生記鮮魚湯米線 (已結業)

聽講依間魚湯米線好出名 就慕名而來食飯時間都幾多人 仲好多人等外賣叫左三樣野 我覺得個魚湯真係無咩特別 唔知點解咁出名名連鎖的漁咩咩鄉呀漁咩家一樣味唔覺佢特別鮮 魚湯浸菜 無咩特別 魚湯會好重生菜味 豬潤魚湯米 讚既係豬潤 唔會過老幾嫩 又幾爽口 不過魚湯加左豬潤味飲落怪怪地唔多夾 魚腐魚湯米魚腐口感彈牙 同坊間既唔同佢唔會好扁 因為好實心 似魚滑填滿左既感覺依個湯暖試到原味 但真係無特別 似味精湯

如果打字能消耗卡路里，一路食一路寫應該不會長肉，奈何只是天方夜譚。我吃的速度遠超寫的，朋友跟我寒喧時會說「成日食好野啦你（不屑樣）」，但其實一個星期只有兩至三餐大魚大肉，其餘時候我吃得很清淡的 ；不想在辦公室叮麥皮、吃沙律的日子，吃碗清湯米線不失為一個好選擇。適逢到上環唱韓圜，唱完已是一時半，心想應該是挑戰熱店的好時機，吃午飯的白領應該散了一半。跑到上環食肆集中地禧利街，鎖定棚架下的生記；策略方向正確，人潮稍為減弱，但仍有七至八人在等位。踏進店內東張西望，阿姐隨即問我幾多位，給我手寫「飛仔」，過程中無眼神接觸，問句沒有抑揚頓挫，利落得很。一人的話應該不用等，二人就要等一會了。走「魚湯米線」路線的食肆當中，有幾家是挺有名的，最印象深刻的是四個魚字那間。（題外話：我知道三個魚字是讀作「鮮」，但跟朋友提及，用「魚魚魚魚」還是較易明白）每家都聲稱自己的魚湯是真材實料，又濃又白的湯頭不難蒙騙你的雙眼，但鮮甜味會跟你的味蕾說出真相。若果煎魚時沒有好好封住水份，而煎魚後又沒有用大滾水煮，熬出來的湯只會是半透明而不是奶白。有些餐廳會加奶去給半透明的魚湯一個「華麗轉身」，就像女士搽粉底一樣，顏色望上去

突然想飲啖魚湯，結果來了這裡吃魚湯米線，選了招牌雜錦魚湯米線，可以一次過試不同配料，魚腐魚滑魚片頭都算爽口彈牙，雞翼就OK啦，反而我最愛那兩小片豬腩肉，夠淋夠入味，至於啖魚湯則是較清淡的，做湯底都算恰到好處。

店名：生記鮮魚湯米線地址：上環禧利街10號地下好味指數：8/10價錢：$43招牌雜錦魚湯米線魚腐，魚滑，魚片頭，豬腩肉，滷水雞翼米線原價$45, 2：00後每碗有$2折扣。平時去吃的魚湯米線，不是太淡就是無味，但這裡的魚湯非常鮮甜，湯底內可見魚碎，濃郁美味，真材實料。米線和配料亦很多，米線質感嫩滑，配料以滷水雞翼最為入味，其他也不錯的。平日嗜辣的我也放棄添加辣椒油，品嘗原味鮮甜魚湯的美味。優惠提示：2：00後每碗有$2折扣。

最近成日都天陰陰咁，好耐冇見過太陽了，難得一見，就出黎曬下啦 聽聞【生記】嘅魚湯係上環一絕，早就想黎試下喇，就今日啦～中午12點幾，午飯時間。。。。。。又唔係喺哩頭返工，我早唔黎遲唔黎，點解係哩個時間架 老婆話好肚餓啊。算，排隊。。。其實我仲點咗其他野食的，但我後叫嘅【魚腐米線】俾我嘅印象太深刻喇，所以我特登開多個食評，去記錄今次嘅經歷叫完，等咗5分鐘左右就上檯了～ 嗯。。。碗湯顏色怪怪地。。。。。。識煲魚湯嘅都知道，煲湯之前先煎煎條魚，放薑，條魚夠新鮮，碗湯就會呈現出一種好自然嘅，帶淡黃嘅奶白色，就算唔白都一定好飲（其實如果條魚新鮮，你冇揀啲古靈精怪嘅魚，唔係急凍魚，湯嘅顏色想唔白都難）但哩碗湯嘛。。。個顏色白得黎好唔自然，白色，但又有啲透明。。。。。。我想咗一想，得出一個結論。。。如果唔係因為廚房加米線落魚湯度嘅時候完全冇隔走啲水，趕唔切咁就咁倒落去，咁就應該係啲湯溝咗水囉。。。。。。如果係因為前者嘅原因，咁我嘅評語就係個做廚房嘅好唔專業，好好一鍋白白嘅靚湯都俾佢搞成咁，炒咗煮米線條友去啦！！！但如果係後者嘅原因。。。。。。人地鋪頭生意太好，魚湯準備唔夠，冇理由有生意都唔做架，咁有

平日係中環番工，閒閒地食個飯都要五六十蚊。反正有個半鐘食飯時間，今次就同同事行遠少少去到上環搵野食。黎到已經見到好多人拎籌等緊位，好彩我同時早左過黎排，所以我地等左大概五分鐘就入得去。呢度大部分米線都係魚湯湯底。見到好多其他食客都叫左什錦魚湯米線，好豐富咁。不過我地四個都清一色叫左順德魚腐米線😂😂等左一陣終於有得食。果然不負眾望，個魚湯湯底真係幾好味。奶白色湯底一飲落去飲度濃濃魚味👍👍 除左魚腐，碗米線仲有D芽菜同椰菜做配料。同埋有六大件魚腐，真係幾抵食！下次會再黎幫襯，試下個什錦魚湯米線✌️✌️

放假既日子約左朋友去上環LUNCH, 朋友介紹呢間佢平時最愛食既魚湯米線約左朋友12點去食, 未到正式午飯時間已經有人起門口排, 朋友話如果一點去真係排到放完飯都未輪到!!餐牌- 主要都係魚湯米線或者泡飯魚腐魚湯米線先講魚湯- 鮮甜唔腥有魚味, 連我呢個本身好怕魚腥既人都覺得好好飲! 有少許胡椒味不過唔會喧賓奪主, 反而吊出魚鮮味! 先前睇過有食評話魚湯凍左冇魚味, 不過我又完全唔覺, D湯好熱好新鮮!魚腐- 唔係一般街賣粉多過魚既魚腐, 反而食落有D似炸鯪魚球! 好彈牙好有魚味! 正總括而言, 湯底、魚腐都有真材實料, 三十幾蚊真係抵食過連鎖譚仔魚米家啦!!

因要去PMQ,所以上網睇睇上環有咩食，唔想食飯，想食有湯嘅嘢，就揀咗呢間，11:05去到,似啱啱開門，睇過menu,唔想諗就叫咗招牌什錦魚湯米線 $43-3=$40,有魚付,魚滑，雞翼，豬腩肉 ，好豐富精彩，樣樣都好合口味，唔太咸，個湯好好，差唔多飲晒，米線又軟硬適中而且份量足，正!去開上環再光顧一下~

只要一想到魚湯,就想起上環生記!今次晚上7點55分入場,好在搭到尾班車,因為佢地8點收工.我落左柯打後,之後既食客都已經被拒入場....$34 魚球豬潤米線.魚湯依然係鮮!魚味濃,帶少少胡椒味.每一口湯,都飲到一丁點魚肉碎,真材實料,美味可口,配米線和飯都一流!配料無咩特別,但豬潤既生熟度剛剛好,帶粉嫩,正!所以食客們記住唔好遲過7點55分過黎...

經常掛住新加坡既魚湯米線, 一知道依度有得食相似既魚湯米線, 所以過左黎試叫左-----招牌雜錦魚湯米線($43)--內有滷水雞翼,豬腩肉,魚腐,炸魚片頭,鮮鯪魚滑,生菜食後感:首先魚湯係微暖, 有冇攪錯魚湯味道普通, 微微胡椒味, 好彩唔腥米線比較硬身配料豐富, 但係只有豬腩肉比較特別小小, 滷水味腩肉其他魚類東西 (魚腐,炸魚片頭,鮮鯪魚滑), 肉唔彈口, "淋淋"噉.......總結:失望

現代人追求健康飲食，魚湯米線正是最佳選擇。來到上環，一於食碗順德魚腐魚湯米線作下午茶。來到生記時已是下午二時四十分，不需等位便能輕鬆入座。除了餐牌中的米線、泡飯外，下午兩點後還有追加優惠，惠顧任何米線或泡飯加$7 或$10便享有魚腐、炸魚片頭、油菜、滷水雞翼等小食一款，或熱飲一杯。飲品選擇頗多，天冷需要熱飲的話不妨留意。不用多久，熱騰騰的袖珍順德魚腐魚湯米線便送至桌上。飢腸轆轆，馬上喝一口魚湯，喚醒沉睡了的味蕾。香濃的魚湯配搭順滑美味的魚腐，回憶中的滋味正一一回來。蔬菜份量足，但碗中未見爽口的木耳；加上米線煮得偏腍，口感略為遜色。可能真的太肚餓，不用十分鐘已吃完整碗袖珍米線，還想多吃一點。或許下次光顧時直接要一碗大的，吃得更痛快過癮吧。

午飯時間, 等堂食的客人好多, 叫外賣的客人亦都好多, 不過服務員都有禮貌態度應對.外賣$40, 價錢合理.食物方面, 雖然店名叫魚湯米線, 但我個人就覺得魚湯飯會比較好味道! 可能是小時候吃飯都愛飯撈湯吧湯鮮又濃, 有大地魚的味道. 蠔仔不算是仔 因為每顆蠔仔都好大一顆. 配上勝瓜很爽又健康.肉碎也很多, 吃完一整碗, 中午不會餓!湯和泡飯分開拿走, 回到公司吃就不會怕飯泡太久.

聽聞呢間魚湯米線味道十分不錯, 今日終於食晏經過可以試下裏面坐位比較逼,環境一般, 都係一般粉麵檔格局, 我左個魚湯雜會米線, 五分鐘送到魚湯米線 材料有魚片頭, 雞翼, 鯪魚球生菜, 魚湯好香而飲落有好濃烈既魚味,應該落左好多吾同既魚黎煲呢個湯底, 因為甘, 縱使米線一般但吸左魚湯都幾好味. 雞翼好香豉油味而且整到好林, 生菜新鮮, 鯪魚肉質感比較粉好香魚味而且彈牙, 魚片頭出面層皮厚度適中, 入面彈牙, 吸埋魚湯, 正!

有時，我會幫襯上環禧利街的 <生記鮮魚湯米線>！才得知供應泡飯，我卻恐怕會吃不消！還是找天下午茶時段，來嚐袖珍版吧！ (任何款式米線 +$1 轉泡飯)金牌豬腩肉魚湯泡飯 (袖珍) $26袖珍份量真不少啊！  薄薄的豬腩肉也有6 塊之多！  豬腩肉肥瘦相間，甘香豐腴！白飯卻是黏成一磚的， 配搭鮮美的魚湯，真是一流！ 由下午 6:00 飽到晚上 10:00！  真是好抵！

魚湯奶白色，味道不太濃，沒魚腥味，但亦沒很濃的魚味，顏色比味道深刻，米線偏冧，配料大件入味，鯪魚球大粒彈牙，豬腩肉入味有質感，不是很細緻的食物，但份量十足，味道亦滿足！