甜心良品 (已結業)

是晚同3個朋友相約在此，雖然經常有經過呢道，但從未試過，今次係有2個朋友都推介呢道，所以試下...店鋪一眼睇晒，覺得好細，或者會坐得比較迫，所以我地要求坐出面，不過夜晚好大風，不停咁食西北風...坐低望住張餐牌，真係唔知食咩好，太多花款，朋友推薦心太軟，但係我無興趣...最後就選左個無可能會難食既班戟...水果同雪糕我都選左芒果 我個個係最快到，賣相真係幾靚，但食落認真麻麻... 班戟皮:初初以為係平時b仔涼粉、蛋糕店賣個d既班戟咁，點知完全唔同，佢既口感好似乾左既蛋皮咁 芒果粒:仍然係酸的，果然唔係當造 芒果味雪糕:最好味都係個雪糕，正正常常... 雖然今次試完覺得麻麻，但係佢其實仲有好多其他款式，有機會都會再試

聽朋友話..呢間野..最最最好食就係心太軟...所以黎試下見佢有甜品放題可以任食添架..但時間係14:00-20:0020:00已經完架喇..因為我見佢一個心太軟同set價錢差不多..所以就叫左個set 名叫"浪漫情人"心太軟係有分size..呢個set 嘅心太軟都係大size..應該夠喉啦...咁呢個set有d咩呢..有班戟(有兩個味可以揀..就係旦味同朱古力味)兩球自選雪糕...唔知係咪日日唔同架呢...我同朋友share食..於是就叫左個薄荷朱古力同芋頭...心太軟竟然都有唔同味...有個薄荷朱古力...同朱古力...咁就各叫左一個...仲有d棉花糖同香蕉..什果伴碟...個心太軟..真係好係做得好出色...薄荷朱古力就真係冇見過有其他地方有...而且真係掌握得好好個味真係好特別..唔會太甜同埋薄荷味唔會搶左d朱古力味...個外層薄..食第一下...d朱古力醬已經湧出黎...真係冇得彈...個set都係$98物超所值....

Sugar Mama 今日團購先去過，一定唔會再試，其中一圖是叫了二十二件甜品，四人份少到可憐，木糠一啖可以四個，蕉糖蛋得一半，芝士蛋糕...Sorry 係芝士粒，蛋糕底1/4 吋厚。伙計可能知團購的人心態，全程無交流，食物真係一般，又縮水，西米露更淡而無味。而環境太窄，店面只容八個人，坐得不自在。二十二件，全碟大過我手掌呀！心太軟最好，有平時3/5 o甘大，感恩。疏乎里叫左三次，唔係個肚仲餓。

晚飯後忽然間想食些甜品.  今次點了梳乎厘及芒果心太軟!!梳乎厘~ 外層味道是似烤焗過的蛋糕, 內裡是非常柔軟的Cream, 味道唔會太甜, 甜度適中, 這類甜品最適合想吃甜品太又怕太甜的食客.芒果心太軟配雪糕~ 芒果心太軟好好味, 內層汁暖暖地又慢慢地流出黎, 聞落去已經好香芒果味, 食落去當然充滿濃郁芒果味, 甜度適中, 加上有冰凍的雪糕配襯成為冰火配搭, 非常好味!!

一家光顧過的餐廳，如果吃了之後全無印象吃過什麼，回家又沒有寫食評，到底有多好吃應該顯然易見，但今晚不知哪裡出了錯，食友提議到這裡吃甜品時，我竟然沒有阻止，結果又換來一次失望，不過再吃一次也好，因為這次我會寫食評，以後如果沒有進步的話，我可能不會再來了。朱古力心太軟。似乎是這裡的招牌甜品，而本身愛吃朱古力的食友第一眼就選了這個。心太軟有分大小，我還是第一次聽到。小 的$37，大的$45，價錢只差少許所以我們點了一個大的。其實賣相還好，不過一切下去，裡面的朱古力漿就不斷的流出來，而且流得有點過份，做得好的應該 像溶岩一樣的吧？現在似洪水缺堤多一點，結果大家一致認為那朱古力漿好像杰身一點的朱古力湯。甜度其實還好，但味道有點奇怪，裡面有一種像煉奶之類的甜 味，不像是純朱古力，另外那球雲呢拿雪糕的質素實在麻麻，整體不太討好。紅酒啤梨撻。這種甜品在港式店比較少見到，也欣賞他們的創意，可是這個啤梨撻味道只是一般。撻皮太實，要很用力用羮切開，沒什麼牛油香，用紅酒煮過的啤梨偏甜。益力多雪花冰。本來我就不太喜歡益力多的味道，不過這個甜品卻是三款之中最正常的，因為弄成雪花冰的益力多比較沒那麼甜，味道較為清新

我們一行8個人都中伏了....=.="由於其中一位朋友之前食過話OK, 而我地其他人都未試過, 所以我地就揀左E 間食一開始點食物時....侍應態度已經好惡劣...十問九唔應...有點趕客我地ORDER 左特濃心太軟, 朱古力PANCAKE, 焦糖燉蛋, 香芋西米露在食物黎之前...我地發現地下勁多小強...真的超多...超多...我地就要求侍應調位....點知佢一口拒絕....然後黑面....等左15分鐘左右甜品黎啦...***朱古力pancake...完全冇朱古力味...又冇蛋香....明顯是色素加麵粉...***焦糖燉蛋....焦糖唔脆而且凍既?!?!........我諗佢整定左好耐...***香芋西米露....這個味道ok, 不過香芋粒比較少***特濃心太軟........一切開...朱古力心好似水咁稀....乜唔係杰杰地ga 朱古力醬咩.....      食既時候...我都問朋友係咪黎錯左...點解唔濃朱古力味...      p.s 特濃心太軟係貴過普通心太軟....甜品價錢平均40蚊一客....元朗黎講可以有更加好選擇.....試過一次....永無下次!

:環境超差。勁多小強。。員工態度亦唔好。無下次.個個焦糖燉蛋好似用煙灰缸黎裝咁..= ="味道過甜。焦糖唔夠脆口。心太軟係okay 既..但之前另一間分店既心太軟係大個d.我地揀左濃味心太軟。夠流心。但唔覺好濃味仲有試左pancake 好大件同好多cream。朱古力味道唔突出原味唔夠蛋香味我地見到出面好多小強.至少有30隻.想轉番入去.員工態度超差.完全冇諗住諗方法安排我地入去店入面坐.

呢晚食完越南野之後, 又係時候去食下半 part：糖水~左揀右搵, 都唔係好搵到有吸引既新地方....結果, 我就拉左佢地去食『Sugar Mama』, 哈哈~今次試左個﹝酒心﹞心太軟, 睇佢既用料, 係 2 種甜酒..其實仲有一種係﹝烈酒﹞心太軟, 問過係用 "白蘭地", 唔知會唔會太梗呢, 有機會再試~男友仔就要左佢最愛既﹝特濃﹞心太軟..至於朋友仔就要左﹝香蕉﹞心太軟 & 芒果棉花冰全部都係落單即整, 所以等左大約 10 - 15 分鐘先有得食~最快既, 當然就係棉花冰啦, 哈哈..朋友仔話普通, 無咩特別, 不過我就無試, 反正唔太鍾意食冰...lol跟住就係﹝香蕉﹞, 外表完全無分別, 分別在於裡面既朱朱力醬, 真係好......香蕉呢, 哈哈!!不過朋友仔話有少少失望, 因為如果可以有真正既香蕉粒響入面就真係正~最後就係我同男友仔既...﹝酒心﹞同埋﹝特濃﹞!!!﹝酒心﹞- super sweet, 因為用上甜酒, 而朱朱力又唔係用 dark, 所以....有點點過甜了~!!! ﹝特濃﹞- 仍然係我地既至愛, 又香又濃又唔甜既朱朱力, 真係食極都唔會膩~!!!雖然今次個﹝酒

團購買左$68 90分鐘任食甜品buffet，要+1，total$80一位 2日前book位買之前都有睇openrice食評，多數都話okay wor去左就發覺係兩回事細細間，一多人就有dd逼，叫多少少甜品就唔夠位放了一去到就即刻點個心太軟，呢個真的不錯會流朱古力，total點左4個，得一個係太熟之後點左火焰雪山，佢話無，但隔離兩台都有wor(唔知係咪迷你版整唔到)團購買ge，所有都係迷你版，不太好!面包布甸唔知咩味，太細粒荔枝茶無咩荔枝味，涼粉味好重拿破崙餅+芝士蛋糕不好吃梳乎厘 好甜，不過還可接受木糠布甸個甜okay燉蛋叫左好多，個味okay，太細杯，2啖食完拿破崙、芒果金寶、pancake，係超超超迷你版食食下已經無影相了!去之前其實好期待，但比想象中差異都幾大眼見隔離食ge好大size，都讚好自已果個就好迷你，個味麻麻，有d失望…只有個朱古力心太軟是滿意的係咪團購先係咁

見到朋友FB,IG UP相話好味咁我就懷任期待既心情好試結果真係出人意表甜品既水準相當之劣我地人行四人ORDER左四款甜品兩份涼粉,一份蘋果金寶,一份心太軟首先講下佢個份出名好味既心太軟係充滿粉味既...應該未溝好...由於我係整開甜品,絕對唔可以收貨啊!!之後就係蘋果金寶,只有面個層係可以接受下面個D完全係劣質到極點既蘋果點可以拎出黎招呼人?我知材料值幾多錢...再加上你地既功夫,真係15蚊都俾多仲要35價錢已經唔係一個問題宜家我係客,我係俾錢個個,唔係黎受氣埋個單都要俾人耍又入黎又出去又入黎又出去?識架?玩緊遊戲?老老實實,元朗甜品店多的是,SUGAR MA MA真係無下次!TOTAL:115

今日去食個心太軟,要左個大size ($43)，是即製的，所以要成10分鐘...一上枱,係熱哄哄的，好吸引 配的是蕃薯雪糕,勁香蕃薯味，連爸爸都話好食；）一切開,勁流心，外脆內軟，加埋D生果同雪糕,冰火感覺，超正!!!只是略嫌朱古力漿唔夠濃... 之後食左個火焰雪山$4x，麻麻地...最後加多個麪包布甸（$4x)，配朱古力雪糕個皮唔脆，沒有太多牛油香勝在好熱，溶左個雪糕，又係冰火之感雖然D野唔算出色，但係我會想試下佢地個放題（$118）

身第一次食咁大個既心太軟同個fd一齊食.....用料足~~~簡直係甜品中既king size雖然價錢唔算好平不過咁多料，都ｏｋ又有雪糕．．生果．．．ｄ朱古力漿真係流出黎架！！！

幾個月前同朋友晚飯後，路經呢一間甜品店，見人唔多於是入去試咗個焦糖燉蛋、梳乎厘同埋藍莓芝士蛋糕，睇賣相都唔錯，可惜一入口發覺味道麻麻，之後已經冇再去過。直到幾日前嘅一晚，家人外賣咗盒朱古力心太軟返嚟俾我食，本來對呢盒甜品無乜期望，但一入口竟然出乎意料地好味，唔太甜、外脆內軟，即刻對呢間甜品店改觀。希望下次再去時，嗰幾款幾個月前食過，但味道麻麻嘅甜品會有所改進!

每次同朋友聚會都會泥食心太軟平時都食開特濃朱古力 今次就想試下其他口味我就點左個草莓味大Size比平時既心太軟細左小小 外表都無乜分別點知食落去就好香草莓朱古力味! 加埋球雲呢拿雪糕 真係好正!至於火豔雪山 朋友推薦話好好食我就覺得麻麻地好似要由外面北到入面 連埋Cream,蛋糕一齊食會有3種口感但係我始終都係覺得心太軟好味d

這間sugar ma ma在鳳攸北街開了分店，但send了資料比openrice很久也未開設那間分店的資料，唯有在此寫住先。買了團購，$21購心太軟+新鮮生果+雪糕，原價$42，因為食過主店的心太軟印象中不錯，就買這團購。怎知，原來團購只可於分店使用，而分店位置頗為偏遠，近鳳攸北街體育館那邊，不太方便呢。心太軟即叫即做，大概要等10-15分鐘，送上新鮮熱辣的心太軟來，外脆內軟，朱古力又夠香濃好味，不會太甜，等得久也值得。而雪糕球較冰凍，好處是沒那麼快溶，壞處是有點太硬，生果是新鮮不是罐頭的，但份量頗少，只是意思意思的。總括來說，$19好抵，吃完即刻再買兩張coupon呢。