生生市場 (捷榮樓)

營業中

休息中

落雨天吾想煮飯，最岩外賣返屋企食，見呢間韓式外賣店開左一段時間，一直想試下，就揀左呢間外賣。叫左一份半半炸雞，即系2種味道既有骨炸雞，各半份。半半炸雞 $188蜜糖蒜蓉炸雞 & 蜜糖牛油炸雞蜜糖牛油炸雞無汁，較乾身，有啲香草、蜜糖牛油粉味道甜甜地，雞皮炸得有少少脆口，有雞翼、雞髀各一隻，另外仲有啲雞胸肉。蜜糖蒜蓉炸雞有蜜糖醬汁，味道偏咸，仲有啲蒜蓉粒，另一番風味。另外叫炸雞會跟醃蘿蔔粒，可以解膩。醃蘿蔔落左啲檸檬，味道酸得黎會fresh d，岩返香港人口味。生醃魷魚 （細）$70包裝幾企理、乾淨，味道會比較咸一啲，所以煮左啲飯，配白飯食幾好！

假期過左黎元朗走走，想買外賣回家！剛好看到生生市場專賣韓式食品涼拌菜、炸雞、韓式飯卷、主食也有！價格都幾相宜，平過去餐廳食好多添亦有供應多人套餐～份量挺多都係$200幾左右來一幅大合照，超豐富！涼拌菠菜 $25韓式菠菜我最喜歡，軟軟嫩嫩韓式炒粉絲 $45雖沒有肉的加持，但有很香的胡椒同芝麻味！辣豬肉紫菜飯捲 $48 看上去餡料很足，有雞蛋卷、辣豬肉、酸蘿蔔、紅蘿蔔絲青瓜絲，口感豐富！拉麵（公仔麵）炒年糕 $58超大一碗，配料有魚糕、年糕、拉麵、雞蛋加上經典韓式甜辣調味～原味無骨炸雞 $72 大份選了無骨炸雞啖啖肉，大份有12件左右

係元朗搵到間又平又好食既韓式小菜外賣店 , 平時都中意食韓食 , 估唔到佢既韓食平得黎又咁高質 , 即卡 bookmark 左佢下次瘋狂 encroe吞拿魚紫菜飯捲餡料超足 , 推介 , 入面既青瓜絲 , 蘿白 , 黃瓜 , 蛋絲食落好 fresh , 配埋吞拿魚蓉更 match , 抵食之選韓式炒粉絲超大一碗嚇親 , 食完已經半飽 , 粉絲軟硬岩岩好 , 食落好開胃 , 甜甜地既醬汁唔會太濃味都係岩岩好 . 值得一試甜辣無骨炸雞唔算辣 , 食唔到辣既人完全可以接受 , 炸粉岩岩好 , 番到屋企食都仲有脆度 , 雞肉好嫩滑香口 , 勁抵食 , 雖然係細 size . 但份量都好多海鮮煎餅算係比較厚既一款煎餅 , 海鮮用料十分足 , 有勁多八爪魚同蝦肉 韓式炒魚糕傳統韓式魚糕片加上獨制醬汁去炒熱 , 魚糕夠厚實 , 咬落去魚肉味香濃 , 超正另外仲有勁多菜式選擇 , 連醬油蟹都有得賣 . 仲有唔同既小菜 , 野飲款式都好多 , 中意韓國風味既朋友一定要黎試試佢

鐘意食韓國飯捲，炸雞小食嘅朋友唔好錯過呢間「生生市場」，係灣仔同元朗都有分店。今日經開元朗，又叫左幾份小食當lunch 👍🏻大份又抵食叫左2款飯捲，炸餃子同韓式拌粉絲。 烤牛肉紫菜飯捲：牛肉係一絲絲的，好易咬開😋加埋少少泡菜，好惹味芝士紫菜飯捲：呢個必食👍🏻❤️加左芝士真係好香，又滑口。加芝士食，真係特別有韓國風味❤️香脆韓國豬肉餃子：🤩鐘意食香口野嘅朋友必食🤩 個餃子皮炸得超脆，金黃色又靚又香口👍🏻 豬肉餡又好多肉汁😋好好味。 韓式炒粉絲：粉絲彈牙爽滑，配料又多，有蛋絲，蘿蔔絲，青瓜絲，菠菜同雲耳。 涼拌又多蔬菜，口感好清新。份量都幾大份，飯捲切埋每份有10幾舊，粉絲亦好大碗。我地2個成年人食都食唔曬👍🏻價錢合理，十分抵食🥳

約咗一班朋友去佢屋企打麻雀，叫定外賣 。買韓國飯團就啱啱好，食得又乾淨，又唔怕食物變凍唔熱。烤牛肉紫菜蛋捲$53 全部食物都係密實真空，非常衛生，飯團包得好紮實，而且好多紅蘿蔔絲，同埋蔬菜牛肉比例非常多。另外朋友就叫咗韓式火腿紫菜飯卷$42 大致上都係同牛肉飯卷差唔多只係換咗厚實的火腿。另外我哋仲加咗泡菜豬肉湯配白飯$68 見到碗湯好大碗，而且好多豆腐同埋泡菜豬肉佢係即點即煮。食韓國菜點少得泡菜呢最鍾意呢一度個泡菜有大中小三個份量 。新鮮泡菜（中）$58店員介紹新鮮泡菜冇原味泡菜咁辣。可以就咁食。另外再加咗牛蒡$40 小可以去水腫 ，甜甜地好爽脆。整體乾淨有衛生，價錢有合理，三位店員好爽手咁包外賣訂單都好多。

發掘到一間抵食又高質嘅小店，餐牌非常友好，炸雞可以選擇一人份量，絕對會再encore，下次會試埋醬油蟹 😋 蜜糖蒜蓉無骨炸雞 $48香甜口味嘅炸雞，做到外脆肉嫩嘅口感，香香甜甜鹹鹹，啖啖都係肉。芝士紫菜飯捲 $48有幾層唔同嘅餡料，食落去層次豐富，芝士味道突出，而且份量真心多😳 足料又大份，適合二人分享。韓式蜆肉大醬湯 $65一向都非常鍾意大醬湯，配料豐富，除咗海鮮，仲有豆腐同蔬菜，拎到返屋企依然熱辣辣😋生醃魷魚 $70推薦！調味啱啱好，唔會過鹹或者太酸，香香辣辣，而且好新鮮！-----------------------------

元朗餐廳系列又嚟啦🙆🏻‍♀️呢間已encore 10次唔係講笑😂相信都係元朗人外賣首選🫰🏻平時最中意買佢哋嘅Kimbap做lunch/ dinner ! 今次叫左二人餐食得豐富啲❤️ 佢哋二人套餐絕對係物有所值🙌🏻 佢哋嘅Kimbap 有多款口味選擇🤤 芝士紫菜飯捲非常足料，除左半融芝士🧀️仲有蛋絲、青瓜絲、酸蘿蔔、紅蘿蔔絲等等好爆餡🙆🏻‍♀️ 食落啖啖麻油香，口感層次豐富😍烤牛肉拌飯同樣好多配料😗 配菜色彩繽紛～除左牛肉仲有多款蔬菜，營養豐富🫰🏻加埋甜辣醬撈匀食好惹味🥳 加左少少錢轉左炸醬麵🍜 中意炸醬麵嘅麵條幾彈牙👌🏻搭配上濃郁的黑豆醬，鹹甜平衡得唔錯🤣 泡菜煎餅外脆內軟，搭配上酸辣嘅泡菜，好開胃😗而魚餅串湯嘅湯底味道好清香，鮮味十足，魚餅厚實😌佢哋仲有醬油蟹、炸雞同好多前菜可以買返屋企慢慢嘆🙆🏻‍♀️ 飲品都幾多選擇，甜米露、燒酒、唔同soft drinks 👍🏻

今次外賣韓國菜返屋企做晚餐🥳.三樣食物都令我哋好滿意！韓式牛肋排湯份量好足，入面都有五六件牛肋骨，牛肋肉已經煮到好軟腍😁海鮮煎餅熱辣辣食係最正，所以我拎到返屋企之後用氣炸鍋翻熱咗先～海鮮煎餅煎到脆脆地，點埋酸酸辣辣嘅靈魂醬汁，好食😋生醃八爪魚同平時食到嘅一樣，就咁食會有啲鹹，送飯食就最正啦😁我哋買咗S size都食唔晒，要留返啲雪番落雪櫃下餐先再食🤭.另外仲買咗兩罐去韓國市場必飲嘅甜米露($7/罐)自己再炒多一個菜，就成功喺屋企食咗一個簡單又好味嘅韓式dinner🤣

喺元朗千色廣場呢邊開左間幾大既韓國外賣食店，好大個招牌寫住“生生市場”。附近街坊都幾多人去買外賣，今日我就去試下外賣自取。佢一般傳統韓式食品都有，例如有炸雞年糕水冷麵飯捲燉湯品醃菜拌飯咩都有，如果想買生肉返去做韓式烤肉，佢都有。佢都有幾款2-3人套餐，好似更加抵食。我今日叫左個$198既2-3人套餐，1款飯捲+1款湯燉（配白飯）+ 1款炸雞 + 1款泡菜 + 2款飲品。兩個人都食唔哂，好飽! 🔶️辣豬肉紫菜飯捲（ 8.2／10） 好大份，有成10舊飯捲。最欣賞佢係密封包裝，好乾淨衛生。 🔶️甜辣無骨炸雞（8.5／10） 無骨炸雞食落最開心最方便，啖啖肉。甜味突出，唔算太辣。 🔶️人參雞湯（半隻）（8.5／10）冇試過外賣都可以食到人參雞湯拌飯，仲要價錢唔貴之餘仲有成半隻雞喺入面，都幾足料。我覺得人參味可以再重啲。 🔶️新鮮辣泡菜（ 9／10）最中意呢個辣泡菜！佢有兩款泡菜，一款“原味辣泡菜”，一款“新鮮辣泡菜”。店員話“新鮮辣泡菜”係每日既整，味道偏甜；“原味辣泡菜”就係醃左一段時間，味道偏酸。我揀左偏甜嗰隻，味道好易入口，又有新鮮感覺！ 🔶️海鮮煎餅（$58， 8.8／10）我地另外加左個海鮮

👅 生生市場香港都可以食到韓國住家飯的味道😋位於灣仔和元朗的生生市場為韓式外賣店 店內有多達50款泡菜及前菜 例如生醃魷魚 汁煮鵪鶉蛋等 都係由阿珠媽用韓國食材在香港手工炮製😙 令大家都可以一嚐韓國媽媽的手工味道 👅店內亦有售韓國即製熟食 當日見到店舖頻頻接單 可見人氣之盛！——————————————————————🐔韓式炸全雞 （半半$188)炸全雞可以選半半口味採用了兩層炸法 脆口同時保留肉汁芝士口味混合了車打芝士和巴馬臣芝士芝味咸香濃郁 是帶有奶味的那種食落好像韓式芝士拉麵湯底蜜糖蒜茸則偏向醬油口味😚伴上的醃蘿蔔很特別地加入了檸檬為爽脆的蘿蔔塊添了香氣食落亦更清新開胃🎏🍙 韓式火腿紫菜飯捲 （$42）云云口味中選了最經典的裏面包了滿滿的蔬菜夾上微煎的厚切火腿條簡單樸素亦美味😙🐟魚糕串湯 （$20）有別於傳統魚糕片店舖選用魚糕棒與鰹魚高湯⼀同熬煮用以解膩是不錯😙——————————————————————┍━。━。━。━。━。━。━。━。━。━。━。┑🏠 店名：生生市場 (捷榮樓) (元朗)📍元朗教育路2-6號捷榮樓地下C號舖📍灣仔堅拿道西15號永德大廈地下G13號舖┕━━━━━

唔知食咩好嘅下午經過生生市場，見好耐無買飯卷，今日就食佢啦。叫左一份炸雞同幾個冷盤，炸雞即叫即炸，其他就一早預備好，落order就從雪櫃拎出黎，感覺衞生😋🐓原味無骨炸雞好香口的炸雞球，雖然係外賣，拎到返屋企都仲熱辣辣㗎，依然脆口，無骨雞啖啖肉好正🤤🌶️辣豬肉紫菜飯卷至愛食飯卷，辣豬肉口味辣同帶甜好惹味，勁足料，餡料仲多過飯😆🧀芝士紫菜飯卷仲叫左芝士口味，雖然雪住賣，但飯卷仲係軟綿綿，食得出新鮮做，塊芝士仲瀜添喎🤤🌱涼拌菠菜韓國涼拌菜又係正，是日就揀左菠菜，爽口有蒜香，仲有芝麻香，好食😋🌀涼拌蓮藕另外仲有蓮藕，細細件薄切，一口一件啱啱好，甜甜地好好味😋🍑蜜桃烏龍茶天氣好熱，仲要左支蜜桃烏龍茶邊行邊飲，蜜桃味好香茶味清新，微甜啱口味，仲要係冰冰涼涼好正🧊咁多野食同屋企人慢慢嘆，睇住片食炸雞一流呀😘

元朗生生每逢飯點都有條小人龍排隊，餐廳主要係做外賣，除左煎餅類、炸雞等因為係即叫即整需要等耐少少，其他都已經預備好係雪櫃入面，所以就算有人龍都好快就拎到野食😗🔸涼拌菠菜（小）用上蒜蓉同麻油調味，好怕菠菜會有青澀味，但餐廳處理得好好🔸涼拌蓮藕（小）用醬油醃製，但又唔會過咸，蓮藕仲保持到爽口既口感🔸雜菜煎蛋卷蛋卷已經調左味，而且入面已經拌左蘿蔔粒同蔥粒，中間再卷層紫菜🔸泡菜煎餅每一塊入面都食到泡菜超足料，香香脆脆🔸烤牛肉紫菜飯卷飯卷入面有蘿蔔絲、醃蘿蔔、牛蒡、蛋同青瓜絲，炸牛肉係中間，真係配料都多過飯👍🏻🔸韓式辣豬肉午餐盒前菜有成5款，辣豬肉唔會炒到碎碎咁，而且個汁好好送飯，餐盒仲跟左個大醬湯，唔會過咸蔬菜量又多餐廳為元朗帶黎高質又正宗又方便既韓國菜，仲有個好大隻既oops，成件事真係好local咁👍🏻

懶人如我成日都黎買外賣 😂因為方便又好食 而且價錢都唔貴仲有超多款式揀 日日食都唔怕悶~-🔸烤牛肉紫菜飯捲 $50🔸辣豬肉紫菜飯捲 $48足料飽到傻既飯捲 無論食牛定食豬都一樣咁豐富好過自己買料整😂-🔸海鮮煎餅 $58即叫即做既海鮮煎餅 餅底都好厚 係海鮮唔夠多-🔸魚餅串湯 $20個湯都幾清甜 魚餅有兩條係厚實有咬口的-🔸甜辣無骨炸雞 (大)$78多款口味無骨炸雞 仲可以揀細定大份炸雞都唔會好乾 雞肉都幾juicy-📍生生市場 (捷榮樓)📌元朗教育路2-6號捷榮樓地下C號舖

💖呢間韓式料理外賣店係灣仔同元朗都有分店，基本嘅韓式拌飯、紫菜飯捲、炸雞、韓式年糕、魚餅湯等，仲有醬油蟹🦀️、人參雞、水冷麵等約50種菜色，同堂食餐廳menu有得比！1⃣️烤牛肉拌飯🐮 $63💖配料包括烤牛肉、胡蘿蔔絲🥕、翠玉瓜、菠菜、芽菜、泡菜、紫菜同煎蛋🍳。烤牛肉除左肉香仲有絲絲清甜，口感較普通烤肉軟。蔬菜搭配韓式拌飯醬更清新。2⃣️辣豬肉紫菜飯捲 / 芝士紫菜飯捲🌯 $48@💖之前去picnic都買過佢地嘅kimbap，$43起嘅定價比大部分店鋪抵，而且包裝都好方便係出面食。今次要左辣豬肉🐷同芝士🧀兩款，配料包括胡蘿蔔絲、青瓜絲🥒、醃蘿蔔、雞蛋絲🥚、牛蒡絲、生菜🥬等，飯粒飽滿。辣豬肉偏甜辣、微開胃，豬肉為飯捲更添濕潤感。芝士個款有火腿，配上芝士香軟好味。3⃣️辣炒年糕🌶️ $45💖有年糕、魚餅同雞蛋，醬汁辣得黎濃稠。年糕有嚼勁同飽肚感，魚餅香軟、吸收左醬汁更開胃！4⃣️韓式炒粉絲🥬 $45💖配料有冬菇、胡蘿蔔絲、菠菜、洋蔥🧅、木耳等，蔬菜減低炒粉絲嘅油膩，食落輕盈唔heavy！💖除左單點仲有各種套餐、便當🍱，計落更抵食，元朗分店係千色廣場對面，黎地鐵站🚉都幾近，幾時想食韓國嘢都方便！

路過千色又想食韓國嘢都會買生生返屋企講真佢啲嘢係幾高質，靚過好多餐廳嘅出品有幾款我食過好多次，強力推介蛋卷出面真係食唔到咁足料嘅蛋卷入面卷住嘅係韓式麻油紫菜，食落特別香！如果鍾意食蔥嘅啱曬個蛋微甜，我覺得適中唔算太過甜一盒有九舊，勁大舊一個人係冇可能食得曬的😂飯卷佢都有幾多款式，我就鍾情牛肉紫菜都係麻油紫菜牛肉用甜豉油煮，微甜入味中間有甜蛋，蘿蔔絲青瓜絲牛蒡，漬物黃瓜等青新脆口呢蔬菜一客印象中有15～16件㗎份量呢間真係冇得輸今日試新嘢，就係原味炸雞全隻平時唔叫因為怕拎到返屋企淋曬見今日有車一於試下！但我發現我嘅擔心係多餘嘅🤣佢個外賣包裝幾有heart㗎錫紙底，保溫加防漏油整淋個紙盒上面打開少少吹氣，唔會焗淋個脆皮原味幾好，個調味我覺得幾啱胃口唔過鹹，皮唔厚，幾多肉一隻雞個盒啱啱好夠裝曬兩個人食要分兩餐🙈炸雞講真唔算貴自覺抵食過好多餐廳即叫即炸嗰下有誠意預大概要等十分鐘左右啦，合理👍送左盒漬蘿蔔，配炸雞解膩有啲檸檬味幾清新，好食喎！