瓊芳冰廳

營業中

休息中

總有一間冰室喺附近😂，冰室姐係靚版茶餐廳，喺得圓方開都唔差得去邊～環境乾淨企理，食物有品質，醫肚之選👍🏻我自己本身都幾鐘意食茶餐廳嘅野，方便快捷好味😬瓊芳至愛餐($62)有午餐肉米粉、松露炒滑蛋、軟多士、熱飲，都幾抵食～松露滑蛋好香，快靚正之選豬潤牛肉湯米粉配炒蛋腸仔軟多士餐($70)豬潤非常厚身，冇臭味，咬落去彈牙軟身，湯底薑味重，飲完唔會口乾👏🏻馬來三叔公咖吔多士($28)超好味！推薦～ 咖吔醬甜而不膩，即使連埋牛油一齊食都唔膩，麵包烘得香脆，講完而家又好想再食🤤🤤脆皮雞中翼($40)份量唔多，味道正常，就係平時煎雞翼嘅味道～

送朋友去車站前食嘢成個elements咁多嘢食，佢揀咗瓊芳冰室點解？可能自己喺呢度生活唔覺但對外國人嚟講，茶記係好大吸引力或者茶餐廳先係真係 #說好香港故事你問我嘅話我覺得瓊芳同一盤茶記差唔多Locate喺大商場環境的確係比較grand食物種類，份量，服務都十分茶記價錢就當然係elements價位啦午餐肉米粉黑松露炒滑蛋配厚多士午餐肉都幾厚切，夠飽嘅有趣嘅係有一片紫菜同埋啲粟米喺入面可能餐廳覺得個餐一啲纖維都冇唔係幾好？我欣賞佢哋有考慮過營養上嘅balance嘅黑松露唔算香但滑蛋夠滑配厚多士幾正，成件事真係好港式蔥油豬扒煎雙蛋飯 蔥油都係茶餐廳名物但可能考慮到有外國人食唔慣咁油所以個蔥油係放喺一邊比食客自己點嚟食而唔係直接淋喺豬扒上面個人覺得咁樣做個蔥油冇咁香其餘食物正常發揮凍奶茶，凍檸樂朋友話佢最掛念嘅係凍奶茶第二度飲唔返我都覺得係！ #港式奶茶世一老實講我覺得呢度嘅食物 #唔完美可接受要改善但事實係朋友食得好開心我希望佢甚至係世界各地嘅人都會記得香港嘅美食香港精神曾經係平靚快正「平」而家就應該唔再搵到㗎喇至少keep到個「正」字囉淨係得快冇用㗎嘛

今日同朋友行完西九，因為天氣太熱，所以去咗圓方行吓商場，食返個午餐。咁啱經過呢間瓊芳冰廳，價錢相宜，就入咗去試吓！我哋叫咗一份瓊芳黯然銷魂飯、超級雜扒飯、一杯檸檬茶同埋紅豆冰，最後仲有兩個新鮮蛋撻。瓊芳黯然銷魂飯有4舊厚厚嘅半肥瘦叉燒，一啖咬落充滿焦糖香味，肉質鮮嫩，兩隻香煎流心太陽蛋蛋味濃郁，撈埋白飯、粟米同埋秘製頭抽一齊食，滋味無窮！超級雜扒飯呢份超級雜扒飯份量超大份，裏面有雞扒、豬扒、餐肉同埋腸仔，鍾意食肉嘅你，千祈唔好錯過。紅豆冰呢款紅豆冰十分經典，甜度剛剛好，嚟到冰廳一定要試嘅飲品之一！新鮮蛋撻蛋味濃郁，新鮮熱辣，下午茶必點！

今日出差路經element, 肚仔餓要醫下肚，去左呢一間雅緻港式茶餐廳。餐廳光猛, 裝修經典有氣派。餐廳生意好好，座無虛席。餐牌有圖配合5, 60年代背景，表逹經典懷舊食物，港式美味，歷久常新。餐廳可以QR code落單，方面快捷瓊芳黯然銷魂飯 ($98) 係餐廳嘅皇牌推介叉燒係半肥瘦厚切共四件，熱辣辣充滿蜜汁香味，肥肉入口即融，而且邊邊焦香。香煎流心蛋，生熟度剛好，蛋黃係橙黃色，蛋黃汁加上秘製豉油撈飯，絶配! 配粟米，取代平時外邊吃的兩條菜芯，感覺健康。加8元有檸檬薑可樂，略覺薑味不足。馬來三叔公咖吔多士($28)我既甜品，椰汁味香，牛油份量適中，多士脆，不太膩，味道不錯!

平日放工大約六點半黎到，已經7成坐滿餐廳環境光猛，裝備簡約坐低後，店員會主動比水客人餐牌有古裝氣派可以QR code落單，方面快捷叫左2款餐牌推介招牌瓊芳黯然銷魂飯馬來三叔公咖吔多士🍞咖吔多士多士脆口，咖吔醬唔會過甜牛油唔係佈滿全件多士，唔會太邪惡隔離枱既食客見我地食得咁開心，自己又叫左份😂🍚瓊芳黯然銷魂飯同餐牌相一樣有4舊厚切叉燒 肥瘦適中太陽蛋煎得岩岩好蛋黃係橙黃色 但略嫌唔夠重蛋味可以係點餐時候 揀炒蛋跟飯會有埋粟米 食完濃味野 可以清一清口腔飯量超多 2個人都食唔晒另外叫左蔥油豬扒煎雙蛋飯🍚 正常水準☕️熱阿華田同港式鴛鴦 唔會過甜/太淡原本想試埋2款蛋撻不過店員話焗爐壞左同埋晚餐時段通常都賣完下次有機會再試

想食鐵板餐又想環境好,圓方既瓊芳冰廳就岩晒我。佢既裝修好HIGH CLASS咁,叫左個鐵板牛排餐,全熟,薯角好香脆可口,仲有好多配菜,醬汁相當入味,肉好嫩又大份。抵食!我仲加錢跟左個GARLIC意粉添,都重GARLIC味。多士係厚身既,加牛油超好味。餐湯係粟米湯,都唔錯,淡淡地而不失栗米味,好少可有得飲栗米湯,大滿足呀!飲品就叫左個檸樂同埋紅豆冰。紅豆軟綿綿好好味,椰汁味濃。咁樣200蚊都唔洗,好抵。

地點位置優越喺正過關巴士站同埋九龍站上蓋 我們旅客仲有好豐餘嘅空間畀你放行李箱火腿通粉煎雙蛋麵包多士飲品全部44蚊 喺其他地方可能有啲貴但係喺正啲咁靚環境嘅地方就一啲都唔貴但係有個問題係太多旅客等時間等上車 所以唔係容易有位坐有一個好處就係佢朝頭早七點十五分已經開門營業喺呢個商場離港幾乎只有佢開門另外一間就係大字頭快餐店同埋咖啡店佢個位置仲要比較近過關巴士但係都有一個唔係幾好嘅地方可能唔係餐廳嘅問題係全香港嘅問題冇 !人 ! 做! 嘢!員工嚴重不足 出菜位有幾級樓梯見到員工三十分鐘內有兩次倒瀉嘢 設計極不理想

之前黎圓方係溜冰場附近見過有間裝潢幾雅緻既冰室，下午茶時間唔想太飽就諗起可以食下，宜家好興QR code 落單，睇完一大輪之後就揀左瓊芳黯然銷魂飯套餐話曬係招牌菜，叉燒有成吋厚，係用西班牙伊比利亞黑毛豬燒製，食落肉質好有彈性、咬口，肥瘦均勻，配飯既太陽蛋，蛋黃顏色好金黃加上秘製頭抽，送飯一流！我自己覺得個飯係日本米既話仲正，我麻麻地用金鳳米，女仔食既話分量都幾多，不過多幾塊肉既話仲正，食食下加埋D粟米粒又無咁悶～另外叫左夠薑豬膶牛肉湯米粉（轉公仔麵）配炒蛋火腿多士，湯底好夠薑味，豬潤厚身唔鞋亦冇腥味，鮮牛肉夠嫩滑，炒蛋嫩滑同香牛油味多士烘底夠脆口加埋炒蛋食幾正下～整體黎講係唔錯既體驗💁🏻‍♀️

今日同朋友約咗去西九文化大劇院睇舞台劇，諗住放工時間快食一個晚餐，點知俾我哋搵到喺圓方有比較親民嘅茶餐廳，所以去試吓。睇佢哋個餐牌都幾大眾化，而且款式都算好多，我哋兩個叫咗黯然銷魂飯($98)同埋星洲咖喱雜菜牛肋骨配意粉($98)。黯然銷魂飯($98): 上菜用個盤上，配有一細碟粟米同埋秘製醬油。叉燒有成吋幾厚，一共有四舊，烤得有少少燶邊，而且蜜汁亦都好夠，仲配上兩隻流心蛋，同朋友一人一隻嚟撈飯，加上秘製醬油，真係幸福嘅感覺！叉燒係半肥瘦嘅，食落口好鬆化。同埋加咗啲粟米落去飯入邊，感覺又幾新奇，以為會唔夾，點知出嚟效果又可以接受。餐飲叫咗港式奶茶，茶味都幾濃。仲要一提嘅係個飯底好多，因為個碗好大碗，我哋兩個女仔食咗兩碗飯都仲有淨。星洲咖喱雜菜牛肋骨配意粉($98): 純粹因為已經叫咗一個飯，所以叫咗意粉。個人覺得原來意粉都幾夾，但係朋友話配飯先係最正宗。上菜嘅時候淨係見到雜菜喺咖喱上面，以為冇乜料到，點知底下全部都係牛肋骨，起碼有七至八嚿。自己覺得叫牛腩比較貼切，因為真係一啲骨都冇，都整得幾鬆化，而且一咬就甩，好淰，而且都好入味。雜菜份量唔算太多，始終主角都係牛肋骨。凍檸茶($3)正正

瓊芳冰廳下晝嚟到Elements，想簡單食個下午茶，就㨂左呢間茶餐廳。裝修幾雅致，坐得算舒服。夠薑豬膶牛肉湯米粉名乎其實，湯底好重薑味，但豬潤有些少鞋口，牛肉正常，不過不失有配炒蛋腸仔多士，份量唔錯，加埋夠飽肚。馬來三叔公咖吔多士咖吔醬質感濃密，內有極邪惡厚牛油，有烘底，烘得幾香脆，值得推介👍🏻港式鹹牛肉雞蛋三文治內餡唔算太多料，中規中矩，烘底香脆係大商場入面茶餐40蚊左右，算係經濟了，但出餐比較慢，鄰座有漏單情況。寫食評之際，見到好多食客指服務態度差，但幫襯當日店員係正常。

瓊芳冰廳 (尖沙咀)食物: 現場燒製叉燒湯意粉拼抄蛋火腿、歐式軟多士😋😋熱港式鴛鴦😋😋星洲咖哩牛肉配飯😋😋熱檸檬茶😋😋現場燒製叉燒湯意粉拼抄蛋火腿、歐式軟多士：意粉唔會太淋，爽身，湯普通，叉燒唔錯，有幾塊瘦，有兩塊肥瘦一半，整體唔錯👍🏻。多士走油，配上火腿雞蛋，幾好味😋，火腿整得岩岩好，唔會太淋唔會太硬。熱港式鴛鴦：一般，唔會太甜。星洲咖哩牛肉配飯：牛肉係一片片，唔係一舊舊，汁唔錯，唔會太辣，怕辣的人都可以試一試。熱檸檬茶：總結: 環境唔錯，食物幾好味，但上菜速度較慢，菜色選擇唔多，價錢亦唔算便宜分數 食物: 7/10環環: 7/10服務: 6.5/10推介: 6/10上菜速度: 6/10地址: 尖沙咀柯士甸道西1號ELEMENTS圓方火區地下G004號舖

約咗朋友嚟圓方睇戲，入場前先搵間餐廳食個 quick lunch。唔想幫襯快餐店，揀咗溜冰場附近嗰間「瓊芳冰廳」。據知餐廳嘅名字靈感及係來自「瓊花」，店內裝潢很雅致，用上古典拱門，素色建材、透光玻璃旁欄作裝飾，營造出簡潔舒服嘅風格，令人耳目一新。瓊芳黯然銷魂飯 ($98) 係餐廳嘅皇牌美食，一場嚟到，當然要試下。叉燒採用西班牙伊比利亞黑毛豬現場燒製，食落肉質好鬆化，肥瘦均勻，蜜味中帶焦香。伴吃嘅太陽蛋，水準亦不遑多讓，蛋黃超流心，而且仲要係打孖上、份量十足，入口蛋香味濃，再配上秘製頭抽，用嚟佐飯真係一流！另外仲點咗客星洲咖喱雜菜牛肋條意粉 ($98)，廚師出手好豪爽，牛肋條有 5 大件，肉質肥美，食落超級鬆軟兼入味，加上濃香得嚟更帶少許椰香嘅咖喱，真係令人食指大動！雜菜有西蘭花、椰菜花、甘筍和薯仔等，份量都唔少，滿足健康要求。意粉煮得啱啱好，外軟內煙韌，以微辣嘅咖喱汁伴吃，惹味非常。兩個套餐都配有熱飲、凍飲+$3、鮮奶+$6、特飲+$8。兩杯飲品嘅表現都唔錯，奶茶香濃滑順、而檸茶嘅茶底亦冲得恰如其份，好夠味！

今日去左圓方商場行街，行完有d肚餓就去左呢間茶餐廳吃晚餐。現場燒製叉燒湯意粉（$78）配炒滑蛋拼雙腸及歐式軟多士叉燒幾滑，燒得好香口，意粉個質感幾好，個湯又幾好飲。然後個滑蛋好滑溜，非常香滑。雙腸又煎得夠香，唔錯。然後多士有烘底，查埋牛油就更加香，幾好食。星州咖啡魚柳（$88）：咖哩好香滑，叫左多汁，佢就比左好多咖哩汁，送飯一流，魚柳煎得很香，不過都有少少乾身。脆皮雞中翼（$40）：炸得非常香脆，送上來時還是熱辣辣的，非常好吃。跟餐凍奶茶🧋，幾香滑。另外跟餐加左杯特飲—手拍有皮老薑煲檸樂好重薑味，真係好正，配埋甜甜地的可樂，檸檬的酸味，味道好有層次好好飲，好正。整體來說雖然價錢比普通茶餐廳貴一點，但環境坐得舒服，食物質素都好，所以都抵食。

1.服務超差：基本上所有職員態度唔好，尤其一個男嘅職員棋收銀位，唔知係咪因為好多嘢要顧對所有人超惡，包括職員同埋啲客。一係就帶位嘅時候俾晒面色人睇好唔耐煩，如果唔係就有啲客落單嘅時候狂催人快啲。我喺隔離聽真係問晒好號？？ ？另一個職員問佢攞返杯嘢飲，佢話等等，之後杯嘢飲冇出現過🫠2. 食物質素：叫咗杯茶走，但係煉奶另外上都唔緊要啦，佢俾咗杯咖啡我。想問返佢要杯奶茶等咗勁耐先問到。而且冇送到嚟過。個沙嗲牛麵，因為為咗等第二個嚟到一齊食所以食嘅時候琳琳地以為正常結果第二個面都係淋既。3.上菜速度：我哋兩個人一齊落order係同一部電話，但係個沙嗲牛麵出餐之間差咗成15分鐘。總之呢間嘢就係唔好食+服務態度差

今日去左高鐵站送大陸親戚車，送完都6-7點，所以就話係附近食少少野先，咁圓方平民價位既餐廳唔多，快餐又好似太頹，見到呢間靚靚冰室咁多人就唔洗諗，食左先講間餐廳裝修好新，座位都好坐，以呢個商場水平黎講，個價錢係幾貼地主打道地香港茶記美食夠薑豬膶牛肉湯米粉配炒蛋香腸多士湯底好夠薑味，豬潤厚身又唔鞋亦冇豬臊味，鮮牛肉夠嫩滑又有牛肉味，米粉爽口彈牙炒蛋嫩滑又有蛋香，腸仔係脆皮腸多士烘底夠脆口蔥油豬扒煎雙蛋飯豬扒厚身，兩邊有煎香，肉質幾好👍🏻 煎蛋係流心蛋，吉穿蛋黃連埋薑蓉白飯一齊食，唔覺唔覺就食晒碟飯奶醬多，咖吔多士兩款多士都有烘底，仲要烘得幾香脆奶醬多嘅花生醬有唔少花生碎粒，增加口感，加埋煉奶嘅香甜，唔洗一陣成碟就食晒咖吔多就比較邪惡，中間有半融嘅牛油，連埋咖吔醬，又係秒速清碟熱薑檸樂，熱杏霜杯薑檸樂好重薑味，酸酸辣辣甜甜咁，幾特別，而杯熱杏霜就幾重杏仁味，亦唔會過甜，幾好味