甜牙牙

營業中

休息中

下晝喺旺角做完野，想食少少野，經過廣華街「甜牙牙」。諗起好耐冇去想懷緬下就自己一個去食。下午茶時段(2-7pm)重要所有產品75折！❤️士多啤梨鬆餅有鬆餅、士多啤梨、忌廉、曲奇碎和士多啤梨雪糕。鬆餅十分鬆軟有蛋香，口感實在唔會輕飄飄。熱烘烘鬆餅配冰凍士多啤梨雪糕🍦，冷熱交融口感好正！加上脆脆曲奇碎更添口感。將鬆餅配上軟滑忌廉同吃更滋味～😋 一啖鬆餅一啖士多啤梨🍓，酸酸甜甜的士多啤梨中和番鬆餅和雪糕的甜，感覺不會膩～👍🏻

旺角廣華街出名多糖水鋪🍮🍧，呢間馳名已久的甜牙牙🦷就超級受歡迎。夜晚晚飯後，想話食個甜品，8點多已經好多人排隊，我們好彩兩個人，都好快有位坐。甜品鋪好多中式養生糖水，對於榴槤控既我，咁岩見到有榴槤鬆餅🥞，就僅係要試下啦。呢個榴槤鬆餅🥞我就選左朱古力🍫雪糕，而另外係榴槤紀廉，榴槤容同埋蜂蜜組成。鬆餅🥞超級鬆軟，口感不錯😌特別一提呢個榴槤容係真榴槤整的，味道真係無得頂啊😋識食既就當然撈埋一齊食，呢個就係最正宗既食法啦。最後一提就係榴槤鬆餅🥞都需時耐少少，鍾意食既就唔介意等一陣啦，哈哈。

在旺角心郁郁想吃下午茶，除了茶餐廳的炸雞髀薯條還有什麼選擇?Sweet Tooth 甜牙牙在下午茶時段有75折，原來這間更是元祖級甜品舖。餐廳座位很適合一大班人來用餐，所以和朋友們聚餐後想吃甜品這會是個好選擇。甜品餐牌都有配圖，而且款式都算多，有些更是即點即製的。桂花麻糬西米露 (HKD 56) 有滿滿材料的一碗。芋圓十分煙韌有咬口，抹茶味的幾濃。另外還有小丸子也很煙韌軟糯。再加上西米露和紅豆，讓口感更豐富有層次。軟糯的麻糬亦很有延伸性 (笑) 配椰汁一起吃甜而不膩。椰子心太軟配曲奇雪糕 (HKD 70)心太軟雖然沒有預想的流心，不過外層焗得很香脆，內裡則是軟軟的口感。喜歡吃椰子的會喜歡吧。不只椰子味很香濃還能吃到椰子絲。配的曲奇雪糕幾香滑，冷熱一起吃就很快吃完囉。紫米龍珠脆脆酸奶 (HKD 54) 這個屬於健康低脂甜品。最頂層是吃起來黏黏糯糯的紫米，下層則是脆脆。配搭濃稠綿密的酸奶來吃，不會很甜。最下層還有 "龍珠"，都幾得意。

Tiramisu窩夫(72hkd) Waffle🧇有蛋香，用了牛奶甜奶油🧁加上曲奇味雪糕冷熱配搭好食，值得一提係佢個Tiramisu非常高分，無論係咖啡☕️味定係酒香都恰到好處，呢個價錢真係交足功課，回頭率極高👍🏻川貝蓮子雪耳烤梨(60hkd) 用原個雪梨，已經燉得好腍，甜味好蜜潤，幾足料，行養生路線，選凍食很清涼，夏天很適合～呢間糖水舖都算老字號，開咗好多年成日都見到排長隊～#foodiblum甜點

放工後來旺角行街，好久沒吃甜品，來到甜牙牙甜品店，餐廳有很多種類的甜品選擇，有鬆餅，窩夫，心太軟，綿綿冰，中式甜品等等。由於是即叫即制的，所以要等大約15分鐘。但也是值得的，因為份量超級大，一個甜品可以試到很多不同的口味，食完後很有滿足感👍👍👍。餐廳環境很文青的感覺，坐得很舒適。很適合朋友情侶聊天的地方。❇️Tiramisu 鬆餅鬆餅鬆餅很大份，裏面也有很多不同的材料，有軟鬆餅，tiramisu 蛋糕，忌廉，曲奇碎，曲奇蛋糕。Tiramisu蛋糕有濃郁的咖啡味和甜味，口感很順滑。軟鬆餅口感蓬鬆柔軟、綿密濕潤，面上搭配忌廉，更多層次感❇️榴槤鬆餅有軟鬆餅，榴槤肉，焦糖醬，忌廉，曲奇碎，曲奇蛋糕，濃郁的榴槤味，甜度剛剛好

餐廳：甜牙牙地點：旺角百利達廣場菜式：甜品餐牌：果汁綿綿冰，心太軟，窩夫，窩夫派對，窩夫塔，鬆餅，中式糖水，水晶芋圓等等士多啤梨窩夫Party $148士多啤梨窩夫Party係花型原味窩夫，外8塊花瓣內1塊花心，整得外脆內軟，少少暖上枱，味道都唔錯。窩夫加上忌廉同藍莓醬，杏仁片，仲有曲奇碎，口感唔錯。每片花瓣上面加有忌廉加新鮮士多啤梨或者藍莓，或者係雪糕，雪糕有曲奇忌廉同士多啤梨口味，中間個球雪糕可以揀，我揀左士多啤梨雪糕。面頭再加上朱古力醬。滑溜雪糕配窩夫真係絕配，而且雪糕份量夠多，夠餸窩夫，食落仲有杏仁片加曲奇碎同藍莓醬，甜度適中唔會過火。呢份甜品兩個人應該剛好。

隔離台有人食食下嘔落張台, 客人用紙巾擺面遮住就算。大陸口音既女侍應就咁用抹檯布抹, 抹完擺餐紙餐具就算野食無乜特別, 附近幾間糖水都係一樣價錢, 差唔多質素。都係係員工無心hea 做定真係見唔到，明明嘔得幾大聲

食完晚餐，大概10:00左右。座位大概八成滿，我哋兩個人去坐咗張六人枱，有個戴眼鏡曲髮微胖女士態度非常惡劣同我哋講「兩個人打對面坐喎，坐埋一邊啦」。其實站在商業角度，我係老闆我都會叫人咁做，但係點樣講呢番說話嘅技巧就真係要有，我覺得好似俾人趕咁，不過唔緊要，食個糖水好快走嫁啦，諗住由佢啦。食嘢正正常常，冇特別好食，冇特別難食。坐得迫，就間間糖水舖都係咁迫，嘈就一定間間糖水舖都係咁嘈，但係到去廁所問佢攞鎖匙嗰陣好似欠咗佢錢咁，手指指，面黑黑。去到埋單嗰陣，個位女士完全冇用語言交流，伸直隻手遞張單出嚟俾我自己睇價錢，就咁隊部機埋嚟叫我俾錢，唔知仲以為爭佢錢。冇下次。

最近嚟開旺角開飯，朋友話想食一間有齊主食同甜品嘅餐廳，就一於嚟甜牙牙煮意試試🤝，佢哋嘅甜品選擇多元化，有窩夫，鬆餅，心太軟等，有選擇困難症嘅朋友仔一定花多眼亂🤭～🍕海鮮酥餅批薩佢有啲似鹹版嘅拿破侖，食落好酥脆，每食一啖都會跌啲脆脆落嚟🤣，pizza上面嘅海鮮都焗得好入味，呢個pizza真係好特別，同其他地方食到嘅口感好唔同！🦐🍝蝦汁大蝦扁意粉橙紅色嘅大蝦入口鮮甜彈牙，扁意粉軟硬適中，蝦汁係先用蝦頭炒香再煮出來，每條扁意粉都掛滿大蝦醬汁，食落好惹味🤤！🥭芒果拿破侖小店使用嘅芒果好甜，食落酸酸甜甜好開胃，另外拿破侖食落都好酥脆，配埋芒果味雪糕🍦，絕對係為整餐畫上完美句號🩵！

大概夜晚七點幾，當時甜牙牙大概剩係得兩台兩位同埋一個外國人坐咗喺度，成個場都係靜嘅，個大陸口音阿姐仲要喺門口要拉客。咁我哋入咗嚟其實都仲有好多二人位，但係佢就安排我哋夾咗喺兩台中間，之後我哋都好有禮貌表示想坐比較多空位置嘅枱唔想咁迫，（當然如果佢突然間有大枱我哋都會讓返出嚟都明白佢哋要做生意），然後佢竟然答返話：可以，不過其實等陣都會有其他兩人坐過嚟啫～我哋都跟返佢哋規矩係打對坐，純粹係因為拎得比較多嘢書包擺咗喺隔籬位，如果有客入嚟我哋其實會拎返開啲物品的，而且而家佢個場好空冇人排隊所以我哋先借住隔籬位擺嘢。但係唔知道個阿姐係咪唔順氣我哋唔跟佢安排定係點😑佢話唔好意思淨係可以坐一邊一張枱，暗示唔可以擺嘢過隔籬位。但我又望一望另外嗰兩台兩位，同埋新入嚟嗰一台，佢哋都係擺啲袋同書包喺隔籬位置，但係個大陸阿姐完全冇對佢哋有類似嘅表示，跟住我哋即時感覺好似被針對咁🤔之後即時冇意欲消費，即走🫡之前光顧過一次，其實覺得食物質素唔差都幾好味，係特登回頭返去食⋯但經過今次之後完全不了🫡

因為新年年初二，成條街都無開甜品店，開的都係甜牙牙自己店，無奈唯有食佢獨市生意，行左入去坐底。首先我已經好耐無食佢，價錢進取左好多，仲要收加一服務費 🌚。真係吹漲，又唔係高級餐廳，限時45分鐘，賣單又要自己行出去，唯一嘅服務就係一個西面女人行過埋嚟同我講夠鐘啦！憑咩收人加一服務費 😅叫左雪糕楊枝金露，抹茶錦錦冰，提拉米蘇鬆餅，三樣野都十分普通。雪糕楊枝金露，只有雪糕係凍嘅，其他配料，芒果、西柚、椰汁都係室溫。每樣野個味道都好獨立。傳統楊枝金露仲好食D，佢成碟拼埋D配料，$60蚊仲要加一。抹茶綿綿冰，口感一D都唔錦錦，就係碎冰。而家抹茶唔夠濃，紅豆仲係罐頭貨，小丸子無味都算佢連脆珠都無預先處理，又係無味。提拉米蘇鬆餅，個鬆餅中間係濕潤的，似未煮熟，所以質感一D尬唔鬆軟。提拉米蘇無落酒、唔夠咖啡味。加埋一成90蚊咁濟，我去K11食幸福pancake ，都係100蚊仲好食好多。所以我平時都係去同一條街的其他甜品店。新年無得揀，下次最多唔食。

芒果龍珠脆脆酸奶 $54.00（老果肉，龙珠，脆米，酸奶）Dragon Ball Mango Yogurt（Dragon Ball 、Mango 、Yogurt、Crispy Crunch)輕食推介。請店員推介一個值得一試的試項，推介了芒果龍珠脆脆酸奶。中間是酸奶下面是爆爆丸和白玉丸子，上面是新鮮芒果和脆脆，口感十足。TIRAMISU 鬆餅 $78.00軟鬆餅，Tirarisu 蛋糕，忌廉，曲奇碎，曲奇雪糕Tiramisu Soft PancakeSoft Pancake, Cream, Tiramisu Cake, Cookie Crunch, Cookie Ice-cream超級份量大的TIRAMISU 鬆餅。價格性價比高，和朋友分著吃剛剛好。酒味和芝士比例剛剛好，手指餅濕潤得來夠挺身。鬆餅富有彈性拍照之後還是非常挺身不容易倒塌。但香味濃，不太甜。

朱古力窩夫味道普通，唔香濃朱古力鬆餅唔煙韌，唔鬆軟，好乾，唔熱呢個價錢，呢個味道，呢個份量，完全唔值!川貝蓮子梨食唔到有川貝味道，蓮子唔鬆軟，個心係硬嘅真心唔明白點解評價咁高，一面倒咁好？真係我同世人唔同😂絕對唔會再嚟食囉！無論係食物質素，環境，價錢，沒有的服務？冇一樣嘢會令到我再食！只能夠講佢唔難食

甜牙牙煮意(旺角)餐廳為於旺角煙廠街33B朗廷軒地下,餐廳裝修簡約,設有綠色梳化坐位,坐得舒適,設有大型電視,播放韓式音樂,餐廳主打甜品的西式餐廳,甜品選擇多元化,有窩夫,鬆餅,心太軟,燉蛋布丁,芋圓等等給客人選擇,服務員招呼到位。蝦汁大蝦扁意粉$112橙紅色嘅大蝦,新鮮,入口鮮甜彈牙,扁意粉軟硬適中,廚師用蝦頭炒香再煮出來嘅蝦汁,令每条肩意粉都掛滿大蝦醬汁,非常惹味。現烤蒜蓉包$48蒜蓉包上桌香芬撲鼻,食落鬆脆,啖啖都有香濃的蒜香味。西班牙火腿芒果卷$78火腿芒果卷有腰果和果仁作伴碟,鮮紅色嘅火腿包著芒果粒,食落口腔內有2種味蕾亂竄,一鹹一甜非常夾,每口都有鹹香清甜的味道。烤煎檸檬三文魚配油醋沙律$88三文魚經廚師巧手煎到魚皮脆口,魚肉鮮美冇腥味,車厘茄和沙律菜占滿油醋,入口清新爽甜。芒果窩夫$76芒果窩夫材料豐富,有忌廉,焦糖醬,芒果粒,芒果雪糕和曲奇碎,呢款甜品有多種口感,十分滿意。

用餐日期：2023/12/31用餐時段：下午茶用餐費用(每人）：$63餐廳環境：環境整潔乾淨 冷氣足 室內不少座位 室內檯與檯之間較近 人多時可能要搭檯 服務：服務員服務態度好 點菜上菜都快味道：點了椰子綿綿冰+芒果綿綿冰1: 椰子綿綿冰$60- 椰奶冰+椰果+什果條+爆珠 綿綿冰份量足 綿冰椰香味足 刨得一片片綿密細緻 外觀似一片片薄片層層疊疊埋一齊 賣相好 椰果爽脆 什果條彈牙 爆珠多汁 綿綿冰入口即溶 味道好 食到最後一口都沒怎溶 推薦 2: 芒果綿綿冰$66-芒果冰+芒果肉+什果條+爆珠 綿冰芒果味足 刨得一片片綿密細緻 外觀似一片片薄片層層疊疊疊埋一齊 賣相好 芒果肉不夠甜有點酸 什果條彈牙 爆珠多汁 綿綿冰入口即溶 食到最後一口都沒怎溶 如芒果肉可正常甜會更好 總結：這家環境舒適 室內不少座位 服務員態度好點餐上餐速度快 綿綿冰做得綿密細緻 賣相好 份量足 味道好 椰子和芒果選擇較推薦椰子綿綿冰 是值得推薦的好綿綿冰店提示：店員告知這家開門時間係每日下午2時