甘棠燒鵝

營業中

休息中

唔知係咪碟頭飯係咪唔同師傅整呢，我同朋友分別叫咗個燒鵝飯同叉燒飯，啲飯一睇就知道落太多水，食落去軟林林咁，好似食粥，搞到要重新點多碗白飯，反而包飯就正常水準，請問係咪碟頭飯嘅白飯同平時正常order嘅白飯係咪唔一樣呢？

嚟到南華會當然係要順路食返個燒鵝啦，可能有一排冇嚟，食物水準依然令人滿意，不過唔知係咪換咗批樓面，感覺服務差咗好多，同以前比真係差啲有啲多囖，希望可以改進下。呢排天氣開始轉冷，整返碗暖粒粒嘅燒鵝粉真係超正

國慶雖然冇乜假放，諗住第二日有一日off就同屋企人出去食翻餐，好揀唔揀去咗甘棠放假人多都預咗架啦，唔洗排隊已經好開心，不過唔知係咪因為放假原因，個個夥計好似失魂咁，叫咗幾次都冇人理我哋，落個單都等成十分鐘先有人嚟

朋友為了食燒鵝，特地約我哋去南華會打保齡😂同一般金錢雞有少少唔同，上面係雞肝、中間夾塊馬蹄、下面係肥肉，食落爽爽哋冇咁油膩。略嫌唔夠蜜汁，甜啲更好。隻鵝本身唔肥，只有少少肥膏。肉質嫩滑，醃料唔會蓋過肉味。近脾部位啲皮仲係少少脆已經好少地方食得到我懷舊菜式。魚肉加豆腐一齊蒸，雖然上面有果皮絲，但魚肉仍有腥味；豆腐偏硬，同我兒時用嚟撈飯的質感差好遠。朋友唔想食叉燒，所以叫咗燒腩仔。普普通通，啲皮唔係特別脆。問我會唔會再嚟？如果專登就唔會，因為價錢貴，又唔係特別好食。下次有機會多幾個人或會試吓琵琶鵝，見隔離枱食幾靚

個人建議燒鵝同叉燒二選一就好啦，兩樣菜一齊點真係漏，基本食兩舊就已經滯到食唔落我就建議大家揀叉燒，好送飯，不過肥叉燒好似話要提前預訂先有，燒鵝唔係話唔得，真係太肥膩，食唔慣

同幾個F行完街街，有朋友提議話嚟甘棠，甘棠最出名係燒鵝，嚟到唔洗講嘢，肯定叫返隻燒鵝啦話係新鮮出爐，但係食落唔多脆口，真係令人大失所望，肉身都係麻麻哋，整體感覺都算OK嘅，但係就唔係好值得呢個價位囖

做完嘢霖住試下一直想試嘅甘棠，叫咗份陳皮燒鵝，肉汁多，不過皮唔夠脆，唔夠入味，同埋果陣果香覺得怪怪哋。叉燒就係夠水準嘅，又厚又鬆化，一到起落，絕對值得一試。不過性價比就見仁見智啦

燒鵝太肥膩，基本上食兩舊就已經滯，啲皮筷子一夾落去好多油，叉燒反而可以食多幾舊啲例湯太鹹了，唔知係落得鹽多定係味精多我覺得碟油菜炒得幾滿意，同埋建議燒鵝最好堂食，打包返去之後凍咗就唔好食

連續兩年，打電話訂燒鵝，講好時間攞燒鵝。連續兩年嚟到，都係話俾你聽冇燒鵝，叫你等半個鐘頭至一個鐘頭以上！如果冇得訂燒鵝，為何會有得訂燒鵝呢？如果各位需要訂燒鵝，最好不要在這裏訂。Walk in有就有，唔好有期望！

啲夥計眼角真係高，個場明明都唔係好爆，叫幾次都冇人理，難得嚟到就好晦氣咁問你食乜好似趕住時間轉場Happyhour咁。之前人地話甘棠服務跟唔上，今日一見果然名不虛傳，咁樣搞食龍肉都冇味，

燒鵝頭斬得麻麻，碎骨稍微多咗少少，汁水唔係好夠雞潤好鞋唔夠嫩滑，叉燒就幾好，完全係我鐘意嘅口味打包個燒鵝走，唔知係咪包裝果時唔小心，成個打包盒都係油，返到去先發現- -，瞬間冇晒食慾

服務員有冇咁大支嘢，order個鹵水鵝肝話賣晒，問佢要幾時嚟先有得食佢話叫我早啲，咁早啲即係早到幾點又唔講，問下有冇其他推薦又掟張菜單過嚟叫我自己睇，大佬如果我有心水就唔洗問你啦係嗎？

甘棠燒鵝係以創辦人甘先生同燒味師傅棠哥命名。甘先生是鏞記甘氏家族的一份子，棠哥則是舊時鏞記酒家的燒味部師傅，延續了鏞記的質素和要求，出品自然不在話下。我已經回訪過甘棠數次，尤記得初次拜訪時品嚐的甘一刀叉燒，簡直震撼了味蕾。😮甘棠的叉燒，採用了西班牙黑毛豬製成，肉香更為突出。而🔸甘一刀叉燒🔸則選擇了肥瘦相間的部位，厚約5釐米，燒得外焦內嫩，邪惡至極。每一口都充滿油香，不用太多咀嚼就融化於口中，是一試難忘的口感與味道。甘一刀叉燒，是暫時吃過最好的叉燒，即使一些摘星的米芝蓮中菜廳，也未必去到如此水準。但一塊就剛剛好，多了就會膩🤣除此之外，🔸琵琶鵝🔸也是令人振奮的一道菜式。琵琶鵝以特別的方法燒成，呈上碟時鵝身打開，鵝頸翹起，恰似一把琵琶，故此命名。琵琶鵝的皮比一般燒鵝皮來說更為香脆挺立，那程度簡直如薯片一樣！肉質也是嫩滑，十分出色。嚐過鵝肉，來到甘棠必須要試的還有🔸一品鵝雜煲🔸。鵝雜煲叫價不菲（與一隻燒鵝差不多價錢），但值得一試。煲內有鵝腸、鵝紅、鵝肝、鵝翼等材料，燜煮過後與醬汁融為一體，如果愛豬紅的朋友，你一定會愛上鵝紅，因為它的口感十分順滑，說不出的美妙的感覺。不過鵝肝稍微失色，長時間烹煮

服務同其他負評一樣，亦即係冇服務，服務員會對你視而不見，買外賣會容許後面既師奶打尖，食物就普普通通，而且地點非常之唔方便，其實好食既地方大把，唔一定要搵哩間餐廳

家中兩位六月之星生日，超過兩個星期前已訂好甘棠燒鵝。知道餐廳地方有限，早一日已經特登打電話去confirm 張枱，仲問有什麼餸要預訂，仲知道切餅費是$50。點知。。。。今晚已經提早到場，佢哋話我哋唔係用所留嘅電話號碼confirm, 就話我哋冇confirm，完全唔肯承認錯誤，話唔係佢哋嘅問題，又無盡力安排方案！其實餐廳地方幾大一眼見曬，發生咗咁不幸嘅事只能夠慨嘆一句唔好運，但係餐廳經理一d歉意都冇，仲怪我哋話用訂枱電話搵唔到我哋，但係我哋明明就confirmed 枱！根本就係佢哋內部溝通有問題。呢啲咁嘅服務質素及態度，啲嘢幾好食都無用，更何況我哋未食過，都唔知啲嘢係咪真係咁好食