甜品專門店 (已結業)

一向愛甜品嘅我食飽飯後，就係想搵間甜品食等餐飯畫上完美句號，點知食到一肚氣 真係好難有一間我係會拒絕唔會再去嘅甜品屋，依間sweet line應該係第一間先講守治金時綠茶味唔夠，D冰仲係一舊舊牛奶芒果刨冰一樣差啦都係無味，心太軟已經叫好D但個朱古力cake出面個層食吓口一pat pat最慘係D雪糕佢係用放題free俾你食個D一個個已製成好嘅獨立雪糕球有D heart都無。食甜品都係想令自己開心，點知食完心情仲差咗，服務又唔好，質料又唔好，連個雪糕都唔得……

呢間都算新開既甜品店，見佢近排周圍派coupon宣傳，行過就去試下🤓。間舖頭門口好細，係條街到毫不顯眼，但門面都算光鮮，衛生環境都ok。.我就外賣左個芋圓西米露同椰汁西米露，價錢算適中，$24同$20，但黎到就發現有啲細碗，但買左都無辦法，一反到屋企食完夜晚就食甜品啦！😋.首先真係想講左多次係幾細碗，但$20左右其實都算差唔多，我就食芋圓西米露，芋圓口味有三種，都係芋頭、紫薯同埋地瓜，數量都算多，每一種味都有三至四粒，係咁細碗入面差唔多可以每一嗒都有芋圓咁濟！好滿足！🤣但不得不提個西米露，唔似出面某啲甜品點用糖水開西米露，呢間舖係用好濃既椰汁黎配西米露，每一啖都係濃濃既椰漿，西米既大細又啱啱好，每一嗒有西米又有芋圓，口感十足，超級滿足！試左幾嗒個椰汁西米露，係同我嗰個一樣XD，只不過係無芋圓，都係有好濃既椰漿味！👍🏻👍🏻.睇反餐牌原來仲有好多選擇，有唔同既組合，比較特別既係可以自選配料，好貼心！總括黎講都係可接受，價錢平少少但細碗少少，希望下次可以試下其他甜品啦！👻

我點左一個雪糕涼粉，佢既花奶味道好怪，有一陣苦味，完全唔係平時食開既味道，仲要淡而無味，覺得出去求其買一碗涼粉都會好味過佢。另外碗雪耳蓮子就普通，雖然佢標榜少甜，但我都覺比較甜。

份量細又唔平，買碗外賣熱合桃糊加湯丸超細碗，我都諗係咪湯丸放埋入面，返到屋企開來食時真係1粒湯丸都無，咁就$37，出面我食2碗淨合桃糊都食到了，又唔係好食所以唔會再有下次

今晚食完晚飯來到藍田一間平民價高質甜品店~原來係佢地主打低糖甜品店 岩曬我呢啲想食美味又想健康既人抹茶控必試既宇治金時刨冰 都係$38咋 全部都係低糖製作 食多都吾怕lu抹茶雪糕同刨冰既抹茶漿 抹茶味都突出 加左煉奶 份量剛好 不會苦澀又不會過甜仲有好多小丸子、寒天同紅豆增加口感貪靚既mm們 入面好多款桃膠糖水 任配任搭 全部都不錯喔今次就食左椰皇蛋白燉鮮奶 $45 可以揀冷/熱入面仲可以再選三款配料 我就揀左海底椰(+$4)、紅豆同涼粉我個人好鍾意海底椰既口感 而且又十分滋潤原個椰皇上 入面係鮮奶燉蛋白 加上椰子原漿 原汁原味 真係好推薦芋圓糖不甩(熱) $20邊個話糖不甩只能配小丸子？但我真係第一次食芋圓版 原來好正煙韌既三色芋圓再配上黃豆粉 味道口感真係無得輸芝麻糊 $20 , 腰果糊 $28佢地既中式糖水(芝麻、合桃、杏仁、腰果、豆腐花等)全部都係自家鮮磨製作 真材實料 味道香濃 而且甜度低 想美顏又怕太甜既朋友一定要試下食到超濃郁芝麻香 可謂香濃幼滑 烏髮潤腸又滋補腰果糊味道更香濃 味道甘甜 食完番尋味 食開糖水都知腰果成本高 所以外面好少見 而且佢地仲要自家鮮磨 黎到一定要