生記粥麵

營業中

休息中

Korean people like congee because there are very similar food in Korea.  Seng Kee has really good congee and noodles. The taste is not heavy and healthy the topping is very delicious. The soy sauce with  ginger made the congee much better. The shop is not fancy but very fancy. It's not famous restaurant between Korean traveler but if you live or work in Sheung Wan you must try this local food.

一直都係生記粉絲，無論邊間分店我都會黎試一試，前排試左油麻地，今次就試埋鰂魚涌分店～～今次探親戚，佢屋企附近又有生記，所以我都不忘黎呢間生粥試下佢既牛腩牛筋米～看似簡單既一碗牛腩牛筋米，其實內有乾坤，牛腩煲得好軟稔，好易咬開，而牛筋都好正，好有咬口，加埋少少潮式辣醬，辣得過癮，更加不得了！！親戚叫左牛筋蘿蔔米，佢話蘿蔔好清甜，中和牛既肥膩感，係唔錯既配搭～～另外，我地加多一碟烚生菜，份量都好足！！

「日日做到無停手」... 呢排用呢句嘢嚟形容 #小秘書 就最貼切不過😫 大家都知啦！今時今日嘅秘書絕對唔係可以每日返office擦吓手指甲、織吓冷衫 又一日。其實做秘書同打雜冇乜分別😅 不過加多一樣 #職責 就係 #老闆 叫你做咩就要識得哂點做... never say NO😅呢日返到office，N咁多樣嘢要處理，電話又響過不停。為咗唔阻礙進度，我廁所唔去、水都唔飲... 直踩到三點終於頂唔順，走咗落去「生記」食碗粥清靜下😁🤩 我決定要碗 #及第粥 補下血、加碟 #腸粉 頂吓肚。粥底冇咩特別，唔係啲人講到咁出色😏 反而我覺得佢哋多少都有加啲調味粉😔😢😅 不過公平啲咁講，佢啲用料係新鮮嘅😉 豬潤爽滑又唔腥、其他餸料都可以呀！不過碟腸粉就勁多醬料，味道係唔差嘅，不過好肥囉😌 最後我想講嘅係個清阿姐，猛喺我面前續樽調味料拎出嚟抹、仲要對住我黑面... 想點先？🤨

呢度嘅粥都有幾多款嘅選擇你都好多款嘅粥我都試過，門口見到有一款新粥在推介中，南瓜粟米粥。都幾特別所以叫咗一碗試吓。都真係幾唔錯，感覺似飲緊南瓜湯加粥。呢一個配搭都唔錯，南瓜令到粥嘅味道非常鮮甜再加香甜嘅粟米。跟住再叫咗一個腸粉，腸粉嘅味道同口感好正。不過腸粉嘅價錢就有少少貴懷舊正腸粉要$17。最後再轉左一份一模一樣嘅餐外賣俾老婆食。佢哋嘅嘢都唔錯唯一唔好嘅係外賣冇咁到顧客嘅指示。老婆唔鍾意腸粉有其他嘅醬料佢只係想要麻醬。落單嘅時候我千叮萬囑只係要麻醬，但係返到屋企已經全部都有，仲有老婆最唔鍾意食嘅辣椒醬。唯一解決辦法就係益左我啦等我食多一碟

公司附近有間粥麵店, 平時食飯時間都一定大排長龍, 睇來好多人都鐘意食粥! 呢日同同事2個女仔去係, 就左2碗袖珍粥, 即係細碗嘅粥! 我叫左皮蛋瘦肉粥, 唔好睇佢叫做袖珍類, 其實都好大碗下, 已經仲係滿滿一碗!皮蛋瘦肉粥好足料, 有好多肉, , 皮蛋就普通啦都幾滑! 我就無加到任何調味料, 就係靠瘦肉嘅咸味去調味, 食落已經夠咸夠味!同事叫左鮮雞粥, 同樣都幾足料, 滿滿一碗, 上面仲有好多薑蔥調味, 雞肉食落就無咸瘦肉咁夠味, 不過就好鮮甜,想重味少少嘅可以加返少少胡椒粉 就岩岩好!另外仲叫左碟懷舊豬腸粉share! 腸粉好細條, 但就真係好似以前細個食的齋腸咁, 而且好夠醬! 甜醬花生醬加少少芝麻好惹味! 一碟有12條細細條, 真係令人食完都仲想繼續食呀! 

係一個空虛 寂寞 同凍嘅晚上諗住食碗粥，為人生增添返少少溫暖就嚟咗生記夜晚八點半都坐到九成滿，對於一間粥舖嚟講，都算勁仲要有好多配料都已經賣曬基本上每隔幾分鐘就有人入嚟嗌外賣～睇嚟佢都深得附近居民愛戴我想食魚，但係又懶，唔想有骨…所以就嗌咗碗鯪魚球粥佢啲粥有分大／細size因為我係當晚餐咁食所以就嗌咗碗大嘅，碗粥一嚟到，我都有少少眼凸一碗粥裏面，竟然有十粒鯪魚球仲要係成粒山竹牛肉咁大粒嘅鯪魚球十粒! 係十粒呀!我一路食，一路食，食極都仲有鯪魚球嘅點解其實我都係想黎食碗粥啫，我啲粥呢？其實有好有壞啦，咁佢咁足料， 我諗大部分食客都係有讚冇彈嘅鯪魚球粥係一個幾簡單，同埋清淡嘅選擇不過…十粒就實在太多啦淨係咬都咬到牙軟… 就得個幾啖粥…...咁下次都係唔好貪心，要碗細嘅算lu夠就得，太多真係吃不消

在朋友的帶領下來到這家店 點了碗魚腩魚骨粥，鮮甜好吃 因為是點魚腩加魚骨，大大的魚骨魚刺讓我光挑魚刺的時間就非常久， 還怕不小心讓魚骨稉到，這碗粥完全就是「魚的精華」啊！粥煮的很爛，好吃

人人都讚「生記」啲粥好了得，#小秘書 我就覺得佢個粥底其實好一般啫🤨 或者大家都將視線放哂喺 #生記 嘅 #魚腩粥 上面👀 但其實除咗魚腩... 我真係唔覺得有咩特別？！話雖如此，我今日又走咗去做白老鼠😆 因為之前曾經喺度哽過魚骨🤮 所以 #小秘書 以後都唔敢再食有大骨嘅魚👉🏻👈🏻 頭仔暈暈😌唯有叫個 #及第粥 補充下，另外加碟腸粉... 承惠$48😌 #生記 幫碟腸粉起咗個朵「懷舊豬腸粉」，新瓶舊酒🍷其實就只不過係一碟布拉腸粉，上面加咗啲甜醬、麻醬、豉油、芝麻，腸粉嘅質地令我懷疑 #生記 係喺街買返嚟嘅行貨，口感一啲都唔幼滑😅 至於碗及第粥外貌睇嚟用料十足，豬潤、豬肚... 樣樣齊😄 肉丸更係粥料嘅靈魂，師傳將肉丸做得好彈牙鮮美👍🏻👍🏻 不過個粥底令本人對 #生記 整體印象大打折扣😌 因為呢刻我都唔係太明白點解 #生記 可以日日都坐滿人囉😆

好幾年前住鰂魚涌，好高興開了間生記。一個星期也會幫襯一次，粥底綿味濃，加上魚腩大大件又鮮味，絕對足料美味。但今天從遊此地再品嚐已是另一番風味。中午人流依然不絕，全院滿座。還是叫了一碗魚腩粥，當然價格也比以前貴，大家都明白。但一入口粥味已沒以前鮮、滑、綿。魚腩更沒以往的鮮味，肉質較散。以往味道只能成為回憶...

鰂魚涌生記出名係食粥，但小妹冇食啊！反而試左佢d粉麵，老實講係因為覺得價錢都幾合理，29蚊碗😂（好現實架）Lunch 唔使食咁貴啦.. 醫下肚啫雖然是29蚊，但幾足料，印象中都有4粒魚蛋3塊魚片，再加幾滴辣油調味，冇得輸啦！我食左少少先記得影相😆

作为openrich的第一篇食记，献给了生记的及第粥，作为北方人很少吃到这么美味的猪肝，没有腥味儿臭味。刷新了我对猪肝粥的认识，期待下次再来。要比过来要吃皖鱼粥，牛肉丸，再来打卡！

同事早餐未落格想食粥，所以走咗去勁搭枱的生記，今天人又是很多，所以又係搭枱一齊迫我先點了牛腩撈粗$47，粗麵爽，啱啱好，牛腩香，可encore經理點了細鷄粥百吃不厭，夠滑其他同事點了斎腸粉$16 熱辣辣排到靚靚仔，吸引淨雙併鲮魚球加貢丸，有菜底，少澱粉的啱曬另炒米粉亦是推介，粥夠綿，店內食粥的多過食粉麵的我地早點點來都一定有人搭枱，再晏點來要在門口排隊呢～ 另外值得一讚，是待應阿姐收碗收碟，整理枱面效率是超高的

8月18日星期六下午6：30太古城人流多得插針也插不入打算在美食廣場隨便吃也座無虛席 旺得像旺角突然想吃粥品就Openrice搜尋一下了金峰是好 但早就打烊了第二家搜到了生記二話不說就在太古城走過去了走了大約20分鐘一眼便看見生記 門面光鮮 招牌有射燈照着 在大馬路邊非常易找 時間七點 還有幾張空枱地方夠闊落 不會太迫 冷氣也夠入面感覺闊落 冷氣也夠餐牌清色易睇鮮牛肉是主打再加上我的最愛及第 就點了個鮮牛及第粥了最有趣是Size有分袖珍和正常我點了個正常的$47上枱簡直驚呆了很大的一碗還有氣泡一直霧上來貼心的還跟一小碗姜蔥豉油齊上料也足豬潤，豬心，粉腸，豬肚，肉丸豬雜夾着姜蔥吃 很野味肉丸較特别 因為溝了打碎了的魚肉入口就知道粥底綿滑 米煲到起花 又不會太爛有些粥店煲到不見米的 不合格鮮牛肉不是特别出色但夠淋身不會太熟整體來說 是會回頭的粥店還有很多東西值得一試的

呢間嘅粥真係好好食，粥底好綿。有生滾粥，魚粥係非常之出名，好多人都 會叫生滾魚粥配薑蔥豉油。今次，食皮蛋瘦肉粥。 皮蛋好新鮮而且瘦肉嘅份量亦都很多，係鹹瘦肉有醃過，好食。 喺門口排隊等入座，夏天比較少啲人，到冬天多數條龍都好長!

唔係第一次幫親，之前食佢嘅豬潤粥已經留下好深嘅印象，今次嚟食，緊係食噃佢嘅豬潤粥。叫咗個肉丸豬潤粥，大大塊豬潤正呀 好新鮮好嫩仲有少少紅，太好味食到一半先醒起要影相但一切太遲了。個肉丸似係ikea個款但啲肉實都好食嘅，食完雖然流晒大汗但好爽！如果冬天黎食仲正朋友叫咗個鯇魚粥都好食，魚大件又多，雖然50蚊一個粥但因為佢係生滾同材料新鮮我甘願俾呢個價錢。另外叫咗碟炒腐乳炒通菜，十幾蚊，兩個人食嘅好足夠。