生記粥麵 (已結業)

星期六出開油麻地聽talk於是一行8人就尼左呢到食個lunch呢到雖然細但都有好多人幫襯我地去到都等左一陣先有台因為冇8人店所以我地就迫埋係一張6人台到不過都ok既我叫左一個墨丸牛腩粗墨丸都ok既不過我覺得未夠彈牙個質感差少少但至於牛腩可以講話係出乎意料既好因為係出面食好多都係d牛腩炆得唔夠林同唔入味但呢到就唔係既係非常林另外個湯底都幾清唔錯唔錯我唸下次有機會都會再尼試下

上星期見到網上介紹上環生記既靚粥, 由於地點關係, 所以選擇左佢地既分店...7點去到門口眼見一堆人仲以為要等位, 原來係一堆等外賣....為左要試多幾種款式, 兩個人只係叫左 一碗 "雞及第粥" 加大, 一碗牛腩三併, 及煎魚餅牛腩, 牛筋併牛丸;其實真係有驚喜, 無唸過 35元, 竟然有 6粒牛丸再加 相當夠份量既 牛腩及牛筋! 試左牛丸之後就覺得佢比起"樂x" d 牛丸仲好味, 起碼無佢咁重味精!牛腩食落口, 絕對估唔到原來35元都有呢d 質數出面好多店鋪要食到呢個質數加份量又何止 35元丫! 真係要比個讚佢! 煎魚餅;又係值得一讚! 質感唔錯, 比起出面街外既粗糙魚肉 加 一堆骨刺, 呢間d 魚餅係高左一級! 雞及第粥至於粥方面, 唔敢講佢非常好食, 平凡既一碗粥餸仲多過粥, 味道無可能唔夠! 粥底質感亦唔會加左太多水或者生粉~整體都算係唔錯!有機會經過我會再黎食過

早前在上環吃過水準甚高的生滚粥,後來得知原來有分店在油麻地!這天放工便順道走過來看看,在門口已看見內裡人頭湧湧.心想出品應該不錯吧!入內找個位置坐下,記得在那邊的肉丸是做得不錯於是便照辦煮碗再吃一次,應該很穩陣了吧!環境是比上環店寬敞餐牌上的項目也是差不多看見單上的字才確定是分店油炸鬼----雖份量較多但又軟又韌,比總店的又硬又凍更差!沒留意價錢差額但原來是有一條同一碟分?因為阿姐問咗隔離位兩次:一條定一碟呀!炒米粉----有炸菜及肉絲混和一些雜菜去炒,但調味極淡.檯面上的辣椒油咸而不辣無甚幫助.油光閃閃鯪魚球肉丸粥----味道偏咸味粥感覺强烈,非常重手的師傳!向來對這不太反感也絕不敏感,但吃至一半也吃不下去.粥底不夠綿滑,經攪拌後巳變成米水.鯪魚球----本想點叫煎鯪魚餅但看見鄰座的那碟便打消了念頭(沒有親自吃過的不發表任何意見)味道不帶腥味而是沒有什麼味,質感不是彈不是淋而是軟軟韌韌!肉丸----這個質感更討厭!清楚吃到中心位置是帶點黏,軟淋像未熟透.吃剩的從未試過在任何打著同一招牌下的分店,吃到出品的質素有如此大的差異.是我運氣不好還是選擇錯誤?

公司係附近, 午餐會常常買外買返公司食,旺角區食麵, 生記係我最愛之一多數叫3樣餸, 但一定要有牛丸, 其次先係牛腩牛丸 - 彈牙, 有好重牛肉味牛腩 - 很爽, 但不痴牙, 但得3-4舊(好小)環境 - 日日都咁多人, 都好整潔, 門口癡咗好多報紙&名人既報導.......但近一個月, 好似加咗價$1(其實旺角區都重有一間好食牛丸, "通記" 係女人街) , 兩間既牛丸都好正

老婆要去油麻地睇大夫, 就近近地係附近醫肚七點三去到, 無位, 大約等了15分鐘就有得入座期間無人寫輪位的紙仔, 但不時有人走入去問是否有位, 有點混亂環境比較窄, 坐得只係一般舒服招呼一般, 要問先拎個餐牌來, 以為個個都係熟客甘款出品也只是一般般, 無傳說中甘好食魚腩粥 : 賣晒, 無緣一嚐魚片粥 : 好多料, 但都好多骨, 食個時要好小心牛腩麵 + 蘿卜 : 蘿卜一般, 唔及荔枝角生龍, 牛腩好食, 但偏肥菜 : 通菜, 一早整好的貨色, 唔多熱的埋單約65, 價錢唔貴, 但水準無想像中甘好

午餐淨係食咗三文治。於是tea time 去食碗粥。見OR食評不錯，於是就去試吓。雖然tea time, 但都幾多人。座位都幾密。要了細及弟粥，$19，配以薑蔥豉油。細其實都唔算好細，tea食夠晒啦！好多豬什喎，有粉腸、豬肚、豬潤、豬肉丸、豬心，大部份都係2件，但豬心就好多件。全部都處理得不錯，無異味；豬心好爽口，唔韌；豬潤係黃沙，好爽。豬肉丸好似加咗少少鯪魚落去，不過都唔會腥，都算彈。粥底唔算係好綿嗰種，係較稀嗰種。仲有瑤柱絲喺裡面，真材實料，無味精。

三月下旬,天氣還轉涼,就趁機食些熱野暖身.生滾粥是午膳的一個好選擇.魚腩魚骨粥$33 - 有3腩1骨,及約1/4至1/3個魚頭,份量不少,魚夠新鮮,粥底綿,又夠熱,正!煎魚餅$10 - 火路很均勻,看到煎者很落心機,食落魚肉彈牙,雖是三小塊也值得!埋單$43,價錢可以接受!

鋪位不大﹐環境有點擠逼。坐下的顧客多數都是點魚腩粥或豬潤粥﹐但因時間已晚﹐魚腩已賣完。所以點了小鯪魚球粥。小鯪魚球粥 -粥底綿綿﹐一共有七粒鯪魚球﹐份量足夠。加下薑及蔥更可令味道更香。鯪魚球內有細小魚骨﹐所以咀嚼時真的要留神。 這店沒有上環總店那麼多人﹐如排上長龍就不用一試了。

蘿蔔一定要吃!牛筋也好味!座位不大, 但空間夠,不會和後面枱的人相碰,

今日的同房小友午餐飯局三缺一，就只得小弟與多樂菲小姐參與。兩個人決定簡簡單單在生記吃碗魚粥解決一頓飯已可以了.....依舊吃的是慣常遇到的魚腩豬潤粥。吃過了那麼多趟，粥底的水準仍是一貫的好，入口綿滑如絲，而且是從頭吃至碗底皆是如此，很難得。瑤柱下得重手的粥底，味道當然是夠甜，永遠不會叫人失望。米花也是煲得全爆開，絕不會像在吃潮州糜一般。魚腩乘滿一碗，肉很鮮甜，故此薑片也不用多下也沒有腥氣；豬潤稍嫌灼得有些過老，色帶微黑且有少許苦。心想，還是專注吃"魚腩粥"吧.....一向很欣賞這兒的炒米粉。肉絲切得粗粗的，很有咬頭，榨菜絲的存在令味道多了點變化，光是這點已比平常外頭普通的粥店出品出色了。最重要是，米粉本身弄得乾身，卻又不至於吃進口有令人口之感，味又不至調得過鹹。這實在是小弟吃過其中最好的粥舖炒米粉。十多大洋一碟比平常的貴一點，但卻是貴得有道理.....多樂菲小姐似乎吃得津津有味。看見她的饞相，不禁失笑.....

其實本想食碗粥同加隻粽，但佢地原來冇賣粽失望及第粥 + 雞蛋 $24/細首先我想講雖然係細碗，但我覺得一D都唔細可能係粥裡嘅配料多少去分大細粥裡面有2片豬潤、2片豬心、2條粉腸、2粒豬肉丸同1舊豬肚。豬潤、豬心、粉腸、豬肚都滾得唔老OK而個豬肉丸就好好食，好彈牙肉味豐富重要係個粥底，佢地做得幾好，好綿滑但不算太濃味，其實我覺得OK，因為我見對面有2個食客不斷加胡椒粉同豉油，加到碗粥都變晒色係我食得淡定係佢地好咸得呢Summary : 我見好多人食魚腩粥，我諗一定唔錯，有機會都要試下。不過，我鍾意有隻粽送粥會開心D

好激氣!!!!! @-@其實已經唔係第一次食生記之前都係食佢既牛肉粥又冇咩事....今次第一次食肉丸粥就大件事......一入口... 肉丸完全冇肉味..只有好大陣細皮味.同魚腥味(裡面仲有魚骨片+魚皮碎)(注:我已經落左胡椒粉) >-< 好嬲!!! 好失望...之前印象都好好...我後都唔會再去食!!!!叫個waiter埋黎.. 我問佢..你係咪俾錯鯪魚粥我.佢左串串咁講...呢粒一睇就知係肉丸la...我話:『但係我食到腥味同有骨wo!!』W回:『總之呢D一定係肉丸.唔會有魚係裡面』過左一陣..WAITER 行過..仲話明明係肉丸又話係魚丸!!服務差一向都係...但係食物差就真係即刻唔會再去!!最後淨係食左粥..淨曬D 肉丸係枱..心有不甘.我再打開粒肉丸... 有2片大大片魚骨碎...叫左另一個WAITER...佢即刻態度180度轉變又話...換俾我..又話唔收我$又話...唔好意思... 可能同一部機整完魚肉整肉丸所以有小小碎......( 好唔衛生..同嘔心)咁大個人...都未食過有骨既肉丸

與表弟妹帶媽媽到油麻地看醫生後,表妹提意找個地方喝下午茶,徘徊了一會,看到這店舖門面有蔡瀾及飲食男女專訪,該錯不到哪裡去吧?大家都贊成吃碗粥,好讓媽媽清腸胃,一說到粥我都會連想起皮蛋牛肉粥,食指大動下立時進內,4:15來到還有數張餐桌選擇;吃後總括來說是名過其實牛肉皮蛋瘦肉粥~~熱辣辣的粥底甚綿滑,配以大大片新鮮牛肉入口柔嫩炒米粉~~端上桌是凍冰冰得生了冷降,多入味也沒意義香煎魚餅~~白得像未熟透,賣相有點倒胃,沒有魚味;既多粉又不香口,幸好煎出不油不膩,炸麵~~ 隔夜油炸鬼一條,沒有火氣! 如斯死韌實的老油條!,

太太胃口不佳，吃粥當然是最佳的選擇。人在油蔴地，最穩陣的去處自必然是這裡了.....除了魚粥及清湯牛腩外，小弟最愛的便是這兒的炒米粉，每次來差不多都會叫一份來送粥吃的。跟坊間吃到的不同是，她們炒出來的粉是全然乾身不油的，看上去色水甚深，但吃落又鹹度適中，吃不出有下很重的師傅，而且在配料上，除了平常吃到的銀芽外，還下了為數不少的紅蘿蔔絲、榨菜絲及肉絲，味道自然是勝人一籌了。這碟米粉雖要賣成十多塊，但如此重料，也實是理所當然.....魚腩依舊夠厚肉又很新鮮，薑也不用多下了已能僻腥；豬潤切得較薄身，雖不至於起黄沙，但質感帶爽；肉丸相對上就差了些，"粉"下得頗多，欠肉香....粥底很清，有很重的腐竹香。不過好像不及從前的綿滑....在油蔴她這分店吃得多，反而忽略了上環的總店。看來是時候回去重温舊味了....

老實講, 我唔鍾意食牛丸既, 第一次食到食完會令我覺得好味既牛丸同朋友經過, 佢推薦呢間生記, 所以就黎呢度食碗麵我要了牛筋牛雜麵, 佢就叫左牛雜牛丸麵我碗麵味道沒什麼驚艷之處, 朋友就夾左粒牛丸比我試下實在係幾令人驚喜, 彈性十足, 味道很鮮, 令人有再食的衝動. 味道有4分, 係比牛丸的原來呢度粥比麵出名, 好, 下次要黎食粥同牛丸... (有無牛丸粥的?)