甜嫂 (已結業)

也許在下真的對於芒果做的甜品情有獨鐘，不是芒果腸粉，就是楊枝甘露，壐不是就芒果河粉，不過有時候在下也喜歡榴做的甜品，只是要遇上才可以吃到。在豬仔吃過第一道甜品，在下的甜胃卻想裝多一個甜品，於是行前幾步到了甜嫂吃第二道甜品。今次又是離不開芒果，是芒果撈河粉呢！店子與豬仔同樣是十分光猛，裝飾也很簡單：桃紅色的座位，令在下十分耀眼，從店外也看到圓球在發出發亮，牆上的照片也講述了甜品的款式。還記得在下於貴族甜品吃過甚麼呢？無錯，就是河粉，今次又來河粉。名稱是芒果撈芝麻河粉。，不過這河粉有別於貴族，它是芝麻河粉，而貴族的卻是普通河粉。兩者內裡都是有芒果和黑珍珠，但是做法不一，貴族只是把芒果和黑珍珠放在河粉上，可是甜嫂卻是把黑珍珠芒困和芒果汁一起攪拌至混和了，使視覺上是一個撈河粉。其實這撈河粉的味道與貴族差不多，但是甜嫂的卻來得更多芒果汁，和撈得很亂，因此在口感上是兩回事：貴族是有口感的，而甜嫂就像是在喝芒果汁呢！然而兩者的味道是不相伯仲的，也十分好味，只是口感有別而言。

因之前經過時已經想來試下啦~!!今日就來一次試下啦~~!!(忘記影相~~>.<)今日下午茶時間來到,因個樣好似剛開門而已,所以一個客人也沒有~~!!先點了個雙色綿花冰(士多啤梨+牛乳味),價錢$40,但感覺價錢與實際不符,因本身已沒有任何配料給你選擇,只有食佢比的材料,但都冇所謂啦~~!!等了一會來便來了,綿花冰可以,但是配料不算多,但也不是很少,整體還可能啦~~!!但食過其他的甜品店,感覺這樣的綿花冰少少d很快食完~~~!!再來買了個甜品回家品嚐芒果班戟,內裡的料大部份都是cream,只有2-3個細細的芒果肉在裡面,真的不好食!!

這間「甜嫂私房甜品」的前身，其實是以彷分子蛋甜品而曾經有一段時間走紅的「水記甜品屋」，沒來一段日子，想不到原來「水記」已經結業，取而代之的是這一間「甜嫂私房甜品」。這一夜，在附近吃過晚飯，老婆仔想食糖水，兩夫妻便來到這兒吃碗飯後甜湯。店子裝潢簡單，桃紅色的座椅坐得還算舒服，店中牆上的各式甜品照片與天花上的七彩圓球燈也見吸引。店裡除有多款不同系列的中西式甜品供應外，還有少量糕點小吃供應，食物選擇都幾多元化。老婆仔吃的是「薑湯黃金番薯糖水」。這大大碗，份量十足的糖水的薑味是夠的，甜味也頗適中，大大件的番薯則煲得不是太腍，要是腍些的話會較好。我吃的是「合桃露湯丸」。這糖水跟「薑湯黃金番薯糖水」一樣大碗，咖啡色的合桃露上浮著四顆外皮半黃半白，彷如麻將中的四筒一樣排列的迷你芝麻湯圓。合桃露質感較為稀身，味道尚佳，芝麻湯圓細細粒的，外皮煙韌，裡面的芝麻餡既香且甜，挺不錯。兩碗大大碗的中式糖水，便宜的只售十四塊錢，稍貴的也只是二十二塊，已可讓吃過晚飯的我倆添上飯後的一絲溫暖和甜蜜，這店子的糖水可是甚為抵食的。

昨日一行9位有大有細入去幫襯，好快有位（因為無乜人），因為有啲大人唔食，加埋細路食唔晒一個，所以先點了5 個甜品，隔咗一陣，有位類似經理既物體走近兼大聲講「先生，你哋9位叫咗5款甜品，麻煩睇下有無點錯」！嘩，佢意思直頭係話我哋霸咗佢啲位又幫襯得小啫。當時已經想走（如果唔係有老有嫩），服務態度差之餘，出嘢食又慢，差唔多係我哋每一位食完先有第二樣到，而食品水準就直頭不知所謂，點了一個「紅豆茸雪糕西米露加小丸子」椰汁好少，搞到啲西米好「杰」又淡又唔好食，小丸子完全煮唔熟，係「實心 」。成碗嘢剩係得雪糕係ok,你話死唔死。到最後埋單比錢， 多謝都無句（又係似經理既物體）找錢比我既態度好似叫我快啲過主咁樣，因為成個過程都好不愉快，所以決定在此公告天下，希望大家千祈咪幫襯，其他分店我唔知，但大角咀呢間千祈咪制呢！

放左一個鐘頭狗，本來八成飽變左做七成，又係時候食甜品喇。早排都有o係 Openrice 見到新開左呢間甜嫂 , 返開黎當然要試下啦o係放低兩小狗後已經行過去視察環境同拎 menu 睇定食乜嫁喇我地 10:30pm 左右去到 , 出奇地無乜客 , 照計地點無問題丫 ...呢個舖位以前都係食甜品o既 , 都幾出名添 , 應該幾多人行黎呢邊喎店內環境都唔錯 , 好光猛 , d 位唔迫又夠冷氣 , 唔通係門口出事 ??呢間地舖上面o既大廈以及附近都有好多 " 棚 " 搭緊 ,我地都係o係搵朋友屋企o既時候先無意中見到有個 " 嫂 " 字燈箱又或者 , 係因為新開所以仲未多人搵到黎 ?? 唔理咁多喇相信只要食物有水準 , 就可以成為受歡迎食店 ^^1, 奇異果撈面 ~ 撈面o既面係蒟蒻做o既 , 係健康食品, 另可選配水晶條 , 蒟蒻面似幼身拉面 , 口感無我想像中咁 QQ 咁爽口 , 新鮮奇異果打冰打成汁底 , 淋上面線後加上珍珠 , 蘭香子同奇異果片說真的賣相唔係幾 OK , 淡黃淡綠又有 D 黑色粒粒 ( 奇異果籽 )勝在味道夠 Fresh , 奇異果汁底o既酸味可以證明係無加糖水本身 d

香港甜品美味入心，創意花款，所以常吸引很多食客流連忘返。這間位於大角咀的甜嫂私房甜品，前者是水記甜品，經過多年發展已在香港擁有多家，而且在國內貴陽也有其分店。晚上既然來到大角咀，那就即管試試"甜嫂”的甜品吧！甫進店內，已被那圓圓的七彩顏色吊燈所吸引著。店內並不算大，但裝潢簡單樸素，以粉紅和白為主，感覺很清新。北海道3.6牛乳滿滿的放在高高的玻璃櫃上。很多糖水舖，都會製造出很多榴槤的甜品，例如榴槤班戟、榴槤布甸、榴槤雪糕和榴槤蛋糕等。每款榴槤甜品都十分出色，但造法其實並不複雜，這正正是因為榴槤本身的獨特香氣和甜味，而且口感軟滑，特別適合用來製作甜品的緣故。 點了一客炸榴槤，用的是雪藏榴蓮蓉，吃下外皮熱但內裡郤是涷冰冰的. 榴槤本身已經香甜軟滑，如果可以炸長一點時間令榴蓮蓉溶化一點，我想口感會更加好。雜果西米露： 賣相感覺一般，加了黑珍珠、西米和新鮮生果，以芒果汁作底。其實和外面甜品店吃的沒什麼大分別，西米露甜度適中，口感尚算可以。

食完生日宴,請翻朋友食飯後甜品才滿足,第一次來試食,當然選甜嫂推介的招牌嘢食啦,見寫住河粉...又幾特別喎,唔錯,大粒珠珠一咬爆汁出來,好得意,正呀!剛入去時好少人,坐落不久就滿坐了,相信有不少朋友來過,只是無寫食評!