生生市場 (捷榮樓)

營業中

休息中

呢日去開元朗，在市中心路過依間專賣韓國食品店嘅生生市場，款式種類好多，有熟食亦有生醬油蟹，天氣咁熱想食啲開胃野嘅飯卷、炸雞、韓式炒粉絲等，即刻入店內揀番啲韓式食品返屋企先 ~韓式雜菜粉絲午餐盒        $80午餐盒裡面有多款食材，韓式炒粉絲，粉絲彈牙爽口，配料豐富，帶香甜好美味，微辣爽口嘅泡菜，蓮藕醬汁入味，豆芽及菠菜帶清新麻油香，適合拌飯。配合蔬菜味噌湯，湯味清甜，洋葱鮮菇爽口，不錯嘅午餐盒。 蜜糖牛油無骨炸雞         $58去咗骨嘅炸雞，方便易食，韓國雞肉味香，質地嫩滑唔乾身，而且有肉汁，炸到外脆內軟，而依度嘅炸雞有獨門技巧製法，炸出嚟唔油膩又鮮嫩酥脆嘅雞件，沾滿香甜嘅蜜糖牛油，口感層次更豐富更惹味。甜辣無骨炸雞          $58炸至金黃嘅無骨雞塊，外脆內軟，好香口，雞肉鮮嫩，入面有肉汁，食落唔油膩，外層沾滿甜辣醬汁，微辣香甜，越食越滋味。烤牛肉紫菜飯捲          $53餡料豐富嘅牛肉紫菜飯捲，牛肉香濃，肉質鮮嫩，配搭埋其他食材有紫菜、青瓜、蛋、紅蘿蔔、脆瓜、生菜等，喜歡好多材料，清爽鮮甜，食出唔同味道，多種層次，好美味。

今晚終於有機會去元朗生生市場買外賣，真係好開心呀！😆 呢間韓國餐廳啲野食真係夠哂正宗，食完有返去韓國旅行嘅感覺！🇰🇷我哋叫咗個2-3人套餐，份量啱啱好，啲嘢食又新鮮又足料。吞拿魚紫菜飯捲好足料，吞拿魚同紫菜味道夾到絕，飯粒煙韌唔會太濕，食落去好滿足！🍣 人蔘雞湯一打開已經聞到香味，雞肉好嫩滑，湯底夠晒濃郁，飲完成個人都暖晒，好滋補！🍲甜辣無骨炸雞真係超正，外皮脆卜卜，甜辣醬汁好惹味，唔會太辣又唔會太甜，啱晒香港人口味！🍗 新鮮辣泡菜爽口又夠辣，食落去好開胃，配飯一流！🥬 青葡萄汁同甜米露都好特別，青葡萄汁清新解渴，甜米露飲落去有淡淡米香，食完咁多重口味嘢飲返啲清新飲品真係啱晒！🍇🥤另外加咗份韓式炒粉絲，粉絲煙韌唔會太油，配料多，味道好香，食到停唔到口！🍜 整體嚟講，生生市場啲韓國菜真係有水準，價錢合理，份量足，服務又好，外賣包裝都好細心，返到屋企都仲熱辣辣！👍下次一定會再幫襯，推介比鍾意韓國菜嘅朋友！😋

抵食又好味 韓食外賣專門店🤤又要介紹小編不斷encore的韓式外賣小店「生生市場」俾大家了，未食過真系要去食。佢地而家有埋下午茶便當，星期一至五（14:00-18:00）就有得供應，小編有時收工都買返個，份量都夠晒夜晚食🤩便當有得揀紫菜飯卷同炸雞口味：小編就揀左必食的辣豬肉紫菜飯捲、甜辣炸雞配韓式粉絲、豬肉餃子，仲有泡菜同甜酸漬蘿蔔。咁多野食都只系$49！而且好好味！🤯辣豬肉紫菜飯捲每次都必點的就是辣豬肉紫菜飯卷，豬肉帶甜辣味，蔬菜爽脆，非常足料，和紫菜包飯亦好夾！其他都正常發揮，特別想提及甜酸漬蘿蔔，小編估唔到咁好食酸酸甜甜的蘿蔔作為開胃菜或者總結都很不錯，同時蘿蔔非常爽脆。鍾意食呢啲漬物嘅一定唔好錯過呢個蘿蔔❤️除咗便當之外，小編都叫咗其他嘢食：吞拿魚紫菜飯捲一樣都咁好食，吞拿魚好多，魚味超濃，同啲配菜好夾，超正👍一大份有12件，超抵食。香蒜蜜糖炸雞小編最愛的炸雞，香蒜蜜糖味，無骨炸雞啖啖肉，雞肉質嫰滑，拎到返屋企，外皮依然脆卜卜，大推。人蔘雞湯今次仲試咗人蔘雞湯，呢款好啱長輩口味，人蔘雞湯雞足足有半隻咁多，仲要配埋一大碗白飯。湯底食到少少蔥花，淡淡人蔘味，以$68呢個價錢嚟講好抵食

呢排要幫公司物色到會嘅餐廳，咁岩見到呢間專做外賣嘅韓國餐廳。放眼望過去，見到佢好似好多餐牌好多選擇，喺推俾公司之前，自然一定需要試下先。呢度除左熟食，仲有啲生嘅燒肉可以選擇，有啲仲係醃好左，又真係好方便。我地揀左個二人餐，佢個二人餐都好抵食，$200有找已經包左飯卷，湯，炸雞，泡菜同埋飲品，同埋個份量絕對係超多。我想講下佢呢度嘅泡菜有兩款，一款叫原味泡菜，一款叫新鮮泡菜。我地揀左後者，原來係醃制嘅時間冇咁長，味道冇咁咸冇咁酸，我覺得好好味。炸雞我地揀左甜辣醬味，因為外賣都比較遠，所以炸雞俾啲醬整到腍左。但係佢啲雞係好滑嘅，如果熱辣辣即刻食一定勁好味。跟住仲有個烤牛肉紫菜飯卷，呢度係足一條嘅份量，見到啲料都好足，夠晒爽脆，係正嘅。我地揀左個人參雞湯，又係好足料架，有1/4隻雞，呢個除左湯嘅飯之外，再跟左個白飯，所以真係多到食唔晒。另外職員推介左個蛋卷，佢話呢個唔係成日有，但好好味。一試之下又真係好正，我覺得呢款係手工菜嚟，因為佢個蛋捲係由好多好多層做成，中層唔同嘅層數仲要夾左唔同嘅配料，真係好好味。飲品嘅選擇就全部都係韓國直送嘅飲品，有三款果汁同埋一款甜米露揀。試菜結果十分滿意，睇埋佢個

去元朗探完嫲嫲，順便買外賣番屋企食。見到有間專做外賣店既韓國餐廳，就揀呢間。地方好方便，就喺大馬路附近，千色對面，買完外賣可以去千色行住街等。不過其實都唔洗等好耐，落單後10分鐘都拎到。下午茶時間，有個tea set 好抵食。$49有一人份量，有主食2款+小食2款+前菜，可以一次過食幾款菜式。另外再叫左其他食物比爸爸一齊食。呢間外賣店比人感覺好衞生又穩陣，佢d 外賣大部分用透明膠封好晒，唔怕拎番屋企途中，或外賣員運送途中倒瀉。Tea set：（$49）🍗烤牛肉紫菜飯捲4件烤牛肉香嫩多汁，搭配醃蘿蔔、菠菜同蛋絲，口感超豐富！🍗韓式炒粉絲粉絲Q彈有咬口，拌入蘑菇、紅蘿蔔同菠菜，芝麻同麻油香點綴得剛剛好。🍗甜辣無骨炸雞2件冇骨雞件食起上黎好方便。配上甜辣醬，辣味唔多，適合食唔到辣既人，甜甜酸酸好開胃😋🍗香脆韓國豬肉餃子1件外賣炸餃子黎講，佢都算keep 到香脆🍗原味辣泡菜夠辣度，好似韓國泡菜😋🍗甜酸漬蘿蔔🍗雜菜煎蛋捲（$55）加左雜菜，營養成分更高。蛋捲煎得金黃蓬鬆，內餡有紅蘿蔔同雜菜，口感層次豐富！而且每一件蛋捲都好大件，食多2件都夠飽。🍗吞拿魚紫菜飯捲（$53）牛肉豬肉既紫菜飯捲食得多，

元朗呢間「韓國 生生市場」真係街坊福音！匿埋係街舖入面，環境簡潔但夠晒乾淨，一坐低就聞到陣陣烤肉香。必試佢哋嘅醬醃烤牛肉，85蚊一碟分量超足，牛肉切得厚薄適中，醃料甜甜辣辣好惹味，烤到邊緣微焦，入口嫩到出汁，配埋生菜同蒜片，一啖落去超滿足！牛肉紫菜飯卷53蚊有6大件，飯粒夠黏，牛肉碎勁香，咬落仲有脆卜卜嘅芽菜，口感好豐富。海鮮煎餅65蚊夠晒大件，邊位煎到金黃酥脆，入面有蝦有貝類，鮮味十足，點埋韓式醬汁真係停唔到口。最驚喜係韓式炒粉絲，價錢平到笑，粉絲炒得乾身唔黐底，帶住少少焦香，配料又多，絕對係抵食首選。埋單先二百幾，兩個人吃到捧住個肚走，元朗想食平靚正韓料？呢間絕對要試！

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！

今天我去了一間韓式外賣店，試左佢哋嘅下午茶套餐，性價比勁高！下午茶套餐套餐裡有四件烤牛肉紫菜飯卷，牛肉鮮嫩，搭配新鮮的蔬菜，味道超棒！還有韓式粉絲，甜辣炸雞，兩件的份量啱啱好，外面酥脆，裡面嫩滑，配甜辣醬真係令人食到停唔到！旁邊還有豬肉餃子，餡料豐富，沾上醬油更好吃。蜜糖牛油無骨炸雞除了套餐，我仲點左蜜糖牛油無骨炸雞，炸雞外脆內嫩，蜜糖同牛油嘅搭配今我好驚喜，甜而不膩。芝士紫菜飯卷芝士味濃，跟紫菜超搭。而且份量好多！韓式牛肉炒粉絲最後仲叫左一個韓式牛肉炒粉絲，牛肉嫩滑，成個碗面都係牛肉，粉絲吸收了牛肉嘅精華。同埋我好鐘意韓式炒粉絲，甜甜地咁，真係好好食！

天氣熱辣辣，唔想開爐煮飯，呢間外賣成日都會幫襯。每日新鮮製作嘅韓式外賣小店，味道超地道！🌶️ 必食佢哋嘅「韓式牛肋排湯」($110)🥩，湯底濃郁香甜，牛肉軟嫩入味，仲有蘿蔔同粉絲，飲完成身暖粒粒☀️。 🍙「烤牛肉紫菜飯捲」($53)同「吞拿魚紫菜飯捲」($53)都係人氣之選！飯捲包得紮實，餡料爆滿🤤，牛肉香濃多汁，吞拿魚鮮味十足，配埋青瓜、蛋同醃蘿蔔，口感超豐富～ 🥢「涼拌豆芽」($28)爽脆開胃，麻油香好突出，係完美嘅前菜選擇！

原本行去街市買餸, 路過一家韓食外賣專門店, 本打算買醬油蟹, 但見到有熟食套餐, 讚! 天氣超熱根本唔想煮, 買個套餐一次過食勻晒人氣韓食! ✨ 辣豬肉紫菜飯捲 - 餡料爆滿！微辣豬肉+爽脆蔬菜，一口一件停唔到！✨人蔘雞湯 (半隻) - 連埋 白飯一碗！雞肉嫩滑，湯底甘香，撈飯食一流！✨ 招牌原味無骨炸雞 – 外皮脆、雞肉 juicy！✨ 新鮮辣泡菜 – 超讚！爽脆解膩，酸辣夠勁，正宗韓式風味！✨ 韓式飲品2罐, 好多韓系飲品選擇啊! 最後再加個韓式炒粉絲 - 粉絲Q彈，配料豐富，甜甜哋好滋味！套餐價錢好抵, 套餐係2-3人份, 但基本都食唔晒! 

每次想食韓國嘢 首選一定係生生市場味道同價錢都係CP值以上佢哋而家平日仲出咗下午茶set 而且份量都唔少 變相更加抵食👍🏻今次我就買咗兩份下午茶加小菜❤️🔷烤牛肉&辣豬肉紫菜飯捲🍙飯捲包得實淨 紫菜脆口 仲有啲芝麻香烤牛肉juicy唔乾身 豬肉辣得嚟香口加埋啲醃蘿蔔絲好開胃🔷原味&甜辣無骨炸雞🍗炸雞外皮香脆肉嫩仲有肉汁甜辣醬唔會太辣 重點係冇骨 啖啖肉超正🔷韓式炒魚🍢魚糕軟糯 煙煙韌韌 醬汁甜辣 好快就食晒🔷涼拌波菜&新鮮辣泡菜🥬波菜鮮甜爽口 好香麻油味泡菜爽脆唔會太酸 辣度啱啱好用黎做小菜 送飯一流 🔷魚餅串湯🍲湯底清甜有蘿蔔同蔥香 魚餅吸晒湯汁 人均$100左右就食到 性價比高炸雞同飯捲必encore👍🏻

成日經過千色都見到好多人喺呢間韓國嘢度嗌外賣。最近天氣好熱唔想煮飯，又想食啲清爽啲嘅嘢就諗住試吓佢。🌟2至3人套餐 （$198）佢有3款套餐選擇，我今次就揀左套餐A,$198已經有齊飯卷湯、泡菜炸雞同飲品。套餐好豐富😍🐮烤牛肉紫菜飯捲佢嘅烤牛肉用料都好足，而且食落又淡淡嘅芝麻油香味😍蔬菜捲埋一齊食，味道好好🐣人蔘雞湯佢嘅人生都同我差唔多落咗半隻雞🤣份量足夠不再華夏皆飲落得好清甜，啱晒想食清淡啲嘅時候，叫一碗感覺都幾滿足㗎🍗甜辣無骨炸雞呢款炸雞唔算太辣，我相信大部份人都接受得到，口味都幾開胃，加上每一件炸雞裹滿咗甜辣醬。雖然係外賣，但係佢嘅外皮，都keep得脆身👍呢一點係幾驚喜嘅🥬新鮮辣泡菜極度推介大家去試呢個新鮮辣泡菜 ，送飯真係一流😍新鮮泡菜係每一日新鮮醃製嘅。泡菜口感就會爽口啲👍佢嘅辣味都啱啱好👍食過我同老公都停唔到口🐙泡菜煎餅（$55）我哋額外仲叫咗個泡菜煎餅，泡菜味道都幾出，而且餅底做得好有咬口👍👍另外佢原來仲有到會餐牌，都幾抵食而且款式都幾多，下個月父親節於嗌佢😍🍴生生市場 (元朗)📍元朗教育路2-6號捷榮樓地下C號舖

🌟話說前幾日放假日就做乖乖女，娘親話怕多人唔想出街食，我就去咗元朗朋友介紹呢間韓國外賣店做外賣妹拎比娘親同屋企人食😋我叫左左個下午茶餐（$49)，有烤牛肉紫菜飯捲、甜辣無骨炸雞、韓國粉絲同泡菜、醃蘿白都係唔使$50蚊，性價比好高。之後我再叫個左個2至3人套餐（$198)，包左辣豬肉紫菜飯捲、蘿蔔魚糕湯、原味無骨炸雞🍗、新鮮辣泡菜同兩個飲品🥤（甜米露、梨汁）。啲飯捲超好食😋😋，炸雞係用雞上脾肉整，好嫩好多汁，餐廳超用心，而個新解辣泡菜都係餐廳招牌，好爽口個醃調味道都整得好好👍🏻，呢間食完真係唔推薦比大西北既朋友都對唔住自己呀，因為真係太好食啦🤤❤️上網search左，呢間生生市場原來係灣仔都有分店，港島既朋友有機會都可以試下啦😎

間唔中都會諗起嘅一間韓國菜，由其位於比較方便嘅位置，位於元朗千色店對面，今次食嘅係泡菜炒飯，而辣度非常適合我自己，因為我本身都唔係好食得辣，所以唔太食到辣嘅朋友仔都可以叫尼個好食嘅泡菜炒飯尼試下