生生市場 (捷榮樓)

營業中

休息中

同朋友經開呢間韓國外賣店，見有好多款既雞，好似好吸引🤩 一於買返屋企試吓蜜糖牛油無骨炸雞有少份、大份可擇 我就擇左大份 目測都有好多件雞 一打開蓋 濃郁嘅蜜糖牛油係空氣之中瀰漫 急不及待即刻試一口 非常香脆 肉質鮮嫩 而且件雞係無骨 食得方便🤓芝士紫菜飯卷份量都多 至少都有10-12舊 飯卷都包得實 唔會話一咬 就成舊鬆開 餡料都好足😌香脆韓國豬肉餃子餃子煎得好香脆 裡面既豬肉餡都好足料 配搭埋佢附有既秘製辣汁 一流海鮮煎餅個煎餅外皮脆口，而且餡料充足，有不少八爪魚，蘸上附帶的辣味醬油，更惹味

呢日去開元朗做嘢，見到呢間藍色同黃色嘅裝修嘅舖頭好吸引，原來係買韓式外賣！即刻諗住買返去同兩隻化骨龍食，入到去估唔到外賣都有咁多選擇，仲有其他韓式冷藏食品買，揀咗一輪我先決定好買乜食。芝士紫菜飯捲:紫菜和煮熟的白飯巧妙地結合在一起，再加上香濃的芝士，帶來了豐富的口感和美味。紫菜的脆脆口感與蓬鬆的米飯相輔相成，而芝士的濃郁奶香則為整道菜增添了豐富的風味。每一口都充滿了滿滿的滿足感，讓人難以抵擋。泡菜豬肉湯:豬肉的鮮嫩與泡菜的酸辣相輔相成，湯汁的鮮美更是讓人回味無窮。這道湯不僅美味，食完仲令你暖笠笠。醬醃烤牛肉:烤牛肉烤至外表金黃酥脆，內部保持嫩滑多汁。每一口都能夠品味到牛肉的香氣和醬料的風味，帶來了一種令人著迷的享受。甜辣無骨炸雞:甜辣無骨炸雞外層金黃酥脆，然後蘸上甜辣醬料，使其擁有甜味和辣味的完美平衡。每一口都充滿了口感和香氣，肉質鮮嫩多汁。甜辣醬料的甜味和辣味相互融合，非常惹味！

餐廳環境：呢度係外賣既，舖頭以勁sharp既湖北綠設計為主，有吾同類型既食物，有炸雞、飯卷、人蔘雞湯、醬油蟹等等，甚至有唔同嘅生肉可以買返屋企自己整黎食🤩🤩食物方面：我哋叫咗一個2-3人餐，揀左烤牛肉紫菜飯卷、人蔘雞湯、原味無骨炸雞同埋新鮮辣泡菜🤣🤣本身仲驚吾夠食，加多個呑拿魚紫菜飯卷😋😋拎外賣🥡既時候，一拎咁重嘅😂😂😂翻到屋企打開，啲份量勁足，我哋三個人食都有剩🙈🙈🙈兩個飯卷味道十分好，絕對唔會太鹹，小朋友都好啱食，而且又足料👍🏻👍🏻👍🏻而個人蔘雞湯好入味，真係好似喺韓國正宗飲嗰啲咁😋😋😋至於個辣泡菜真係要試吓🫶🏻🫶🏻本身我都唔食得辣，但呢個泡菜好似上咗癮咁，越辣越好食，真係勁新鮮😋😋😋至於無骨炸雞，拎到返屋企食嘅時候有少少林左，不過反而冇咁熱氣仲好😂😂😂以為佢一盒細細盒得幾舊，食落口啖啖肉，好飽肚👍🏻👍🏻👍🏻買外賣拎走嘅時候，見到佢哋有其他生肉可以買，而且款式都好多，價錢又實惠🤩🤩🤩下次都要買來返屋企自己煮下先🤣🤣生生市場 (捷榮樓) (元朗)元朗教育路2-6號捷榮樓地下C號舖

今日出街買野，順便去生生市場買韓國菜外賣做晚餐。唔係第一次幫襯佢，覺得哩間個性價比高，啲野食好大份，平過堂食韓國菜一半有多。叫左辣豬肉紫菜飯捲（$48）、海鮮煎餅（$58）、魚餅串湯（$20）、香脆韓國豬肉餃子（$48）同拉麵（公仔麵）炒年糕（$58）。值得一讚係佢大部份外賣盒都用紙碗唔係膠。壽司捲一如既往既多，材料超滿，同埋其實唔係好辣。海鮮煎餅好好食，好多八爪魚，個餅拎到返家仲熱，煙煙韌韌咁。魚餅正常發揮，個湯幾好飲。最鐘意個脆餃子！外面好脆而裏面仲有肉汁。反而個拉麵炒年糕一般，拎左返家個汁好杰身，變左一餅野😂兩個人食左二百幾蚊，仲要食淨好多。佢啲野食唔會因為外賣就Hea整，有餐廳既質素，真係好抵食。

唔使出去尖沙咀韓國街😆元朗都有傳統韓國美食，呢間外賣店由一位韓國媽媽主理👩🏻‍🍳真係夠晒正宗👍🏻而且價錢絕對大眾化😍食物選擇眾多大部份韓式食品都有，例如拌飯、炸雞、炒年糕、炒粉絲、豆腐湯、紫菜飯卷⋯🥡吞拿魚紫菜飯卷食韓國嘢其中必叫嘅食物之一😋飯比例唔算好多，但餡料就好飽滿🤩有醃青瓜、醃蘿蔔、鮮蘿蔔同蛋🥡韓式炒粉絲份量好多都幾足料👍🏻配料有冬菇、雲耳、菠菜、蘿蔔絲👌🏻雖然係素食，但調味足夠有陣陣麻油香味🥡海鮮嫩豆腐湯豆腐好滑滑，海鮮份量都唔少有墨魚仔、八爪魚、蜆😍另外仲有少量金菇同翠玉瓜，飲落辣辣地好惹味🤤🥡辣豬肉拌飯炒豬肉唔算好辣，配菜有蘿蔔絲、翠玉瓜、紫菜等等，重點係有一隻半熟荷包蛋🤭蛋漿撈埋飯同配料一齊食味道好夾🥹除咗套餐或者散叫外賣🥡另外仲有到會，適合多人聚會🥳開party叫到會又多一個選擇🫶🏻

外賣有很多，高質的很少。由韓國媽媽親手料理的高質韓式外賣，真的忍不住要介紹給大家😍。2至3人套餐A $198吞拿魚紫菜飯卷餡料澎湃😍，顏色配搭完全激發食慾，賣相極度吸引。除了主角吞拿魚及常見的青瓜絲及甘荀絲外，還加入韓式飯卷才有的牛蒡、醃蘿蔔等，非常地道😍。一口下去，鹹甜香醇的味道最讚👍🏻。配上帶點芝麻油香氣的飯，咬下去厚實又香脆，口感非常豐富。人蔘雞湯非常真材實料，雞湯濃郁可口👍🏻 。糯米吸盡了雞湯和人蔘的精華，還帶有絲絲紅棗的清甜，香而軟糯。雞肉燉煮得十分軟嫩，輕輕一推已骨肉分離。店家貼心附上黑胡椒鹽，沾一點更加惹味，滋補又健康。甜辣無骨炸雞炸雞皮脆肉滑，脆薄的外層鎖住滿滿肉汁，無骨更加令人可以一口一啖肉，是真正享受❤️。搭配甜酸的醬汁，芝麻的香氣，好食到停不了手🤭。新鮮辣泡菜真「正宗」韓國泡菜🤩🤩，新鮮製造，用的是韓國當地食材，非常鮮味，香辣得來又爽脆，正。水冷麵 $48特製冰湯非常濃郁，帶點點鮮甜的味道。麵底彈牙有嚼勁，配上醃青瓜及蘿蔔，酸酸甜甜，透心涼得來又非常開胃，好味😋。提供的食物非常多元化，除熟食之外，更有多款伴菜、醬油蟹、午餐盒以致到會提供，總有一款能滿足你的需要😍。@

係元朗街角當眼處 勁易就望到！今日想買外賣食 揀左呢間韓國野！款式好多 花多眼亂呀！😂😂最後揀左好幾樣🤗🧡#涼拌豆芽- 一直都係我鐘意食ge 涼拌之一- 麻油味好香🙊🙊 🧡#新鮮辣泡菜- 老闆推介 話好多人叫呢款- 果然冇介紹錯 份量好多- 越食越辣 好過癮呀😂😂🧡#烤牛肉紫菜飯卷- 用料好足呀！烤牛肉 蛋 青瓜 蘿蔔 酸蘿蔔 好好味！🧡#泡菜煎餅- 好細心呀 一早將成個煎餅切開 唔駛我落手落腳😂😂- 泡菜味濃！有個醬汁 夾埋好食 唔會好乾🧡#辣炒年糕- 煙煙韌韌 好好咬 - 唔會太辣 岩岩好！❣️飯卷 涼拌豆芽 泡菜 都有密封包裝 拎返屋企都唔驚漏出嚟👍🏻👍🏻

元朗親民貼地韓式便當外賣店元朗有間韓式外賣店價錢好合理，今次特意來外賣傳統韓式料理回家慢慢品嚐，餐廳特意引入韓國食材味道很正宗蜜糖蒜蓉無骨炸雞$48雞皮脆身香口，外層炸粉唔太厚，食落啖啖肉，的確有水準，蒜蓉令炸雞味道更香濃, 以烘烤的方式令醬油和蜜糖的味道滲透在雞件烤牛肉紫菜飯卷$50、辣豬肉紫菜飯卷$50韓式飯卷最吸引的是餡料多多，白飯少少，既有豐富配料，今次試咗烤牛肉同辣豬肉涼拌涼菜$50作為一個打工人，食飯最緊要係蔬菜，拌菜入面最鐘意就係涼拌波菜，麻油、蔥蒜、熟芝麻滿滿係菠菜入面散發，而且營養滿滿烤牛肉拌飯$63一打開韓式拌飯，見到滿滿唔同蔬菜，烤牛肉份量都好多加埋韓式秘製醬汁非常惹味📍生生市場Raw Mart新界元朗區教育路2-6號捷榮樓地下C舖香港堅拿道西15號永德大廈地下G13號舖

呢間韓國外賣店其實一直想食好耐，不過另一間係灣仔又比較少機會去港島區，所以咁岩去左元朗就諗起呢間好耐未食到就去食下。其實外賣咁食幾方便，全部都分好晒一盒盒，邊行邊食都得。外賣店都幾多野食選擇，完全唔擔心有野唔岩食。見到2-3人套餐都有3個套餐，我同朋友就叫左個$198既，有飯卷有炸雞有湯有泡菜有野飲原味無骨炸雞炸雞好好食，個外皮好夠脆。佢係一粒粒嘅炸雞球，食落都好方便而且肉汁好多。好多粒之餘，成粒放入口真係好滿足紫菜芝士飯卷個飯好健康，因為入面係卷左蘿蔔，青瓜，豆乾，醃蘿蔔，芝士片。食落口感d配料幾脆身，而且幾香口幾有水份，完全唔乾身。芝士片咁樣包落飯卷原來幾好食，多左芝士香味但又唔會覺得太膩。韓式海鮮嫩豆腐湯+白飯呢個湯幾豐富，入面嘅料都幾多下，湯有少少辣，但呢個辣度我覺得係好多人都食到既。入面有金菇豆腐，大蜆，魷魚仔。成碗真係幾大碗，兩個人絕對夠飲有突。海鮮夠新鮮，蜆肉有幾隻隻隻都幾大隻。呢個湯撈飯食勁好食勁開胃。店舖有分新鮮辣泡菜同原味辣泡菜，今次叫左個新鮮既黎食。份量係一盒滿嘅都幾多下，泡菜咬落幾爽身，辣度都幾辣下。鍾意食辣嘅絕對唔可以錯過可以試試。辣炒年糕 $45另外嗌左個辣

一直都知道元朗千色附近有間韓國菜外賣店，主打韓式料理、小食、急凍食品等，今日心血來潮想試試，試了以下幾款：🔆韓式辣豬肉便當 $73🌟推介🌟便當分量十足，配有多款配菜，有原味炸雞、泡菜、涼拌菠菜、涼拌蓮藕，韓式辣豬肉味香濃多汁，開胃又滋味，拌飯一流，還配有一碗味噌湯，非常之豐盛🔆烤牛肉紫菜飯捲   $50牛肉烤得夠香口，牛肉香味突出，中間的餡料有紅蘿蔔、青瓜絲、醃蘿蔔等，口感豐富，味道層次分明， 飯粒軟糯可口，一啖一件好紮實，夾上來時候不會散開，整體性價比好高🔆甜辣無骨炸雞 （細）  $48甜辣無骨炸雞外層酥脆，內部肉質嫩滑，淋上甜辣醬汁，酸甜香辣好惹味，令人食不停口🔆原味無骨炸雞 （細）  $42無骨炸雞炸至金黃色，外層酥脆，肉質嫩滑多汁🔆韓式炒粉絲   $45粉絲份量超級足料，粉絲口感彈牙煙韌，搭配蔬菜和肉類，味道鮮美，是一道令人滿足的主食選擇🔆整體料理都不錯，店內除了有韓國熟食之外，冷凍櫃有售賣不同的肉類和冷藏品，價錢相對親民，而且種類繁多，除了元朗店之外，在灣仔都有分店💸平均每位消費 $125

元朗外賣韓食！招牌韓式料理全部都有，仲有到會服務添！抵食！我地嗌左店家搭配好既2-3人套餐A餐（198HKD），🐟韓式炒魚仔紫菜卷飯，🥩辣牛肉京蔥湯，🐔無骨甜辣炸雞🥬新鮮辣泡菜，🧃韓國米露同橘汁。紫菜卷飯好足料，滿滿銀魚仔，入口鮮甜，佐以泡蘿蔔同胡蘿蔔，有脆脆爽爽既口感。牛肉京蔥湯啖啖肉，京蔥還有脆脆既口感，唔算好辣，不過非常送飯👍炸雞酥脆，外表再淋上滿滿醬汁，甜甜辣辣，讓人食指大動！

韓式🇰🇷料理外賣，質素有保證🤭在元朗千色廣場大門口過馬路正對面，最大的感覺就是乾淨企理。🌯烤牛肉紫菜飯卷澎湃的餡料幾乎將飯卷迫爆（煎蛋、生菜、紅蘿蔔、青瓜、烤牛肉、牛蒡和醃蘿蔔）。膠盒真空包裝，飯卷即使冷藏過，但回溫後飯粒仍舊軟熟。🐥原味無骨炸雞一口一件，滿盒有大約8-10件。炸漿鬆脆，味道不會太鹹，加點甜辣醬風味更佳。🍜韓式炸醬麵炸醬香濃帶甜，內裡有香料和角切五花肉，加上溏心荷包煎蛋，拌起來一絕！貓太太實測隔夜後微波爐翻熱麵條仍是彈牙不軟爛。🍛烤牛肉拌飯芽菜、青瓜、紅蘿蔔、紫菜碎、烤牛肉碎加溏心煎荷包配蛋珍珠米飯，健康又惹味。

想食正宗韓國美食❓呢間由幾位韓國媽媽主理嘅地道韓式外賣食堂🌟生生市場🌟就啱哂我🙋🏻‍♀️由韓國媽媽煮出地道味，提供一系列無添加韓國美食🇰🇷有齊各款韓式熟食👉🏻韓式飯卷、拌飯、煎蛋捲、炸雞、魚糕等，快捷方便餐點特別適合忙碌都市人🤩餐點有超多選擇，包括拌飯、飯卷、海鮮煎餅、炒年糕、餃子、湯品、卷蛋、炸雞等等，最近仲有韓國直送、香港新鮮製造嘅醬油蟹，應有盡有真係超級豐富🥳🥳除咗單點之外，仲有套餐供選擇，有齊飯卷、湯、炸雞等等，價錢好抵食，難怪咁多捧場客👍🏻🌟2至3人套餐A🌟🔹吞拿魚紫菜飯卷一向都好鍾意食韓國飯卷，今次揀嘅呢個吞拿魚紫菜飯卷每日新鮮製作，有吞拿魚、小黃瓜、青瓜片、醃蘿蔔等餡料，食落香脆酸甜，米飯又夠黏口😋🔹人蔘雞湯韓國人蔘雞湯將糯米、人蔘、紅棗等釀入雞腹，燉煮出清甜暖胃嘅雞湯～滋補雞湯散發淡淡人蔘香，補氣養生一流‼️🔹甜辣無骨炸雞金黃酥脆嘅炸雞裹上甜而不辣嘅醬料，雞塊外酥內嫩，甜甜辣辣惹味又開胃🤤🔹新鮮辣泡菜新鮮製造嘅泡菜香辣爽口，食落相對爽脆又醒胃🔥🔹韓式炒粉絲另外仲單點咗個韓式炒粉絲，加入牛肉、洋蔥、菠菜、紅蘿蔔等配料炒製而成，配以口感煙韌嘅粉絲，風味十足✌🏻生生市場✨📍元朗教

來開元朗，當然唔可以錯過於元朗開設韓式外賣店「生生市場」，因他們的其中一名老闆正正是韓國人，保證正宗，難怪吸引到不少街坊排隊購買。店中除了韓式伴菜外，更有一系列炸雞、紫菜飯卷、伴飯等…非常吸引。最後他們還有到會服務，真係抵食👍🏻。甜辣無骨炸雞無骨炸雞外皮酥脆口可手，內裡肉質嫩滑多汁，並且淋上甜辣醬汁，口感彈牙，酸酸甜甜，胃口大開。韓式炒粉絲真係一道必叫韓國菜式，那口感柔軟，配上各種甘筍、冬菇、菠菜等…味道豐富，煙韌彈牙。烤牛肉紫菜飯卷紫菜飯卷已有多款配料：黃瓜、胡蘿蔔、青瓜、蛋等…再有嫩身牛肉，口感鮮嫩，層次豐富，非常足料。韓式海鮮嫩豆腐湯用上韓國辣椒醬調味調製湯底，再有嫩滑豆腐，配上各式海鮮，微微香辣，非常惹味，送飯簡直一流！

好多時經過都見到有人係度排隊買嘢食，今日突然想食韓式飯卷就諗起佢，點咗老公去買😂 我嗱嗱臨食完就出去上堂～⭐️泡菜煎餅外賣拎到返屋企都仲係熱辣辣😗泡菜味濃郁但又唔會太辣👍 如果薄少少會更好❤️烤牛肉飯卷超足料！成日覺得飯卷嘅配料咁多種類色彩繽紛令人好開胃😌外層紫菜好香麻油味👍 口感豐富營養均衡，如果唔大食簡單當一餐已經好夠🫶🏻❤️甜辣無骨炸雞食韓國嘢必點🤭 甜辣味好開胃，雞皮香脆雞肉嫩滑，仲要無骨啖啖肉😋⭐️韓式炒粉絲粉絲入味，口感都彈牙，但唔夠熱所以有啲黐埋一齊😂配料豐富，味道可以～價錢都幾抵，選擇好多，係元朗少數抵食嘅韓菜👍#生生市場 #元朗 #灣仔 #銅鑼灣 #元朗美食 #韓國菜外賣 #韓式飯卷 #韓式炸雞 #甜辣炸雞 #泡菜煎餅 #kimchi