瓊芳冰廳

營業中

休息中

同朋友去西九戲曲中心睇舞台劇，去ELEMENTS搵食，見到呢間「瓊芳冰廳」，之前未試過，我哋又有少少趕時間，見好似幾好坐咁，同朋友2個人就決定食呢間～雖然喺ELEMENTS商場裏面，價錢又唔貴喎，都幾合理，見到有鐵板餐，好似幾吸引，之後叫咗一份鐵板西冷扒，另外一個香煎芙蓉蛋飯。鐵板餐係要上菜嘅時候淋醬汁，咋咋聲咁先正😆😆件西冷扒勁大件，厚切，有肉汁，好好食，配菜都好多呀😋！我哋要咗黑椒汁，西冷牛扒要配黑椒汁先好食～芙蓉蛋飯上面嘅蛋都真係煎得好香口，多洋蔥。成片蛋完全蓋住啲飯，都係分量十足！原來鐵板餐仲有餐湯同多士，真係好豐富，三個人都夠食😂嚟開呢個商場睇戲，又多一個晚餐選擇，性價比高👍🏻下次要試吓佢個黯然銷魂飯先~

冰廳位置在九龍站圓方，面對住溜冰場。我哋點左幾款瓊芳推介：現場燒製叉燒湯意粉拼炒蛋腸仔、歐式軟多士：叉燒色澤紅潤，肉汁豐富，入口鬆化，真係名乎其實既黯然銷魂叉燒；意粉煮得軟硬適中；湯底係濃香既忌廉雞湯；炒蛋好滑溜；多士夠厚又鬆軟。超級雜扒飯 (雞扒、豬扒、腸仔、餐肉)：份量十足，火喉精準。豬扒及餐肉都係厚切；雞扒格外嫩滑；雜扒既腸仔，係成本較高的德國香腸；配埋蔥油醬汁，撈飯一流。馬來三叔公咖吔多士：咖吔醬質感濃稠，風味正宗，多士烘得金黃香脆，內有半溶牛油，邪惡又好味。紅豆冰：紅豆軟綿起沙，甘甜滋味。凍港式原味鴛鴦：無加冰粒，茶味香醇，茶啡比例恰到好處。總結，裝修雅緻，坐得舒服，定價親民，員工服務態度好，出餐快，推薦👍

有國內朋友坐高鐵來港旅遊，約咗我去尖沙咀圓方食飯聚舊，我知道那裏有間裝潢雅緻嘅瓊芳冰廳，茶餐廳糅合中西創意，提供高質的道地美食，一於請朋友試吓！超級雜扒飯，份量十足，有雞扒、豬扒、餐肉、腸仔，配香葱油及秘制頭抽，所有食物都煎到香噴噴，豬扒好大塊，雞肉肉質都好嫩。鐵板套餐奉送粟米忌廉湯，濃郁甜美。歐式軟多士，香脆可口。鐵板珍寶雞扒配金蒜汁，鐵板熱辣辣盛載雞扒上枱，倒入金蒜汁立即發出吱吱聲，香氣四溢，雞扒厚肉又嫩滑。金蒜汁蒜味香濃，十分惹味！有餐飲紅豆冰，紅豆林甜，奶味香甜。凍鴛鴦，夠香濃，甜度適中。

平時無咩事都唔黎elements, 點知今次黎一黎又開左眼界，瓊芳收埋係elements 既G/F個層，雖然係冰室食物，不過襯返超高樓底同埋開揚設計，即使枱與枱之間好密，但亦唔會有侷促感。門口有一格係賣蛋撻架！今時今日仲有邊間會咁樣放係門口？富有懷舊設計感menu, 睇得開心。好 欣賞打開櫃桶後見到每格食具都會有標記寫返係咩分類，莫非佢地係行「五常法」？🤪🤪🤪點左兩個餐加多士，首先黎冰室一定有既紅豆🫘冰，啖啖紅豆加蓉，甜甜口感加幼滑奶，好正呀🤤🤤🤤啲紅豆唔係一粒一粒好硬身個啲，而係一啖啖淋淋地既紅豆蓉呀🤤🤤奶茶夠哂絲滑，唔錯！點左兩個常餐，一個潮式沙茶牛肉米+太陽🌞多雙腸多士，一個現場燒製叉燒湯意粉+炒蛋火腿多士。叉燒唔知係咪堅即場燒製，不過厚度適中，口感易咬，咬開亦有湯汁溝肉汁咁流出。沙茶牛肉夠哂味，但不致於重口味，絕對係茶記必有既味道。湯底夠哂味，搭米粉食健康少少。 最後點左個馬來三叔公咖吔多士，厚切鮮牛油真係唔講得少，反而咖吔味唔夠，不過勝在多士焗得外脆內軟，熱熱多士夾住冰凍牛油已經補救返。

今日好開心同屋企人去咗尖沙咀圓方商場嘅一間餐廳，呢一間餐廳食物質素好高，食物種類又多，而且呢度嘅經濟價錢實惠，真係好啱朋友同埋屋企人嚟㗎，而且呢度好似一間開特色嘅冰室，真係好舒服，所以一定要嚟啊，頭先一間餐廳搵資料尖沙咀圓方，響溜冰場隔離，真係好容易搵㗎，而且呢度嘅裝修都好靚，好高級高尚，坐得好書房，呢度嘅餐牌食物種類都好多，我哋嗌咗個鐵扒餐，有雞扒牛扒豬扒，而且最緊要係食物好新鮮好好食，全部都係熱呼呼的，呢度仲有常餐大餐選擇，我哋叫咗個肉醬滑蛋飯，呢度最出名係黯然銷魂飯，真係要泥試吓，全部你嘅飯啦大大碗，怕女友大塊，真係好大隻，所以呢真係好吸引呀，而且呢度嘅奶茶都好好飲，杜可以用一個經濟實惠嘅錢就可以食多個安格斯牛扒真係好好食呀，你請咗個侍應服務都好好全部都好高質素，主動斟茶遞水，有笑容有招呼，所以我覺得呢一度真係一定要泥試

收工黎開呢頭同agent傾屋企人份保險，見圓方呢個商場都係高價菜館為主，行過門口見到呢間冰室既餐廳幾開揚，食物都以港式為主，望落幾骨緻整潔，決定入去試下。裝修都幾有復古mix現代感覺。食物有多項港式西餐選擇，有大大份既鐵板扒餐同招牌既暗然銷魂飯，係圓方黎講價格亦合宜，可以配番杯雜果賓治就一流，即刻有番童年既感覺除openrice 見到既餐外，現場既menu新增左星洲咖喱，岩哂我呢啲咖喱控，一定唔會放過點呢個試下！最後同agent各人都決定叫個星洲咖喱試下，我叫左雜菜牛肋條，佢就叫左豬扒。黎到望落辣辣地，食落都係好輕微既辣，伴隨住椰奶香，咖喱汁都俾得幾足。牛肋條有5塊，肉質唔會柴，肥瘦岩岩好🍖咖喱豬扒就更加好食，因為佢係即叫即煎既，黎到好香口，肉質有預先醃過所以不會太鞋太難咬，大大塊其實都好夠送飯友人叫左個紅豆冰，奶味都幾香濃，紅豆大大粒，跟餐加$8（特飲）都幾扺由於女人每月煩惱唔飲得凍野，叫左杯熱鮮奶，聞落幾香，飲落幾濃。有機會黎試下佢招牌黯然銷魂飯先，咁岩侍應上餐前經過望到啲叉燒都幾夠火喉，燶邊蜜汁半肥瘦

今晚同朋友要去西九文化區，打算係圓方食左飯先過去💁🏻‍♀️朋友介紹左去瓊芳冰廳食飯，環境佈置好精置，光猛整潔舒適，令人好舒服。我哋點左黯然銷魂飯同鐵板西冷牛扒😻😻份量都好夠多，岩哂我呢個大食怪呀😆📍黯然銷魂飯（$98）我係一個叉燒煎蛋控，呢個黯然銷魂飯真係滿足咗我嘅胃啊！叉燒味道好香好濃郁，煎蛋好滑好軟，仲要係流心蛋黃，簡直係我最愛😍💁🏻‍♀️💁🏻‍♀️配上軟滑既米飯，真係好好味啊！叉燒好淋，而且厚切，味道勁好食👍🏻一定要再嚟食啊！📍鐵板西冷牛扒（$138）我哋點左5成熟，牛肉肉質好滑嫩，加上個鐵板，自行加汁/職員幫忙加上汁，令到啲肉好juicy，真係好好味啊！再加上啲薯角，令到味道更加豐富！而且配左厚多士及餐湯，都做得好出色既👍🏻飲品：凍檸茶同凍鴛鴦（跟餐飲）飲品都調配得好好係正宗既港式茶底呢😍服務員好有禮貌，好細心，我哋想share 食物食，細心比左2份碗我哋分享👍🏻👍🏻👍🏻整體黎講係唔錯既體驗💁🏻‍♀️

因為工作緣故，時常到圓方見客戶及搵嘢食，搵到一間平民化冰廳，食物質素不俗，價錢性價比高，冰廳常常滿座，各位同事很落力招呼及有耐性對待客人，雖然有時人手不足，但他們各位都很專業. 識得幾位同事叫阿麗，阿卓， 嘉義，嘉華…及經理，都好細心，盡量照顧客人需要，欣賞他們對客人的態度. 是服務行業的重要因素.

聖誕正日諗住去西九睇燈飾，順便喺圓方食飯，點知中哂伏😑 嬲嬲地決定寫個comment警世🫡喺出面排隊咁耐都冇講咩餐賣哂，入到去scan QR code落單，一睇先發現依樣又冇嗰樣又冇，得返勁少選擇我叫咗個雜扒飯，腸仔凍嘅，雞扒煎燶哂，啲飯又凍又硬，屋企人叫咗雞扒飯同雞翼米粉，都話食到肉類唔新鮮，有陣宿味店員服務態度又差，西口西面，放嘢食落枱大大聲，又唔講嗰碟係咩嚟總結，完全唔合格，早知咁伏過隔離食大X活好過😑 節日流流揀中食依間真心黑仔，唔明點解可以開喺圓方咁耐都仲未執😑

趕住係Elements 睇戲，於是就揀左呢間比較近戲院嘅茶餐廳。一坐低就叫左蔥油豬扒飯同埋熱杏霜。朋友就預咗常餐嘅沙嗲牛肉麵同埋熱檸水。飲品好快就嚟左，杏霜嘅味道都幾濃，幾香杏仁味。朋友個常餐都係幾分鐘後就嚟咗，但估唔到個蔥油豬扒飯等左成25min, 中間都有催過單，個侍應居然話每塊豬扒都係即煎😅所以起碼要等20分鐘，而且啲態度亦麻麻，講真嚟得食茶餐廳，大家都預咗係想快食，如果食物真係要準備咁耐嘅話，應該預先話俾客人知。等咗25分鐘嘅蔥油豬扒飯，豬扒味道係唔錯嘅, 肉質都幾稔，但蔥油真係好少。雞蛋仲係流心嘅，將啲蛋汁撈飯都幾好食。

今日本身想去大快活食，結果發現大快活裝修緊。我地唔想行咁遠，見隔離有間冰室，就近近地去呢間冰廳食。我地兩個人叫完兩個餐，兩杯野飲，價錢就還好，畢竟係圓方入面。結果我地食完都只係得一杯野飲，同其中一個路過嘅侍應講，佢話好。結果等多15分鐘都係冇野飲。雖然我唔介意少杯野飲，但真係好失望，落單寫明有，結果咩都冇，唔知係咪個點餐系統有問題。反正我永遠唔會再黎，呢間服務惡劣，野食普通，收又收得貴過人，不知所謂。

d野唔好食,又貴,最重要係唔夠熱。消毒枱求其。樓面唔夠人。而且聽到隔離枱講漏單情況嚴重。收銀收完錢好似想趕人走。入圓方之前食飽啲,強烈建議食大快活(相同質素,價錢平d)

一個常餐，收成六十幾蚊，貴唔緊要，餐牌寫明黑松露炒蛋就算啦，仲要落單後才說無黑松露，又話無得平返，唔要就食第二讓，咁做生意同騙人有什麼分別，呢間野服務差又貴又唔老實，以後唔會幫襯

今日朝早要去element，順便搵個早餐食，除咗快餐店之外，呢間係唯一茶餐廳之選早餐重點之一，就係呢一個沙茶醬牛肉公仔麵，成個餐要50幾蚊，係比較貴，既然佢開得呢個價錢，就一定要試吓啦結果都係有啲失望，牛肉份量都多嘅，亦唔會那到個牛肉過分鬆軟，沙茶醬未亦都有，但係個水準又唔覺得係好高，嗰醬亦都唔係咁驚為天人，都係當俾咗Element食嘢嘅價錢炒蛋都正常，夠滑，亦都有蛋香塊多士有少少似大快活多士，唔知係咪同一出品？

豬潤牛肉米粉真係落左好大件薑，湯底夠薑味，但豬潤稍為煮過火左少少唔夠滑，太陽蛋我喜歡，不是全熟的，火腿可以，牛油麵包也脆，奶茶一般般ok啦！雞翼也煎得好香，皮也脆。