甜牙牙

營業中

休息中

甜牙牙呢間甜品舖係我中學年代成日來食，有時候行過呢邊都排長龍，咋晚同朋友食飯特登行過睇下要唔要排隊，幸好我地2個人有位，即刻安排入座，本Menu好厚，都多了好多選擇，有窩夫、有pancake和芋圓等的甜品可以選擇，水晶紅豆芋圓杯配料十足,有爆爆珠、小丸子、紅豆、西米、芋圓及透明啫喱，味道不錯，仲要係小丸子和芋圓口感煙韌，略嫌啫喱冇乜味，整體都不錯。芒果窩夫派對窩夫由於即叫即製，所以大概需要等15分鐘，窩夫切下去都係比較軟，不過咬下去個口感就一般，芒果雪糕的味道好重香料味。下次會想試下pancake

收工肚餓又口痕，於是拉埋男朋友去食個甜品，慰勞下自己先。本身揀甜品就心大心細嘅我揀左甜牙牙，貪佢啲甜品都好多配料🤤🤤🤤正~🛎️ $52水晶紅豆芋圓杯（寒天水晶、芋圓、小丸子、紅豆、西米、脆珠、椰汁）芋圓杯擺碟好精緻，配料非常豐富🫘芋圓嘅用料十足，地瓜味好出，仲有抹茶味🍵出奇地好夾，小丸子煙韌有咬口，椰汁配上紅豆就好似紅豆冰咁！係完美配搭❣️🛎️ $52 水晶仙草芋圓杯🥣（寒天水晶、芋圓、仙草、西米、脆珠、椰汁）唔鍾意太甜，但又想食芋圓杯可以揀仙草，仙草味道甘甘地又滑溜，寒天水晶晶瑩剔透、切割面超靚😍另外，真係好鐘意椰汁、西米配脆珠嘅組合，椰香味濃🥥脆珠爽脆，食落口感好豐富🥰🥰🌐環境/服務繁忙時段可能有機會要等位🙈座位幾闊，坐得幾舒服👍🏻店員都好有耐性，我冇即刻落單都唔會係咁催我俾壓力，抵讚～👍

係旺角鬧市之中想搵間好食嘅甜品都幾難，出面啲甜品店貴得嚟又唔好食，今次終於試下呢間甜牙牙！每次行過望到門口嘅menu都好想試，但係又冇入到去！一入到去門口，店員好有禮貌咁即刻安排我地坐企，但因為我地入去嘅時候大約8點約，店舖唔多人諗住坐得舒服少少坐4人枱，但店員要求我地都要坐返2人枱🥲 不過都合理嘅，少少唔開心甜品方面叫左：朱古力心太軟$68同埋芒果窩夫$76，個人嚟講發覺兩個甜品都冇圖入面咁吸引，心太軟朱古力味好濃，但係有小小細個，個價錢都會相對比較貴，芒果窩夫就真係一般，唔太建議！

去到旺角想食甜品就會諗到依度，位置在好景商業中心後面的的食食肆中。 環境好闊落又舒服，可以慢慢享受。水晶紅豆芋圓杯中間有大大粒的水晶，好搶眼。是水晶型的啫喱。另外西米混入脆珠，同時有軟和脆的口感，好有趣。重有甜甜的紅豆同芋圓，好滿足的芋圓杯芒果窩夫窩夫做得好好！ 脆身又香口，配上忌廉一流。 另外有新鮮芒果，甜甜地，一啖芒果一啖窩夫好滋味。除左好味，佢地d 擺盤都好靚，環境都好好。 另外依度的甜品好多味道選擇，或者其他類型甜品，有棉棉冰，鬆餅，糖水，茶等等。味道都係好好的。

係旺角食完晚飯，當然要食埋甜品才叫滿足，於是朋友推介去甜牙牙食西式甜品，好彩不用等位就可以入座😄蜂蜜肉桂窩夫 | $66配料有雪糕和忌廉，香蕉上有少許蜂蜜，還有肉桂粉和曲奇餅碎等；窩夫有濃濃蛋味，美中不足係窩夫口感未覺鬆脆水晶紅豆芋圓杯 | $52中間水間啫喱口感比普通啫喱爽口，Q彈；不過個碗好淺，所以芋圓、仙草、小丸子和西米露唔多，好快食晒😅榴槤小丸子西米露 | $62清新嘅榴槤香味，仲食到濃郁嘅榴連味，有大量嘅爆爆珠同西米、小丸子和芋圓，口感煙煙靭靭榴連鬆餅 | $82鬆餅需時製作，所以係最後上枱，鬆餅口感紮實，外層煎到有焦脆感覺，所以食落好明顯食到脆和軟既口感；榴連味濃郁，加上雲喱拿雪糕，朋友話好滿足

解除口罩令的第一個週末，大部份人都出外報復式消費，大家都除去口罩，到各式各樣的餐廳享用美食，食完正餐都會找尋附近的甜品店，今次試到這間比較出名的甜品店，佢地主打甜品係心太軟和窩夫👅。當日很早食完晚飯，大概晚上8點到達店舖，人流不算很多，坐位比較寬敞。☝🏻 雪糕很快便溶化，窩夫不是很甜，整個配搭很易入口，令人食完又想再食。☝🏻芒果不是當造，味道比較酸，窩夫味道比較淡，全靠醬汁加持，豐富整體口感。

同朋友食完飯，好想食甜品，於是去附近甜牙牙食，可能因為時間早 ，等咗10分鐘就有得入。入到去發覺餐廳唔係好大，環境燈光光猛，感覺都舒服既。食物款式都幾多，有綿綿冰，窩夫，心太軟。朱古力窩夫$60，有朱古力雪糕，忌康，棉花糖，脆桶。蜂蜜肉桂窩夫$60，有雲尼拿雪糕，忌康，香蕉，蜂蜜，肉桂粉，曲奇餅碎。60蚊有呢個擺盤同份量我都幾滿意，窩夫外脆內軟，上枱果陣好熱辣。一啖窩夫一啖雪糕，一冷到熱咁食，口感好過癮，蜂蜜同玉桂粉好夾，雪糕口感好順滑

一大班人坐底唔夠五分鐘，已經有個侍應係咁催單，仲要黑口黑面，講嘢又惡又大聲⋯一來二去，再好食都冇晒胃口，服務態度一日唔改善，都冇辦法再推薦比朋友食，又或者幫襯第二次！

趁住天氣冇咁凍，疫情又冇咁犀利， 梗係要同好姊妹出去旺角行吓，行完就要搵好嘢食，最近好似好多新舖頭開咗， 我哋就揀咗呢間新開張嘅西餐廳醫肚。 叫咗好多好嘢食，最令我驚喜係呢個蒜味大蝦，佢入面有好多蒜油，配上香菇同辣椒同埋新鮮嘅大蝦，側邊仲有麵包點啲汁， 我覺得根本就係酒店級嘅出品， 嘢食質素超高質，好惹味又飽肚。 另外見到佢呢度嘅裝修都好有心思，好似片場咁， 同埋門口仲有部大電視，播住咗好多韓國MV ，好有氣氛， 啱晒我。 環境好好嘢食好好， 一定要推介俾各位丫👏👏👏👍

2023-01-11人氣嘅飯後甜品🍮同朋友食完晚飯😀去咗旺角附近食甜品☺️揀咗間叫甜牙牙西式甜品🥰晚市時段好多人食會爆場🌃甜品鋪設有繁忙時段😳只可以45分鐘用餐⏲主打食窩夫同心太軟🍨榴槤小丸子西米露，56蚊份💰有清新嘅榴槤香味，貓山王榴槤肉係表面，食到濃郁嘅榴連味，榴槤肉回味道超濃郁，綿冰有大量嘅爆爆珠同西米，每啖都有濃郁嘅榴槤香，榴槤控可以一試🤗椰子棉棉冰，50蚊份💰棉棉冰入口即溶，椰子味唔算太突出，味道不太甜，配上雜果啫喱條同芋圓口感豐富，仲有大量嘅芒果爆珠，每啖配上爆珠，濃縮芒果味嘅棉冰，味度恰到好處，口感層次十分有驚喜🥥整體環境幾熱鬧坐得較逼😂服務態度正常☺️甜品份量好多，味道都幾好食，經過附近可以食個飯後甜品🍨

我叫咗個朱古力窩夫，佢都好大份，係二人份量，賣相超靚，好適合去打卡。最啱同朋友去食，當生日蛋糕咁食。窩夫上面有朱古力味嘅雪糕，雲呢拿味雪糕，同忌廉，朱古力脆脆。我初初食嘅第一啖朱古力窩夫，我覺得沒有朱古力味好失望，但後期加埋朱古力雪糕同忌廉，就覺得甜度啱啱好。所以最啱一啲唔鍾意食太甜嘅人去食。而且佢個環境非常舒服。我嗰日係下午茶時間去，所以唔使排隊，仲坐咗好耐傾計。但如果夜晚去，就要排隊啦！🫶🏻😍😍

今日經過旺角， 行完街攰攰地就要搵好嘢食。 見到呢度有間新開嘅西餐廳，地舖門面好光猛，一於就揀佢啦。 叫咗個香草油封鴨髀，餐牌上面係形容佢喺95度由溫下慢煮12個鐘，再儲放48小時後先可以食用，再慢火烤15分鐘。 淨係呢個工序已經值回票價啦，但係價錢都只係$128， 真係性價比好高。 果然佢啲肉係好軟香，佩戴住有一陣䣬香嘅鳳梨醬，簡直係一絕，好夾好好味。另外都叫咗一個陳醋意式沙律，好開胃呀，小蕃茄配陳醋再加一啲蔬菜， 上面仲有食用花，影相打卡一流。 感覺到佢哋係好用心製作食物，好有心思， 下次要試埋其他先。

｛甜牙牙｝旺角精美甜品小店.紅日晚上 大家食完飯 都會心思思去食甜品🍮仲要係旺角呢啲地方 周圍都大排長龍可以考慮下甜牙牙～ 因為佢係廣華街有2間店當晚排左15分鐘就有2人枱啦(ﾉ*°▽°)ﾉ.（對面黑色個間）進店後長方形格局 一眼望曬～ 所以枱同櫈都排得密 會唔覺意聽到隔離枱嘅尷尬對話LOL而佢哋嘅甜品好多元化 從人氣窩夫🧇到芋圓都有.✎  朱古力心太軟 HK$68賣相小扣分 因為未食啲朱古力已經流出不過無影響到佢嘅味道୧(◜ω◝)୨❤️外層鬆脆 呈曲奇質感 配上香濃朱古力醬～再加一羹雲尼拿雪糕 冰火相交 好味啵✽好味指數：★★★★/5.✎  水晶芋圓仙草小丸子西米露 HK$52打卡度滿分 份量半分( .. ) 個碗仔好淺 所以除咗中間水間啫喱外芋圓、仙草、小丸子、西米露都唔多味道正正常常 CP值一般‪( ´･･)ﾉ‬✽好味指數：★★★/5.⚐ 甜牙牙 地址：  旺角廣華街3號百利達廣場地下4號舖人均消費：$60 (2ppl)回訪指數：🤤🤤🤤🤤/5環境舒適：🪑🪑🪑🪑/5

同完朋友游完水，去食下甜品吹下水，見到店餐牌好多甜品種類選擇，樣樣都好吸引，但最後同朋友都係揀左最basic嘅雪花冰❄️ 同埋仙草芋圓糖水💖叫左好多味嘅雪花冰，朱古力、抹茶、牛奶味嘅都有🤣 就係要叫basic野先睇得出間甜品鋪係咪真係好食😼 食咗就覺得味道中中等等，就係一間可以一班朋友聚會嘅甜品店，係個氣氛唔錯嘅，用來做宵夜糖水都正，夏天食同埋做完運動食幾爽🤣 不過冬天食都幾好，反正款式種類好多，熱辣辣嘅都有～

做完facial 就梨9點，食完串燒就梗係甜品直落，繼續邪惡增肥😂🤣😂呢頭附近都幾多甜品店，呢間店平時見佢飯後時間成日都要排隊，所以放棄左，難得今日夜咗，唔使排，一於去試試佢。朱古力窩夫派對好吸引，2人份量，我同朋友都鍾意食朱古力，一於就食佢。外表真係好吸引，熱辣辣都都煙靭有口感，但係窩夫真係冇乜朱古力同蛋味，配上朱古力同雲呢拿雪糕球都好食既。不過性價比就唔算話好高，但係見到個咁靚嘅甜品都好開心既☺️