影片
吃完晚飯後，跟友人到處逛一逛，在路邊發現這一間名字奇趣的甜品店，於是入内一試。在牆上掛了 「石磨芝麻糊 手炒逾五百次」的poster，必定是招牌貨，必點的吧。就這樣地，我點了芝麻糊、友人就點了桃糊。這一碗秘製芝麻糊 $19，店方介紹過要把黑芝麻用手炒逾五百次，再用石磨磨成糊!芝麻炒到出油，睇到芝麻糊面呈現亮亮的油光。食落會覺得質地好厚， 會有少許濃至苦的口味， 芝麻糊會完全把口腔及喉嚨黏住， 又因為幾甜所以食兩三啖左右會想飲水，可惜店方無供應清水。這是友人點的核桃糊 $19因是友人的所以我只嚐過一口，質地並非過份的杰，入口充滿核桃香氣，口感滑溜可口，甜度不過分。不清楚這店是不是這地區的潮店，出名與否實在不太重要，因為這家的甜品已留住了我的心。
繼續閱讀
成日經過都未試過依間甜品店~依晚食完飯就去試試食店好細+座位好迫~坐得唔太舒服!天氣太凍..我都點個熱糖水保暖D"喳咋+紅豆沙"~糖水唔會太甜~料都幾多..而且好香椰汁味芋頭原粒中好粉糯另一半點"爆珠楊枝金露"糖水底好甜而且係用乳酸汁~唔係用芒果汁底芒果肉好酸~整體唔太好味! 兩款甜品中~反而中式糖水做得較好
繼續閱讀
晚飯後和友人途經此店，見門外章貼是鴻輝記姊妹店，試下先！先點蕃薯糖水，見到有黑點浮面，問店員黑點是什麼配料？店員回答：「淥湯丸時的黑芝麻漏出來的！」😱網友話此糖水好夠薑，呷一口，完全未如想像中夠薑、只得甜！蕃薯質素亦欠佳，失望！餐牌有自家製雪糕就每口味點了一球，士多啤梨、朱古力、芒果和雲喱嗱味跟牛X公司近乎一樣😅但荔枝和菠蘿味出色👍
繼續閱讀
第一次來到這甜品店，是給他們的芝麻糊吸引著，半年後再到來，就發現了增添了不少甜品，使店子增色不少，除了芝麻糊和傳統糖水外，還有拿破崙和以無添加雪糕製成的甜品等等。年輕小伙子（一男一女）正在坐著閒聊，見在下入內，立即上前招呼，並把餐牌奉上，在下便研究一下當中的甜品。最後點了這一個甜品。黑珍珠伴黑白涼粉 店員說其實可以兩溝的，即是內有涼粉加上白涼粉（椰汁糕），加上黑珍便可，但店員亦問在下是否加椰汁？在下當然加了。黑珍珠味如一般甜品店用開的黑珍一樣，有點煙韌，而涼粉沒有一點苦澀味道，而白涼粉是椰汁糕，有咬口及較硬，椰汁較為薄弱，未見濃郁，反而加了椰汁後才見其味。整體味道不錯，只是在下有點一頭霧水，經過店員解釋，才知道是怎麼一回事。（見題外話）另外店員亦詢問在下對甜品的意見，因為他們正把甜品改良，迎合顧客需要，這點值得一讚的
繼續閱讀
今日同班朋友一齊去完西九長廊影日落，食完個dinner又好似未夠飽肚甘，就有人提議話去荃灣一間糖水舖食糖水吹下水咁。行到去沙咀道寶石大廈轉個彎行前多幾步，係停車場前面有間幾的骰既糖水店叫做「甜頭甜品」。個品字仲要用3粒芝麻砌成，幾得意。入到去見到地方唔大，得5張枱，我地一行人就咁岩岩佔左1張，坐低之後侍應比左個Menu我地，系用菱形整成既Menu，同其他糖水店好唔同，而且店員態度親切，好似家庭經營咁樣。我地嗌左係呢到既王牌 芝麻糊同合桃糊，仲有一碗薑湯芝麻湯丸，韓式柚子涼粉同埋一客花生糯米糍。時間等多唔算好耐，幾分鐘就有得食！芝麻糊個面比其他既糖水店好唔同，呢到既深色好多，而且好滑同細膩，食落去又唔會太稀太稠，而且仲好濃既芝麻味，仲唔會太淡太甜，果然係呢到既鎮店之寶！跟住合桃糊，唔知出面個D點解有D苦味，但呢到既唔會苦，而且合桃味依然！同芝麻糊一樣，一樣唔會太稀太稠，正！我地問過店員先知道，原來芝麻糊好味原因在於師傅每日都會炒芝麻，翻炒幾百次，再用呢D炒好既芝麻加埋米一齊磨，而合桃糊亦系炸完合桃再磨，樣樣野都用心用力，難怪比其他既糖水店好味好多啦！至於芝麻湯丸，粒湯丸幾大粒，加上芝麻做餡，實在係絕配，薑湯做底亦夠味，又唔會太辣，唔錯又抵食。韓式柚子涼粉又比左個驚喜我地，我地見到係特色甜品就試下啦，跟住出黎既樣相當唔錯，就試下啦，涼粉加上柚子蜜同柚子仲有椰奶既配合，帶出柚子既清香同埋椰香，如果夏天食一定好消暑！而且味道甘中帶甜，涼粉又唔會好苦，好味道！之後個花生糯米糍好大粒，我以為係細細粒，原來唔係。咬落去見到有芝麻，椰絲，糖仲有花生，非常惹味，而且份量夠大又唔會好貴，最衰我地食完糖水飽哂，如果唔係一定汁多幾粒反去做宵夜，可惜呢個花生糯米糍只係五六日供應，賣哂就冇啦！我地大家一致同意呢間糖水店好唔錯，加上帶上相機，就諗住上呢到打反食評，話比大家知有一間唔錯既糖水店存在，係一個飯後選擇。
繼續閱讀