甜姨姨私房甜品 (清風街)

營業中

休息中

係天后番左3年工今晚終於食到了成個menu都係榴蓮🥰點知再睇下仲有豆腐味雪糕原先我要既係豆腐雪糕芝麻豆腐西米露可惜既係比錯左個底我就咁豆腐西米露都好好味同事仲叫左綠野仙踪、芒果涼粉同埋楊枝甘露滑嘟嘟睇落都幾好味個滑嘟嘟用杯裝幾surprise

甜姨姨私房甜品🍴💛天后清風街13號地下.超足料的台式仙草+手工芋圓$48🍠.仙草味道十分甘甜，芋圓有曬芋頭、地瓜同紫薯三款口味，幾有咬口份量都足！另外呢碗嘢嘅材料係超級豐富：有埋珍珠、紫糯米、薏米。特別鐘意珍珠大大粒，有層糖係面的感覺。仲有我本身唔鍾意食嘅紅豆同西米！真係好飽食唔唒(;´༎ຶٹ༎ຶ`)

大部份人都話食甜品係用另一個胃🥰原來係真架～今日想同大家推介一間我幾中意既甜品店，就位於天后清風街既《甜姨姨私房甜品》。老實講我係一個榴槤愛好者，所以每次黎甜姨姨，我都只係會點榴槤相關既甜品😋榴槤控必食推介。。尋榴感（HK $59)個碗細細估吾到可以裝咁多材料😋好足料ar❤️感口豐富，食落去好有層次感👍最緊要係鮮榴槤肉配搭榴槤汁，簡直係絕配😜味道相當濃郁， 齒頰留香。材料包括：鮮榴槤肉，榴槤汁，豆腐花，涼粉，椰果，綠色果涷，珍珠籽。。榴槤豆腐花（HK $52)《榴槤豆腐花》較為平淡之選😉豆腐花非常滑，豆味重而香，相比於口感層次有點比下去🤐因為豆味濃郁有點兒遮蓋了榴槤的獨特味道🤔。總括而言，我都係中意口感層次比較優秀既《尋榴感》如果吾中意食榴槤既朋友，其實都有好多不同既選擇🤗或者你地試食完都歡迎你同我分享😚。食物：7.5/10價錢：6/10環境：5/10 

平時食拉麵流心蛋一定係我最愛🥰今次加埋入多士勁滿足！半熟嘅蛋漿真係好香，搭埋入多士入邊，更添香滑。厚切餐肉搭配埋🥬清新嘅沙律醬同埋生菜層次豐富，有生菜脆口口感之餘，亦有餐肉嘅香濃，食肉獸表示好開心🤤厚切之餘都非常鬆軟，而且仲可以加埋專屬字句，好有新意！🥤熱飲嘅奶茶都幾香滑，奶味好香，誠意港式體驗👍🏻經過銅鑼灣，lunch time又多個新選擇😍@auntiesweetcwb 📍銅鑼灣耀華街

同朋友係北角食完午餐之後，仲想搵個位坐低傾下計，於是就上網搵下附近有咩甜品店，見到位於天后既哩間甜品店評價唔錯，於是就決定過黎試下啦😋我哋喺北角行過去都要10分鐘左右到左甜品店後，發現佢都幾大，不過座位比較密，而且啲凳係硬身同無椅背，坐得唔係咁舒服我哋兩個都叫咗仙草芋圓，不過我朋友叫咗黑糖，我叫左淡奶。🎈仙草芋圓用料非常豐富，裏面有仙草、芋圓、薏米、紅豆、西米露，食落口感豐富，芋圓煙韌好咬，唔會太甜，確實值得推介👍🏻總括嚟講，呢間嘅芋圓甜品味道唔錯，但係如果舖頭入面啲凳可以舒服啲就更加好啦😂

呢間甜姨姨已經開咗十幾年，我本身都幫襯過幾次。對上一次去已經係兩年前，嗰次食完覺得水準下降就無再嚟食😬 今次過嚟天后純粹想食下糖水hea下，咁啱經過見到甜姨姨入面一個人都無，所以就入咗嚟食啦。疫情期間最怕餐廳多人同逼，人少啲就可以坐得舒服啲😙呢度嘅甜品款式咁多年都無咩點轉，同埋價錢都偏貴。不過甜姨姨最近有同新假期合作，喺銅鑼灣耀華街開分店，主打巨型刨冰系列，比舊店嘅甜品更新穎，算係破舊立新！😎❤️ 椰汁紫糯米 $40朋友便秘咗幾日，於是叫咗椰汁紫糯米，因為紫糯米嘅膳食纖維豐富，有效促進腸胃蠕動同預防便秘💁🏻‍♀️ 一上枱望落賣相唔太吸引，以為伏伏哋😅 原來係啲紫糯米喺哂個底，一撈勻即刻好睇好多。椰汁同紫糯米比例啱啱好，味道溫和唔衝突，又唔會太甜。紫糯米煙韌香甜，質感濃稠。整體唔錯👍🏻好食度：⭐️⭐️⭐️ (3/5)❤️ 人氣鹹蛋黃魚蛋6粒 $35我就叫咗鹹蛋黃魚蛋，之前未試過👀 第一次見到有鹹蛋黃魚蛋賣！食落幾驚喜，幾好食😋 鹹蛋黃好惹味有少少辣，果然有鹹蛋黃嘅食物都唔會差得去邊！鹹蛋黃蓉都幾多，食到最後都淨番唔少鹹蛋黃蓉！最衰呢度無賣鹹蛋黃醬，如果有嘅話我應該都會買😛好食度：⭐️⭐️⭐️✨ (3.5/

甜品係第二個胃，就算食到好飽都仲食得落甜品。地方算大，有兩層但啲枱好密，坐得好逼。好多甜品選擇，有選擇困難症唔知食咩好😵椰香芋蓉珍珠露好足料，有好大份芋泥同好多西米露，芋泥香甜幼滑，椰汁甜度適中，唔會死甜，椰子味好香。芝麻豆腐杯芝麻同豆腐味好夾，芝麻香濃仙草芋圓有啲啲藥材味，糖水好甜，心大心細可以叫尼個，咩都有啲，可以試多啲嘢全部甜品都好高質，下次會再encore!!推薦椰香芋蓉珍珠露&芝麻豆腐杯

難得黎到天后食完飯想食糖水，上網就搵到呢間開咗好多年，好似幾吸引。一行到去見到入面好多人幫襯，應該相當唔錯。叫咗兩樣糖水，一個楊枝甘露同一個榴槤紫米露。楊枝甘露黎到，見到個芒果汁已經心知不妙，一食 嘩！甜到痴線，成碗都好似用糖水開出黎咁...芒果味好假... 個榴槤紫米相反，完全無味，食到我地完全懷疑人生。結果兩碗落樓要103蚊，完全唔能夠相信咁既質素收咁既價錢，可以一直存在到呢刻。失望而回，絕對無下次。

住係附近咁耐，最鍾意嘅都係哩間甜品鋪頭，難得cheat day就緊係唔爭在試下佢嘅「格仔餅城堡」啦！ ｛格仔餅城堡 $98｝ *製作時間～20分鐘坐低等左20分鐘，出現係眼前嘅哩個甜品真係嚇親我同個frd，因為真係超級大型，我真係冇預過會咁大個，好彩食完晚餐之後有段時間，個肚仲有位置，話曬女人都有兩個胃，一個for正餐、一個for甜品🤪 甜品黎到就已經聞到好香嘅奶醬多味，真係冇點錯味，雖然邪惡😏不過味道一流，上面有三球雪糕，食落去冇錯應該就係兩球奶醬多味、一球雲呢拿味，再加埋花生醬，超夾😍 烘過嘅麵包粒脆卜卜，點一點啲花生醬再加埋啲雪糕，仲好食過普通嘅奶醬多😋哩個甜品兩個人分可能會有稍多（雖然我同個frd只係清淨個框框），跟番餐牌預三至四個人就差唔多啦！我極推哩個甜品，大家不妨可以試埋其他味道（有草莓🍓同埋朱古力🍫），相信會令你地讚口不絕！哩間甜品鋪嘅榴槤甜品同樣非常受歡迎，鍾意食榴槤嘅朋友一定要試試🙌🏻！

《爆炸芒果🥭》———————————————-#甜姨姨-店員姐姐拎出嚟嘅時候已經聽到「啪啪聲」，未飲已經知道佢有幾爆💥裏面佈滿爆炸糖，完全係童年回憶！-唔淨只係得個樣，新鮮嘅芒果配上香滑椰奶，香甜又鮮渴。雖然用杯裝，仍然相當足料，完全唔係一杯嘢飲咁簡單😋有機會都想試吓佢其他甜品～-⭐ 參考價錢︰爆芒特飲：$48🍌 抵deal 指數：7/10-📍 甜姨姨私房甜品：天后清風街13號地下☎️ 2508 6962

草莓二重奏西米露($44) 🍓 開頭都怕會係藥水味, 點知結果係三樣入面我呢個最好食😌 除左西米之外仲可以揀豆腐花或者涼粉🍨 唔好睇佢細細碗, 入面有少量士多啤梨乾, 大量西米同埋椰果粒, 個底係士多啤梨味乳酪🍦 所有野夾埋既感覺係好正, 酸酸甜甜又凍冰冰, 仲有啲椰果粒同埋西米既煙韌口感, 全部都係我鐘意嫁😍椰芒西米露🥭($42)相對地呢個就比較普通, 唔知係咪過左芒果既季節, 所以啲芒果偏酸😖 不過椰汁既甜味可以中和返芒果既酸味🥥芝麻豆腐西米露🍨($40)呢個甜品西利喇, 曾經攞過2013年美國Travel & Leisure 世界十大最佳甜品🇺🇸 呢個組合同草莓二重奏差唔多, 只不過將啲野變曬做芝麻味同埋豆腐味, 芝麻味係超級勁, 不過可能豆腐同芝麻既野都唔係我鐘意既野, 所以我覺得一般🙈

鍾意食糖水嘅我，好多時都會係食完飯之後，如果太飽，買一碗糖水返屋企食。嗰日食完飯，就試吓呢間甜姨姨，上網睇食評見到都好多人試過同好評，就打算試下。我一向鍾意食熱甜品，所以就叫咗一碗雙色湯丸，饀料係黑芝麻同埋花生。返到屋企打開，個水冇薑味，亦冇甜味，湯丸皮厚饀少，無論黑芝麻同花生都係冇味嘅，還好係浸咗一啲時間湯丸皮都唔會溶到一pat pat。可能佢其他甜品好味啲啦，但係呢間咁嘅嘢我點都唔會有下一次喇。

我地最近去良心星級甜品店「甜姨姨私房甜品」飲全新推出嘅「爆芒」特飲💥 堂食拎走都OK👌🏻佢地嘅「爆芒」特飲有超足料芒果配七彩爆炸糖，每啖都充滿住芒果香+爆炸糖喺口內爆開嘅口感，仲超足料! 採用嘅爆炸糖更低糖，唔係普通街邊買好甜嘅爆炸糖，而且爆炸口感更持久，我地飲咁耐都爆足咁耐😂！

放工帶同事黎食，聽講幾出名同陳豪有份開，一於就去試下。7點幾都已經有1、2枱客，樓面冇人招呼，自己揀位座，又唔駛量體溫…甜品都多選擇，有中有西，有熱有凍，呢度出名榴槤、芒果、豆腐花系列。最後JoyJoy子揀咗芝麻糊豆腐花($35)，同事揀咗芝麻糊($35)+湯圓($10/3粒)，湯圓係麻蓉味。整體份量ok，價錢ok，問題在於支匙羹，有d細，適合小朋友用多d，我食一啖得個少少，真係食得有d吃力芝麻糊係幾香芝麻味，幼滑冇粉狀，但豆腐花出事，碎到我都分唔倒俾人食，負分環境都夠大，算舒服嘅，咁啱撞正員工食飯，有個阿姐講野大聲到全場聽到晒，我仲以為去咗酒樓，感覺不太好！

果次食咗三個甜品😋😋其實如果細食四個人分都夠🤔🤔食左1.雜果涼粉（$44）-雜果涼粉好好味😋，水果好足。涼粉係爽嘅，唔會太軟綿綿咁2.椰汁西米露（$35）-對於我黎講，無論去邊間甜品我都會叫呢個。因為好多時餐廳注重gimmick, 最簡單嘅嘢就整得唔好。但呢個有驚喜🤔唔會太甜，勁多西米露，椰汁唔會多到漏！😍3. 草莓涼粉水晶珠（$44）-個水晶珠幾特別，草莓同涼粉夾原來又唔錯，可能今次嘅草莓啱啱好甜甜酸酸。如果一向怕太甜可以叫呢個😋😋送左鹹蛋黃魚蛋 都幾好味嘅食完甜 再食鹹 唔錯唔錯😋😋