田浦食肉

營業中

休息中

之前行開已經見到呢間新開既韓燒店😆一直都好想試😚問店員先知無得book位，襯住聖誕節就早少少大概5:30pm去食，天氣凍食韓燒就岩晒😍😍.以為我地已經好早去😏點知都有六七枱客食緊，一埋位已經擺好晒d前菜😙有泡菜、冬菇、沙律、醃菜等等.我地兩個人叫左烤豬肉套餐（$450）同水冷麵（$70），另外叫左兩罐汽水（各$15）.✨烤豬肉套餐✨落左單好快店員已經上肉😝有兩舊唔同部位既豬肉，本身已經煎封左表面，但入面仲係生既，店員會幫客人燒😚唔使自己搞😆燒果陣就食吓d前菜咁😋店員都係韓國人黎😏😏全部講韓文.✨燒到中途店員就會剪開舊肉繼續燒，燒到表面好香脆😍😍.✨仲有提供生菜、包飯醬、鹽、wasabi、蒜片俾人包肉食😍自己按心水黎包，好有韓國風味👍🏻d生菜食晒店員都會主動refill😽😽豬肉就咁食味道偏淡，近乎無調味，所以最好點少少鹽/包飯醬食✨多d肥膏既部分會香口d😆勁邪惡呀😈.✨唯一覺得無咁好食就係燒過既芽菜，好多都燶左，同埋吸左好多油.✨水冷麵✨食韓燒咁熱氣😝梗係叫個水冷麵黎降吓溫啦🍜個麵好有筋道，有蛋、青瓜、泡菜做配料🥒非常清爽🥗本身見到撈完個汁紅紅地擔心會辣🌶️但食落只係微微辣，而且仲酸酸地咁

大角咀新開了一間韓國人主理的韓國燒肉店，店面裝修得好似韓國的燒肉店，仲有韓國Oppa幫手燒肉。。🐷 烤豬肉套餐 ($450)。🐖 烤豬皮 ($150) 。🥘 海鮮嫩豆腐湯 ($70) 。🍳 雞蛋羹 ($70) 。🐮 牛肉炸醬烏冬麵 ($80) ↪️烤豬肉套餐好大份，分別有豬腩肉和豬頸肉，全程由韓國Oppa燒，我哋坐係度等食就得😆。豬腩肉燒至金黃色，滿滿油脂香，，但肉味就差啲，豬頸肉則較瘦。豬皮非常厚身，食落有骨膠原感，口感較冧，但燒嘅過程好彈油，要小心啲。雞蛋羹好鬆好多湯汁，非常好食，份量亦都唔少；海鮮嫩豆腐湯非常多料，鮮味十足；牛肉炸醬麵加上芝士十分邪惡。店舖不設booking，只可walk in，當天平日7:00前入都有位，7:00後已坐滿，沒有加一服務費。

九月某個星期五夜晚同朋友去咗試田浦食肉，當時餐廳只係開咗三個月左右，只接受walk in，7點已經坐滿人，出面要排大隊。雖然餐廳格局非常地道，好似置身於韓國傳統燒肉店，但真係冇通風系統可言，冷氣風口又咁啱吹得幾勁，令到我坐得唔太舒服。待應以韓國人為主，會自動幫你燒肉，坐定定等食就可以👍🏻肉類全部都會烤到半生熟先上枱，節省咗係客人面前燒嘅時間，同時為健康著想咗😆牛肋骨同豬肉唧肉質其實都唔錯，特別喺香港好少食到厚切五花肉🐽 我哋本來以為牛肋骨係會用較濃嘅醬汁去醃，點知兩款肉都係簡單調味，所以味道較淡令我哋有啲失望🥺不過咁做法的確燒得原汁原味更突顯肉味。雞蛋羹幾高質同埋幾足料，完全冇空氣感，質地有啲似海綿蛋糕咁濕潤同鬆軟。炒飯幾惹味，加咗紫菜、粟米同芝士一齊炒，可能係全晚最濃味嘅一碟食物😆燒牛肋骨600g $580燒豬肉套餐500g $450雞蛋羹 $70黃油炒飯 $50

見大角嘴開左間新韓燒，裝修又好靚，所以就去左試，點知食到成肚氣排隊：等左個幾鐘，佢派籌派得好差，數字唔係順序所以有時叫左20號，但後尾有堆1-10 號等緊，好多人都比佢搞到好confused食物：等左咁耐，都唔期望會米芝連嘅質素，但希望係好食。救命，啲肉好tough，又冇味。雖然佢有醬料啫，都唔係咩味都冇呀。我食牛陣最平嘅豬肉都重肉味過佢。但咁就收我480蚊。我都100% sure 我喺出面會搵到好多平過佢同更加高質嘅韓燒我覺得你收得咁貴，要有番咁上下質素囉。佢收咁貴，嗰個份量仲要其實唔係好夠兩個人食。我地仲有叫野飲。80蚊一杯early grey high ball, 完全冇Earl grey 味。早知用啲錢黎叫多個麵。同埋佢有個爐，最怕就係唔安全。我地叫左個炒飯，啲飯痴晒底要刮一刮。我都唔係話手瓜起墊嗰啲人，輕輕一刮，成個爐跌左一半落黎。😨😨😨😨😨拿拿林叫個staff 黎搞搞佢，佢搞完一分鐘，又跌。真係食都食得唔安樂。食餐野最差嘅名，就係其他顧客嘅質素。原來依家啲打卡女人咁惡。有3個心口掛住名牌袋嘅女人，喺其他人因為個籌嘅問題問個staff 野就破口大罵其他客，問候人地老母同唔比任

星期一晚專程約左阿媽試下這間新開韓式燒肉舖。由於我們早到，五點就入座(店舖亦剛開門)，便開始點菜包括韓牛,雞蛋羹,伯爵燒酒(Earlgrey Highball),等餐期間店員也有奉上醬料,各式小菜(款式較其他韓式店舖少)只得泡菜,醃青瓜,芽菜,醃蘿蔔，阿媽覺得泡菜味道普通，她又吃一道放在桌面的菜，原來是味道極鹹的菜，令她馬上要喝大量的水。跟著滿心期待韓牛上枱，送到時店員好細心剪開牛有肋條，逐塊逐塊燒，但份量偏少，入口味道不算好有牛味，亦沒有醃過，要沾蒜盬來帶出牛味，這時候已覺得非常失望，因為價錢也偏貴收$580，超不抵食。之後雞蛋羹上枱，阿媽已聞到一陣燒焦味，原來羹邊已燶了，蛋面上層有芝士及粟米，味道還可以，但蛋面下層已帶有燶及苦味，食左一半已經要放棄。雖然只收$70，但味道仲差過蒸水蛋。反而ok是伯爵燒酒(Earlgrey Highball),有威士忌味，調得不錯，但也收$80，抵唔抵見仁見智。作為新開韓式燒肉舖，味道真是麻麻地，但服務尚算可以，環境好有韓式味道，以價錢來說，坊間亦有好多選擇。

大角咀雖然唔就腳 但太子旺角奧運都可以行過去～重點真係好多隱！世！美！食！😍小編經開見到間裝修好韓國🇰🇷feel 超地道大窗口🪟再加半開放形式 仲要韓國人打理～鋪頭一半韓國人 一半香港人🤘🏻有oppa staff會幫你燒😎 都多韓國人黎食！⚠️呢間餐廳❌book位 只可以walk in小編7點到要等1個鐘 (閒日）大家自己就時間啦～📍烤豬肉500g套餐 ($450）order咗好多就有2大條豬肉放上盤煎～Oppa Staff 煎到咁上下會幫剪埋 (1口size)淨食唔使郁架😆 肉質口感都好正😍半肥半瘦 有油脂香、香廿、每啖好滿足🥳份量都夠2-3人食 仲有生菜🥬泡菜同調味料提煎pan有去油位 所以都唔會油浸肉成個feel勁似睇韓劇食燒肉咁～😗📍黃油炒飯 ($50）小編見佢有煎pan炒飯應該幾好食食到一半嘅時候oppa就會過嚟幫我哋炒飯😂炒飯有粟米芝士同埋紫菜😍勁吸引～幫我哋炒熱之後就可以連埋豬肉一齊食😙最正係炒飯唔會凍咗 keep住warm小編認為炒飯喺必加💞📍雞蛋羹 ($70)作為蛋控嘅小編一定會嗌～嚟到已經見到好足料 又高又大又熱🔥簡單黎講升級版「蒸水蛋」😆食落去口感綿滑 應該用左好多

🐷 ᴀ ᴘʟᴀᴛᴇ ᴏғ ᴘᴏʀᴋ｜烤豬肉套餐💰$450🍲 sᴇᴀғᴏᴏᴅ sᴏғᴛ ᴛᴏғᴜ sᴛᴇᴡ｜海鮮嫩豆腐湯💰$70🥚sᴛᴇᴀᴍᴇᴅ ᴇɢɢs｜雞蛋羹💰$70.⚡️近排睇得韓國綜藝多，特別想食韓燒同各式各樣小菜🇰🇷咁啱好友都想食韓國野，就一齊黎咗呢間超有feel嘅田浦食肉 ！內部空間超大、樓底又高，檯與檯之間有一定嘅距離相隔，同fd子大聲傾到天昏地暗/飲酒都唔驚嘈到其他人🤫🍻.⚡️韓燒當然必食烤豬肉，呢到嘅🐷烤豬肉套餐包五花腩同豬頸肉，店員oppa即場烤製，食落確係比較有肉嘅鮮味，肥瘦嘅分佈亦得宜，配上多款小菜超滋味(˶‾᷄ ⁻̫ ‾᷅˵).⚡️由於小女子實在係蛋控，見隔離檯嘅雞蛋羹實在係吸睛，所以都嗌翻個黎過下癮🥰外型確實好梳乎動L，而且份量目測起碼有4隻蛋🥚口感頗綿滑，不過上檯後一定要快啲食，如果唔係秒變老咗嘅蛋👵🏻👨🏼‍🦳.⚡🍲海鮮嫩豆腐湯小辣，入面都有兩隻蛋，海鮮份量亦毫不吝嗇，性價比高🤙🏻呢到唔俾book位，一定要walk in，如果想黎一定要5點左右就黎啦！

天氣涼兩地搵間半戶外韓國燒烤第一次嚟呢間 上網見到佢裝修非常韓國而且店員都係韓國人 自從疫情後都冇再飛過韓國嚟到呢度食物裝修人風味都非常有地道韓國嘅感覺 不過食物種類選擇就比較少 點呢一樣嘢都好韓國 選擇得到嘅肉都係牛呀豬都冇乜其他可以揀 不過Yuk都好好味而且仲有人幫你燒埋真係好友韓國feel 然後叫咗水冷麵 以前喺韓國生活食完烤肉個口成身油淋淋就會食一碗水冷麵清下油膩 呢度水冷麵非常好食 酸酸地有芥辣味仲可以同韓國店員講韓文真係好掛住韓國 不過位置就格攝咗少少 但係都會再幫襯

#HKFH韓式介紹田浦食肉 (大角咀)地址：大角咀角祥街65-67號大同新邨大華樓地下2B&C號舖.大角咀新開嘅韓燒，係韓國人地道開，所有職員都係韓國人，所以溝通係用英文😲，唔知以為去咗韓國🇰🇷🤣，.入面係冇冷氣的，地方都唔係好大，大概得15張枱左右🤔。所以要早啲去等位，七點未夠去排隊就等咗45分鐘。之後條隊都未短過😂🙈。.價錢都唔平，烤豬肉已經要$450 (500g)，另外都可以揀烤牛排骨 $580 (600g)烤豬皮$150就未見到有人試🙈.今次淨係嗌咗豬肉同埋雞蛋羹，但兩個人食已經食到好飽，枱面上面啲配菜係可以任添🙌🏻.1. 烤豬肉套餐（$450）所有肉類都有職員幫我哋燒，所以其實自己唔使郁，淨係坐喺度食就得😂😂。豬肉嚟講都真係食得出質素幾高、幾好食，要對得住個價錢😂推薦指數 👍🏻👍🏻👍🏻👍🏻.2. 雞蛋羹（$70）呢個係比較喜出望外，原本以為純粹好似蒸水蛋咁樣，點知佢面頭仲有加芝士同埋粟米粒🌽，入面仲有蔥同埋洋蔥，令到成個雞蛋羹好好食。推薦指數 👍🏻👍🏻👍🏻👍🏻👍🏻.係貴就貴咗啲，但係覺得至少要食一次試吓，希望下次有機會試埋烤牛排骨🙌🏻.食物: 4/5 環境: 3/5衛生: 4

新開無耐已經大排長龍, 過咗8點都係要等1張枱, 不過拎籌係用飯杓好特別餐牌選擇唔多, 1版紙睇哂, 我哋食肉獸叫豬牛各一, 泡菜同生菜陣隨後就送上, 有需要仲有可以refill, 不過生菜先嚟係烤豬肉套餐, 500G豬肉包咗豬腩同豬頸肉, 大大舊肉畀我都唔識燒, 所以店員會幫手燒埋同剪好, 個煎pan仲有個去油位, 豬肉自然會乾身香口食到差唔多就到烤牛排骨, 超有份量, 同樣有店員幫忙處理, 煎好會放上牛骨上就keep到個生熟度唔係太識韓文, 估唔到雞蛋羹 /streamed eggs係咁, 幾似韓燒嘅爐邊蛋, 京蔥粟米芝士簡單已經好味, 不過近邊位會有少許鹹同燶未知係酒牌未有定賣哂d酒, 想飲酒嘅朋友要到附近鋪頭買, 但整體氣氛環境真係幾似去咗韓國小店, 而且店員大部分都係韓藉, 我哋要用英文或者普通話先溝通到

【幻想置身於地道韓燒店🇰🇷】呢一間店開咗冇幾耐，朋友見到就即刻話想試🥳裝修風格真係好似韓國嘅地道韓燒店，就好似平時睇韓劇嗰啲韓燒店😆雖然佢唔係任食，但係竟然會有燒豬皮！應該唔係好多間在港韓燒店都有?! (但係我哋冇試到🥺)除咗MENU好韓、地道之外🇰🇷真係會有OPPA SERVE你，幫你燒埋嘢食👍🏻咁就唔驚OVER COOK 啦🤩.🍴烤豬肉套餐佢係平時韓劇見到嗰啲燒五花腩！仲要係3-4人份量！一上菜係一大舊肉，但係會有STAFF SERVE🔥幫你燒埋，每舊剪到一細舊✂️每一舊都可以見到肥瘦部位分明😚可能因為韓燒，個人覺得食落去都唔會覺得好肥😋.🍴雞蛋羹佢係好似蒸蛋🥚但係上面有芝士、蔥🧀總之成件事好MATCH🤣.🍴水冷麵冷麵夠晒凍🧊店員仲會幫你剪埋、撈埋👍🏻調味啱啱好，完全中和到韓燒嘅油膩感🥰-🔖一開始會比伴菜你，係任添㗎🤤.🔖份量好足夠，兩個人食上面嘅嘢真係超飽！.🔖有午市套餐，咁就抵食啲🈹.🔖 MENU選擇唔係話特別多，肉類嘅話有3款3️⃣有牛有豬🐄其他配餐嘅話都有接近十款，仲要係普通價位🤑.👩‍🍳有部份STAFF係韓國人，不過唔使驚！應該點都會有一兩個STAFF係講廣東話😜.⏰七點幾已經

大角咀又有新場， 一開已經日日排晒隊喇。諗住夜少少無乜人等先去， 點知都係要等，好彩都唔係等左好耐，笑料係等位，係拎住個飯杓喺度等入到去坐低，環境都幾舒服，暗暗地，又唔會好迫，感覺都有少少好似去左旅行咁不過留意返，店員們都係韓國人，只可以有限度英文或者國語溝通，當然， 如果閣下係想練下韓文，可能都可以一試，店員們都非常友善， 有講有笑佢地嘅餐牌，係非常簡單，主菜係只有烤豬肉套餐、烤豬皮同烤牛排骨，食肉獸嘛，梗係叫晒兩款肉先啦～ 上菜前佢已經會上左一盤前菜同調味，有黑椒鹽、蒜泥醬、生蒜、同類似係 Gochujang 咁嘅醬 ，仲有碗菜，菜係比一般其他餐廳用嚟包肉果啲切得細好多，呢盤野入面嘅野係可添嘅，有需要可以同店員們講。豬來了， 分別有豬腩同豬頸肉，店員會幫我地烤埋，烤完剪開堆到滿滿嘅肉， 都咪話唔開心順帶一提佢個煎pan幾正， 一邊高一邊低有個去油位，就唔會出油出得勁變左油浸烤豬跟住就嚟牛排骨喇，佢個賣相已經好討好，手臂咁長嘅一條連骨牛先成條烤再剪開再烤，之後佢就會放喺舊骨上面，咁就唔會overcook啦最後仲試埋佢個 雞蛋羹 ，係類似平時食韓燒爐邊燒果種芝士粟米蛋， 唔好畀個「

韓國最新流行的燒肉店  - 田浦食肉✔️ 超大排骨在韓國，普通將排骨整條烤不會剪開。職員會幫忙烤，然後再剪成適合食用的大小，讓客人舒適地嚐到韓國排骨。✔️ 雜錦豬肉厚厚的五花肉和梅花肉同時上桌。豬肉也是職員會幫忙烤，可以吃到肉汁豐富的豬肉。✔️ 芝士泡菜拌飯在韓國，吃完烤肉之後必定會吃泡菜拌飯。烤肉搭配着泡菜和芝士，非常美味。✔️ 芝士雞蛋羹在韓國烤肉店中，普遍會叫到的小菜之一。特別是吃辣的時候，搭配着更好吃。

星期日同朋友去大角咀美食，咁啱見到一間新開嘅韓式燒烤，由於冇得訂枱，見到好多人排隊，所以都排埋一份，好彩都不負有心人。餐廳由韓國人親自主理，餐廳侍應都係韓國人，整體環境10分韓風，枱數目亦都好多，地方夠寬敞，食物質素非常好味，尤其係燒烤嘅五花肉，有韓國侍應幫我哋親自燒，性價比幾高，唔貴而且食物新鮮。配菜亦都好豐富，而且新鮮仲要冇收+1服務費，10分抵食。最後同韓國老闆傾咗幾句，原來佢喺第二區都有咖啡店。

Jeonpo delivers unique Korean dining experience. Their pork set is good as u dine back in Korea. so far the only drawback is waiting time.