田中寿司 (已結業)

前排行荃新天地發現呢間餐廳見佢門口放左條吞拿魚模型 就估倒佢係專門食吞拿魚嘅 大將二人前 $188呢盒係打卡一流嘅前菜 可以一次過試倒吞拿魚唔同部位 而每一款都用上唔同嘅器皿裝住 賣相非常吸睛 當中嘅黑松露大拖係最令我印象深刻 我亦第一次食吞拿魚血合 佢個味道係好濃郁茶碗蒸 $32對於一向好鍾意茶碗蒸嘅我 呢度嘅都合乎我要求 蛋香幼滑 而且配料豐富有蝦 蟹柳同帆立貝吃盡鮪魚之顛 $208黎到呢度當然係要試哂佢啲吞拿魚啦 呢個名就非常霸氣 有齊哂赤身大拖中拖 每款都有兩切 個人感覺壽司比就咁食刺身更正 皆因壽司醋飯有助帶起魚嘅鮮味本鮪三貫壽司盛 $108呢個就係我推薦大家一定要試嘅壽司盛 又係有齊大拖 中拖 同赤身 佢地嘅壽司飯醋味同濕潤度都岩岩好 我好鍾意而且餐廳今個月仲做緊推廣 加送一大杯啤酒 真係超級抵食😍中落鐵火 $58最近間唔中都會見倒中落呢個term 一直都唔知係咩黎係原來係吞拿魚骨邊刮出黎嘅魚肉 一場黎到 當然都要試埋啦中落肉質比較瘦 幾適合用黎做鐵火卷

非常地道典雅的日式吞拿魚餐廳，以日式竹簾作間隔，很有日本風格服務洽到好處，有禮貌而且對Menu很熟悉食品大將二人前 (8小碟)像前菜八小碟一樣， 已吞拿魚作為基調最有趣是納豆， 很健康卻又非常難入口劍魚腩細細塊，肉汁豐盈赤身，中拖羅，大拖羅各擅勝長，各以新鮮度， 平衡度跟肥美度取勝， 當中大拖羅配合黑松露，鮮/調味各自起舞， 卻又出奇地相襯另外有一份吞拿魚血合，是平時吃魚的時候中間凝固的血塊，魚香10分濃郁，入口又不會腥，10分特別茶碗蒸入口即溶的茶碗蒸， 蛋香跟雞湯濃郁，裏面的海鮮令人喜愛和牛他他 已生雞蛋跟和牛作搭配，入口帶點味淋的甜味，口味甜而惹味，嫩滑不韌吃盡鮪魚之顛 鮪魚刺身三點，同樣是赤身，中拖羅，大拖羅，不過這份比前菜拼盤厚切很多，鮮味跟油胸出色本鮪三貫壽司盛 同樣是配以赤身，中拖羅，大拖羅的選擇，配飯吃當然又是另外一個層次感中落鐵火 1份來一份吞拿魚手卷解解饞鯛魚燒把外皮烘至乾脆， 裏面熱辣軟稔， 相當出色的熱甜品！

鐘意食拖羅嘅朋友有福喇！原來荃灣有咁高質嘅魚生食～記住切勿錯過7月最新優惠，嗌一份本鮪三貫壽司盛就即送生啤一杯， 價值$48/杯㗎！大將二人前 (8小碟) - 好精緻！有六款吞拿魚刺身，分別係大拖羅、中拖羅同赤身。其他小碟嘅係鰭魚、長鰭、納豆、懷石漬。最有趣係吞拿魚血合，用咗吞拿魚嘅血，食落好似平時嘅吞拿魚沙律，但就仲好味啲。茶碗蒸 - 蒸蛋好滑，入面仲有好大條蟹柳。和牛他他 - 西餐嘅steak tartare就食得多，日式嘅都幾特別，雖然生但牛味都好濃郁。吃盡鮪魚之顛 - 係大拖羅、中拖羅同本鮪赤身嘅魚生～本鮪三貫壽司盛 - 有大拖羅、中拖羅同本鮪赤身壽司，大拖羅真係入口即溶，可以先食呢個，其他都一樣咁高質。中落鐵火 - 用大魚骨附近嘅魚肉做

荃灣好食日本菜，一定要推介比大家，性價比💯一睇個門口，就知呢度係食吞拿魚既專門店，因為出面有大大條吞拿魚😆都係荃灣區少有大將二人前 (8小碟) 每碟各有特色，除左吞拿魚(有齊大拖羅、中身、赤身)之外，仲有旗魚，旗魚都好重魚油味，比拖羅多一份爽口口感😉仲有比較特別既血合，佢其實係骨位既魚肉，比較重魚味🤩茶碗蒸 好鮮甜，入面仲有勁多料，佢蒸得剛剛好，好滑得黎，唔會好水，又唔會好實，廚師功力，火喉控制得好好👍🏻吃盡鮪魚之顛有齊赤身、中身同拖羅，我同婆婆都一致認為非常高質，一秒返左去日本既感覺😍本鮪三貫壽司盛都依然係吞拿魚赤身、中身同拖羅壽司，壽司係師傅即時手握，魚唔洗講，同刺身一樣非常新鮮，而壽司飯嘅溫度亦都掌握得好好😋而家7月份點一份本鮪三貫壽司盛即送生啤一杯🍻中落鐵火用赤身造既細卷，上面仲開咗幾粒全新，成個版本都擺得好靚🤩和牛他他和牛就算切細絲都見到油脂分佈好平均，他他汁都調得好好，適合最後食，因為呢道菜較濃味

兩個女士打完風球走去搵地方食嘢難得有一間都有開又唔需要等位於是乎就七點打電話book咗7:30入去食嗌咗壽司嘅數量都不算太多，亦沒有叫任何酒精飲品/drinks但兩個人大概每人消費400多元💸整體都OK食物都OK不過係同區價錢略貴的！

經常出入荃新天地都必定會經過呢間日本料理睇真啲先至知道就是田中壽司！睇餐牌有供應各式各樣嘅拖羅刺身/料理～ 堂食惠顧本鮪三貫壽司盛一客就送日本三得利生啤一杯！ 各款吞拿料理擺盤都超精緻，連老公都忍唔住要影相打卡。大將tasting combo二人前 $188木盒盛載·精緻和式八小碟！賣相精緻，打卡首選！亦可試盡鮪魚不同部位/口味山芋漬/松露最滋味本鮪三貫壽司盛 $108 赤身/中拖羅/大拖羅各1件一次試盡吞拿3味！ 仲送日本生啤，即刻一人叫一客先～吃盡鮪魚之顛 $208 赤身/中拖羅/大拖羅 刺身各2件雖則食完壽司，但厚切刺身口感亦不一樣！中落鐵火$58 用大魚骨旁做成的鮪魚小卷，都不遜色，抵食之選！和牛他他 $128 拌勻日本雞蛋食用，肉質帶甜、口感軟稔，日式食店都食到呢道菜式有驚喜！海鮮蒸蛋 $32 海鮮茶碗蒸，蛋滑溜溜又有海鮮味～ 超正！

見到門口擺放左大大條吞拿魚模型 就知道位於荃灣荃新天地嘅呢間餐廳係專門食吞拿魚 今日一於挑戰自己 黎個生肉盛宴🍴😂 ˜”*°•海鮮茶碗蒸($32)🥚•°*”˜雞蛋非常嫩滑 入面仲有兩至三粒大蜆 海鮮味濃郁˜”*°•大將二人前．8小碟($188)🌸•°*”˜擺滿花花嘅木盒賣相非常精緻 入面放有八小碟唔同配搭嘅鮪魚 包括赤身 吞拿魚血合 大目生葵漬 吞拿魚山芋漬 旗魚 芝麻納豆吞拿魚 松露大拖羅 同埋中拖羅 估唔到松露同拖羅係咁夾 呢個有驚喜˜”*°•本鮪三貫壽司盛($108)🍣•°*”˜一次過試晒三味吞拿 由淡至濃瘦至肥 包括本鮪赤身 中拖羅同大拖羅 宜家7月份餐廳做緊優惠 堂食點一客本鮪三貫壽司盛仲送細生啤一杯($48)🍺 ˜”*°•吃盡鮪魚之顛($208)🐟•°*”˜極厚切❗️同樣係赤身 中拖羅同大拖羅三款唔同脂肪比例嘅鮪魚 不過今次係厚厚一塊超級軟綿綿嘅刺身 對於鍾意食吞拿魚刺身嘅朋友仔簡直係大滿足 ˜”*°•中落鐵火($58)•°*”˜好特別嘅名字 原來係每條鮪魚脊骨旁邊刮出黎嘅碎肉 顏色特別深紅 唔單止捲喺紫菜小壽司入面 仲滿滿咁鋪滿喺小卷上面 份量都唔少˜”*°•和牛他他($1

日本的職人精神，追求極致美好，職人一輩子就是專心把一件事做到好、做到精。在美食方面，無論食材、煮理，以至每一個微小的步驟，都見盡心思細節，造就了不少專門店的誕生！ 好像日本天婦羅專門店、日本拉麵專門店、日本和菓子專門店...... 等，最近，BeautySearch 更體驗到日本刺身專門店，這家人氣過江龍單是鮪魚，已叫人嘆為觀止！店子裝潢充滿日系和式風格，以淺色木系為主調，以竹簾作點綴，門前還有大大條的吞拿魚模型及「和太鼓」等陳列，相當吸睛，正好告訴我們《田中寿司》這裡是一間日本刺身專門店。先來本鮪三貫壽司盛，這款刺身壽司，一次過有齊三款吞拿魚 - 本鮪赤身、中拖羅及大拖羅，厚切而上，油脂比例各有不同，吃時由淡口到濃味，真的越吃越滋味！ 喜愛吃鮪魚刺身壽司的你，絕對不可錯過！而且，7月更推出優惠，每點一份本鮪三貫壽司盛，即送生啤一杯 (價值 $48/杯)，真的非常超值！坦白說，我對吞拿魚的認識實在有限，而這款大將二人前 (8小碟)，確實叫人大開眼界。花花草草陳設相當優雅，擺盤賣相十分精緻，甫上枱即時把的的睛球吸引，試問怎能不相機先食？ 一盒八小碟，全是吞拿魚，搭配不同配料，演繹出不同的

🥰係我最愛既拖羅！！！·🍣本鮪三貫壽司盛（$108）三件分別係赤身、中拖羅、大拖羅. 試哂唔同油脂度😍最鍾意大拖羅，夠肥美🤤而家7月仲做緊優惠，點一份本鮪三貫壽司盛送生啤一杯（$48/杯) 因為大食仔揸車，所以我地轉左飲烏龍茶😆·🐟吃盡鮪魚之顛（$208）勁厚切！！！同本鮪三貫一樣，都係赤身、中拖羅、大拖羅🤤·🌺大將二人前（$188）賣相好靚！岩哂打卡😂8小碟分別有大拖羅、中拖羅、赤身、旗魚、大目山葵漬、吞拿魚血合、拖羅山芋漬、拖羅配納豆！本身對血合有d抗拒，試完覺得好好味😍含有吞拿魚血，充滿鐵質，愛上左💕·🍘中落鐵火（$58）菜名好特別！用上吞拿魚骨周邊魚肉製成小卷，令平凡既小卷更添滋味😙·🐮和牛他他（$128）撈埋生雞蛋，口感滑溜食落微甜☺️·🥚茶碗蒸（$32）熱辣辣，配上蜆肉、蟹柳、蝦仁碎，好好味😋fav fav·🍴紅豆鯛魚燒.送既飯後甜點😍紅豆蓉甜度頗高，飲埋熱茶綜和番！好滿足💕·📍 田中寿司荃灣楊屋道1號荃新天地一期UG樓37號鋪

上星期好有口福，去咗荃新天地呢間——🌟田中寿司🍣 🌟品嚐左個🐟鮪魚盛宴🐟材料好新鮮，我勁鍾意食刺身同拖羅嘅濃郁香味同口感😋成餐飯都好滿足💕餐廳仲要坐得舒適，店員亦好週到，每張枱都有一大塊蔗隔開，枱與枱之間私隱度高👍🏻._.🐚｜海鮮茶碗蒸｜🥚茶碗蒸表面有滑身嘅蛋係必須🤩而裏面係海鮮料，呢一個茶碗蒸至少有兩至三粒大蜆，超有誠意！而且蜆肉大大粒，令到成個茶碗蒸都好鮮味💕·🍱｜大將二人前 • 8小碟｜🍱一上枱已經好吸睛，擺盤好靚，佈滿花花一定要影相📷呢個八小碟可以一次過品嚐晒唔同鮪魚嘅食法，由淡味到濃味，由肉質到脂肪感，每一小碟嘅配搭都好好味😋食到最後，中間嗰碟好多花紋嘅鮪魚刺身片，超級好食💕·🐂｜和牛他他｜🐂本身對生嘅牛肉有種如毛飲血嘅感覺，唔係好接受到🤣一直都唔敢試牛肉他他呢類菜式🙊但今次呢碟和牛他他令我改觀，佢用咗好重嘅醬油汁覆蓋住，再加埋生雞蛋喺面頭撈勻，味道好好食，而且口感好正，再配埋啲沙律椰菜食，估唔到味道係咁夾🤩食到停唔到口✨·🐟｜吃盡鮪魚之顛｜🐟三種厚切唔同脂肪比例嘅鮪魚，可以集中品嚐到每塊鮪魚脂肪口感，係鍾意食吞拿魚刺身嘅最愛😋·🍣｜本鮪三貫壽司盛｜🍣呢個係刺身壽司，由三款厚

刺身幾好食，有款3件吞拿魚壽司會送啤酒，嗰款都好食。餐廳環境好。食物真係好好，店員態度都好。但係係要小心有啲店員 唔係好識聽人講野，處理訂餐問題既時候佢有佢講，原來我講既野佢完全無聽得明，搞到處理錯左。餐廳用QR Code落單。見到黎多左碟吞拿魚壽司，一開app又見到落單記錄真係多左一行吞拿魚壽司，但寫住$0，咁梗係問下店員先。店員見到，就話咩“呢個係一項item、嗰個係一項item，呢個送啤酒，係送既，你要唔要埋？”我地咪話“我地無嗌wo，點解呢個$0多左？”個店員唔知講咩咁，又話咩唔知我地點整出黎，又問我地要唔要埋個啤酒 係送既，因為廚房跳過電制黎，以為係 咁好送既？$0仲唔係送？點知最後埋單既時候，張單顯示左多$108，問返店員，佢話 咁係我地誤會左，係誤會。食又食左，我又唔係比唔起，咪比囉，唔通係度好似要乞咁食左都唔比錢咩。不過明明我無嗌，同過職員講都無處理到，被迫硬食多左一份108蚊覺得好唔抵囉。原來個職員根本無聽我講野，佢有佢講，淨係識叫我要唔要埋杯啤酒。話你地黎多左 又唔聽我講，迫我食多碟108蚊。我係鍾意食，食嗰3件都食得好開心，但被點多一碟真係好不爽。

今天牛一，老婆，同我出去食飯慶祝。之前在考慮去邊度食嘅時候。看了youtuber (May in Hong Kong) 介紹 田中壽司，所以便去試下。因為怕夜晚多人關係選擇了下午五點就去食。看完餐牌點了幾個菜試下。元祖唐掦吞拿魚，牛舌，吞拿魚血合，中落鐵火，日之雪花蠔(宮城)，大將(二人分)，蒲燒鰻魚丼。上餐都幾快。Toro 三件都好新鮮非常唔錯。生蠔亦都新鮮。如果唔係食唔落會叫多一客。牛舌雞都非常之好味。最重要坐得非常之舒服。可能人客不多的關係。下次有機會會再試。推薦推薦。

知道朋友勁鍾意食吞拿魚🐟前幾日就同佢去田中壽司，食咗勁豐富既吞拿魚盛宴😍餐廳環境好有日式Feel，空間感好大，座位亦有布簾隔住，所以私人度較高，而門口亦擺放了一條大魚好特別🤭🥢食物1️⃣大將二人前$188: 擺盤好有心思，八隻碟都好精緻❤️赤身/吞拿魚血合/大目生葵漬/吞拿魚山芋漬/旗魚/芝麻納豆吞拿魚/松露大拖羅/中拖羅，出面好少有得食咁多唔同嘅部位及調味，今次真係好滿足👍🏻2️⃣中落鐵火$58: 吞拿魚脊骨附近的肉，刮下來所取得的碎肉，一口一啖好滋味😋3️⃣木鮪三貫壽司盛$108:赤身口感較結實，中拖羅都有驚喜❤️但係我哋最鍾意當然係大拖羅啦！堂食仲送生啤一杯添🍻4️⃣和牛他他$128: 味道甜甜地，入口軟綿綿的，但唔覺似食生牛肉，撈埋生雞蛋好好食😋5️⃣吃盡鮪魚之顛$208: 赤身/中拖羅/大拖羅，意猶未盡叫埋刺身，厚切口感特別正❗️店員會建議食之次序⋯⋯赤身>中拖羅>大拖羅！6️⃣海鮮蒸蛋$32: 食完刺身再食蒸蛋，雞蛋蒸得好滑，有少少湯汁，暖粒粒特別正！

🐽 大將tasting combo一黎到首先試左個招牌combo set，用左日本花做主題，上枱已經覺得好靚，一次過可以試曬8款唔同款式唔同部位，用左唔同既配答例如准山、納豆去突出吞拿魚既肥美同鮮味🥰🐽 松葉蟹肉春卷沙律、元祖唐揚吞拿魚用左類似越南米紙黎做既春卷，入面亦有大量既蟹肉同沙律菜，好清新；唐揚吞拿魚亦好有驚喜，外層炸到酥脆再加上鹽，同吞拿魚出加地夾🐽 中落鐵火、本鮪三貫壽司盛中落係吞拿魚骨旁既魚肉，魚味特別濃，夾埋小小wasabi做卷物都幾出色；而三貫壽司盛可以一次過試曬唔同油脂度既部位，再跟據喜好再叫刺身食🐽 鮪魚刺身盛包含左大拖羅、中拖羅等唔同部位，食得出好新鮮，一次過滿足曬食拖羅既願望

七武士鮪魚刺身盤 $208唔使我形容，食開拖羅嘅人睇呢一張相，就知啲魚生有幾唔新鮮，完全稱唔上係拖羅嗰隻味道之後仲嗌左一碟 極上壽司盛盒 $188唔新鮮到連相都唔想影其中一舊魚（我都唔知咩魚嚟）勁難食，食落去係冇味，加「梅」嘅感覺！真係非常非常失望，呢餐飯人均都四百幾蚊嚟之前一心想食拖羅點知係中咗大伏！咁嘅價錢完全係唔值去啲集團式嘅壽司店都好食過佢上菜又勁耐，每碟刺身等咗九個字！聽到佢哋話廚房得一個師傅，但係有三台客，每台客都係一班朋友咁嚟啲冷氣仲要凍到痴線，唔怪得成間野都冇乜人食，嗰晚已經係星期五晚