄軟膠質，爽爽地，更有咬口。#淨雲吞 $28有7粒，好多蝦肉，分開兩啖食兩啖都食到原隻蝦。幾爽口彈牙。飲品凍檸賓 凍杏霜 都沖得好好飲。夠足料。

好耐無食牛腩麵，今日經過太子呢度見到，心癢癢入嚟試下。坐低聞到隔離好香牛腩味，我又叫返碗「崩沙牛腩河粉」見到menu標榜住*煙靭爽口，牛味濃郁* 果然真係圖文相符，而且大大碗，河粉同牛腩份量都唔少。湯底充斥住香濃牛味，忍唔住飲埋。另外清清地叫咗碗「牛丸雲吞麵」雲吞大大粒，裡面鮮蝦好爽口，食得出係新鮮人手包，足哂料，牛丸都好正。加多碟腐乳通菜仲有優惠價$8, 好抵食，飲咗杯凍利賓納先$6, 埋單$100都唔洗，已經食到好滿足。下次一定再嚟。

想喺太子塘尾道一帶食碗平靚正嘅崩沙腩河粉 而家有好消息 最近開咗間牛腩專門店 兼賣多款手打肉丸 可以買返屋企做火鍋配料-🐂🍜#牛三寶河粉 ($42）一碗粉集齊三個熱門嘅牛魔王選擇 牛腩多而肥瘦均勻 牛肉味濃郁 牛筋粗壯有嚼勁 牛肚炆得軟腍 河粉非常多 抵食又好食-🐟🍜#魚三寶米粉 ($31）魚三寶即係魚蛋魚片頭同魚皮餃 全部自家製 魚蛋用手唧 粒粒爽口彈牙 誠意可嘉 魚皮餃唔腥 帶魚肉豬肉香味-🍡#淨牛丸墨魚丸 ($37）手打牛丸冇加牛筋同黑椒 食純鮮味 墨魚丸加咗少少馬蹄 煙韌得嚟有啲爽口 點啲辣椒油 更加滋味無窮-🥬#腐乳通菜 (追加 每碟加$8）雖然只係追加 菜嘅份量好充足 -🥤#支裝汽水 (追加 每支加$6）可以揀支裝可樂忌廉雪碧或者芬達橙汁 -📍#田記魚蛋牛腩專門店太子塘尾道201號華安樓地下

收晏咗懶得煮，同先生隨便搵間麵鋪醫肚已經成為常態，今晚揀咗呢間望落非常乾淨企理嘅麵店。一般麵店有嘅牛三寶、魚蛋、牛丸、水餃、紫菜之類呢度都有，可以配搭粉麵飯，價錢相當實惠。牛三寶有齊牛肚、牛筋同牛腩，湯底望落清澈，唔會有過多嘅油脂同浮沫，入口味道出奇地鮮濃，食得出落過下苦功。牛肚清洗得好乾淨，一啲腥味都冇，而且非常吸湯，入口軟腍入味。牛筋炆得軟而不爛，入口係充滿骨膠原嘅嫩滑滋味。牛腩亦同樣入味，而且肥瘦適中，唔會有難𡁻嘅筋位。崩沙腩位於牛嘅橫膈膜附近，由於數量稀少所以每日限量，好幸運地晚市仲食到，而且份量頗多，濃郁嘅湯底配上米粉同樣吸引，而且亦比較健康。崩沙腩連住少少筋膜，入口比牛腩爽口彈牙，肥瘦適中，而且牛味鮮濃，好有驚喜！飲品方面點咗凍檸茶同熱柑桔蜜，凍檸茶中規中矩，熱柑桔蜜味道香濃，幾有驚喜。本來諗住頹食所以冇抱太大期望，估唔到誤打誤撞食到咁優質嘅牛腩，無論係湯底定係配料嘅質素都好高，先生更加認為係食過最好食嘅牛腩河！

早前屋企人去田記買過外賣比我食之後, 令我一試愛上田記崩沙腩, 於是今日專程帶朋友去一試!太子分店距離地鐵站都有一段路程, 大約行6分鐘左右, 餐廳內整潔粉麵款式多, 亦可額外加錢雙併, 價錢親民, 全日無加一!【崩沙牛腩河粉】HK$40 雙併+$6 魚皮餃每件崩沙腩都有一少部份充滿膠質薄膜, 爽彈而不硬, 入口有陣陣肉香, 絕對令我食過返尋味!魚皮餃雖然皮有點點厚, 但餡料飽滿鮮甜, 滿足口感同味蕾! 配上滑滑河粉, 正!另外encorn左碗【淨魚皮餃】HK$28, 一共7粒【金錢牛肚麵】HK$32 雙併+$6 牛丸牛肚份量多, 每條都有一定闊度, 非常入味, 一咬有唔少汁滲出。雙拼牛丸口感彈牙, 充滿肉汁, 牛味香口。幼麵爽口彈牙, 朋友都讚口不絕!【淨墨丸魚】HK$31墨丸魚彈牙, 富有墨丸香兼食到墨魚既鮮甜。