生活知味台式餐廳

以前間生活之味係元朗廣場架，不過可能租貴所以而家搬左黎大馬路。好耐冇黎過幫襯了，呢日同媽咪好有興趣番黎食番，一入去岩岩好有張卡位，吾洗等位，不過個位就係牆後面，遮住哂，搞到想舉下手搵人黎寫下單都難-3-"(睇吾到)，之後我地睇餐牌，睇下有咩食啦~~ d價錢加哂，不過而家通漲得咁緊要，都算係正常既，最緊要係價錢加d食物都加咁就合理喇﹗下午茶：我地叫左兩個餐，$23 擔仔米線﹑蒜香土司﹑港式奶茶，咁多野食都只係$23，好抵﹗食到媽咪好飽-3-" 我就叫左炸雞柳米線﹑朱古力土司﹑珍珠奶茶+$2，共$27，都算抵﹗擔仔米線d擔仔都幾好味，令清湯既米線添上一份色彩，不過兩件土司就硬"斌斌"咁-3"好似留左好耐咁…雞柳米線就分開上，咁樣吾洗令到雞柳淋哂，幾好﹗不過d 米線好"淋"，同埋個碗超大陣漂白水味，搞到d 米線索哂d漂水味，有少少難頂...珍珠奶茶(凍)就好淡，不過就好大杯，算抵飲﹗Overall都值得去試既，如果好肚餓去食就岩，因為真係夠哂飽，價錢都合理﹗…查看更多

某天和媽媽一起吃lunch, 選擇了這裡已經不是第一次來了, 之前也來過不少次一直覺得不錯我特別喜歡這裡的糖醋排骨, 飯和米線都同樣愛!這天我如常點了糖醋排骨米線, 很好吃糖醋排骨味道仍然很好而媽媽點了雞排飯等了大約15分鐘來的的雞排竟是亳不熱的, 只是還未到泠而已然後媽媽請了waitress過來, 問她是否即炸她想了想 說 是的媽媽說 可是, 都變淋了, 一點也不脆, 而且一點也不熱她說 只是放了太久但我們都知道, 沒有一定時間, 味道也不會這樣我們的感覺是, 這家店連把雞排"返炸"都懶我會再來的, 因為我真的喜歡這裡的糖醋排骨, 可是, 炸的食物應該不會再選擇了!…查看更多

今次係因為上次約食飯個frd 有心事，所以過兩日再同個frd係元朗食。由於我想食台灣嘢，所以佢就帶我黎呢間試下。 我叫咗香酥炸豬扒肉燥飯，肉燥飯不油不膩，唔過鹹(我食過d 好鹹)，加菜，感覺上變得好清淡，中和哂。我好鐘意塊豬扒，香，size尚可。元朗食嘢真係平，三十多元，算係咁la。…查看更多

好多唔同選擇:米線,肉燥飯,厚多士等等我覺得伴面系列最好味,而且唔係咁多地方可以食到,因為有花生醬做配合,真係形容唔到咁好食,尤其是肥牛伴面,好食,值得推薦 :-D飲品都好多選擇.而且都好好味大家都去試下啦…查看更多

上星期有2日係元朗做野~一日去左食好味牛丸, 另外一日就去左食一間台式餐廳叫生活知味.坐底左個印象就唔係咁好啦, 因為個位滴水既~好啦.叫野食啦~我地叫左台式糖醋排骨肉燥飯餐, D飯OK既, 但比較凍左D者~但係呢個排骨呢就幾好食啦~幾香口, 份量都OK多架~另外台式手撕雞碗仔翅係跟餐上既~個手撕雞好難LOL, 咩味都冇, 個碗仔翅就OK好味啦~另外個皮蛋肉鬆豆腐都都OK既~但佢杯野飲幾難飲~…查看更多

與爸子和妹妹子站在元朗的街上，正值午飯時間，去那裡食好呢？這個問題又落在妹子身上，因為爸子一往如常採取’事但’政策，唉！就行到邊面食邊度喇~行到生活知味門口，餐牌都沒望就入座了，方便嘛~食完門口車站搭車閃！見到2人餐比散叫抵吃~又包碗仔翅~小吃~飯麵同飲品，足夠3人享用望落都幾多雞絲，但至於好吃與否就沒有期望，面頭的油脂凝固了一點點，就知唔熱喇！食落更杰撻撻，有點吃啫喱的感覺！份量都很多，大條之餘粉漿不算厚，最快清場~真是夠香脆，脆到變焦黑，還帶苦澀味！雖然夠熱辣，但完全扣分估下甚麼來的？肥牛也，簡直醬汁浸肥牛，咸到甚麼也忘記了！妹子吃了一片後..都是用魷魚鬚送飯吧..肥牛跟的肉躁飯，有點香菇粒和豬肉粒，但不足以撈飯吃且汁比較少..飯正常湯底非常杰身，又是杰杰的醬麵類，牛展都ok無問題可能是台式食品比較濃味和稠口，而飲品大多是珍珠奶茶，綠茶紅茶之類~妹子就要了珍珠奶茶走甜，妹妹子就要了共茉香珍珠，不過妹子覺得比起上次來食物質素明顯變差了..下次應該都不來了！…查看更多

星期六的晚上, 和老婆去了這間生活知味吃晚餐. 因為愈來愈差的關係, 我們已經有一段時間沒有幫趁過了, 當天反正沒有甚麼特別的東西想吃, 所以再度重臨, 順便看看它現在的水準如何.論環境, 迢兒都算不錯, 尤其是卡座位置, 夠闊幾好坐. 今次點了個二人餐, 因為有中湯x2, 台式小吃x2, 飯/米線x2和飲品x2, 計落都幾抵.中湯是冬瓜煲雞腳, 頗淡, 無味, 尚幸不是味精湯, 都可以飲.肉燥燙小棠菜(小吃之一)因想要食些蔬菜,所以小吃其中之一選了這個. 份量很小, 只有菜5條. 最難接受的卻是這一小碟菜上面竟然有很多油, 非常不健康, 睇見就唔開胃, 要隔去油才敢食. 肉燥只有小小數粒, 可有可無.盬酥魷魚鬚(小吃之二)味道幾好, 魷魚都叫爽口和香脆, 沒有炸得很熱氣, 但只有四條, 很少. 鹵肉雞扒大碗飯鹵肉份量很多, 而且幾好味, 有肉碎之餘又不太鹹, 用來撈飯不錯. 雞扒炸得香口, 件數合理, 但雞肉本身又硬又淡而無味, 証明調味時做得不好, 一般!咖喱雞扒飯咖喱汁幾杰身, 但不夠香, 而且沒有辣味, 完全不似食咖喱. 雞扒件數偏少, 只有4件咁大把. 最難明的是雞扒點滿了咖喱汁後竟然有酸味, 入口怪怪的, 總之難食, 差!熱朱古力我的飲品點了熱朱古力, 但完全不是朱古力應有的味道, 似阿華田多些, 而且甜到不得了, 我即使不落糖都覺得過甜, 難飲!! 老婆的熱檸水普通飲品一杯, 無特別, 不用說.隔了這麼久沒有來, 但總體食物質素平均還是差多過好, 我想以後如非沒有選擇都不會來了.…查看更多

同男朋友係元朗搵食悶悶地黎左生活知味試下新野啦叫左2人套餐一百蚊倒主菜飲品都幾多配搭例湯我地揀左2個碗仔翅呢個唔好味,杰到似膠水主菜叫左全牛米線同沙薑雞飯味道ok小食盬酥雞翼同豬腸賣相麻麻架,不過食落又幾好味飲品布丁可可同奶荼都ok整體黎講味道都幾好,係賣相差d啦,最緊要係抵食,值得再幫襯呀…查看更多

難得星期六不需開工到元朗行街, 行到有 D 餓, 就隨意找間多人 D 食肆下午茶, 心想多人等位都應該差極有限, 果然行到馬會附近有間食肆門口及店內都企滿等位食客, 最票等了五分鐘就有搭檯位.坐落就立即叫了兩個下午茶1. 台灣牛肉米線 ( 牛肉非常香; 很入味; 很 "淋" ) + 蒜蓉吐司 ( 一般 ) + 茉香奶茶 ( 茉莉青香一流 ) $272. 台灣小鍋米線 ( 其中炸醬幾香; 酸菜味恰好 ) + 藍梅吐司 ( 一般 ) + 台式奶茶 ( 茶夠香 ) $27星期六入座率 95% , 要等位都算值得!…查看更多

吃過了晚餐、逛過了要逛的店子後，大家都想找個地方坐一下、喝杯凍飲才回家去，於是就選了這家幫襯過好幾次、質素穏穏陣陣的台式飲品店。在八時左右的時間，兩人只各點了一杯飲品，也難怪會令落單的姐姐報以一聲「係咁多?...哦。」作為回應的 1. 凍珍珠烤奶茶 ($14)- 奶茶味道還好，不過比起個人喜歡的HappyLemon，茶味還是可以再濃一點的- 飲品送桌時才忘了要叫少甜，幸好原來甜味也適中- 珍珠就不太好了，有些還是太硬，有些就太淋(邊位已開始變jelly狀=_=)，吸啜時總會塞在飲管間2. 香芋珍珠奶茶 ($1x)- 如對面馬路的茶飲店Boba，這杯又是另一杯難喝的淡香芋味奶水 =_=- 這杯就連甜味也淡淡的，很可怕- 在哪兒才會有正常一點的香芋珍珠奶茶?坐了差不多半小時，看見門口有人在等位了，就乖乖地結帳離開。這裏的坐位算是舒適的(起碼比價錢高一點、但座位逼一點的仙XX連鎖店好)，可以一坐，但要好喝的台式飲品還是往別處找好了 …查看更多

★ 豬扒拉麵豬扒size和味道還ok 如果再大塊一點更好但拉麵太淋了 吃到最尾不用咬拉麵已斷了★ 香so雞柳拉麵雞柳頗脆 而且份量蠻多的 岩我加上酸甜醬很好味拉麵還是一樣的淋★ 椰香吐司最後才來到 暖暖的脆脆的 加上椰絲 很香口★ 藍梅吐司每次都必叫藍莓味 很喜歡其甜甜的味道妹妹說是藥水味 但我不覺 反而覺得很好味★ 茉香奶茶正常…查看更多

夜晚突然想去生活知味食個個2人餐98蚊有好多野食呢點左1個炸雞扒肉燥飯1個炸雞柳米線另外仲揀左炸豬扒同手撕雞碗仔翅唔錯幾好味炸雞柳1貫既好味但今次炸雞扒就差左小小好大舊粉炸豬扒都唔錯幾香口雞食落去唔知點解好開胃有小小似冷盤既感覺唔錯唔錯另外仲叫左荔枝玉露好好飲佢仲有埋椰果(？)我最鐘意食的不過實在太飽喇根本食唔哂3個人既分量應該要搵多個人黎SHARE先得喇-V-…查看更多

又係行完街,唸左好耐都唔知食咩....記起有間食台灣野既,於是就入去試下囉(因為我見到果到有柯仔煎,唔係好多間食台灣野會有既)柯仔麵線個湯d味好濃,食落似卥水汁,又似蒜容汁,d麵線未夾已經容到化開,而且又小,食完好似咩都冇食過一樣,d湯好似張糊一樣記得係大陸食過既柯仔麵線,d麵都係比較腍,湯都係傑d,但係冇依到咁誇張,係好好食嫁,所以食完依碗真係好失望 柯仔煎(冇叫到)本身入黎之前係想叫既,但係睇佢幅圖都唔似樣,只係似一塊打冷既煎豪餅,所以唔敢叫,我食過d柯仔煎係一塊好似半透明,上面有d汁,加埋d芫茜係上面,正係諗已經流哂口水喇,可惜依到完全係兩會事丫..........醉雞米線尚算ok,碟雞都幾大碟差隻雞翼就半隻雞黎,個米線真係好清湯下囉一個字 (淡) 本身想食下懷念已久既柯仔麵線同柯仔煎,但係都令我好失望囉,唔通真係要返大陸食先可以食返果種味道......…查看更多

今朝一家人去食早餐見呢度有台式吐司 又好耐冇食過 就入左去第一次食呢間野早餐有半件吐司加一個麵加一杯野飲我叫左雞排米線+朱古力吐司+凍水蜜桃綠茶個米線冇乜特別 就唔講啦講下我最期望o既吐司我expect佢係o岩o岩整好 熱辣辣 脆卜卜但拎到出黎唔熱唔暖 又林bad bad咁個水蜜桃茶又苦word水蜜桃味又臭早知飲凍0T好過又唔洗+2蚊>"<…查看更多

自從放暑假,就冇再來呢度食早餐...元朗廣場個間執左,已經飲唔番個隻台式奶茶既味道...諗住咁耐之後,睇下可唔可以飲番個種味道啦。都係照舊要豬扒+蜜糖腸通粉+台式奶油吐司+台式奶茶全部野都冇問題,而個蜜糖腸已經轉左第二種係黑橋牌個隻,但係比以前細塊左超多,又細又薄,見到都打個突呀!個奶茶呢...最終都係飲唔番以前個種味道,但係比初初開鋪個陣好飲好多啦已經算係咁啦...…查看更多